| Library / Tipiṭaka / திபிடக • Tipiṭaka / சூளனித்³தே³ஸ-அட்ட²கதா² • Cūḷaniddesa-aṭṭhakathā |
12. ப⁴த்³ராவுத⁴மாணவஸுத்தனித்³தே³ஸவண்ணனா
12. Bhadrāvudhamāṇavasuttaniddesavaṇṇanā
70. த்³வாத³ஸமே ப⁴த்³ராவுத⁴ஸுத்தே – ஓகஞ்ஜஹந்தி ஆலயங் ஜஹங். தண்ஹச்சி²த³ந்தி தண்ஹாகாயச்சி²த³ங். அனேஜந்தி லோகத⁴ம்மேஸு நிக்கம்பங். நந்தி³ஞ்ஜஹந்தி அனாக³தரூபாதி³பத்த²னாஜஹங். ஏகா ஏவ ஹி ஸா தண்ஹா, து²திவஸேன இத⁴ நானப்பகாரதோ வுத்தா. கப்பஞ்ஜஹந்தி து³வித⁴ங் கப்பஜஹங். அபி⁴யாசேதி அதிவிய யாசாமி. ஸுத்வான நாக³ஸ்ஸ அபனமிஸ்ஸந்தி இதோதி நாக³ஸ்ஸ தவ ப⁴க³வதோ வசனங் ஸுத்வா இதோ பாஸாணகசேதியதோ ப³ஹுஜனா பக்கமிஸ்ஸந்தீதி அதி⁴ப்பாயோ.
70. Dvādasame bhadrāvudhasutte – okañjahanti ālayaṃ jahaṃ. Taṇhacchidanti taṇhākāyacchidaṃ. Anejanti lokadhammesu nikkampaṃ. Nandiñjahanti anāgatarūpādipatthanājahaṃ. Ekā eva hi sā taṇhā, thutivasena idha nānappakārato vuttā. Kappañjahanti duvidhaṃ kappajahaṃ. Abhiyāceti ativiya yācāmi. Sutvāna nāgassa apanamissanti itoti nāgassa tava bhagavato vacanaṃ sutvā ito pāsāṇakacetiyato bahujanā pakkamissantīti adhippāyo.
யே உபயுபாதா³னாதி தண்ஹாதி³ட்டீ²ஹி உபக³ந்த்வா க³ஹிதா. சேதஸோ அதி⁴ட்டா²னாதி சித்தே பதிட்டி²தா. அபி⁴னிவேஸானுஸயாதி பதிட்ட²ஹித்வா ஆக³ந்த்வா ஸயிதா.
Yeupayupādānāti taṇhādiṭṭhīhi upagantvā gahitā. Cetaso adhiṭṭhānāti citte patiṭṭhitā. Abhinivesānusayāti patiṭṭhahitvā āgantvā sayitā.
71. ஜனபதே³ஹி ஸங்க³தாதி அங்கா³தீ³ஹி ஜனபதே³ஹி இத⁴ ஸமாக³தா. வியாகரோஹீதி த⁴ம்மங் தே³ஸேஹி.
71.Janapadehi saṅgatāti aṅgādīhi janapadehi idha samāgatā. Viyākarohīti dhammaṃ desehi.
ஸங்க³தாதி ஏதே க²த்தியாத³யோ ஏகீபூ⁴தா. ஸமாக³தாதி வுத்தப்பகாரேஹி ஜனபதே³ஹி ஆக³தா. ஸமோஹிதாதி ராஸீபூ⁴தா. ஸன்னிபதிதாதி அதி⁴யோகா³.
Saṅgatāti ete khattiyādayo ekībhūtā. Samāgatāti vuttappakārehi janapadehi āgatā. Samohitāti rāsībhūtā. Sannipatitāti adhiyogā.
72. அத²ஸ்ஸ ஆஸயானுலோமேன த⁴ம்மங் தே³ஸெந்தோ ப⁴க³வா உபரூபரிகா³தா²யோ அபா⁴ஸி. தத்த² ஆதா³னதண்ஹந்தி ரூபாதீ³னங் ஆதா³யிகங் க³ஹணதண்ஹங், தண்ஹுபாதா³னந்தி வுத்தங் ஹோதி. யங் யஞ்ஹி லோகஸ்மிமுபாதி³யந்தீதி ஏதேஸு உத்³தா⁴தி³பே⁴தே³ஸு யங் யங் க³ண்ஹந்தி. தேனேவ மாரோ அன்வேதி ஜந்துந்தி தேனேவ உபாதா³னபச்சயனிப்³ப³த்தகம்மாபி⁴ஸங்கா²ரனிப்³ப³த்தவஸேன படிஸந்தி⁴க்க²ந்த⁴மாரோ தங் ஸத்தங் அனுக³ச்ச²தி.
72. Athassa āsayānulomena dhammaṃ desento bhagavā uparūparigāthāyo abhāsi. Tattha ādānataṇhanti rūpādīnaṃ ādāyikaṃ gahaṇataṇhaṃ, taṇhupādānanti vuttaṃ hoti. Yaṃ yañhi lokasmimupādiyantīti etesu uddhādibhedesu yaṃ yaṃ gaṇhanti. Teneva māro anvetijantunti teneva upādānapaccayanibbattakammābhisaṅkhāranibbattavasena paṭisandhikkhandhamāro taṃ sattaṃ anugacchati.
73. தஸ்மா பஜானந்தி தஸ்மா ஏதமாதீ³னவங் அனிச்சாதி³வஸேன வா ஸங்கா²ரே பஜானந்தோ. ஆதா³னஸத்தே இதி பெக்க²மானோ, பஜங் இமங் மச்சுதெ⁴ய்யே விஸத்தந்தி ஆதா³தப்³ப³ட்டே²ன ஆதா³னேஸு ரூபாதீ³ஸு ஸத்தே ஸப்³ப³லோகே இமங் பஜங் மச்சுதெ⁴ய்யே லக்³க³ங் பெக்க²மானோ , ஆதா³னஸத்தே வா ஆதா³னாபி⁴னிவிட்டே² புக்³க³லே ஆதா³னஸங்க³ஹேதுஞ்ச இமங் பஜங் மச்சுதெ⁴ய்யே லக்³க³ங் ததோ வீதிக்கமிதுங் அஸமத்த²ங் இதி பெக்க²மானோ கிஞ்சனங் ஸப்³ப³லோகே ந உபாதி³யேதா²தி. ஸேஸங் ஸப்³ப³த்த² பாகடமேவ.
73.Tasmā pajānanti tasmā etamādīnavaṃ aniccādivasena vā saṅkhāre pajānanto. Ādānasatte iti pekkhamāno, pajaṃ imaṃ maccudheyye visattanti ādātabbaṭṭhena ādānesu rūpādīsu satte sabbaloke imaṃ pajaṃ maccudheyye laggaṃ pekkhamāno , ādānasatte vā ādānābhiniviṭṭhe puggale ādānasaṅgahetuñca imaṃ pajaṃ maccudheyye laggaṃ tato vītikkamituṃ asamatthaṃ iti pekkhamāno kiñcanaṃ sabbaloke na upādiyethāti. Sesaṃ sabbattha pākaṭameva.
ஏவங் ப⁴க³வா இத³ம்பி ஸுத்தங் அரஹத்தனிகூடேனேவ தே³ஸேஸி, தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ஸத்³த⁴ம்மப்பஜ்ஜோதிகாய சூளனித்³தே³ஸ-அட்ட²கதா²ய
Saddhammappajjotikāya cūḷaniddesa-aṭṭhakathāya
ப⁴த்³ராவுத⁴ஸுத்தனித்³தே³ஸவண்ணனா நிட்டி²தா.
Bhadrāvudhasuttaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / சூளனித்³தே³ஸபாளி • Cūḷaniddesapāḷi
12. ப⁴த்³ராவுத⁴மாணவபுச்சா² • 12. Bhadrāvudhamāṇavapucchā
12. ப⁴த்³ராவுத⁴மாணவபுச்சா²னித்³தே³ஸோ • 12. Bhadrāvudhamāṇavapucchāniddeso
