| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
12. бхад̣̇раавуд̇хамаан̣авасуд̇д̇анид̣̇д̣̇зсаван̣н̣анаа
12. Bhadrāvudhamāṇavasuttaniddesavaṇṇanā
70. д̣̇ваад̣̇асамз бхад̣̇раавуд̇хасуд̇д̇з – оган̃ж̇аханд̇и аалаяам̣ ж̇ахам̣. д̇ан̣хажчид̣̇анд̇и д̇ан̣хаагааяажчид̣̇ам̣. анзж̇анд̇и логад̇хаммзсу ниггамбам̣. нанд̣̇ин̃ж̇аханд̇и анааг̇ад̇аруубаад̣̇ибад̇т̇анааж̇ахам̣. згаа зва хи саа д̇ан̣хаа, т̇уд̇ивасзна ид̇ха наанаббагаарад̇о вуд̇д̇аа. габбан̃ж̇аханд̇и д̣̇увид̇хам̣ габбаж̇ахам̣. абхияаажзд̇и ад̇ивияа яаажаами. суд̇ваана нааг̇асса абанамиссанд̇и ид̇од̇и нааг̇асса д̇ава бхаг̇авад̇о важанам̣ суд̇ваа ид̇о баасаан̣агажзд̇ияад̇о б̣ахуж̇анаа баггамиссанд̇ийд̇и ад̇хиббааяо.
70. Dvādasame bhadrāvudhasutte – okañjahanti ālayaṃ jahaṃ. Taṇhacchidanti taṇhākāyacchidaṃ. Anejanti lokadhammesu nikkampaṃ. Nandiñjahanti anāgatarūpādipatthanājahaṃ. Ekā eva hi sā taṇhā, thutivasena idha nānappakārato vuttā. Kappañjahanti duvidhaṃ kappajahaṃ. Abhiyāceti ativiya yācāmi. Sutvāna nāgassa apanamissanti itoti nāgassa tava bhagavato vacanaṃ sutvā ito pāsāṇakacetiyato bahujanā pakkamissantīti adhippāyo.
яз убаяубаад̣̇аанаад̇и д̇ан̣хаад̣̇идтийхи убаг̇анд̇ваа г̇ахид̇аа. жзд̇асо ад̇хидтаанаад̇и жид̇д̇з бад̇идтид̇аа. абхинивзсаанусаяаад̇и бад̇идтахид̇ваа ааг̇анд̇ваа саяид̇аа.
Yeupayupādānāti taṇhādiṭṭhīhi upagantvā gahitā. Cetaso adhiṭṭhānāti citte patiṭṭhitā. Abhinivesānusayāti patiṭṭhahitvā āgantvā sayitā.
71. ж̇анабад̣̇зхи сан̇г̇ад̇аад̇и ан̇г̇аад̣̇ийхи ж̇анабад̣̇зхи ид̇ха самааг̇ад̇аа. вияаагарохийд̇и д̇хаммам̣ д̣̇зсзхи.
71.Janapadehi saṅgatāti aṅgādīhi janapadehi idha samāgatā. Viyākarohīti dhammaṃ desehi.
сан̇г̇ад̇аад̇и зд̇з кад̇д̇ияаад̣̇аяо згийбхууд̇аа. самааг̇ад̇аад̇и вуд̇д̇аббагаарзхи ж̇анабад̣̇зхи ааг̇ад̇аа. самохид̇аад̇и раасийбхууд̇аа. саннибад̇ид̇аад̇и ад̇хияог̇аа.
Saṅgatāti ete khattiyādayo ekībhūtā. Samāgatāti vuttappakārehi janapadehi āgatā. Samohitāti rāsībhūtā. Sannipatitāti adhiyogā.
72. ат̇асса аасаяаануломзна д̇хаммам̣ д̣̇зсзнд̇о бхаг̇аваа убаруубариг̇аат̇ааяо абхааси. д̇ад̇т̇а аад̣̇аанад̇ан̣ханд̇и руубаад̣̇ийнам̣ аад̣̇ааяигам̣ г̇ахан̣ад̇ан̣хам̣, д̇ан̣хубаад̣̇аананд̇и вуд̇д̇ам̣ ход̇и. яам̣ яан̃хи логасмимубаад̣̇ияанд̇ийд̇и зд̇зсу уд̣̇д̇хаад̣̇ибхзд̣̇зсу яам̣ яам̣ г̇ан̣ханд̇и. д̇знзва мааро анвзд̇и ж̇анд̇унд̇и д̇знзва убаад̣̇аанабажжаяаниб̣б̣ад̇д̇агаммаабхисан̇каараниб̣б̣ад̇д̇авасзна бадисанд̇хигканд̇хамааро д̇ам̣ сад̇д̇ам̣ ануг̇ажчад̇и.
72. Athassa āsayānulomena dhammaṃ desento bhagavā uparūparigāthāyo abhāsi. Tattha ādānataṇhanti rūpādīnaṃ ādāyikaṃ gahaṇataṇhaṃ, taṇhupādānanti vuttaṃ hoti. Yaṃ yañhi lokasmimupādiyantīti etesu uddhādibhedesu yaṃ yaṃ gaṇhanti. Teneva māro anvetijantunti teneva upādānapaccayanibbattakammābhisaṅkhāranibbattavasena paṭisandhikkhandhamāro taṃ sattaṃ anugacchati.
73. д̇асмаа баж̇аананд̇и д̇асмаа зд̇амаад̣̇ийнавам̣ анижжаад̣̇ивасзна ваа сан̇каарз баж̇аананд̇о. аад̣̇аанасад̇д̇з ид̇и бзгкамаано, баж̇ам̣ имам̣ мажжуд̇хзяяз висад̇д̇анд̇и аад̣̇аад̇аб̣б̣адтзна аад̣̇аанзсу руубаад̣̇ийсу сад̇д̇з саб̣б̣алогз имам̣ баж̇ам̣ мажжуд̇хзяяз лаг̇г̇ам̣ бзгкамаано , аад̣̇аанасад̇д̇з ваа аад̣̇аанаабхинивидтз буг̇г̇алз аад̣̇аанасан̇г̇ахзд̇ун̃жа имам̣ баж̇ам̣ мажжуд̇хзяяз лаг̇г̇ам̣ д̇ад̇о вийд̇иггамид̇ум̣ асамад̇т̇ам̣ ид̇и бзгкамаано гин̃жанам̣ саб̣б̣алогз на убаад̣̇иязт̇аад̇и. сзсам̣ саб̣б̣ад̇т̇а баагадамзва.
73.Tasmā pajānanti tasmā etamādīnavaṃ aniccādivasena vā saṅkhāre pajānanto. Ādānasatte iti pekkhamāno, pajaṃ imaṃ maccudheyye visattanti ādātabbaṭṭhena ādānesu rūpādīsu satte sabbaloke imaṃ pajaṃ maccudheyye laggaṃ pekkhamāno , ādānasatte vā ādānābhiniviṭṭhe puggale ādānasaṅgahetuñca imaṃ pajaṃ maccudheyye laggaṃ tato vītikkamituṃ asamatthaṃ iti pekkhamāno kiñcanaṃ sabbaloke na upādiyethāti. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
бхад̣̇раавуд̇хасуд̇д̇анид̣̇д̣̇зсаван̣н̣анаа нидтид̇аа.
Bhadrāvudhasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
12. бхад̣̇раавуд̇хамаан̣авабужчаа • 12. Bhadrāvudhamāṇavapucchā
12. бхад̣̇раавуд̇хамаан̣авабужчаанид̣̇д̣̇зсо • 12. Bhadrāvudhamāṇavapucchāniddeso
