| Library / Tipiṭaka / ਤਿਪਿਟਕ • Tipiṭaka / ਚੂਲ਼ਨਿਦ੍ਦੇਸ-ਅਟ੍ਠਕਥਾ • Cūḷaniddesa-aṭṭhakathā |
੧੨. ਭਦ੍ਰਾવੁਧਮਾਣવਸੁਤ੍ਤਨਿਦ੍ਦੇਸવਣ੍ਣਨਾ
12. Bhadrāvudhamāṇavasuttaniddesavaṇṇanā
੭੦. ਦ੍વਾਦਸਮੇ ਭਦ੍ਰਾવੁਧਸੁਤ੍ਤੇ – ਓਕਞ੍ਜਹਨ੍ਤਿ ਆਲਯਂ ਜਹਂ। ਤਣ੍ਹਚ੍ਛਿਦਨ੍ਤਿ ਤਣ੍ਹਾਕਾਯਚ੍ਛਿਦਂ। ਅਨੇਜਨ੍ਤਿ ਲੋਕਧਮ੍ਮੇਸੁ ਨਿਕ੍ਕਮ੍ਪਂ। ਨਨ੍ਦਿਞ੍ਜਹਨ੍ਤਿ ਅਨਾਗਤਰੂਪਾਦਿਪਤ੍ਥਨਾਜਹਂ। ਏਕਾ ਏવ ਹਿ ਸਾ ਤਣ੍ਹਾ, ਥੁਤਿવਸੇਨ ਇਧ ਨਾਨਪ੍ਪਕਾਰਤੋ વੁਤ੍ਤਾ। ਕਪ੍ਪਞ੍ਜਹਨ੍ਤਿ ਦੁવਿਧਂ ਕਪ੍ਪਜਹਂ। ਅਭਿਯਾਚੇਤਿ ਅਤਿવਿਯ ਯਾਚਾਮਿ। ਸੁਤ੍વਾਨ ਨਾਗਸ੍ਸ ਅਪਨਮਿਸ੍ਸਨ੍ਤਿ ਇਤੋਤਿ ਨਾਗਸ੍ਸ ਤવ ਭਗવਤੋ વਚਨਂ ਸੁਤ੍વਾ ਇਤੋ ਪਾਸਾਣਕਚੇਤਿਯਤੋ ਬਹੁਜਨਾ ਪਕ੍ਕਮਿਸ੍ਸਨ੍ਤੀਤਿ ਅਧਿਪ੍ਪਾਯੋ।
70. Dvādasame bhadrāvudhasutte – okañjahanti ālayaṃ jahaṃ. Taṇhacchidanti taṇhākāyacchidaṃ. Anejanti lokadhammesu nikkampaṃ. Nandiñjahanti anāgatarūpādipatthanājahaṃ. Ekā eva hi sā taṇhā, thutivasena idha nānappakārato vuttā. Kappañjahanti duvidhaṃ kappajahaṃ. Abhiyāceti ativiya yācāmi. Sutvāna nāgassa apanamissanti itoti nāgassa tava bhagavato vacanaṃ sutvā ito pāsāṇakacetiyato bahujanā pakkamissantīti adhippāyo.
ਯੇ ਉਪਯੁਪਾਦਾਨਾਤਿ ਤਣ੍ਹਾਦਿਟ੍ਠੀਹਿ ਉਪਗਨ੍ਤ੍વਾ ਗਹਿਤਾ। ਚੇਤਸੋ ਅਧਿਟ੍ਠਾਨਾਤਿ ਚਿਤ੍ਤੇ ਪਤਿਟ੍ਠਿਤਾ। ਅਭਿਨਿવੇਸਾਨੁਸਯਾਤਿ ਪਤਿਟ੍ਠਹਿਤ੍વਾ ਆਗਨ੍ਤ੍વਾ ਸਯਿਤਾ।
Yeupayupādānāti taṇhādiṭṭhīhi upagantvā gahitā. Cetaso adhiṭṭhānāti citte patiṭṭhitā. Abhinivesānusayāti patiṭṭhahitvā āgantvā sayitā.
੭੧. ਜਨਪਦੇਹਿ ਸਙ੍ਗਤਾਤਿ ਅਙ੍ਗਾਦੀਹਿ ਜਨਪਦੇਹਿ ਇਧ ਸਮਾਗਤਾ। વਿਯਾਕਰੋਹੀਤਿ ਧਮ੍ਮਂ ਦੇਸੇਹਿ।
71.Janapadehi saṅgatāti aṅgādīhi janapadehi idha samāgatā. Viyākarohīti dhammaṃ desehi.
ਸਙ੍ਗਤਾਤਿ ਏਤੇ ਖਤ੍ਤਿਯਾਦਯੋ ਏਕੀਭੂਤਾ। ਸਮਾਗਤਾਤਿ વੁਤ੍ਤਪ੍ਪਕਾਰੇਹਿ ਜਨਪਦੇਹਿ ਆਗਤਾ। ਸਮੋਹਿਤਾਤਿ ਰਾਸੀਭੂਤਾ। ਸਨ੍ਨਿਪਤਿਤਾਤਿ ਅਧਿਯੋਗਾ।
Saṅgatāti ete khattiyādayo ekībhūtā. Samāgatāti vuttappakārehi janapadehi āgatā. Samohitāti rāsībhūtā. Sannipatitāti adhiyogā.
੭੨. ਅਥਸ੍ਸ ਆਸਯਾਨੁਲੋਮੇਨ ਧਮ੍ਮਂ ਦੇਸੇਨ੍ਤੋ ਭਗવਾ ਉਪਰੂਪਰਿਗਾਥਾਯੋ ਅਭਾਸਿ। ਤਤ੍ਥ ਆਦਾਨਤਣ੍ਹਨ੍ਤਿ ਰੂਪਾਦੀਨਂ ਆਦਾਯਿਕਂ ਗਹਣਤਣ੍ਹਂ, ਤਣ੍ਹੁਪਾਦਾਨਨ੍ਤਿ વੁਤ੍ਤਂ ਹੋਤਿ। ਯਂ ਯਞ੍ਹਿ ਲੋਕਸ੍ਮਿਮੁਪਾਦਿਯਨ੍ਤੀਤਿ ਏਤੇਸੁ ਉਦ੍ਧਾਦਿਭੇਦੇਸੁ ਯਂ ਯਂ ਗਣ੍ਹਨ੍ਤਿ। ਤੇਨੇવ ਮਾਰੋ ਅਨ੍વੇਤਿ ਜਨ੍ਤੁਨ੍ਤਿ ਤੇਨੇવ ਉਪਾਦਾਨਪਚ੍ਚਯਨਿਬ੍ਬਤ੍ਤਕਮ੍ਮਾਭਿਸਙ੍ਖਾਰਨਿਬ੍ਬਤ੍ਤવਸੇਨ ਪਟਿਸਨ੍ਧਿਕ੍ਖਨ੍ਧਮਾਰੋ ਤਂ ਸਤ੍ਤਂ ਅਨੁਗਚ੍ਛਤਿ।
72. Athassa āsayānulomena dhammaṃ desento bhagavā uparūparigāthāyo abhāsi. Tattha ādānataṇhanti rūpādīnaṃ ādāyikaṃ gahaṇataṇhaṃ, taṇhupādānanti vuttaṃ hoti. Yaṃ yañhi lokasmimupādiyantīti etesu uddhādibhedesu yaṃ yaṃ gaṇhanti. Teneva māro anvetijantunti teneva upādānapaccayanibbattakammābhisaṅkhāranibbattavasena paṭisandhikkhandhamāro taṃ sattaṃ anugacchati.
੭੩. ਤਸ੍ਮਾ ਪਜਾਨਨ੍ਤਿ ਤਸ੍ਮਾ ਏਤਮਾਦੀਨવਂ ਅਨਿਚ੍ਚਾਦਿવਸੇਨ વਾ ਸਙ੍ਖਾਰੇ ਪਜਾਨਨ੍ਤੋ। ਆਦਾਨਸਤ੍ਤੇ ਇਤਿ ਪੇਕ੍ਖਮਾਨੋ, ਪਜਂ ਇਮਂ ਮਚ੍ਚੁਧੇਯ੍ਯੇ વਿਸਤ੍ਤਨ੍ਤਿ ਆਦਾਤਬ੍ਬਟ੍ਠੇਨ ਆਦਾਨੇਸੁ ਰੂਪਾਦੀਸੁ ਸਤ੍ਤੇ ਸਬ੍ਬਲੋਕੇ ਇਮਂ ਪਜਂ ਮਚ੍ਚੁਧੇਯ੍ਯੇ ਲਗ੍ਗਂ ਪੇਕ੍ਖਮਾਨੋ , ਆਦਾਨਸਤ੍ਤੇ વਾ ਆਦਾਨਾਭਿਨਿવਿਟ੍ਠੇ ਪੁਗ੍ਗਲੇ ਆਦਾਨਸਙ੍ਗਹੇਤੁਞ੍ਚ ਇਮਂ ਪਜਂ ਮਚ੍ਚੁਧੇਯ੍ਯੇ ਲਗ੍ਗਂ ਤਤੋ વੀਤਿਕ੍ਕਮਿਤੁਂ ਅਸਮਤ੍ਥਂ ਇਤਿ ਪੇਕ੍ਖਮਾਨੋ ਕਿਞ੍ਚਨਂ ਸਬ੍ਬਲੋਕੇ ਨ ਉਪਾਦਿਯੇਥਾਤਿ। ਸੇਸਂ ਸਬ੍ਬਤ੍ਥ ਪਾਕਟਮੇવ।
73.Tasmā pajānanti tasmā etamādīnavaṃ aniccādivasena vā saṅkhāre pajānanto. Ādānasatte iti pekkhamāno, pajaṃ imaṃ maccudheyye visattanti ādātabbaṭṭhena ādānesu rūpādīsu satte sabbaloke imaṃ pajaṃ maccudheyye laggaṃ pekkhamāno , ādānasatte vā ādānābhiniviṭṭhe puggale ādānasaṅgahetuñca imaṃ pajaṃ maccudheyye laggaṃ tato vītikkamituṃ asamatthaṃ iti pekkhamāno kiñcanaṃ sabbaloke na upādiyethāti. Sesaṃ sabbattha pākaṭameva.
ਏવਂ ਭਗવਾ ਇਦਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ, ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ਸਦ੍ਧਮ੍ਮਪ੍ਪਜ੍ਜੋਤਿਕਾਯ ਚੂਲ਼ਨਿਦ੍ਦੇਸ-ਅਟ੍ਠਕਥਾਯ
Saddhammappajjotikāya cūḷaniddesa-aṭṭhakathāya
ਭਦ੍ਰਾવੁਧਸੁਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Bhadrāvudhasuttaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਚੂਲ਼ਨਿਦ੍ਦੇਸਪਾਲ਼ਿ • Cūḷaniddesapāḷi
੧੨. ਭਦ੍ਰਾવੁਧਮਾਣવਪੁਚ੍ਛਾ • 12. Bhadrāvudhamāṇavapucchā
੧੨. ਭਦ੍ਰਾવੁਧਮਾਣવਪੁਚ੍ਛਾਨਿਦ੍ਦੇਸੋ • 12. Bhadrāvudhamāṇavapucchāniddeso
