| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༥. བྷགཝཏོ ཨུཔསམྤདཱཔཉྷོ
5. Bhagavato upasampadāpañho
༥. རཱཛཱ ཨཱཧ ‘‘བྷནྟེ ནཱགསེན, ཨུཔསམྤདཱ སུནྡརཱ’’ཏི? ‘‘ཨཱམ, མཧཱརཱཛ, ཨུཔསམྤདཱ སུནྡརཱ’’ཏི། ‘‘ཨཏྠི པན, བྷནྟེ, བུདྡྷསྶ ཨུཔསམྤདཱ, ཨུདཱཧུ ནཏྠཱི’’ཏི? ‘‘ཨུཔསམྤནྣོ ཁོ, མཧཱརཱཛ , བྷགཝཱ བོདྷིརུཀྑམཱུལེ སཧ སབྦཉྙུཏཉཱཎེན, ནཏྠི བྷགཝཏོ ཨུཔསམྤདཱ ཨཉྙེཧི དིནྣཱ, ཡཐཱ སཱཝཀཱནཾ, མཧཱརཱཛ, བྷགཝཱ སིཀྑཱཔདཾ པཉྙཔེཏི ཡཱཝཛཱིཝཾ ཨནཏིཀྐམནཱིཡ’’ནྟི།
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
བྷགཝཏོ ཨུཔསམྤདཱཔཉྷོ པཉྩམོ།
Bhagavato upasampadāpañho pañcamo.
