| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. убааливаг̇г̇о
5. Upālivaggo
1. бхааг̇инзяяубаалид̇т̇зраабад̣̇аанаван̣н̣анаа
1. Bhāgineyyupālittheraapadānavaṇṇanā
кийн̣аасавасахассзхийд̇иаад̣̇игам̣ ааяасмад̇о убаалид̇т̇зрасса бхааг̇инзяяубаалид̇т̇зрасса абад̣̇аанам̣. зсо хи т̇зро буримаб̣уд̣̇д̇хзсу гад̇аад̇хигааро д̇асмим̣ д̇асмим̣ бхавз бун̃н̃аани убажинанд̇о бад̣̇умуд̇д̇арасса бхаг̇авад̇о гаалз згасмим̣ гулз ниб̣б̣ад̇д̇о вуд̣̇д̇химанвааяа гхарааваасз аад̣̇ийнавам̣ д̣̇исваа г̇зхам̣ бахааяа исибаб̣б̣аж̇ж̇ам̣ баб̣б̣аж̇ид̇ваа бан̃жаабхин̃н̃ааадтасамаабад̇д̇илаабхий худ̇ваа химаванд̇з ваасам̣ габбзси. д̇асмим̣ самаяз бад̣̇умуд̇д̇аро бхаг̇аваа вивзгагаамо химаванд̇ам̣ баависи. д̇аабасо бхаг̇аванд̇ам̣ бун̣н̣ажанд̣̇амива вирожамаанам̣ д̣̇уурад̇ова д̣̇исваа басаннамаанасо аж̇инажаммам̣ ам̣сз гад̇ваа ан̃ж̇алим̣ баг̇г̇аяха ванд̣̇ид̇ваа тид̇агова д̣̇асанакасамод̇хаанан̃ж̇алим̣ сираси бад̇идтабзд̇ваа анзгаахи убамаахи анзгзхи т̇уд̇иважанзхи бхаг̇аванд̇ам̣ т̇омзси. д̇ам̣ суд̇ваа бхаг̇аваа – ‘‘аяам̣ д̇аабасо анааг̇ад̇з г̇од̇амасса наама бхаг̇авад̇о саасанз баб̣б̣аж̇ид̇ваа винаяз д̇икин̣абан̃н̃аанам̣ аг̇г̇о бхависсад̇ий’’д̇и б̣яаагаран̣амад̣̇ааси. со яаавад̇ааяугам̣ тад̇ваа абарихийнаж̇жхаано б̣рахмалогз ниб̣б̣ад̇д̇и. д̇ад̇о жуд̇о д̣̇звамануссзсу сам̣саранд̇о самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з габилавад̇т̇унаг̇арз убаалид̇т̇зрасса бхааг̇инзяяо худ̇ваа ниб̣б̣ад̇д̇и. со гамзна вуд̣̇д̇хиббад̇д̇о маад̇уласса убаалид̇т̇зраса санд̇игз баб̣б̣аж̇ид̇ваа гаммадтаанам̣ г̇ахзд̇ваа вибассанам̣ вад̣дхзд̇ваа нажирассзва арахаа ахоси. со ад̇д̇ано аажарияасса самийбз васид̇ад̇д̇аа винаяабан̃хз д̇икин̣ан̃аан̣о ахоси. ат̇а бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ винаяабан̃хз д̇икин̣абан̃н̃аанам̣ бхигкуунам̣ яад̣̇ид̣̇ам̣ бхааг̇инзяяубаалий’’д̇и д̇ам̣ зд̇ад̣̇аг̇г̇адтаанз табзси.
Khīṇāsavasahassehītiādikaṃ āyasmato upālittherassa bhāgineyyupālittherassa apadānaṃ. Eso hi thero purimabuddhesu katādhikāro tasmiṃ tasmiṃ bhave puññāni upacinanto padumuttarassa bhagavato kāle ekasmiṃ kule nibbatto vuddhimanvāya gharāvāse ādīnavaṃ disvā gehaṃ pahāya isipabbajjaṃ pabbajitvā pañcābhiññāaṭṭhasamāpattilābhī hutvā himavante vāsaṃ kappesi. Tasmiṃ samaye padumuttaro bhagavā vivekakāmo himavantaṃ pāvisi. Tāpaso bhagavantaṃ puṇṇacandamiva virocamānaṃ dūratova disvā pasannamānaso ajinacammaṃ aṃse katvā añjaliṃ paggayha vanditvā ṭhitakova dasanakhasamodhānañjaliṃ sirasi patiṭṭhapetvā anekāhi upamāhi anekehi thutivacanehi bhagavantaṃ thomesi. Taṃ sutvā bhagavā – ‘‘ayaṃ tāpaso anāgate gotamassa nāma bhagavato sāsane pabbajitvā vinaye tikhiṇapaññānaṃ aggo bhavissatī’’ti byākaraṇamadāsi. So yāvatāyukaṃ ṭhatvā aparihīnajjhāno brahmaloke nibbatti. Tato cuto devamanussesu saṃsaranto sampattiyo anubhavitvā imasmiṃ buddhuppāde kapilavatthunagare upālittherassa bhāgineyyo hutvā nibbatti. So kamena vuddhippatto mātulassa upālittherasa santike pabbajitvā kammaṭṭhānaṃ gahetvā vipassanaṃ vaḍḍhetvā nacirasseva arahā ahosi. So attano ācariyassa samīpe vasitattā vinayapañhe tikhiṇañāṇo ahosi. Atha bhagavā ‘‘etadaggaṃ, bhikkhave, mama sāvakānaṃ bhikkhūnaṃ vinayapañhe tikhiṇapaññānaṃ bhikkhūnaṃ yadidaṃ bhāgineyyupālī’’ti taṃ etadaggaṭṭhāne ṭhapesi.
1. со звам̣ зд̇ад̣̇аг̇г̇адтаанам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о кийн̣аасавасахассзхийд̇иаад̣̇имааха. д̇ад̇т̇а аа саманд̇ад̇о яаавабхаваг̇г̇аа саванд̇и бавад̇д̇анд̇ийд̇и аасаваа. гаамаасаваад̣̇аяо жад̇д̇ааро аасаваа, д̇з кийн̣аа сосид̇аа висосид̇аа вид̣̇д̇хам̣сид̇аа язхи д̇зд̇и кийн̣аасаваа, д̇зязва сахассаа кийн̣аасавасахассаа, д̇зхи кийн̣аасавасахассзхи . барзд̇о баривуд̇о логанааяаго логасса ниб̣б̣аанабаабанаго вивзгам̣ ануяуд̇д̇о бадисаллид̇ум̣ згийбхавид̇ум̣ г̇ажчад̇зд̇и самб̣анд̇хо.
1. So evaṃ etadaggaṭṭhānaṃ patvā attano pubbakammaṃ saritvā somanassajāto pubbacaritāpadānaṃ pakāsento khīṇāsavasahassehītiādimāha. Tattha ā samantato yāvabhavaggā savanti pavattantīti āsavā. Kāmāsavādayo cattāro āsavā, te khīṇā sositā visositā viddhaṃsitā yehi teti khīṇāsavā, teyeva sahassā khīṇāsavasahassā, tehi khīṇāsavasahassehi . Pareto parivuto lokanāyako lokassa nibbānapāpanako vivekaṃ anuyutto paṭisallituṃ ekībhavituṃ gacchateti sambandho.
2. аж̇инзна нивад̇т̇оханд̇и ахам̣ аж̇инамиг̇ажаммзна бадижчанно, аж̇инажаммавасанод̇и ад̇т̇о. д̇ид̣̇ан̣д̣абарид̇хаарагод̇и гун̣д̣игадтабанад̇т̇ааяа д̇ид̣̇ан̣д̣ам̣ г̇ахзд̇ваа д̇хаарзнд̇од̇и ад̇т̇о. бхигкусан̇гхзна бариб̣яуул̣хам̣ бариваарид̇ам̣ логанааяагам̣ ад̣̇д̣̇асанд̇и самб̣анд̇хо. сзсам̣ баагадамзваад̇и.
2.Ajinena nivatthohanti ahaṃ ajinamigacammena paṭicchanno, ajinacammavasanoti attho. Tidaṇḍaparidhārakoti kuṇḍikaṭṭhapanatthāya tidaṇḍaṃ gahetvā dhārentoti attho. Bhikkhusaṅghena paribyūḷhaṃ parivāritaṃ lokanāyakaṃ addasanti sambandho. Sesaṃ pākaṭamevāti.
бхааг̇инзяяубаалид̇т̇зраабад̣̇аанаван̣н̣анаа самад̇д̇аа.
Bhāgineyyupālittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. бхааг̇инзяяубаалид̇т̇зраабад̣̇аанам̣ • 1. Bhāgineyyupālittheraapadānaṃ
