| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. бхаг̇уд̇т̇зраг̇аат̇ааван̣н̣анаа
2. Bhaguttheragāthāvaṇṇanā
ахам̣ мид̣̇д̇хзнаад̇иаад̣̇игаа ааяасмад̇о бхаг̇уд̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з д̇асса д̇хаад̇уяо бубпзхи бууж̇зси. со д̇зна бун̃н̃агаммзна ниммаанарад̇ийсу ниб̣б̣ад̇д̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сагяарааж̇агулз ниб̣б̣ад̇д̇ид̇ваа бхаг̇ууд̇и лад̣̇д̇ханаамо ваяаббад̇д̇о ануруд̣̇д̇хагимилзхи сад̣̇д̇хим̣ нигкамид̇ваа баб̣б̣аж̇ид̇ваа б̣аалагалон̣агаг̇аамз васанд̇о згад̣̇ивасам̣ т̇инамид̣̇д̇хаабхибхавам̣ винод̣̇зд̇ум̣ вихаарад̇о нигкамма жан̇гамам̣ абхируханд̇о бабад̇ид̇ваа д̇ад̣̇зва ан̇гусам̣ гад̇ваа т̇инамид̣̇д̇хам̣ винод̣̇зд̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.46.49-57) –
Ahaṃ middhenātiādikā āyasmato bhaguttherassa gāthā. Kā uppatti? Ayaṃ kira padumuttarassa bhagavato kāle kulagehe nibbattitvā viññutaṃ patto satthari parinibbute tassa dhātuyo pupphehi pūjesi. So tena puññakammena nimmānaratīsu nibbattitvā aparāparaṃ devamanussesu saṃsaranto imasmiṃ buddhuppāde sakyarājakule nibbattitvā bhagūti laddhanāmo vayappatto anuruddhakimilehi saddhiṃ nikkhamitvā pabbajitvā bālakaloṇakagāme vasanto ekadivasaṃ thinamiddhābhibhavaṃ vinodetuṃ vihārato nikkhamma caṅkamaṃ abhiruhanto papatitvā tadeva aṅkusaṃ katvā thinamiddhaṃ vinodetvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.46.49-57) –
‘‘бариниб̣б̣уд̇з бхаг̇авад̇и, бад̣̇умуд̇д̇арз махааяасз;
‘‘Parinibbute bhagavati, padumuttare mahāyase;
бубпавадам̣сагз гад̇ваа, сарийрамабхиробаяим̣.
Pupphavaṭaṃsake katvā, sarīramabhiropayiṃ.
‘‘д̇ад̇т̇а жид̇д̇ам̣ басаад̣̇зд̇ваа, ниммаанам̣ аг̇амаасахам̣;
‘‘Tattha cittaṃ pasādetvā, nimmānaṃ agamāsahaṃ;
д̣̇звалогаг̇ад̇о санд̇о, бун̃н̃агаммам̣ сараамахам̣.
Devalokagato santo, puññakammaṃ sarāmahaṃ.
‘‘амб̣араа бубпавассо мз, саб̣б̣агаалам̣ бавассад̇и;
‘‘Ambarā pupphavasso me, sabbakālaṃ pavassati;
сам̣сараами мануссз жз, рааж̇аа хоми махааяасо.
Saṃsarāmi manusse ce, rājā homi mahāyaso.
‘‘д̇ахим̣ гусумавассо мз, абхивассад̇и саб̣б̣ад̣̇аа;
‘‘Tahiṃ kusumavasso me, abhivassati sabbadā;
д̇ассзва бубпабууж̇ааяа, ваахасаа саб̣б̣ад̣̇ассино.
Tasseva pupphapūjāya, vāhasā sabbadassino.
‘‘аяам̣ бажчимаго маяхам̣, жаримо вад̇д̇ад̇з бхаво;
‘‘Ayaṃ pacchimako mayhaṃ, carimo vattate bhavo;
аж̇ж̇ааби бубпавассо мз, абхивассад̇и саб̣б̣ад̣̇аа.
Ajjāpi pupphavasso me, abhivassati sabbadā.
‘‘сад̇асахассид̇о габбз, яам̣ бубпамабхиробаяим̣;
‘‘Satasahassito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, д̣̇зхабууж̇ааяид̣̇ам̣ палам̣.
Duggatiṃ nābhijānāmi, dehapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа паласукзна ниб̣б̣аанасукзна жа вийд̇инаамзнд̇о сад̇т̇аараа згавихаарам̣ анумод̣̇ид̇ум̣ убаг̇ад̇зна – ‘‘гажжи д̇вам̣, бхигку, аббамад̇д̇о вихарасий’’д̇и будто ад̇д̇ано аббамаад̣̇авихаарам̣ нивзд̣̇знд̇о –
Arahattaṃ pana patvā phalasukhena nibbānasukhena ca vītināmento satthārā ekavihāraṃ anumodituṃ upagatena – ‘‘kacci tvaṃ, bhikkhu, appamatto viharasī’’ti puṭṭho attano appamādavihāraṃ nivedento –
271.
271.
‘‘ахам̣ мид̣̇д̇хзна багад̇о, вихаараа убанигкамим̣;
‘‘Ahaṃ middhena pakato, vihārā upanikkhamiṃ;
жан̇гамам̣ абхируханд̇о, д̇ад̇т̇зва бабад̇им̣ чамаа.
Caṅkamaṃ abhiruhanto, tattheva papatiṃ chamā.
272.
272.
‘‘г̇ад̇д̇аани баримаж̇ж̇ид̇ваа, бунабааруяха жан̇гамам̣;
‘‘Gattāni parimajjitvā, punapāruyha caṅkamaṃ;
жан̇гамз жан̇гамим̣ сохам̣, аж̇жхад̇д̇ам̣ сусамаахид̇о.
Caṅkame caṅkamiṃ sohaṃ, ajjhattaṃ susamāhito.
273.
273.
‘‘д̇ад̇о мз манасийгааро, яонисо уд̣̇абаж̇ж̇ат̇а;
‘‘Tato me manasīkāro, yoniso udapajjatha;
аад̣̇ийнаво баад̇ураху, ниб̣б̣ид̣̇аа самад̇идтат̇а.
Ādīnavo pāturahu, nibbidā samatiṭṭhatha.
274.
274.
‘‘д̇ад̇о жид̇д̇ам̣ вимужжи мз, басса д̇хаммасуд̇хаммад̇ам̣;
‘‘Tato cittaṃ vimucci me, passa dhammasudhammataṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа жад̇ассо г̇аат̇аа абхааси.
Imā catasso gāthā abhāsi.
д̇ад̇т̇а мид̣̇д̇хзна багад̇од̇и гааяааласияасан̇каад̇зна асад̇д̇ивигхаад̇асабхаавзна мид̣̇д̇хзна абхибхууд̇о. вихаараад̇и сзнаасанад̇о. убанигкаминд̇и жан̇гамид̇ум̣ нигкамим̣. д̇ад̇т̇зва бабад̇им̣ чамаад̇и д̇ад̇т̇зва жан̇гамасобаанз нид̣̇д̣̇аабхибхууд̇ад̇ааяа бхуумияам̣ нибад̇им̣. г̇ад̇д̇аани баримаж̇ж̇ид̇ваад̇и бхуумияам̣ бад̇анзна бам̣сугид̇аани ад̇д̇ано сарийрааваяаваани анумаж̇ж̇ид̇ваа. бунабааруяха жан̇гаманд̇и ‘‘бад̇ид̇о д̣̇аанааха’’нд̇и сан̇гожам̣ анаабаж̇ж̇ид̇ваа бунаби жан̇гамадтаанам̣ аарухид̇ваа. аж̇жхад̇д̇ам̣ сусамаахид̇од̇и г̇ожараж̇жхад̇д̇з гаммадтаанз нийваран̣авигкамбханзна судту самаахид̇о згаг̇г̇ажид̇д̇о худ̇ваа жан̇гаминд̇и яож̇анаа. сзсам̣ вуд̇д̇анаяамзва. ид̣̇амзва жа т̇зрасса ан̃н̃ааб̣яаагаран̣ам̣ ахоси.
Tattha middhena pakatoti kāyālasiyasaṅkhātena asattivighātasabhāvena middhena abhibhūto. Vihārāti senāsanato. Upanikkhaminti caṅkamituṃ nikkhamiṃ. Tattheva papatiṃ chamāti tattheva caṅkamasopāne niddābhibhūtatāya bhūmiyaṃ nipatiṃ. Gattāni parimajjitvāti bhūmiyaṃ patanena paṃsukitāni attano sarīrāvayavāni anumajjitvā. Punapāruyha caṅkamanti ‘‘patito dānāha’’nti saṅkocaṃ anāpajjitvā punapi caṅkamaṭṭhānaṃ āruhitvā. Ajjhattaṃ susamāhitoti gocarajjhatte kammaṭṭhāne nīvaraṇavikkhambhanena suṭṭhu samāhito ekaggacitto hutvā caṅkaminti yojanā. Sesaṃ vuttanayameva. Idameva ca therassa aññābyākaraṇaṃ ahosi.
бхаг̇уд̇т̇зраг̇аат̇ааван̣н̣анаа нидтид̇аа.
Bhaguttheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. бхаг̇уд̇т̇зраг̇аат̇аа • 2. Bhaguttheragāthā
