| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ப⁴ஜதிவாரவண்ணனா
Bhajativāravaṇṇanā
318. தத³னந்தரவாரே பன விவாதா³தி⁴கரணங் சதுன்னங் அதி⁴கரணானந்திஆதி³ அதி⁴கரணானங் வுத்தனயேன அஞ்ஞமஞ்ஞபச்சயத்தேபி ஸங்ஸக்³க³பா⁴வத³ஸ்ஸனத்த²ங் வுத்தங். விவாதா³தி⁴கரணங் சதுன்னங் அதி⁴கரணானங் விவாதா³தி⁴கரணங் ப⁴ஜதீதிஆதீ³ஸு விவாதா³தி⁴கரணங் சதூஸு அதி⁴கரணேஸு விவாதா³தி⁴கரணபா⁴வமேவ ப⁴ஜதி, நாஞ்ஞாதி⁴கரணபா⁴வங், சதூஸு அதி⁴கரணேஸு விவாதா³தி⁴கரணத்தமேவ நிஸ்ஸிதங் விவாதா³தி⁴கரணமேவ பரியாபன்னங் விவாதா³தி⁴கரணபா⁴வேனேவ ஸங்க³ஹிதந்தி ஏவமத்தோ² க³ஹேதப்³போ³.
318. Tadanantaravāre pana vivādādhikaraṇaṃ catunnaṃ adhikaraṇānantiādi adhikaraṇānaṃ vuttanayena aññamaññapaccayattepi saṃsaggabhāvadassanatthaṃ vuttaṃ. Vivādādhikaraṇaṃ catunnaṃ adhikaraṇānaṃ vivādādhikaraṇaṃ bhajatītiādīsu vivādādhikaraṇaṃ catūsu adhikaraṇesu vivādādhikaraṇabhāvameva bhajati, nāññādhikaraṇabhāvaṃ, catūsu adhikaraṇesu vivādādhikaraṇattameva nissitaṃ vivādādhikaraṇameva pariyāpannaṃ vivādādhikaraṇabhāveneva saṅgahitanti evamattho gahetabbo.
319. விவாதா³தி⁴கரணங் ஸத்தன்னங் ஸமதா²னங் கதி ஸமதே² ப⁴ஜதீதிஆதி³ பன சதுன்னங் அதி⁴கரணானங் வூபஸமனே ஸதி நியதஸமதே² த³ஸ்ஸேதுங் வுத்தங். தத்த² கதி ஸமதே² ப⁴ஜதீதி அத்தனோ உபஸமத்தா²ய கித்தகே ஸமதே² உபக³ச்ச²தி, கித்தகே ஸமதே² ஆக³ம்ம வூபஸமங் க³ச்ச²தீதி அத்தோ². கதி ஸமத²பரியாபன்னந்தி அத்தானங் வூபஸமேதுங் கதிஸு ஸமதே²ஸு தேஹி ஸமானவஸேன பவிட்ட²ங். கதிஹி ஸமதே²ஹி ஸங்க³ஹிதந்தி வூபஸமங் கரொந்தேஹி கதிஹி ஸமதே²ஹி வூபஸமகரணத்த²ங் ஸங்க³ஹிதங்.
319.Vivādādhikaraṇaṃ sattannaṃ samathānaṃ kati samathe bhajatītiādi pana catunnaṃ adhikaraṇānaṃ vūpasamane sati niyatasamathe dassetuṃ vuttaṃ. Tattha kati samathe bhajatīti attano upasamatthāya kittake samathe upagacchati, kittake samathe āgamma vūpasamaṃ gacchatīti attho. Kati samathapariyāpannanti attānaṃ vūpasametuṃ katisu samathesu tehi samānavasena paviṭṭhaṃ. Katihi samathehi saṅgahitanti vūpasamaṃ karontehi katihi samathehi vūpasamakaraṇatthaṃ saṅgahitaṃ.
ப⁴ஜதிவாரவண்ணனா நிட்டி²தா.
Bhajativāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 21. ப⁴ஜதிவாரோ • 21. Bhajativāro
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ப⁴ஜதிவாரகதா²வண்ணனா • Bhajativārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸங்ஸட்ட²வாராதி³வண்ணனா • Saṃsaṭṭhavārādivaṇṇanā
