| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
ဘဇတိဝာရဝဏ္ဏနာ
Bhajativāravaṇṇanā
၃၁၈. တဒနန္တရဝာရေ ပန ဝိဝာဒာဓိကရဏံ စတုန္နံ အဓိကရဏာနန္တိအာဒိ အဓိကရဏာနံ ဝုတ္တနယေန အညမညပစ္စယတ္တေပိ သံသဂ္ဂဘာဝဒသ္သနတ္ထံ ဝုတ္တံ။ ဝိဝာဒာဓိကရဏံ စတုန္နံ အဓိကရဏာနံ ဝိဝာဒာဓိကရဏံ ဘဇတီတိအာဒီသု ဝိဝာဒာဓိကရဏံ စတူသု အဓိကရဏေသု ဝိဝာဒာဓိကရဏဘာဝမေဝ ဘဇတိ, နာညာဓိကရဏဘာဝံ, စတူသု အဓိကရဏေသု ဝိဝာဒာဓိကရဏတ္တမေဝ နိသ္သိတံ ဝိဝာဒာဓိကရဏမေဝ ပရိယာပန္နံ ဝိဝာဒာဓိကရဏဘာဝေနေဝ သင္ဂဟိတန္တိ ဧဝမတ္ထော ဂဟေတဗ္ဗော။
318. Tadanantaravāre pana vivādādhikaraṇaṃ catunnaṃ adhikaraṇānantiādi adhikaraṇānaṃ vuttanayena aññamaññapaccayattepi saṃsaggabhāvadassanatthaṃ vuttaṃ. Vivādādhikaraṇaṃ catunnaṃ adhikaraṇānaṃ vivādādhikaraṇaṃ bhajatītiādīsu vivādādhikaraṇaṃ catūsu adhikaraṇesu vivādādhikaraṇabhāvameva bhajati, nāññādhikaraṇabhāvaṃ, catūsu adhikaraṇesu vivādādhikaraṇattameva nissitaṃ vivādādhikaraṇameva pariyāpannaṃ vivādādhikaraṇabhāveneva saṅgahitanti evamattho gahetabbo.
၃၁၉. ဝိဝာဒာဓိကရဏံ သတ္တန္နံ သမထာနံ ကတိ သမထေ ဘဇတီတိအာဒိ ပန စတုန္နံ အဓိကရဏာနံ ဝူပသမနေ သတိ နိယတသမထေ ဒသ္သေတုံ ဝုတ္တံ။ တတ္ထ ကတိ သမထေ ဘဇတီတိ အတ္တနော ဥပသမတ္ထာယ ကိတ္တကေ သမထေ ဥပဂစ္ဆတိ, ကိတ္တကေ သမထေ အာဂမ္မ ဝူပသမံ ဂစ္ဆတီတိ အတ္ထော။ ကတိ သမထပရိယာပန္နန္တိ အတ္တာနံ ဝူပသမေတုံ ကတိသု သမထေသု တေဟိ သမာနဝသေန ပဝိဋ္ဌံ။ ကတိဟိ သမထေဟိ သင္ဂဟိတန္တိ ဝူပသမံ ကရောန္တေဟိ ကတိဟိ သမထေဟိ ဝူပသမကရဏတ္ထံ သင္ဂဟိတံ။
319.Vivādādhikaraṇaṃ sattannaṃ samathānaṃ kati samathe bhajatītiādi pana catunnaṃ adhikaraṇānaṃ vūpasamane sati niyatasamathe dassetuṃ vuttaṃ. Tattha kati samathe bhajatīti attano upasamatthāya kittake samathe upagacchati, kittake samathe āgamma vūpasamaṃ gacchatīti attho. Kati samathapariyāpannanti attānaṃ vūpasametuṃ katisu samathesu tehi samānavasena paviṭṭhaṃ. Katihi samathehi saṅgahitanti vūpasamaṃ karontehi katihi samathehi vūpasamakaraṇatthaṃ saṅgahitaṃ.
ဘဇတိဝာရဝဏ္ဏနာ နိဋ္ဌိတာ။
Bhajativāravaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၂၁. ဘဇတိဝာရော • 21. Bhajativāro
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဘဇတိဝာရကထာဝဏ္ဏနာ • Bhajativārakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သံသဋ္ဌဝာရာဒိဝဏ္ဏနာ • Saṃsaṭṭhavārādivaṇṇanā
