| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಭಜತಿವಾರವಣ್ಣನಾ
Bhajativāravaṇṇanā
೩೧೮. ತದನನ್ತರವಾರೇ ಪನ ವಿವಾದಾಧಿಕರಣಂ ಚತುನ್ನಂ ಅಧಿಕರಣಾನನ್ತಿಆದಿ ಅಧಿಕರಣಾನಂ ವುತ್ತನಯೇನ ಅಞ್ಞಮಞ್ಞಪಚ್ಚಯತ್ತೇಪಿ ಸಂಸಗ್ಗಭಾವದಸ್ಸನತ್ಥಂ ವುತ್ತಂ। ವಿವಾದಾಧಿಕರಣಂ ಚತುನ್ನಂ ಅಧಿಕರಣಾನಂ ವಿವಾದಾಧಿಕರಣಂ ಭಜತೀತಿಆದೀಸು ವಿವಾದಾಧಿಕರಣಂ ಚತೂಸು ಅಧಿಕರಣೇಸು ವಿವಾದಾಧಿಕರಣಭಾವಮೇವ ಭಜತಿ, ನಾಞ್ಞಾಧಿಕರಣಭಾವಂ, ಚತೂಸು ಅಧಿಕರಣೇಸು ವಿವಾದಾಧಿಕರಣತ್ತಮೇವ ನಿಸ್ಸಿತಂ ವಿವಾದಾಧಿಕರಣಮೇವ ಪರಿಯಾಪನ್ನಂ ವಿವಾದಾಧಿಕರಣಭಾವೇನೇವ ಸಙ್ಗಹಿತನ್ತಿ ಏವಮತ್ಥೋ ಗಹೇತಬ್ಬೋ।
318. Tadanantaravāre pana vivādādhikaraṇaṃ catunnaṃ adhikaraṇānantiādi adhikaraṇānaṃ vuttanayena aññamaññapaccayattepi saṃsaggabhāvadassanatthaṃ vuttaṃ. Vivādādhikaraṇaṃ catunnaṃ adhikaraṇānaṃ vivādādhikaraṇaṃ bhajatītiādīsu vivādādhikaraṇaṃ catūsu adhikaraṇesu vivādādhikaraṇabhāvameva bhajati, nāññādhikaraṇabhāvaṃ, catūsu adhikaraṇesu vivādādhikaraṇattameva nissitaṃ vivādādhikaraṇameva pariyāpannaṃ vivādādhikaraṇabhāveneva saṅgahitanti evamattho gahetabbo.
೩೧೯. ವಿವಾದಾಧಿಕರಣಂ ಸತ್ತನ್ನಂ ಸಮಥಾನಂ ಕತಿ ಸಮಥೇ ಭಜತೀತಿಆದಿ ಪನ ಚತುನ್ನಂ ಅಧಿಕರಣಾನಂ ವೂಪಸಮನೇ ಸತಿ ನಿಯತಸಮಥೇ ದಸ್ಸೇತುಂ ವುತ್ತಂ। ತತ್ಥ ಕತಿ ಸಮಥೇ ಭಜತೀತಿ ಅತ್ತನೋ ಉಪಸಮತ್ಥಾಯ ಕಿತ್ತಕೇ ಸಮಥೇ ಉಪಗಚ್ಛತಿ, ಕಿತ್ತಕೇ ಸಮಥೇ ಆಗಮ್ಮ ವೂಪಸಮಂ ಗಚ್ಛತೀತಿ ಅತ್ಥೋ। ಕತಿ ಸಮಥಪರಿಯಾಪನ್ನನ್ತಿ ಅತ್ತಾನಂ ವೂಪಸಮೇತುಂ ಕತಿಸು ಸಮಥೇಸು ತೇಹಿ ಸಮಾನವಸೇನ ಪವಿಟ್ಠಂ। ಕತಿಹಿ ಸಮಥೇಹಿ ಸಙ್ಗಹಿತನ್ತಿ ವೂಪಸಮಂ ಕರೋನ್ತೇಹಿ ಕತಿಹಿ ಸಮಥೇಹಿ ವೂಪಸಮಕರಣತ್ಥಂ ಸಙ್ಗಹಿತಂ।
319.Vivādādhikaraṇaṃ sattannaṃ samathānaṃ kati samathe bhajatītiādi pana catunnaṃ adhikaraṇānaṃ vūpasamane sati niyatasamathe dassetuṃ vuttaṃ. Tattha kati samathe bhajatīti attano upasamatthāya kittake samathe upagacchati, kittake samathe āgamma vūpasamaṃ gacchatīti attho. Kati samathapariyāpannanti attānaṃ vūpasametuṃ katisu samathesu tehi samānavasena paviṭṭhaṃ. Katihi samathehi saṅgahitanti vūpasamaṃ karontehi katihi samathehi vūpasamakaraṇatthaṃ saṅgahitaṃ.
ಭಜತಿವಾರವಣ್ಣನಾ ನಿಟ್ಠಿತಾ।
Bhajativāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨೧. ಭಜತಿವಾರೋ • 21. Bhajativāro
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಭಜತಿವಾರಕಥಾವಣ್ಣನಾ • Bhajativārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಸಂಸಟ್ಠವಾರಾದಿವಣ್ಣನಾ • Saṃsaṭṭhavārādivaṇṇanā
