| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
བྷཛཏིཝཱརཝཎྞནཱ
Bhajativāravaṇṇanā
༣༡༨. ཏདནནྟརཝཱརེ པན ཝིཝཱདཱདྷིཀརཎཾ ཙཏུནྣཾ ཨདྷིཀརཎཱནནྟིཨཱདི ཨདྷིཀརཎཱནཾ ཝུཏྟནཡེན ཨཉྙམཉྙཔཙྩཡཏྟེཔི སཾསགྒབྷཱཝདསྶནཏྠཾ ཝུཏྟཾ། ཝིཝཱདཱདྷིཀརཎཾ ཙཏུནྣཾ ཨདྷིཀརཎཱནཾ ཝིཝཱདཱདྷིཀརཎཾ བྷཛཏཱིཏིཨཱདཱིསུ ཝིཝཱདཱདྷིཀརཎཾ ཙཏཱུསུ ཨདྷིཀརཎེསུ ཝིཝཱདཱདྷིཀརཎབྷཱཝམེཝ བྷཛཏི, ནཱཉྙཱདྷིཀརཎབྷཱཝཾ, ཙཏཱུསུ ཨདྷིཀརཎེསུ ཝིཝཱདཱདྷིཀརཎཏྟམེཝ ནིསྶིཏཾ ཝིཝཱདཱདྷིཀརཎམེཝ པརིཡཱཔནྣཾ ཝིཝཱདཱདྷིཀརཎབྷཱཝེནེཝ སངྒཧིཏནྟི ཨེཝམཏྠོ གཧེཏབྦོ།
318. Tadanantaravāre pana vivādādhikaraṇaṃ catunnaṃ adhikaraṇānantiādi adhikaraṇānaṃ vuttanayena aññamaññapaccayattepi saṃsaggabhāvadassanatthaṃ vuttaṃ. Vivādādhikaraṇaṃ catunnaṃ adhikaraṇānaṃ vivādādhikaraṇaṃ bhajatītiādīsu vivādādhikaraṇaṃ catūsu adhikaraṇesu vivādādhikaraṇabhāvameva bhajati, nāññādhikaraṇabhāvaṃ, catūsu adhikaraṇesu vivādādhikaraṇattameva nissitaṃ vivādādhikaraṇameva pariyāpannaṃ vivādādhikaraṇabhāveneva saṅgahitanti evamattho gahetabbo.
༣༡༩. ཝིཝཱདཱདྷིཀརཎཾ སཏྟནྣཾ སམཐཱནཾ ཀཏི སམཐེ བྷཛཏཱིཏིཨཱདི པན ཙཏུནྣཾ ཨདྷིཀརཎཱནཾ ཝཱུཔསམནེ སཏི ནིཡཏསམཐེ དསྶེཏུཾ ཝུཏྟཾ། ཏཏྠ ཀཏི སམཐེ བྷཛཏཱིཏི ཨཏྟནོ ཨུཔསམཏྠཱཡ ཀིཏྟཀེ སམཐེ ཨུཔགཙྪཏི, ཀིཏྟཀེ སམཐེ ཨཱགམྨ ཝཱུཔསམཾ གཙྪཏཱིཏི ཨཏྠོ། ཀཏི སམཐཔརིཡཱཔནྣནྟི ཨཏྟཱནཾ ཝཱུཔསམེཏུཾ ཀཏིསུ སམཐེསུ ཏེཧི སམཱནཝསེན པཝིཊྛཾ། ཀཏིཧི སམཐེཧི སངྒཧིཏནྟི ཝཱུཔསམཾ ཀརོནྟེཧི ཀཏིཧི སམཐེཧི ཝཱུཔསམཀརཎཏྠཾ སངྒཧིཏཾ།
319.Vivādādhikaraṇaṃ sattannaṃ samathānaṃ kati samathe bhajatītiādi pana catunnaṃ adhikaraṇānaṃ vūpasamane sati niyatasamathe dassetuṃ vuttaṃ. Tattha kati samathe bhajatīti attano upasamatthāya kittake samathe upagacchati, kittake samathe āgamma vūpasamaṃ gacchatīti attho. Kati samathapariyāpannanti attānaṃ vūpasametuṃ katisu samathesu tehi samānavasena paviṭṭhaṃ. Katihi samathehi saṅgahitanti vūpasamaṃ karontehi katihi samathehi vūpasamakaraṇatthaṃ saṅgahitaṃ.
བྷཛཏིཝཱརཝཎྞནཱ ནིཊྛིཏཱ།
Bhajativāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢༡. བྷཛཏིཝཱརོ • 21. Bhajativāro
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / བྷཛཏིཝཱརཀཐཱཝཎྞནཱ • Bhajativārakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
