| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ภลฺลาตทายกเตฺถรอปทานํ
4. Bhallātadāyakattheraapadānaṃ
๒๒.
22.
‘‘สุวณฺณวณฺณํ สมฺพุทฺธํ, ทฺวตฺติํสวรลกฺขณํ;
‘‘Suvaṇṇavaṇṇaṃ sambuddhaṃ, dvattiṃsavaralakkhaṇaṃ;
๒๓.
23.
‘‘ติณตฺถรํ ปญฺญาเปตฺวา, พุทฺธเสฎฺฐํ อยาจหํ;
‘‘Tiṇattharaṃ paññāpetvā, buddhaseṭṭhaṃ ayācahaṃ;
‘อนุกมฺปตุ มํ พุโทฺธ, ภิกฺขํ อิจฺฉามิ ทาตเว’ฯ
‘Anukampatu maṃ buddho, bhikkhaṃ icchāmi dātave’.
๒๔.
24.
‘‘อนุกมฺปโก การุณิโก, อตฺถทสฺสี มหายโส;
‘‘Anukampako kāruṇiko, atthadassī mahāyaso;
มม สงฺกปฺปมญฺญาย, โอรูหิ มม อสฺสเมฯ
Mama saṅkappamaññāya, orūhi mama assame.
๒๕.
25.
‘‘โอโรหิตฺวาน สมฺพุโทฺธ, นิสีทิ ปณฺณสนฺถเร;
‘‘Orohitvāna sambuddho, nisīdi paṇṇasanthare;
ภลฺลาตกํ คเหตฺวาน, พุทฺธเสฎฺฐสฺสทาสหํฯ
Bhallātakaṃ gahetvāna, buddhaseṭṭhassadāsahaṃ.
๒๖.
26.
‘‘มม นิชฺฌายมานสฺส, ปริภุญฺชิ ตทา ชิโน;
‘‘Mama nijjhāyamānassa, paribhuñji tadā jino;
ตตฺถ จิตฺตํ ปสาเทตฺวา, อภิวนฺทิํ ตทา ชินํฯ
Tattha cittaṃ pasādetvā, abhivandiṃ tadā jinaṃ.
๒๗.
27.
‘‘อฎฺฐารเส กปฺปสเต, ยํ ผลมททิํ ตทา;
‘‘Aṭṭhārase kappasate, yaṃ phalamadadiṃ tadā;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๒๘.
28.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๒๙.
29.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๓๐.
30.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ภลฺลาตทายโก เถโร อิมา คาถาโย
Itthaṃ sudaṃ āyasmā bhallātadāyako thero imā gāthāyo
อภาสิตฺถาติฯ
Abhāsitthāti.
ภลฺลาตทายกเตฺถรสฺสาปทานํ จตุตฺถํฯ
Bhallātadāyakattherassāpadānaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
