| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಭಲ್ಲಾತದಾಯಕತ್ಥೇರಅಪದಾನಂ
4. Bhallātadāyakattheraapadānaṃ
೨೨.
22.
‘‘ಸುವಣ್ಣವಣ್ಣಂ ಸಮ್ಬುದ್ಧಂ, ದ್ವತ್ತಿಂಸವರಲಕ್ಖಣಂ।
‘‘Suvaṇṇavaṇṇaṃ sambuddhaṃ, dvattiṃsavaralakkhaṇaṃ;
೨೩.
23.
‘‘ತಿಣತ್ಥರಂ ಪಞ್ಞಾಪೇತ್ವಾ, ಬುದ್ಧಸೇಟ್ಠಂ ಅಯಾಚಹಂ।
‘‘Tiṇattharaṃ paññāpetvā, buddhaseṭṭhaṃ ayācahaṃ;
‘ಅನುಕಮ್ಪತು ಮಂ ಬುದ್ಧೋ, ಭಿಕ್ಖಂ ಇಚ್ಛಾಮಿ ದಾತವೇ’॥
‘Anukampatu maṃ buddho, bhikkhaṃ icchāmi dātave’.
೨೪.
24.
‘‘ಅನುಕಮ್ಪಕೋ ಕಾರುಣಿಕೋ, ಅತ್ಥದಸ್ಸೀ ಮಹಾಯಸೋ।
‘‘Anukampako kāruṇiko, atthadassī mahāyaso;
ಮಮ ಸಙ್ಕಪ್ಪಮಞ್ಞಾಯ, ಓರೂಹಿ ಮಮ ಅಸ್ಸಮೇ॥
Mama saṅkappamaññāya, orūhi mama assame.
೨೫.
25.
‘‘ಓರೋಹಿತ್ವಾನ ಸಮ್ಬುದ್ಧೋ, ನಿಸೀದಿ ಪಣ್ಣಸನ್ಥರೇ।
‘‘Orohitvāna sambuddho, nisīdi paṇṇasanthare;
ಭಲ್ಲಾತಕಂ ಗಹೇತ್ವಾನ, ಬುದ್ಧಸೇಟ್ಠಸ್ಸದಾಸಹಂ॥
Bhallātakaṃ gahetvāna, buddhaseṭṭhassadāsahaṃ.
೨೬.
26.
‘‘ಮಮ ನಿಜ್ಝಾಯಮಾನಸ್ಸ, ಪರಿಭುಞ್ಜಿ ತದಾ ಜಿನೋ।
‘‘Mama nijjhāyamānassa, paribhuñji tadā jino;
ತತ್ಥ ಚಿತ್ತಂ ಪಸಾದೇತ್ವಾ, ಅಭಿವನ್ದಿಂ ತದಾ ಜಿನಂ॥
Tattha cittaṃ pasādetvā, abhivandiṃ tadā jinaṃ.
೨೭.
27.
‘‘ಅಟ್ಠಾರಸೇ ಕಪ್ಪಸತೇ, ಯಂ ಫಲಮದದಿಂ ತದಾ।
‘‘Aṭṭhārase kappasate, yaṃ phalamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೨೮.
28.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೨೯.
29.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೩೦.
30.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಭಲ್ಲಾತದಾಯಕೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā bhallātadāyako thero imā gāthāyo
ಅಭಾಸಿತ್ಥಾತಿ।
Abhāsitthāti.
ಭಲ್ಲಾತದಾಯಕತ್ಥೇರಸ್ಸಾಪದಾನಂ ಚತುತ್ಥಂ।
Bhallātadāyakattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೬೦. ಸಕಿಂಸಮ್ಮಜ್ಜಕತ್ಥೇರಅಪದಾನಾದಿವಣ್ಣನಾ • 1-60. Sakiṃsammajjakattheraapadānādivaṇṇanā
