| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. භල්‌ලාතදායකත්‌ථෙරඅපදානං
4. Bhallātadāyakattheraapadānaṃ
22.
22.
‘‘සුවණ්‌ණවණ්‌ණං සම්‌බුද්‌ධං, ද්‌වත්‌තිංසවරලක්‌ඛණං;
‘‘Suvaṇṇavaṇṇaṃ sambuddhaṃ, dvattiṃsavaralakkhaṇaṃ;
23.
23.
‘‘තිණත්‌ථරං පඤ්‌ඤාපෙත්‌වා, බුද්‌ධසෙට්‌ඨං අයාචහං;
‘‘Tiṇattharaṃ paññāpetvā, buddhaseṭṭhaṃ ayācahaṃ;
‘අනුකම්‌පතු මං බුද්‌ධො, භික්‌ඛං ඉච්‌ඡාමි දාතවෙ’.
‘Anukampatu maṃ buddho, bhikkhaṃ icchāmi dātave’.
24.
24.
‘‘අනුකම්‌පකො කාරුණිකො, අත්‌ථදස්‌සී මහායසො;
‘‘Anukampako kāruṇiko, atthadassī mahāyaso;
මම සඞ්‌කප්‌පමඤ්‌ඤාය, ඔරූහි මම අස්‌සමෙ.
Mama saṅkappamaññāya, orūhi mama assame.
25.
25.
‘‘ඔරොහිත්‌වාන සම්‌බුද්‌ධො, නිසීදි පණ්‌ණසන්‌ථරෙ;
‘‘Orohitvāna sambuddho, nisīdi paṇṇasanthare;
භල්‌ලාතකං ගහෙත්‌වාන, බුද්‌ධසෙට්‌ඨස්‌සදාසහං.
Bhallātakaṃ gahetvāna, buddhaseṭṭhassadāsahaṃ.
26.
26.
‘‘මම නිජ්‌ඣායමානස්‌ස, පරිභුඤ්‌ජි තදා ජිනො;
‘‘Mama nijjhāyamānassa, paribhuñji tadā jino;
තත්‌ථ චිත්‌තං පසාදෙත්‌වා, අභිවන්‌දිං තදා ජිනං.
Tattha cittaṃ pasādetvā, abhivandiṃ tadā jinaṃ.
27.
27.
‘‘අට්‌ඨාරසෙ කප්‌පසතෙ, යං ඵලමදදිං තදා;
‘‘Aṭṭhārase kappasate, yaṃ phalamadadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
28.
28.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
29.
29.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
30.
30.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා භල්‌ලාතදායකො ථෙරො ඉමා ගාථායො
Itthaṃ sudaṃ āyasmā bhallātadāyako thero imā gāthāyo
අභාසිත්‌ථාති.
Abhāsitthāti.
භල්‌ලාතදායකත්‌ථෙරස්‌සාපදානං චතුත්‌ථං.
Bhallātadāyakattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-60. සකිංසම්‌මජ්‌ජකත්‌ථෙරඅපදානාදිවණ්‌ණනා • 1-60. Sakiṃsammajjakattheraapadānādivaṇṇanā
