| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. бхаллияад̇т̇зраг̇аат̇ааван̣н̣анаа
7. Bhalliyattheragāthāvaṇṇanā
яобаануд̣̇ийд̇и ааяасмад̇о бхаллияад̇т̇зрасса г̇аат̇аа. гаа уббад̇д̇и? аяам̣ гира ид̇о згад̇им̣сз габбз ануббаннз б̣уд̣̇д̇хз суманасса наама бажжзгаб̣уд̣̇д̇хасса басаннажид̇д̇о палаапалам̣ д̣̇ад̇ваа суг̇ад̇ийсу зва сам̣саранд̇о сикисса саммаасамб̣уд̣̇д̇хасса гаалз арун̣авад̇ийнаг̇арз б̣раахман̣агулз ниб̣б̣ад̇д̇о ‘‘сикисса бхаг̇авад̇о батамаабхисамб̣уд̣̇д̇хасса уж̇ид̇а, ож̇ид̇аа наама д̣̇вз сад̇т̇аваахабуд̇д̇аа батамаахаарам̣ ад̣̇ам̣суу’’д̇и суд̇ваа ад̇д̇ано сахааяагзна сад̣̇д̇хим̣ бхаг̇аванд̇ам̣ убасан̇гамид̇ваа ванд̣̇ид̇ваа сваад̇анааяа ниманд̇зд̇ваа махаад̣̇аанам̣ бавад̇д̇зд̇ваа бад̇т̇анам̣ агам̣су – ‘‘убхоби маяам̣, бханд̇з, анааг̇ад̇з д̇умхаад̣̇исасса б̣уд̣̇д̇хасса батамаахаарад̣̇ааяагаа бхавзяяаамаа’’д̇и. д̇з д̇ад̇т̇а д̇ад̇т̇а бхавз бун̃н̃агаммам̣ гад̇ваа д̣̇звамануссзсу сам̣саранд̇аа гассабасса бхаг̇авад̇о гаалз г̇обаалагасздтисса буд̇д̇аа бхаад̇аро худ̇ваа ниб̣б̣ад̇д̇аа. б̣ахууни вассаани бхигкусан̇гхам̣ кийрабхож̇анзна убадтахим̣су. амхаагам̣ бана бхаг̇авад̇о гаалз богкаравад̇ийнаг̇арз сад̇т̇аваахасса буд̇д̇аа бхаад̇аро худ̇ваа ниб̣б̣ад̇д̇аа. д̇зсу ж̇здто д̇апуссо наама, ганидто бхаллияо наама, д̇з бан̃жамад̇д̇аани сагадасад̇аани бхан̣д̣асса буурзд̇ваа ваан̣иж̇ж̇ааяа г̇ажчанд̇аа бхаг̇авад̇и батамаабхисамб̣уд̣̇д̇хз сад̇д̇асад̇д̇аахам̣ вимуд̇д̇исукад̇хаммабажжавзгкан̣аахи вийд̇инаамзд̇ваа адтамз сад̇д̇аахз рааж̇ааяад̇анамуулз вихаранд̇з рааж̇ааяад̇анасса авид̣̇уурз махаамаг̇г̇зна ад̇иггаманд̇и, д̇зсам̣ д̇асмим̣ самаяз самзби бхуумибхааг̇з агад̣̇д̣̇амод̣̇агз сагадаани наббавад̇д̇им̣су, ‘‘гим̣ ну, ко, гааран̣а’’нд̇и жа жинд̇знд̇аанам̣ бораан̣асаалохид̇аа д̣̇звад̇аа ругкавидабанд̇арз ад̇д̇аанам̣ д̣̇ассзнд̇ий ааха – ‘‘маад̣̇исаа, аяам̣ бхаг̇аваа ажираабхисамб̣уд̣̇д̇хо сад̇д̇асад̇д̇аахам̣ анаахааро вимуд̇д̇исукаабадисам̣взд̣̇ий ид̣̇аани рааж̇ааяад̇анамуулз нисинно, д̇ам̣ аахаарзна бадимаанзт̇а, яад̣̇асса д̇умхаагам̣ д̣̇ийгхарад̇д̇ам̣ хид̇ааяа сукааяаа’’д̇и. д̇ам̣ суд̇ваа д̇з ул̣аарам̣ бийд̇исоманассам̣ бадисам̣взд̣̇знд̇аа, ‘‘аахаарасамбаад̣̇анам̣ бабан̃жа’’нд̇и ман̃н̃амаанаа мант̇ан̃жа мад̇хубин̣д̣иган̃жа бхаг̇авад̇о д̣̇ад̇ваа д̣̇взваажигасаран̣ам̣ г̇анд̇ваа гзсад̇хаад̇уяо лабхид̇ваа аг̇амам̣су. д̇з хи батамам̣ убаасагаа ахзсум̣. ат̇а бхаг̇авад̇и б̣аараан̣асим̣ г̇анд̇ваа д̇хаммажаггам̣ бавад̇д̇зд̇ваа анубуб̣б̣зна рааж̇аг̇ахз вихаранд̇з д̇апуссабхаллияаа рааж̇аг̇ахам̣ убаг̇ад̇аа бхаг̇аванд̇ам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇им̣су. д̇зсам̣ бхаг̇аваа д̇хаммам̣ д̣̇зсзси. д̇зсу д̇апуссо сод̇аабад̇д̇ипалз бад̇идтааяа убаасагова ахоси. бхаллияо бана баб̣б̣аж̇ид̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.48.66-70) –
Yopānudīti āyasmato bhalliyattherassa gāthā. Kā uppatti? Ayaṃ kira ito ekatiṃse kappe anuppanne buddhe sumanassa nāma paccekabuddhassa pasannacitto phalāphalaṃ datvā sugatīsu eva saṃsaranto sikhissa sammāsambuddhassa kāle aruṇavatīnagare brāhmaṇakule nibbatto ‘‘sikhissa bhagavato paṭhamābhisambuddhassa ujita, ojitā nāma dve satthavāhaputtā paṭhamāhāraṃ adaṃsū’’ti sutvā attano sahāyakena saddhiṃ bhagavantaṃ upasaṅkamitvā vanditvā svātanāya nimantetvā mahādānaṃ pavattetvā patthanaṃ akaṃsu – ‘‘ubhopi mayaṃ, bhante, anāgate tumhādisassa buddhassa paṭhamāhāradāyakā bhaveyyāmā’’ti. Te tattha tattha bhave puññakammaṃ katvā devamanussesu saṃsarantā kassapassa bhagavato kāle gopālakaseṭṭhissa puttā bhātaro hutvā nibbattā. Bahūni vassāni bhikkhusaṅghaṃ khīrabhojanena upaṭṭhahiṃsu. Amhākaṃ pana bhagavato kāle pokkharavatīnagare satthavāhassa puttā bhātaro hutvā nibbattā. Tesu jeṭṭho taphusso nāma, kaniṭṭho bhalliyo nāma, te pañcamattāni sakaṭasatāni bhaṇḍassa pūretvā vāṇijjāya gacchantā bhagavati paṭhamābhisambuddhe sattasattāhaṃ vimuttisukhadhammapaccavekkhaṇāhi vītināmetvā aṭṭhame sattāhe rājāyatanamūle viharante rājāyatanassa avidūre mahāmaggena atikkamanti, tesaṃ tasmiṃ samaye samepi bhūmibhāge akaddamodake sakaṭāni nappavattiṃsu, ‘‘kiṃ nu, kho, kāraṇa’’nti ca cintentānaṃ porāṇasālohitā devatā rukkhaviṭapantare attānaṃ dassentī āha – ‘‘mādisā, ayaṃ bhagavā acirābhisambuddho sattasattāhaṃ anāhāro vimuttisukhāpaṭisaṃvedī idāni rājāyatanamūle nisinno, taṃ āhārena paṭimānetha, yadassa tumhākaṃ dīgharattaṃ hitāya sukhāyā’’ti. Taṃ sutvā te uḷāraṃ pītisomanassaṃ paṭisaṃvedentā, ‘‘āhārasampādanaṃ papañca’’nti maññamānā manthañca madhupiṇḍikañca bhagavato datvā dvevācikasaraṇaṃ gantvā kesadhātuyo labhitvā agamaṃsu. Te hi paṭhamaṃ upāsakā ahesuṃ. Atha bhagavati bārāṇasiṃ gantvā dhammacakkaṃ pavattetvā anupubbena rājagahe viharante taphussabhalliyā rājagahaṃ upagatā bhagavantaṃ upasaṅkamitvā vanditvā ekamantaṃ nisīdiṃsu. Tesaṃ bhagavā dhammaṃ desesi. Tesu taphusso sotāpattiphale patiṭṭhāya upāsakova ahosi. Bhalliyo pana pabbajitvā chaḷabhiñño ahosi. Tena vuttaṃ apadāne (apa. thera 2.48.66-70) –
‘‘сумано наама самб̣уд̣̇д̇хо, д̇аггарааяам̣ васий д̇ад̣̇аа;
‘‘Sumano nāma sambuddho, takkarāyaṃ vasī tadā;
валлигаарапалам̣ г̇аяха, саяамбхусса ад̣̇аасахам̣.
Vallikāraphalaṃ gayha, sayambhussa adāsahaṃ.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇згад̣̇ивасам̣ мааро бхаллияад̇т̇зрасса бхим̣саабанад̇т̇ам̣ бхаяаанагам̣ руубам̣ д̣̇ассзси. со ад̇д̇ано саб̣б̣абхаяаад̇иггамам̣ багаасзнд̇о ‘‘яобаануд̣̇ий’’д̇и г̇аат̇амабхааси.
Athekadivasaṃ māro bhalliyattherassa bhiṃsāpanatthaṃ bhayānakaṃ rūpaṃ dassesi. So attano sabbabhayātikkamaṃ pakāsento ‘‘yopānudī’’ti gāthamabhāsi.
7. д̇ад̇т̇а яобаануд̣̇ийд̇и яо абаануд̣̇и киби баж̇ахи вид̣̇д̇хам̣сзси. мажжурааж̇ассаад̇и мажжу наама маран̣ам̣ канд̇хаанам̣ бхзд̣̇о, со зва жа сад̇д̇аанам̣ ад̇д̇ано васз анувад̇д̇аабанад̇о иссарадтзна рааж̇аад̇и мажжурааж̇аа, д̇асса. сзнанд̇и ж̇араарог̇аад̣̇им̣, саа хисса васавад̇д̇анз ан̇г̇абхаавад̇о сзнаа наама, д̇зна хзса махад̇аа наанаавид̇хзна вибулзна ‘‘махаасзно’’д̇и вужжад̇и. яат̇ааха – ‘‘на хи но сан̇г̇арам̣ д̇зна, махаасзнзна мажжунаа’’д̇и (ма. ни. 1.272; ж̇аа. 2.22.121; нзд̇д̇и. 103). ат̇а ваа г̇ун̣амааран̣адтзна ‘‘мажжуу’’д̇и ид̇ха д̣̇звабуд̇д̇амааро ад̇хиббзд̇о, д̇асса жа сахааяабхаавуубаг̇аманад̇о гаамаад̣̇аяо сзнаа. д̇ат̇аа жааха –
7. Tattha yopānudīti yo apānudi khipi pajahi viddhaṃsesi. Maccurājassāti maccu nāma maraṇaṃ khandhānaṃ bhedo, so eva ca sattānaṃ attano vase anuvattāpanato issaraṭṭhena rājāti maccurājā, tassa. Senanti jarārogādiṃ, sā hissa vasavattane aṅgabhāvato senā nāma, tena hesa mahatā nānāvidhena vipulena ‘‘mahāseno’’ti vuccati. Yathāha – ‘‘na hi no saṅgaraṃ tena, mahāsenena maccunā’’ti (ma. ni. 1.272; jā. 2.22.121; netti. 103). Atha vā guṇamāraṇaṭṭhena ‘‘maccū’’ti idha devaputtamāro adhippeto, tassa ca sahāyabhāvūpagamanato kāmādayo senā. Tathā cāha –
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
‘‘бан̃жамий т̇инамид̣̇д̇хам̣ д̇з, чадтаа бхийруу бавужжад̇и;
‘‘Pañcamī thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, маано магко жа адтамий’’д̇и. (су. ни. 438-439; махаани. 28;жуул̣ани. нанд̣̇амаан̣авабужчаанид̣̇д̣̇зса 47);
Sattamī vicikicchā te, māno makkho ca aṭṭhamī’’ti. (su. ni. 438-439; mahāni. 28;cūḷani. nandamāṇavapucchāniddesa 47);
нал̣асзд̇ум̣ва суд̣̇уб̣б̣алам̣ махогход̇и сааравирахид̇ад̇о нал̣асзд̇усад̣̇исам̣ ад̇ивияа аб̣алабхаавад̇о судту д̣̇уб̣б̣алам̣ сам̣гилзсасзнам̣ навалогуд̇д̇арад̇хаммаанам̣ махааб̣алавабхаавад̇о махогхасад̣̇исзна аг̇г̇амаг̇г̇зна яо абаануд̣̇и виж̇ид̇аавий абзд̇абхзраво д̣̇анд̇о, со бариниб̣б̣уд̇о тид̇ад̇д̇од̇и яож̇анаа. д̇ам̣ суд̇ваа мааро ‘‘ж̇аанаад̇и мам̣ саман̣о’’д̇и д̇ад̇т̇званд̇арад̇хааяийд̇и.
Naḷasetuṃvasudubbalaṃ mahoghoti sāravirahitato naḷasetusadisaṃ ativiya abalabhāvato suṭṭhu dubbalaṃ saṃkilesasenaṃ navalokuttaradhammānaṃ mahābalavabhāvato mahoghasadisena aggamaggena yo apānudi vijitāvī apetabheravo danto, so parinibbuto ṭhitattoti yojanā. Taṃ sutvā māro ‘‘jānāti maṃ samaṇo’’ti tatthevantaradhāyīti.
бхаллияад̇т̇зраг̇аат̇ааван̣н̣анаа нидтид̇аа.
Bhalliyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. бхаллияад̇т̇зраг̇аат̇аа • 7. Bhalliyattheragāthā
