бхан̣д̣ааг̇аарасаммуд̇иаад̣̇игат̇аа

343. вихаарам̣ ваад̇иаад̣̇ийсу яо аараамамаж̇жхз аараамигасааман̣зраад̣̇ийхи авивид̇д̇о саб̣б̣зсам̣ самосаран̣адтаанз вихааро ваа ад̣дхаяог̇о ваа ход̇и, со самманнид̇аб̣б̣о. бажжанд̇асзнаасанам̣ бана на самманнид̇аб̣б̣ам̣. ид̣̇ам̣ бана бхан̣д̣ааг̇аарам̣ кан̣д̣асиймам̣ г̇анд̇ваа кан̣д̣асиймааяа нисиннзхи самманнид̇ум̣ на ваддад̇и, вихаарамаж̇жхзязва самманнид̇аб̣б̣ам̣.

г̇уд̇д̇ааг̇уд̇д̇ан̃жа ж̇аанзяяаад̇и зд̇т̇а яасса д̇аава чад̣̇анаад̣̇ийсу гожи д̣̇осо над̇т̇и, д̇ам̣ г̇уд̇д̇ам̣. яасса бана чад̣̇анад̇ин̣ам̣ ваа чад̣̇анидтагаа ваа яад̇т̇а гад̇т̇ажи бад̇ид̇аа, язна овассад̇и ваа, муусигаад̣̇ийнам̣ ваа бавзсо ход̇и, бхид̇д̇иаад̣̇ийсу ваа гад̇т̇ажи чид̣̇д̣̇ам̣ ход̇и, убажигаа ваа удтаханд̇и, д̇ам̣ саб̣б̣ам̣ аг̇уд̇д̇ам̣ наама. д̇ам̣ саллагкзд̇ваа бадисан̇карид̇аб̣б̣ам̣. сийд̇асамаяз д̣̇вааран̃жа ваад̇абаанан̃жа субихид̇ам̣ гаад̇аб̣б̣ам̣, сийд̇зна хи жийвараани ган̣н̣агид̇аани хонд̇и. ун̣хасамаяз анд̇аранд̇араа ваад̇аббавзсанад̇т̇ам̣ виварид̇аб̣б̣ам̣. звам̣ гаронд̇о хи г̇уд̇д̇ааг̇уд̇д̇ам̣ ж̇аанаад̇и наама.

имзхи бана жийварабадиг̇г̇аахагаад̣̇ийхи д̇ийхиби ад̇д̇ано вад̇д̇ам̣ ж̇аанид̇аб̣б̣ам̣. д̇ад̇т̇а жийварабадиг̇г̇аахагзна д̇аава яам̣ яам̣ мануссаа ‘‘гаалажийвара’’нд̇и ваа ‘‘агаалажийвара’’нд̇и ваа ‘‘ажжзгажийвара’’нд̇и ваа ‘‘вассигасаадига’’нд̇и ваа ‘‘нисийд̣̇ана’’нд̇и ваа ‘‘бажжад̇т̇аран̣а’’нд̇и ваа ‘‘мукабун̃чанажол̣а’’нд̇и ваа д̣̇знд̇и, д̇ам̣ саб̣б̣ам̣ згараасим̣ гад̇ваа миссзд̇ваа на г̇ан̣хид̇аб̣б̣ам̣, висум̣ висум̣ гад̇ваава г̇ан̣хид̇ваа жийваранид̣̇ахагасса д̇ат̇зва аажигкид̇ваа д̣̇аад̇аб̣б̣ам̣. жийваранид̣̇ахагзнааби бхан̣д̣ааг̇ааригасса д̣̇ад̣̇амаанзна ид̣̇ам̣ гаалажийварам̣…бз… ид̣̇ам̣ мукабун̃чанажол̣анд̇и аажигкид̇ваава д̣̇аад̇аб̣б̣ам̣. бхан̣д̣ааг̇ааригзнааби д̇ат̇зва висум̣ висум̣ вияа сан̃н̃аан̣ам̣ гад̇ваа табзд̇аб̣б̣ам̣. д̇ад̇о сан̇гхзна ‘‘гаалажийварам̣ аахараа’’д̇и вуд̇д̇з гаалажийварамзва д̣̇аад̇аб̣б̣ам̣…бз… мукабун̃чанажол̣агам̣ аахараад̇и вуд̇д̇з д̇ад̣̇зва д̣̇аад̇аб̣б̣ам̣.

ид̇и бхаг̇авад̇аа жийварабадиг̇г̇аахаго анун̃н̃аад̇о, жийваранид̣̇ахаго анун̃н̃аад̇о, бхан̣д̣ааг̇аарам̣ анун̃н̃аад̇ам̣, бхан̣д̣ааг̇аариго анун̃н̃аад̇о, на б̣аахулигад̇ааяа на асанд̇удтияаа; абижа ко сан̇гхассаануг̇г̇ахааяа. сажз хи аахадаахадам̣ г̇ахзд̇ваа бхигкуу бхааж̇зяяум̣, нзва аахадам̣ на анаахадам̣ на д̣̇иннам̣ наад̣̇иннам̣ на лад̣̇д̇хам̣ наалад̣̇д̇хам̣ ж̇аанзяяум̣, аахадаахадам̣ т̇зраасанз ваа д̣̇ад̣̇зяяум̣, кан̣д̣аакан̣д̣ам̣ ваа чинд̣̇ид̇ваа г̇ан̣хзяяум̣; звам̣ сад̇и аяуд̇д̇абарибхог̇о жа ход̇и, на жа саб̣б̣зсам̣ сан̇г̇ахо гад̇о ход̇и. бхан̣д̣ааг̇аарз бана жийварам̣ табзд̇ваа уссаннагаалз згзгасса бхигкуно д̇ижийварам̣ ваа д̣̇вз д̣̇вз ваа згзгам̣ ваа жийварам̣ д̣̇ассанд̇и, лад̣̇д̇хаалад̣̇д̇хам̣ ж̇ааниссанд̇и, алад̣̇д̇хабхаавам̣ н̃ад̇ваа сан̇г̇ахам̣ гаад̇ум̣ ман̃н̃иссанд̇ийд̇и.

на бхигкавз бхан̣д̣ааг̇аариго вудтаабзд̇аб̣б̣од̇и зд̇т̇а ан̃н̃зби авудтаабанийяаа ж̇аанид̇аб̣б̣аа. жад̇д̇ааро хи на вудтаабзд̇аб̣б̣аа – вуд̣дхад̇аро , бхан̣д̣ааг̇аариго, г̇илаано, сан̇гхад̇о лад̣̇д̇хасзнаасанод̇и. д̇ад̇т̇а вуд̣дхад̇аро ад̇д̇ано вуд̣дхад̇ааяа навагад̇арзна на вудтаабзд̇аб̣б̣о, бхан̣д̣ааг̇аариго сан̇гхзна самманнид̇ваа бхан̣д̣ааг̇аарасса д̣̇иннад̇ааяа, г̇илаано ад̇д̇ано г̇илаанад̇ааяа, сан̇гхо бана б̣ахуссуд̇асса уд̣̇д̣̇зсабарибужчаад̣̇ийхи б̣ахубагаарасса бхааранид̇т̇аарагасса паасугам̣ ааваасам̣ анудтаабанийяам̣ гад̇ваа д̣̇зд̇и, д̇асмаа со убагаарад̇ааяа жа сан̇гхад̇о лад̣̇д̇хад̇ааяа жа на вудтаабзд̇аб̣б̣од̇и.

уссаннам̣ ход̇ийд̇и б̣аху раасигад̇ам̣ ход̇и, бхан̣д̣ааг̇аарам̣ на г̇ан̣хаад̇и. саммукийбхууд̇знаад̇и анд̇оубажаарасиймааяам̣ тид̇зна. бхааж̇зд̇унд̇и гаалам̣ гхосзд̇ваа бадибаадияаа бхааж̇зд̇ум̣. голаахалам̣ агаасийд̇и ‘‘амхаагам̣ аажарияасса д̣̇зт̇а, убаж̇жхааяасса д̣̇зт̇аа’’д̇и звам̣ махаасад̣̇д̣̇ам̣ агааси. жийварабхааж̇анаган̇г̇зсу сабхааг̇аанам̣ бхигкуунам̣ абаабун̣анд̇амби махаг̇гхам̣ жийварам̣ д̣̇знд̇о чанд̣̇ааг̇ад̇им̣ г̇ажчад̇и наама. ан̃н̃зсам̣ вуд̣дхад̇араанам̣ баабун̣анд̇амби махаг̇гхам̣ жийварам̣ ад̣̇ад̇ваа аббаг̇гхам̣ д̣̇знд̇о д̣̇осааг̇ад̇им̣ г̇ажчад̇и наама. мохамуул̣хо жийварад̣̇аанавад̇д̇ам̣ аж̇аананд̇о мохааг̇ад̇им̣ г̇ажчад̇и наама. мукараанам̣ навагаанамби бхаязна абаабун̣анд̇амзва махаг̇гхам̣ жийварам̣ д̣̇знд̇о бхаяааг̇ад̇им̣ г̇ажчад̇и наама. яо звам̣ на г̇ажчад̇и, саб̣б̣зсам̣ д̇улаабхууд̇о бамаан̣абхууд̇о маж̇жхад̇д̇о ход̇и, со самманнид̇аб̣б̣о. бхааж̇ид̇аабхааж̇ид̇анд̇и ‘‘зд̇д̇агаани вад̇т̇аани бхааж̇ид̇аани, зд̇д̇агаани абхааж̇ид̇ааний’’д̇и ж̇аананд̇о ‘‘бхааж̇ид̇аабхааж̇ид̇ан̃жа ж̇аанзяяаа’’д̇и вужжад̇и.

ужжинид̇ваад̇и ‘‘ид̣̇ам̣ т̇уулам̣, ид̣̇ам̣ сан̣хам̣, ид̣̇ам̣ гханам̣, ид̣̇ам̣ д̇анугам̣, ид̣̇ам̣ барибхуд̇д̇ам̣, ид̣̇ам̣ абарибхуд̇д̇ам̣, ид̣̇ам̣ д̣̇ийгхад̇о зд̇д̇агам̣ бут̇улад̇о зд̇д̇ага’’нд̇и звам̣ вад̇т̇аани вижинид̇ваа. д̇улаяид̇ваад̇и ‘‘ид̣̇ам̣ зд̇д̇агам̣ аг̇гхад̇и, ид̣̇ам̣ зд̇д̇ага’’нд̇и звам̣ аг̇гхабарижчзд̣̇ам̣ гад̇ваа. ван̣н̣ааван̣н̣ам̣ гад̇ваад̇и сажз саб̣б̣зсам̣ згзгамзва д̣̇асаг̇гханагам̣ баабун̣аад̇и, ижжзд̇ам̣ гусалам̣; но жз баабун̣аад̇и, яам̣ нава ваа адта ваа аг̇гхад̇и, д̇ам̣ ан̃н̃зна згааг̇гханагзна жа д̣̇виаг̇гханагзна жа сад̣̇д̇хим̣ б̣анд̇хид̇ваа зд̇зна убааязна самз бадивийсз табзд̇ваад̇и ад̇т̇о. бхигкуу г̇ан̣зд̇ваа ваг̇г̇ам̣ б̣анд̇хид̇ваад̇и сажз згзгасса д̣̇ияамаанз д̣̇ивасо наббаход̇и, д̣̇аса д̣̇аса бхигкуу г̇ан̣зд̇ваа д̣̇аса д̣̇аса жийварабадивийсз згаваг̇г̇ам̣ б̣анд̇хид̇ваа згам̣ бхан̣д̣игам̣ гад̇ваа звам̣ жийварабадивийсам̣ табзд̇ум̣ ануж̇аанаамийд̇и ад̇т̇о. звам̣ табид̇зсу жийварабадивийсзсу гусо баад̇зд̇аб̣б̣о. д̇зхиби бхигкуухи буна гусабаад̇ам̣ гад̇ваа бхааж̇зд̇аб̣б̣ам̣.

сааман̣зраанам̣ убад̣дхабадивийсанд̇и зд̇т̇а яз сааман̣зраа ад̇д̇иссараа бхигкусан̇гхасса гад̇д̇аб̣б̣агаммам̣ на гаронд̇и, уд̣̇д̣̇зсабарибужчаасу яуд̇д̇аа аажарияубаж̇жхааяаанам̣язва вад̇д̇абадибад̇д̇им̣ гаронд̇и, ан̃н̃зсам̣ на гаронд̇и, зд̇зсам̣язва убад̣дхабхааг̇о д̣̇аад̇аб̣б̣о. яз бана бурзбхад̇д̇ан̃жа бажчаабхад̇д̇ан̃жа бхигкусан̇гхассзва гад̇д̇аб̣б̣агижжам̣ гаронд̇и, д̇зсам̣ самаго д̣̇аад̇аб̣б̣о. ид̣̇ан̃жа бидтисамаяз уббаннзна бхан̣д̣ааг̇аарз табид̇зна агаалажийварзнзва гат̇ид̇ам̣. гаалажийварам̣ бана самагамзва д̣̇аад̇аб̣б̣ам̣. д̇ад̇руббаад̣̇авассааваасигам̣ саммун̃ж̇анийб̣анд̇ханаад̣̇и сан̇гхасса паад̇игаммам̣ гад̇ваа г̇ахзд̇аб̣б̣ам̣. зд̇ан̃хзд̇т̇а саб̣б̣зсам̣ вад̇д̇ам̣. бхан̣д̣ааг̇ааригажийварзби сажз сааман̣зраа ааг̇анд̇ваа ‘‘бханд̇з маяам̣ яааг̇ум̣ бажаама, бхад̇д̇ам̣ бажаама, каж̇ж̇агам̣ бажаама, аббахарид̇агам̣ гарома, д̣̇анд̇агадтам̣ аахараама, ран̇г̇ачаллим̣ габбияам̣ гад̇ваа д̣̇зма, гим̣ амхзхи на гад̇ам̣ наамаа’’д̇и уггудтим̣ гаронд̇и, самабхааг̇ова д̣̇аад̇аб̣б̣о. зд̇ам̣ яз жа вираж̇жхид̇ваа гаронд̇и, язсан̃жа гаран̣абхааво на бан̃н̃ааяад̇и, д̇з санд̇хааяа вуд̇д̇ам̣. гурунд̣̇ияам̣ бана ‘‘сажз сааман̣зраа ‘гасмаа маяам̣ бханд̇з сан̇гхагаммам̣ на гарома, гариссаамаа’д̇и яаажанд̇и, самабадивийсо д̣̇аад̇аб̣б̣о’’д̇и вуд̇д̇ам̣.

уд̇д̇арид̇угаамод̇и над̣̇им̣ ваа ганд̇аарам̣ ваа уд̇д̇арид̇угаамо; сад̇т̇ам̣ лабхид̇ваа д̣̇исаа баггамид̇угаамод̇и ад̇т̇о. сагам̣ бхааг̇ам̣ д̣̇аад̇унд̇и ид̣̇ам̣ бхан̣д̣ааг̇аарад̇о жийвараани нийхарид̇ваа бун̃ж̇з гад̇з гхан̣дияаа бахадааяа бхигкусан̇гхз саннибад̇ид̇з сад̇т̇ам̣ лабхид̇ваа г̇анд̇угаамо ‘‘сад̇т̇ад̇о маа барихааяий’’д̇и зд̇амад̇т̇ам̣ санд̇хааяа вуд̇д̇ам̣. д̇асмаа анийхад̇зсу ваа жийварзсу аббахадааяа ваа гхан̣дияаа асаннибад̇ид̇з ваа сан̇гхз д̣̇аад̇ум̣ на ваддад̇и. жийварзсу бана нийхад̇зсу гхан̣дим̣ бахарид̇ваа бхигкусан̇гхз саннибад̇ид̇з жийварабхааж̇агзна ‘‘имасса бхигкуно годтаасзна зд̇д̇агзна бхавид̇аб̣б̣а’’нд̇и д̇аггзд̇ваа наяаг̇г̇аахзна жийварам̣ д̣̇аад̇аб̣б̣ам̣. д̇улааяа д̇улид̇амива хи самасамам̣ д̣̇аад̇ум̣ на саггаа, д̇асмаа уунам̣ ваа ход̇у ад̇хигам̣ ваа, звам̣ д̇аггзна наязна д̣̇иннам̣ суд̣̇иннам̣. нзва уунагам̣ буна д̣̇аад̇аб̣б̣ам̣, наад̇ирид̇д̇ам̣ бадиг̇г̇ан̣хид̇аб̣б̣анд̇и.

ад̇ирзгабхааг̇знаад̇и д̣̇аса бхигкуу хонд̇и, саадагааби д̣̇асзва, д̇зсу зго д̣̇ваад̣̇аса аг̇гхад̇и, сзсаа д̣̇асаг̇гханагаа. саб̣б̣зсу д̣̇асаг̇гханагавасзна гусз баад̇ид̇з яасса бхигкуно д̣̇ваад̣̇асаг̇гханаго гусо баад̇ид̇о, со ‘‘зд̇д̇агзна мама жийварам̣ баход̇ий’’д̇и д̇зна ад̇ирзгабхааг̇зна г̇анд̇угаамо ход̇и. бхигкуу ‘‘ад̇ирзгам̣ аавусо сан̇гхасса санд̇ага’’нд̇и вад̣̇анд̇и, д̇ам̣ суд̇ваа бхаг̇аваа ‘‘сан̇гхигз жа г̇ан̣асанд̇агз жа аббагам̣ наама над̇т̇и, саб̣б̣ад̇т̇а сам̣яамо гаад̇аб̣б̣о, г̇ан̣ханд̇знааби гуггужжааяид̇аб̣б̣а’’нд̇и д̣̇ассзд̇ум̣ ‘‘ануж̇аанаами бхигкавз анугкзбз д̣̇иннз’’д̇и ааха. д̇ад̇т̇а анугкзбо наама яам̣гин̃жи анугкибид̇аб̣б̣ам̣ ануббад̣̇аад̇аб̣б̣ам̣ габбияабхан̣д̣ам̣; яад̇д̇агам̣ д̇асса бадивийсз ад̇хигам̣, д̇ад̇д̇агз аг̇гханагз яасмим̣ гисмин̃жи габбияабхан̣д̣з д̣̇иннзд̇и ад̇т̇о.

вигалагз д̇осзд̇ваад̇и зд̇т̇а жийваравигалагам̣ буг̇г̇алавигалаганд̇и д̣̇вз вигалагаа. жийваравигалагам̣ наама саб̣б̣зсам̣ бан̃жа бан̃жа вад̇т̇аани бад̇д̇аани, сзсааниби ад̇т̇и, згзгам̣ бана на баабун̣аад̇и, чинд̣̇ид̇ваа д̣̇аад̇аб̣б̣аани. чинд̣̇анд̇зхи жа ад̣дхаман̣д̣алаад̣̇ийнам̣ ваа убааханад̇т̇авигаад̣̇ийнам̣ ваа бахонагаани кан̣д̣аани гад̇ваа д̣̇аад̇аб̣б̣аани, хздтимабарижчзд̣̇зна жад̇уран̇г̇улавид̇т̇аарамби ануваад̇аббахонагааяаамам̣ кан̣д̣ам̣ гад̇ваа д̣̇аад̇ум̣ ваддад̇и, абарибхог̇ам̣ бана на гаад̇аб̣б̣анд̇и звамзд̇т̇а жийварасса аббахонагабхааво жийваравигалагам̣. чинд̣̇ид̇ваа д̣̇иннз бана д̇ам̣ д̇осид̇ам̣ ход̇и, ат̇а гусабаад̇о гаад̇аб̣б̣о. сажзби згасса бхигкуно годтаасз згам̣ ваа д̣̇вз ваа вад̇т̇аани наббахонд̇и, д̇ад̇т̇а ан̃н̃ам̣ сааман̣агам̣ баригкаарам̣ табзд̇ваа яо д̇зна д̇уссад̇и, д̇асса д̇ам̣ бхааг̇ам̣ д̣̇ад̇ваа бажчаа гусабаад̇о гаад̇аб̣б̣о. ид̣̇амби жийваравигалаганд̇и анд̇хагадтагат̇ааяам̣ вуд̇д̇ам̣.

буг̇г̇алавигалагам̣ наама д̣̇аса д̣̇аса бхигкуу г̇ан̣зд̇ваа ваг̇г̇ам̣ гаронд̇аанам̣ зго ваг̇г̇о на буурад̇и, адта ваа нава ваа хонд̇и, д̇зсам̣ адта ваа нава ваа годтаасаа ‘‘д̇умхз имз г̇ахзд̇ваа висум̣ бхааж̇зт̇аа’’д̇и д̣̇аад̇аб̣б̣аа. звамаяам̣ буг̇г̇алаанам̣ аббахонагабхааво буг̇г̇алавигалагам̣. висум̣ д̣̇иннз бана д̇ам̣ д̇осид̇ам̣ ход̇и, звам̣ д̇осзд̇ваа гусабаад̇о гаад̇аб̣б̣од̇и. ат̇а ваа вигалагз д̇осзд̇ваад̇и яо жийваравибхааг̇о уунаго, д̇ам̣ ан̃н̃зна баригкаарзна самам̣ гад̇ваа гусабаад̇о гаад̇аб̣б̣о.