| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੧੪. ਭਣ੍ਡਾਗਾਰਸਮ੍ਮੁਤਿਆਦਿਕਥਾ
214. Bhaṇḍāgārasammutiādikathā
੩੪੩. ਯੋ વਿਹਾਰੋ વਾ ਯੋ ਅਡ੍ਢਯੋਗੋ વਾ ਹੋਤਿ, ਸੋ વਿਹਾਰਾਦਿਕੋ ਸਮ੍ਮਨਿਤਬ੍ਬੋਤਿ ਯੋਜਨਾ। ‘‘ਆਰਾਮਿਕਸਾਮਣੇਰਾਦੀਹੀ’’ਤਿ ਪਦਂ વਿવਿਤ੍ਤਤ੍ਥੇ ਅਪਾਦਾਨਂ, ਕਰਣਮ੍ਪਿ ਯੁਜ੍ਜਤਿ। ਪਚ੍ਚਨ੍ਤਸੇਨਾਸਨਂ ਪਨ ਨ ਸਮ੍ਮਨਿਤਬ੍ਬਂ ਚੋਰਾਦਿਉਪਦ੍ਦવਤ੍ਤਾ। વਿਹਾਰਮਜ੍ਝੇਯੇવਾਤਿ ਭਣ੍ਡਾਗਾਰવਿਹਾਰਮਜ੍ਝੇਯੇવ।
343. Yo vihāro vā yo aḍḍhayogo vā hoti, so vihārādiko sammanitabboti yojanā. ‘‘Ārāmikasāmaṇerādīhī’’ti padaṃ vivittatthe apādānaṃ, karaṇampi yujjati. Paccantasenāsanaṃ pana na sammanitabbaṃ corādiupaddavattā. Vihāramajjheyevāti bhaṇḍāgāravihāramajjheyeva.
ਯਸ੍ਸਾਤਿ ਭਣ੍ਡਾਗਾਰਸ੍ਸ। ਇਦਂ ਪਦਂ ‘‘ਛਦਨਾਦੀਸੂ’’ਤਿ ਪਦੇ ਸਾਮੀ, ‘‘ਨਤ੍ਥੀ’’ਤਿ ਪਦੇ ਸਮ੍ਪਦਾਨਂ । ਯਸ੍ਸ ਪਨਾਤਿ ਭਣ੍ਡਾਗਾਰਸ੍ਸ ਪਨ। ਯਤ੍ਥ ਕਤ੍ਥਚੀਤਿ ਯਸ੍ਮਿਂ ਕਸ੍ਮਿਂਚਿ ਠਾਨੇ। ਯੇਨਾਤਿ ਪਤਿਤਹੇਤੁਨਾ। ਮੂਸਿਤ੍વਾ ਖਾਦਤੀਤਿ ਮੂਸਿਕੋ। ਆਦਿਸਦ੍ਦੇਨ ਗੋਧਾਮਙ੍ਗੁਸਾਦਯੋ ਸਙ੍ਗਣ੍ਹਾਤਿ। ਉਪ ਭੁਸਂ, ਉਪਗੁਹਿਤ੍વਾ વਾ ਚਿਨਨ੍ਤੀਤਿ ਉਪਚਿਕਾ। ਤਨ੍ਤਿ ਓવਸ੍ਸਨਾਦਿਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਏવਨ੍ਤਿਆਦਿ ਨਿਗਮਨਂ।
Yassāti bhaṇḍāgārassa. Idaṃ padaṃ ‘‘chadanādīsū’’ti pade sāmī, ‘‘natthī’’ti pade sampadānaṃ . Yassa panāti bhaṇḍāgārassa pana. Yattha katthacīti yasmiṃ kasmiṃci ṭhāne. Yenāti patitahetunā. Mūsitvā khādatīti mūsiko. Ādisaddena godhāmaṅgusādayo saṅgaṇhāti. Upa bhusaṃ, upaguhitvā vā cinantīti upacikā. Tanti ovassanādiṃ. Hīti saccaṃ, yasmā vā. Evantiādi nigamanaṃ.
ਚੀવਰਪਟਿਗ੍ਗਾਹਕਾਦੀਹੀਤਿ ਆਦਿਸਦ੍ਦੇਨ ਚੀવਰਨਿਦਹਕਭਣ੍ਡਾਗਾਰਿਕੇ ਸਙ੍ਗਣ੍ਹਾਤਿ। ਤਤ੍ਥਾਤਿ ਤੇਸੁ। ਚੀવਰਪਟਿਗ੍ਗਾਹਕੇਨ ਨ ਗਣ੍ਹਿਤਬ੍ਬਨ੍ਤਿ ਸਮ੍ਬਨ੍ਧੋ। ਤਾવਾਤਿ ਚੀવਰਨਿਦਹਕਭਣ੍ਡਾਗਾਰਿਕਾਨਂ, ਤੇਹਿ વਾ ਪਠਮਂ। ਯਂ ਯਨ੍ਤਿ ਚੀવਰਂ। ਤਥੇવਾਤਿ ਯਥਾ વਿਸੁਂ વਿਸੁਂ ਕਤ੍વਾ ਗਣ੍ਹਤਿ, ਤਥੇવ। ਚੀવਰਨਿਦਹਕੇਨਾਪੀਤਿ ਪਿਸਦ੍ਦੋ ਨ ਕੇવਲਂ ਪਟਿਗ੍ਗਾਹਕੇਨੇવ, ਅਥ ਖੋ ਨਿਦਹਕੇਨਪੀਤਿ ਸਮ੍ਪਿਣ੍ਡੇਤਿ। ਤਥੇવਾਤਿ ਯਥਾ ਨਿਦਹਕੋ ਆਚਿਕ੍ਖਤਿ, ਤਥੇવ। ਤਤੋਤਿ ਤੇਹਿ ਚੀવਰੇਹਿ, વਿਭਤ੍ਤਅਪਾਦਾਨਂ, ਤੇਸੁ ਚੀવਰੇਸੁ વਾ ਨਿਦ੍ਧਾਰਣਂ। ਤਦੇવਾਤਿ ਸਙ੍ਘੇਨ વੁਤ੍ਤਚੀવਰਮੇવ।
Cīvarapaṭiggāhakādīhīti ādisaddena cīvaranidahakabhaṇḍāgārike saṅgaṇhāti. Tatthāti tesu. Cīvarapaṭiggāhakena na gaṇhitabbanti sambandho. Tāvāti cīvaranidahakabhaṇḍāgārikānaṃ, tehi vā paṭhamaṃ. Yaṃ yanti cīvaraṃ. Tathevāti yathā visuṃ visuṃ katvā gaṇhati, tatheva. Cīvaranidahakenāpīti pisaddo na kevalaṃ paṭiggāhakeneva, atha kho nidahakenapīti sampiṇḍeti. Tathevāti yathā nidahako ācikkhati, tatheva. Tatoti tehi cīvarehi, vibhattaapādānaṃ, tesu cīvaresu vā niddhāraṇaṃ. Tadevāti saṅghena vuttacīvarameva.
ਇਤੀਤਿਆਦਿ ਨਿਗਮਨਂ। ਭਗવਤਾ ਅਨੁਞ੍ਞਾਤੋਤਿ ਸਮ੍ਬਨ੍ਧੋ। ਭਣ੍ਡਾਗਾਰਨ੍ਤਿ ਭਣ੍ਡਸ੍ਸ ਠਪਨੋਕਾਸਂ ਅਗਾਰਂ। ਭਣ੍ਡਾਗਾਰਿਕੋਤਿ ਭਣ੍ਡਾਗਾਰੇ ਨਿਯੁਤ੍ਤੋ। ਬਾਹੁਲ੍ਲਿਕਤਾਯਾਤਿ ਪਚ੍ਚਯਬਾਹੁਲ੍ਲੇਨ ਨਿਯੁਤ੍ਤਭਾવਤ੍ਥਂ। ਏવਂ ਸਨ੍ਤੇ ਕਿਮਤ੍ਥਾਯ ਅਨੁਞ੍ਞਾਤੋਤਿ ਆਹ ‘‘ਅਪਿ ਚਾ’’ਤਿਆਦਿ। ਅਨੁਗ੍ਗਹਾਯ ਅਨੁਞ੍ਞਾਤੋਤਿ ਸਮ੍ਬਨ੍ਧੋ। ਹੀਤਿ વਿਤ੍ਥਾਰੋ। ਨੇવ ਜਾਨੇਯ੍ਯੁਨ੍ਤਿ ਯੋਜਨਾ। ਦ੍વੇ ਦ੍વੇ વਾ ਚੀવਰੇਤਿ ਸਮ੍ਬਨ੍ਧੋ। ਸਙ੍ਗਹਂ ਕਾਤੁਨ੍ਤਿ ਸਙ੍ਘੇਨ ਸਙ੍ਗਹਂ ਕਾਤੁਂ।
Itītiādi nigamanaṃ. Bhagavatā anuññātoti sambandho. Bhaṇḍāgāranti bhaṇḍassa ṭhapanokāsaṃ agāraṃ. Bhaṇḍāgārikoti bhaṇḍāgāre niyutto. Bāhullikatāyāti paccayabāhullena niyuttabhāvatthaṃ. Evaṃ sante kimatthāya anuññātoti āha ‘‘api cā’’tiādi. Anuggahāya anuññātoti sambandho. Hīti vitthāro. Neva jāneyyunti yojanā. Dve dve vā cīvareti sambandho. Saṅgahaṃ kātunti saṅghena saṅgahaṃ kātuṃ.
ਨ વੁਟ੍ਠਾਪੇਤਬ੍ਬੋਤਿ ਏਤ੍ਥ ਅਤ੍ਥੁਦ੍ਧਾਰવਸੇਨ ਅਞ੍ਞੇਪਿ ਅવੁਟ੍ਠਾਪਨੀਯੇ ਦਸ੍ਸੇਨ੍ਤੋ ਆਹ ‘‘ਅਞ੍ਞੇਪੀ’’ਤਿਆਦਿ। ਹੀਤਿ વਿਤ੍ਥਾਰੋ। ਤਤ੍ਥਾਤਿ ਚਤੂਸੁ। ਸਙ੍ਘੋ ਪਨ ਦੇਤੀਤਿ ਸਮ੍ਬਨ੍ਧੋ। ਉਪਕਾਰਤਾਯ ਚਾਤਿ ਸਙ੍ਘਸ੍ਸ ਉਪਕਾਰਤਾਯ ਚ। ਏਤ੍ਥ ਚ ਪੁਰਿਮੇਸੁ ਤੀਸੁ ਏਕੋਯੇવ ਹੇਤੁ, ਪਚ੍ਛਿਮੇ ਪਨ ਦ੍વੇ ਹੇਤવੋਤਿ ਦਟ੍ਠਬ੍ਬਂ।
Na vuṭṭhāpetabboti ettha atthuddhāravasena aññepi avuṭṭhāpanīye dassento āha ‘‘aññepī’’tiādi. Hīti vitthāro. Tatthāti catūsu. Saṅgho pana detīti sambandho. Upakāratāya cāti saṅghassa upakāratāya ca. Ettha ca purimesu tīsu ekoyeva hetu, pacchime pana dve hetavoti daṭṭhabbaṃ.
ਸਮ੍ਮੁਖੀਭੂਤੇਨਾਤਿ ਅਞ੍ਞਮਞ੍ਞਸ੍ਸ ਮੁਖੇ ਸਂવਿਜ੍ਜਮਾਨੋ, ਸਨ੍ਨਿਪਤਿਤੋ વਾ ਸਮ੍ਮੁਖੋ, ਸਮ੍ਮੁਖੋ ਹੁਤ੍વਾ ਭੂਤੋ ਸਮ੍ਮੁਖੀਭੂਤੋ। ਭੂਸਦ੍ਦਯੋਗਤ੍ਤਾ ਅਕਾਰਸ੍ਸੀਕਾਰੋ ਹੋਤਿ, ਅਨ੍ਤੋਉਪਚਾਰਸੀਮਾਯਂ ਠਿਤੋ ਸਙ੍ਘੋ । ਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਅਨ੍ਤੋਉਪਚਾਰਸੀਮਾਯਂ ਠਿਤੇਨਾ’’ਤਿ। ਕੋਲਾਹਲਨ੍ਤਿ ਬਹੁਜਨੇਹਿ ਸਨ੍ਨਿਪਤਿਤ੍વਾ ਏਕਤੋ ਕਤਂ ਅਬ੍ਯਤ੍ਤਸਦ੍ਦਂ। ਤਦਾਕਾਰਂ ਦਸ੍ਸੇਨ੍ਤੋ ਆਹ ‘‘ਅਮ੍ਹਾਕ’’ਨ੍ਤਿਆਦਿ। ‘‘ਚੀવਰਭਾਜਕੇਸੂ’’ਤਿਆਦਿਨਾ ਅਗਤਿਗਮਨਾਕਾਰਂ ਦਸ੍ਸੇਤਿ, ਤਂ ਸੁવਿਞ੍ਞੇਯ੍ਯਮੇવ। ਤੁਲਾਭੂਤੋਤਿ ਤੁਲਾਯ ਸਦਿਸੋ ਹੁਤ੍વਾ ਭੂਤੋ, ਤੁਲਾਯ ਸਦਿਸਭਾવਂ ਪਤ੍ਤੋ વਾ। ਮਜ੍ਝਤ੍ਤੋਤਿ ਮਜ੍ਝੇ ਠਿਤੋ ਅਤ੍ਤਾ ਸਭਾવੋ ਏਤਸ੍ਸਾਤਿ ਮਜ੍ਝਤ੍ਤੋ।
Sammukhībhūtenāti aññamaññassa mukhe saṃvijjamāno, sannipatito vā sammukho, sammukho hutvā bhūto sammukhībhūto. Bhūsaddayogattā akārassīkāro hoti, antoupacārasīmāyaṃ ṭhito saṅgho . Tamatthaṃ dassento āha ‘‘antoupacārasīmāyaṃ ṭhitenā’’ti. Kolāhalanti bahujanehi sannipatitvā ekato kataṃ abyattasaddaṃ. Tadākāraṃ dassento āha ‘‘amhāka’’ntiādi. ‘‘Cīvarabhājakesū’’tiādinā agatigamanākāraṃ dasseti, taṃ suviññeyyameva. Tulābhūtoti tulāya sadiso hutvā bhūto, tulāya sadisabhāvaṃ patto vā. Majjhattoti majjhe ṭhito attā sabhāvo etassāti majjhatto.
ਇਦਨ੍ਤਿ ਚੀવਰਂ। ਘਨਨ੍ਤਿ ਨਿਰਨ੍ਤਰਂ। ਤਨੁਕਨ੍ਤਿ વਿਰਲ਼ਂ। ਏਤ੍ਥ ‘‘ਉਚ੍ਚਿਨਿਤ੍વਾ’’ਤਿ ਇਮਿਨਾ વਤ੍ਥਸ੍ਸ ਪਮਾਣੇਨ ਉਚ੍ਚਿਨਨਂ ਦਸ੍ਸੇਤਿ। ‘‘ਤੁਲਯਿਤ੍વਾ’’ਤਿ ਇਮਿਨਾ ਅਗ੍ਘੇਨ ਤੁਲਨਂ ਦਸ੍ਸੇਤਿ। વਣ੍ਣਾવਣ੍ਣਂ ਕਤ੍વਾਤਿ વਣ੍ਣਞ੍ਚ ਅવਣ੍ਣਞ੍ਚ ਖੁਦ੍ਦਕਞ੍ਚ ਪਮਾਣਂ, ਮਹਨ੍ਤਞ੍ਚ ਪਮਾਣਂ ਕਤ੍વਾਤਿ ਅਤ੍ਥੋ। ਏਕਚ੍ਚਾਨਿ ਚੀવਰਾਨਿ ਅਪ੍ਪਗ੍ਘਾਨਿ ਹੋਨ੍ਤਿ, ਏਕਚ੍ਚਾਨਿ ਮਹਗ੍ਘਾਨੀਤਿ વੁਤ੍ਤਂ ਹੋਤਿ। ਦਸਦਸਅਗ੍ਘਨਕਨ੍ਤਿ ਦਸਹਿ ਦਸਹਿ ਕਹਾਪਣੇਹਿ ਅਗ੍ਘਨਕਂ। ਯਨ੍ਤਿ ਚੀવਰਂ, ਬਨ੍ਧਿਤ੍વਾਤਿ ਨવਗ੍ਘਨਕਂ ਏਕਗ੍ਘਨਕੇਨ, ਅਟ੍ਠਗ੍ਘਨਕਞ੍ਚ ਦ੍વਿਅਗ੍ਘਨਕੇਨ ਬਨ੍ਧਿਤ੍વਾਤਿ ਅਤ੍ਥੋ। ਸਮੇ ਪਟਿવੀਸੇਤਿ ਸਮਪਮਾਣੇ ਪਟਿવੀਸੇ ਠਪੇਤ੍વਾ, ਇਮਿਨਾ ‘‘વਣ੍ਣਾવਣ੍ਣ’’ਨ੍ਤਿ ਏਤ੍ਥ વਣ੍ਣਸਦ੍ਦੋ ਪਮਾਣਤ੍ਥੋਤਿ ਦੀਪੇਤਿ। ਦਸ ਦਸ ਭਿਕ੍ਖੂਤਿ ਇਦਂ ਉਪਲਕ੍ਖਣવਸੇਨ વੁਤ੍ਤਂ ਅਞ੍ਞੇਨਾਕਾਰੇਨਾਪਿ ਗਣੇਤੁਂ ਸਕ੍ਕੁਣੇਯ੍ਯਤ੍ਤਾ। ਭਣ੍ਡਿਕਨ੍ਤਿ ਚੀવਰਭਣ੍ਡੇਨ ਨਿਯੁਤ੍ਤਂ ਪੁਟਂ। ਕੁਸੋਤਿ ਸਲਾਕਦਣ੍ਡੋ।
Idanti cīvaraṃ. Ghananti nirantaraṃ. Tanukanti viraḷaṃ. Ettha ‘‘uccinitvā’’ti iminā vatthassa pamāṇena uccinanaṃ dasseti. ‘‘Tulayitvā’’ti iminā agghena tulanaṃ dasseti. Vaṇṇāvaṇṇaṃ katvāti vaṇṇañca avaṇṇañca khuddakañca pamāṇaṃ, mahantañca pamāṇaṃ katvāti attho. Ekaccāni cīvarāni appagghāni honti, ekaccāni mahagghānīti vuttaṃ hoti. Dasadasaagghanakanti dasahi dasahi kahāpaṇehi agghanakaṃ. Yanti cīvaraṃ, bandhitvāti navagghanakaṃ ekagghanakena, aṭṭhagghanakañca dviagghanakena bandhitvāti attho. Same paṭivīseti samapamāṇe paṭivīse ṭhapetvā, iminā ‘‘vaṇṇāvaṇṇa’’nti ettha vaṇṇasaddo pamāṇatthoti dīpeti. Dasa dasa bhikkhūti idaṃ upalakkhaṇavasena vuttaṃ aññenākārenāpi gaṇetuṃ sakkuṇeyyattā. Bhaṇḍikanti cīvarabhaṇḍena niyuttaṃ puṭaṃ. Kusoti salākadaṇḍo.
ਅਤ੍ਤਿਸ੍ਸਰਾਤਿ ਅਤ੍ਤਨਾવ ਅਤ੍ਤਾਨਂ ਇਸ੍ਸਰਾ। ਅਞ੍ਞੇਸਂ વਤ੍ਤਪਟਿਪਤ੍ਤਿਨ੍ਤਿ ਸਮ੍ਬਨ੍ਧੋ। ਉਪਡ੍ਢਭਾਗੋਤਿ ਭਿਕ੍ਖੂਨਂ ਲਦ੍ਧਭਾਗਤੋ ਉਪਡ੍ਢੋ ਭਾਗੋ। ਯੇ ਪਨਾਤਿ ਸਾਮਣੇਰਾ ਪਨ। ਸਮਭਾਗੋਤਿ ਭਿਕ੍ਖੂਨਂ ਭਾਗੇਨ ਸਮੋ ਭਾਗੋ। ਇਦਞ੍ਚਾਤਿ ‘‘ਉਪਡ੍ਢਪਟਿવੀਸ’’ਨ੍ਤਿ વਚਨਞ੍ਚ, ਕਥਿਤਨ੍ਤਿ ਸਮ੍ਬਨ੍ਧੋ। ਸਮਕਮੇવਾਤਿ ਭਿਕ੍ਖੁਸਾਮਣੇਰਾਨਂ ਸਮਪਮਾਣਮੇવ। ਤਤ੍ਰੁਪ੍ਪਾਦવਸ੍ਸਾવਾਸਿਕਨ੍ਤਿ ਤਸ੍ਮਿਂ વਿਹਾਰੇ ਉਪ੍ਪਾਦੇਨ ਮੂਲੇਨ ਉਪ੍ਪਾਦਿਤਂ વਸ੍ਸਾવਾਸਿਕਂ। ਫਾਤਿਕਮ੍ਮਨ੍ਤਿ વਡ੍ਢਨਕਮ੍ਮਂ ‘‘ਯਤ੍ਤਕੇਨ વਿਨਯਾਗਤੇਨ ਸਮ੍ਮੁਞ੍ਜਨਿਬਨ੍ਧਨਾਦਿਨਾ ਹਤ੍ਥਕਮ੍ਮੇਨ વਿਹਾਰਸ੍ਸ ਊਨਤਾ ਨ ਹੋਤਿ, ਤਤ੍ਤਕਂ ਕਤ੍વਾਤਿ ਅਤ੍ਥੋ। ਏਤਨ੍ਤਿ ਫਾਤਿਕਮ੍ਮਂ ਕਤ੍વਾ ਗਹਣਂ । ਹੀਤਿ ਸਚ੍ਚਂ। ਏਤ੍ਥਾਤਿ ਤਤ੍ਰੁਪ੍ਪਾਦવਸ੍ਸਾવਾਸਿਕਗਹਣੇ। ਸਬ੍ਬੇਸਨ੍ਤਿ ਅਖਿਲਾਨਂ ਭਿਕ੍ਖੁਸਾਮਣੇਰਾਨਂ। ਭਣ੍ਡਾਗਾਰਿਕਚੀવਰੇਪੀਤਿ ਭਣ੍ਡਾਗਾਰੇ ਠਪਿਤੇ ਅਕਾਲਚੀવਰੇਪਿ। ਪਿਸਦ੍ਦੇਨ ਤਤ੍ਰੁਪ੍ਪਾਦવਸ੍ਸਾવਾਸਿਕਮਪੇਕ੍ਖਤਿ। ਸਾਮਣੇਰਾ ਉਕ੍ਕੁਟ੍ਠਿਂ ਕਰੋਨ੍ਤੀਤਿ ਸਮ੍ਬਨ੍ਧੋ। ਅਪਹਰਿਤਕਨ੍ਤਿ ਹਰਿਤવਿਰਹਿਤਂ। ਰਙ੍ਗਛਲ੍ਲਿਨ੍ਤਿ ਰਜਨਚ੍ਛવਿਂ। ਏਤਨ੍ਤਿ ਉਕ੍ਕੁਟ੍ਠਿਕਰਣਤੋ ਸਮਭਾਗਦਾਨਂ, વੁਤ੍ਤਨ੍ਤਿ ਸਮ੍ਬਨ੍ਧੋ। ਯੇ ਚਾਤਿ ਸਾਮਣੇਰਾ ਚ। વਿਰਜ੍ਝਿਤ੍વਾ ਕਰੋਨ੍ਤੀਤਿ ਕਤ੍ਤਬ੍ਬਕਾਲੇਸੁ ਅਕਤ੍વਾ ਯਥਿਚ੍ਛਿਤਕ੍ਖਣੇ ਕਰੋਨ੍ਤਿ। ਤੇਤਿ ਸਾਮਣੇਰੇ। ਸਮਪਟਿવੀਸੋ ਦਾਤਬ੍ਬੋਤਿ ‘‘ਕਰਿਸ੍ਸਾਮਾ’’ਤਿ ਪਟਿਞ੍ਞਾਤਮਤ੍ਤੇਨ ਸਮੋ ਪਟਿવੀਸੋ ਦਾਤਬ੍ਬੋ।
Attissarāti attanāva attānaṃ issarā. Aññesaṃ vattapaṭipattinti sambandho. Upaḍḍhabhāgoti bhikkhūnaṃ laddhabhāgato upaḍḍho bhāgo. Ye panāti sāmaṇerā pana. Samabhāgoti bhikkhūnaṃ bhāgena samo bhāgo. Idañcāti ‘‘upaḍḍhapaṭivīsa’’nti vacanañca, kathitanti sambandho. Samakamevāti bhikkhusāmaṇerānaṃ samapamāṇameva. Tatruppādavassāvāsikanti tasmiṃ vihāre uppādena mūlena uppāditaṃ vassāvāsikaṃ. Phātikammanti vaḍḍhanakammaṃ ‘‘yattakena vinayāgatena sammuñjanibandhanādinā hatthakammena vihārassa ūnatā na hoti, tattakaṃ katvāti attho. Etanti phātikammaṃ katvā gahaṇaṃ . Hīti saccaṃ. Etthāti tatruppādavassāvāsikagahaṇe. Sabbesanti akhilānaṃ bhikkhusāmaṇerānaṃ. Bhaṇḍāgārikacīvarepīti bhaṇḍāgāre ṭhapite akālacīvarepi. Pisaddena tatruppādavassāvāsikamapekkhati. Sāmaṇerā ukkuṭṭhiṃ karontīti sambandho. Apaharitakanti haritavirahitaṃ. Raṅgachallinti rajanacchaviṃ. Etanti ukkuṭṭhikaraṇato samabhāgadānaṃ, vuttanti sambandho. Ye cāti sāmaṇerā ca. Virajjhitvā karontīti kattabbakālesu akatvā yathicchitakkhaṇe karonti. Teti sāmaṇere. Samapaṭivīso dātabboti ‘‘karissāmā’’ti paṭiññātamattena samo paṭivīso dātabbo.
‘‘ਸਕਂ ਭਾਗਂ ਦਾਤੁ’’ਨ੍ਤਿ ਇਦਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਕਿਂ ਸਨ੍ਧਾਯ વੁਤ੍ਤਨ੍ਤਿ ਆਹ ‘‘ਭਣ੍ਡਾਗਾਰਤੋ…ਪੇ॰… ਸਨ੍ਧਾਯਾ’’ਤਿ। ਪਹਤਾਯਾਤਿ ਪਹਰਿਤਬ੍ਬਾਯ, ਪਹਨਿਤਬ੍ਬਾਯ વਾ। ਤਸ੍ਮਾਤਿ ਯਸ੍ਮਾ ਸਨ੍ਧਾਯ વੁਤ੍ਤਂ, ਤਸ੍ਮਾ। ਅਨੀਹਟੇਸੂਤਿ ਭਣ੍ਡਾਗਾਰਤੋ ਅਨੀਹਰਿਤੇਸੁ। ਇਮਸ੍ਸ ਭਿਕ੍ਖੁਨੋਤਿ ਉਤ੍ਤਰਿਤੁਕਾਮਸ੍ਸ ਇਮਸ੍ਸ ਭਿਕ੍ਖੁਨੋ। ਤੁਲਾਯਾਤਿ ਮਾਨੇਨ।
‘‘Sakaṃ bhāgaṃ dātu’’nti idaṃ vuttanti sambandho. Kiṃ sandhāya vuttanti āha ‘‘bhaṇḍāgārato…pe… sandhāyā’’ti. Pahatāyāti paharitabbāya, pahanitabbāya vā. Tasmāti yasmā sandhāya vuttaṃ, tasmā. Anīhaṭesūti bhaṇḍāgārato anīharitesu. Imassa bhikkhunoti uttaritukāmassa imassa bhikkhuno. Tulāyāti mānena.
ਤੇਸੂਤਿ ਸਾਟਕੇਸੁ, ਏਕੋ ਸਾਟਕੋਤਿ ਯੋਜਨਾ। ਸਬ੍ਬੇਸੁ ਪਾਤਿਤੇਸੂਤਿ ਸਮ੍ਬਨ੍ਧੋ। ਏਤ੍ਤਕੇਨਾਤਿ ਦ੍વਾਦਸਗ੍ਘਨਕੇਨ। ਤਂ ਸੁਤ੍વਾਤਿ ਭਿਕ੍ਖੂਨਂ ਤਂ વਚਨਂ ਸੁਤ੍વਾ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਸਙ੍ਘਗਣਸਨ੍ਤਕੇ। ਅਨੁਪ੍ਪਦਾਨੇਨ ਖਿਪਿਯਤਿ ਪਕ੍ਖਿਪਿਯਤੀਤਿ ਅਨੁਕ੍ਖੇਪਨ੍ਤਿ ਦਸ੍ਸੇਨ੍ਤੋ ਆਹ ‘‘ਅਨੁਕ੍ਖੇਪਂ ਨਾਮਾ’’ਤਿਆਦਿ। ਯਤ੍ਤਕਂ ਅਗ੍ਘਨ੍ਤਿ ਸਮ੍ਬਨ੍ਧੋ। ਤਤ੍ਤਕੇਨ ਅਗ੍ਘੇਨ ਅਗ੍ਘਨਕੇਤਿ ਯੋਜਨਾ। વਿਕਲ੍ਲਕਾਤਿ વਿਕਲਸ੍ਸ ਭਾવੋ વਿਕਲ੍ਲਂ, ਚੀવਰਪੁਗ੍ਗਲਾਨਂ ਅਪਹੋਨਕਭਾવੋ, ਤਦੇવ વਿਕਲ੍ਲਕਾ। ‘‘ਤਤ੍ਥਾ’’ਤਿ ਪਾਠਸੇਸੋ, ਤੇਸੁ ਦ੍વੀਸੁ વਿਕਲ੍ਲਕੇਸੂਤਿ ਅਤ੍ਥੋ। ਅਤ੍ਥੀਤਿ ਸਂવਿਜ੍ਜਨ੍ਤਿ, ਨਿਪਾਤੋਯਂ। ਛਿਨ੍ਦਨ੍ਤੇਹਿ ਚ ਦਾਤਬ੍ਬਾਨੀਤਿ ਸਮ੍ਬਨ੍ਧੋ। ਦਾਤਬ੍ਬਾਨੀਤਿ ਚ ਛਿਨ੍ਦਿਤਬ੍ਬਾਨਿ। ਦਾਸਦ੍ਦੋ ਹਿ ਅવਖਣ੍ਡਨਤ੍ਥੋ। ਦਾਤੁਨ੍ਤਿ ਅવਖਣ੍ਡਿਤੁਂ। ਏવਨ੍ਤਿਆਦਿ ਨਿਗਮਨਂ। ਏਤ੍ਥਾਤਿ ਏਤੇਸੁ વਿਕਲ੍ਲਕੇਸੁ। ਤਨ੍ਤਿ ਚੀવਰਂ । ਅਥਾਤਿ ਤੋਸਿਤਤੋ ਪਰਂ। ਤਤ੍ਥਾਤਿ ਏਕਸ੍ਸ ਭਿਕ੍ਖੁਨੋ ਕੋਟ੍ਠਾਸੇ। ਸਾਮਣਕਨ੍ਤਿ ਸਮਣਸ੍ਸ ਅਨੁਰੂਪਂ। ਯੋਤਿ ਭਿਕ੍ਖੁ। ਤੇਨਾਤਿ ਪਰਿਕ੍ਖਾਰੇਨ। ਇਦਮ੍ਪੀਤਿ ਅਞ੍ਞਂ ਸਾਮਣਕਸ੍ਸ ਪਰਿਕ੍ਖਾਰਸ੍ਸ ਠਪਨਮ੍ਪਿ। ਪਿਸਦ੍ਦੇਨ ਪੁਰਿਮਂ વਤ੍ਥਛਿਨ੍ਦਨਮਪੇਕ੍ਖਤਿ।
Tesūti sāṭakesu, eko sāṭakoti yojanā. Sabbesu pātitesūti sambandho. Ettakenāti dvādasagghanakena. Taṃ sutvāti bhikkhūnaṃ taṃ vacanaṃ sutvā. Sabbatthāti sabbasmiṃ saṅghagaṇasantake. Anuppadānena khipiyati pakkhipiyatīti anukkhepanti dassento āha ‘‘anukkhepaṃ nāmā’’tiādi. Yattakaṃ agghanti sambandho. Tattakena agghena agghanaketi yojanā. Vikallakāti vikalassa bhāvo vikallaṃ, cīvarapuggalānaṃ apahonakabhāvo, tadeva vikallakā. ‘‘Tatthā’’ti pāṭhaseso, tesu dvīsu vikallakesūti attho. Atthīti saṃvijjanti, nipātoyaṃ. Chindantehi ca dātabbānīti sambandho. Dātabbānīti ca chinditabbāni. Dāsaddo hi avakhaṇḍanattho. Dātunti avakhaṇḍituṃ. Evantiādi nigamanaṃ. Etthāti etesu vikallakesu. Tanti cīvaraṃ . Athāti tositato paraṃ. Tatthāti ekassa bhikkhuno koṭṭhāse. Sāmaṇakanti samaṇassa anurūpaṃ. Yoti bhikkhu. Tenāti parikkhārena. Idampīti aññaṃ sāmaṇakassa parikkhārassa ṭhapanampi. Pisaddena purimaṃ vatthachindanamapekkhati.
વਗ੍ਗਨ੍ਤਿ ਸਮੂਹਂ। ਅਟ੍ਠ વਾ ਨવ વਾ ਭਿਕ੍ਖੂ ਹੋਨ੍ਤੀਤਿ ਯੋਜਨਾ। ਤੇਸਨ੍ਤਿ ਅਟ੍ਠਨ੍ਨਂ વਾ ਨવਨ੍ਨਂ વਾ। ਏવਨ੍ਤਿਆਦਿ ਨਿਗਮਨਂ। ਅਯਂ ਅਪਹੋਨਕਭਾવੋਤਿ ਯੋਜਨਾ। ਪੁਨ ਚੀવਰਸ੍ਸੇવ વਿਕਲ੍ਲਕਭਾવਂ ਦਸ੍ਸੇਨ੍ਤੋ ਆਹ ‘‘ਅਥવਾ’’ਤਿਆਦਿ। ਏਤ੍ਥ ਪੁਰਿਮਨਯੇ ਚੀવਰਸ੍ਸ ਚ ਪੁਗ੍ਗਲਸ੍ਸ ਚ વਿਕਲ੍ਲਕਂ ਹੋਤਿ, ਪਚ੍ਛਿਮੇ ਚੀવਰਸ੍ਸੇવਾਤਿ ਅਯਮੇਤੇਸਂ વਿਸੇਸੋ।
Vagganti samūhaṃ. Aṭṭha vā nava vā bhikkhū hontīti yojanā. Tesanti aṭṭhannaṃ vā navannaṃ vā. Evantiādi nigamanaṃ. Ayaṃ apahonakabhāvoti yojanā. Puna cīvarasseva vikallakabhāvaṃ dassento āha ‘‘athavā’’tiādi. Ettha purimanaye cīvarassa ca puggalassa ca vikallakaṃ hoti, pacchime cīvarassevāti ayametesaṃ viseso.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੪. ਭਣ੍ਡਾਗਾਰਸਮ੍ਮੁਤਿਆਦਿਕਥਾ • 214. Bhaṇḍāgārasammutiādikathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਭਣ੍ਡਾਗਾਰਸਮ੍ਮੁਤਿਆਦਿਕਥਾ • Bhaṇḍāgārasammutiādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੀવਰਪਟਿਗ੍ਗਾਹਕਸਮ੍ਮੁਤਿਆਦਿਕਥਾવਣ੍ਣਨਾ • Cīvarapaṭiggāhakasammutiādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭਣ੍ਡਾਗਾਰਸਮ੍ਮੁਤਿਆਦਿਕਥਾવਣ੍ਣਨਾ • Bhaṇḍāgārasammutiādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਣ੍ਡਾਗਾਰਸਮ੍ਮੁਤਿਆਦਿਕਥਾવਣ੍ਣਨਾ • Bhaṇḍāgārasammutiādikathāvaṇṇanā
