| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ப⁴ண்டா³கா³ரஸம்முதிஆதி³கதா²வண்ணனா
Bhaṇḍāgārasammutiādikathāvaṇṇanā
343. விஹாரமஜ்ஜே²தி ஸப்³பே³ஸங் ஜானநத்தா²ய வுத்தங். வண்ணாவண்ணங் கத்வாதி படிவீஸப்பஹோனகதாஜானநத்த²ங் ஹலித்³தி³யாதீ³ஹி கு²த்³த³கமஹந்தவண்ணேஹி யுத்தே ஸமே கொட்டா²ஸே கத்வா. தேனாஹ ‘‘ஸமே படிவீஸே ட²பெத்வா’’தி. இத³ந்தி ஸாமணேரானங் உபட்³ட⁴படிவீஸதா³னங். பா²திகம்மந்தி பஹோனககம்மங். யத்தகேன வினயாக³தேன ஸம்முஞ்ஜனீப³ந்த⁴னாதி³ஹத்த²கம்மேன விஹாரஸ்ஸ ஊனகதா ந ஹோதி, தத்தகங் கத்வாதி அத்தோ². ஸப்³பே³ஸந்தி தத்ருப்பாத³வஸ்ஸாவாஸிகங் க³ண்ஹந்தானங் ஸப்³பே³ஸங் பி⁴க்கூ²னங், ஸாமணேரானஞ்ச. ப⁴ண்டா³கா³ரிகசீவரேபீதி அகாலசீவரங் ஸந்தா⁴ய வுத்தங். ஏதந்தி உக்குட்டி²யா கதாய ஸமபா⁴க³தா³னங். விரஜ்ஜி²த்வா கரொந்தீதி கத்தப்³ப³காலேஸு அகத்வா யதா²ருசிதக்க²ணே கரொந்தி.
343.Vihāramajjheti sabbesaṃ jānanatthāya vuttaṃ. Vaṇṇāvaṇṇaṃ katvāti paṭivīsappahonakatājānanatthaṃ haliddiyādīhi khuddakamahantavaṇṇehi yutte same koṭṭhāse katvā. Tenāha ‘‘same paṭivīse ṭhapetvā’’ti. Idanti sāmaṇerānaṃ upaḍḍhapaṭivīsadānaṃ. Phātikammanti pahonakakammaṃ. Yattakena vinayāgatena sammuñjanībandhanādihatthakammena vihārassa ūnakatā na hoti, tattakaṃ katvāti attho. Sabbesanti tatruppādavassāvāsikaṃ gaṇhantānaṃ sabbesaṃ bhikkhūnaṃ, sāmaṇerānañca. Bhaṇḍāgārikacīvarepīti akālacīvaraṃ sandhāya vuttaṃ. Etanti ukkuṭṭhiyā katāya samabhāgadānaṃ. Virajjhitvā karontīti kattabbakālesu akatvā yathārucitakkhaṇe karonti.
எத்தகேன மம சீவரங் பஹோதீதி த்³வாத³ஸக்³க⁴னகேனேவ மம சீவரங் பரிபுண்ணங் ஹோதி, ந ததோ ஊனேனாதி ஸப்³ப³ங் க³ஹேதுகாமோதி அத்தோ².
Ettakena mama cīvaraṃ pahotīti dvādasagghanakeneva mama cīvaraṃ paripuṇṇaṃ hoti, na tato ūnenāti sabbaṃ gahetukāmoti attho.
ப⁴ண்டா³கா³ரஸம்முதிஆதி³கதா²வண்ணனா நிட்டி²தா.
Bhaṇḍāgārasammutiādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 214. ப⁴ண்டா³கா³ரஸம்முதிஆதி³கதா² • 214. Bhaṇḍāgārasammutiādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ப⁴ண்டா³கா³ரஸம்முதிஆதி³கதா² • Bhaṇḍāgārasammutiādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சீவரபடிக்³கா³ஹகஸம்முதிஆதி³கதா²வண்ணனா • Cīvarapaṭiggāhakasammutiādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ப⁴ண்டா³கா³ரஸம்முதிஆதி³கதா²வண்ணனா • Bhaṇḍāgārasammutiādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 214. ப⁴ண்டா³கா³ரஸம்முதிஆதி³கதா² • 214. Bhaṇḍāgārasammutiādikathā
