| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
భణ్డాగారసమ్ముతిఆదికథావణ్ణనా
Bhaṇḍāgārasammutiādikathāvaṇṇanā
౩౪౩. విహారమజ్ఝేతి సబ్బేసం జాననత్థాయ వుత్తం. వణ్ణావణ్ణం కత్వాతి పటివీసప్పహోనకతాజాననత్థం హలిద్దియాదీహి ఖుద్దకమహన్తవణ్ణేహి యుత్తే సమే కోట్ఠాసే కత్వా. తేనాహ ‘‘సమే పటివీసే ఠపేత్వా’’తి. ఇదన్తి సామణేరానం ఉపడ్ఢపటివీసదానం. ఫాతికమ్మన్తి పహోనకకమ్మం. యత్తకేన వినయాగతేన సమ్ముఞ్జనీబన్ధనాదిహత్థకమ్మేన విహారస్స ఊనకతా న హోతి, తత్తకం కత్వాతి అత్థో. సబ్బేసన్తి తత్రుప్పాదవస్సావాసికం గణ్హన్తానం సబ్బేసం భిక్ఖూనం, సామణేరానఞ్చ. భణ్డాగారికచీవరేపీతి అకాలచీవరం సన్ధాయ వుత్తం. ఏతన్తి ఉక్కుట్ఠియా కతాయ సమభాగదానం. విరజ్ఝిత్వా కరోన్తీతి కత్తబ్బకాలేసు అకత్వా యథారుచితక్ఖణే కరోన్తి.
343.Vihāramajjheti sabbesaṃ jānanatthāya vuttaṃ. Vaṇṇāvaṇṇaṃ katvāti paṭivīsappahonakatājānanatthaṃ haliddiyādīhi khuddakamahantavaṇṇehi yutte same koṭṭhāse katvā. Tenāha ‘‘same paṭivīse ṭhapetvā’’ti. Idanti sāmaṇerānaṃ upaḍḍhapaṭivīsadānaṃ. Phātikammanti pahonakakammaṃ. Yattakena vinayāgatena sammuñjanībandhanādihatthakammena vihārassa ūnakatā na hoti, tattakaṃ katvāti attho. Sabbesanti tatruppādavassāvāsikaṃ gaṇhantānaṃ sabbesaṃ bhikkhūnaṃ, sāmaṇerānañca. Bhaṇḍāgārikacīvarepīti akālacīvaraṃ sandhāya vuttaṃ. Etanti ukkuṭṭhiyā katāya samabhāgadānaṃ. Virajjhitvā karontīti kattabbakālesu akatvā yathārucitakkhaṇe karonti.
ఏత్తకేన మమ చీవరం పహోతీతి ద్వాదసగ్ఘనకేనేవ మమ చీవరం పరిపుణ్ణం హోతి, న తతో ఊనేనాతి సబ్బం గహేతుకామోతి అత్థో.
Ettakena mama cīvaraṃ pahotīti dvādasagghanakeneva mama cīvaraṃ paripuṇṇaṃ hoti, na tato ūnenāti sabbaṃ gahetukāmoti attho.
భణ్డాగారసమ్ముతిఆదికథావణ్ణనా నిట్ఠితా.
Bhaṇḍāgārasammutiādikathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౨౧౪. భణ్డాగారసమ్ముతిఆదికథా • 214. Bhaṇḍāgārasammutiādikathā
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / భణ్డాగారసమ్ముతిఆదికథా • Bhaṇḍāgārasammutiādikathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / చీవరపటిగ్గాహకసమ్ముతిఆదికథావణ్ణనా • Cīvarapaṭiggāhakasammutiādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / భణ్డాగారసమ్ముతిఆదికథావణ్ణనా • Bhaṇḍāgārasammutiādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౨౧౪. భణ్డాగారసమ్ముతిఆదికథా • 214. Bhaṇḍāgārasammutiādikathā
