| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
භණ්‌ඩාගාරසම්‌මුතිආදිකථාවණ්‌ණනා
Bhaṇḍāgārasammutiādikathāvaṇṇanā
343. විහාරමජ්‌ඣෙති සබ්‌බෙසං ජානනත්‌ථාය වුත්‌තං. වණ්‌ණාවණ්‌ණං කත්‌වාති පටිවීසප්‌පහොනකතාජානනත්‌ථං හලිද්‌දියාදීහි ඛුද්‌දකමහන්‌තවණ්‌ණෙහි යුත්‌තෙ සමෙ කොට්‌ඨාසෙ කත්‌වා. තෙනාහ ‘‘සමෙ පටිවීසෙ ඨපෙත්‌වා’’ති. ඉදන්‌ති සාමණෙරානං උපඩ්‌ඪපටිවීසදානං. ඵාතිකම්‌මන්‌ති පහොනකකම්‌මං. යත්‌තකෙන විනයාගතෙන සම්‌මුඤ්‌ජනීබන්‌ධනාදිහත්‌ථකම්‌මෙන විහාරස්‌ස ඌනකතා න හොති, තත්‌තකං කත්‌වාති අත්‌ථො. සබ්‌බෙසන්‌ති තත්‍රුප්‌පාදවස්‌සාවාසිකං ගණ්‌හන්‌තානං සබ්‌බෙසං භික්‌ඛූනං, සාමණෙරානඤ්‌ච. භණ්‌ඩාගාරිකචීවරෙපීති අකාලචීවරං සන්‌ධාය වුත්‌තං. එතන්‌ති උක්‌කුට්‌ඨියා කතාය සමභාගදානං. විරජ්‌ඣිත්‌වා කරොන්‌තීති කත්‌තබ්‌බකාලෙසු අකත්‌වා යථාරුචිතක්‌ඛණෙ කරොන්‌ති.
343.Vihāramajjheti sabbesaṃ jānanatthāya vuttaṃ. Vaṇṇāvaṇṇaṃ katvāti paṭivīsappahonakatājānanatthaṃ haliddiyādīhi khuddakamahantavaṇṇehi yutte same koṭṭhāse katvā. Tenāha ‘‘same paṭivīse ṭhapetvā’’ti. Idanti sāmaṇerānaṃ upaḍḍhapaṭivīsadānaṃ. Phātikammanti pahonakakammaṃ. Yattakena vinayāgatena sammuñjanībandhanādihatthakammena vihārassa ūnakatā na hoti, tattakaṃ katvāti attho. Sabbesanti tatruppādavassāvāsikaṃ gaṇhantānaṃ sabbesaṃ bhikkhūnaṃ, sāmaṇerānañca. Bhaṇḍāgārikacīvarepīti akālacīvaraṃ sandhāya vuttaṃ. Etanti ukkuṭṭhiyā katāya samabhāgadānaṃ. Virajjhitvā karontīti kattabbakālesu akatvā yathārucitakkhaṇe karonti.
එත්‌තකෙන මම චීවරං පහොතීති ද්‌වාදසග්‌ඝනකෙනෙව මම චීවරං පරිපුණ්‌ණං හොති, න තතො ඌනෙනාති සබ්‌බං ගහෙතුකාමොති අත්‌ථො.
Ettakena mama cīvaraṃ pahotīti dvādasagghanakeneva mama cīvaraṃ paripuṇṇaṃ hoti, na tato ūnenāti sabbaṃ gahetukāmoti attho.
භණ්‌ඩාගාරසම්‌මුතිආදිකථාවණ්‌ණනා නිට්‌ඨිතා.
Bhaṇḍāgārasammutiādikathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 214. භණ්‌ඩාගාරසම්‌මුතිආදිකථා • 214. Bhaṇḍāgārasammutiādikathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / භණ්‌ඩාගාරසම්‌මුතිආදිකථා • Bhaṇḍāgārasammutiādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චීවරපටිග්‌ගාහකසම්‌මුතිආදිකථාවණ්‌ණනා • Cīvarapaṭiggāhakasammutiādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / භණ්‌ඩාගාරසම්‌මුතිආදිකථාවණ්‌ණනා • Bhaṇḍāgārasammutiādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 214. භණ්‌ඩාගාරසම්‌මුතිආදිකථා • 214. Bhaṇḍāgārasammutiādikathā
