| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
བྷཎྜཱགཱརསམྨུཏིཨཱདིཀཐཱཝཎྞནཱ
Bhaṇḍāgārasammutiādikathāvaṇṇanā
༣༤༣. ཝིཧཱརམཛ྄ཛྷེཏི སབྦེསཾ ཛཱནནཏྠཱཡ ཝུཏྟཾ། ཝཎྞཱཝཎྞཾ ཀཏྭཱཏི པཊིཝཱིསཔྤཧོནཀཏཱཛཱནནཏྠཾ ཧལིདྡིཡཱདཱིཧི ཁུདྡཀམཧནྟཝཎྞེཧི ཡུཏྟེ སམེ ཀོཊྛཱསེ ཀཏྭཱ། ཏེནཱཧ ‘‘སམེ པཊིཝཱིསེ ཋཔེཏྭཱ’’ཏི། ཨིདནྟི སཱམཎེརཱནཾ ཨུཔཌྜྷཔཊིཝཱིསདཱནཾ། ཕཱཏིཀམྨནྟི པཧོནཀཀམྨཾ། ཡཏྟཀེན ཝིནཡཱགཏེན སམྨུཉྫནཱིབནྡྷནཱདིཧཏྠཀམྨེན ཝིཧཱརསྶ ཨཱུནཀཏཱ ན ཧོཏི, ཏཏྟཀཾ ཀཏྭཱཏི ཨཏྠོ། སབྦེསནྟི ཏཏྲུཔྤཱདཝསྶཱཝཱསིཀཾ གཎྷནྟཱནཾ སབྦེསཾ བྷིཀྑཱུནཾ, སཱམཎེརཱནཉྩ། བྷཎྜཱགཱརིཀཙཱིཝརེཔཱིཏི ཨཀཱལཙཱིཝརཾ སནྡྷཱཡ ཝུཏྟཾ། ཨེཏནྟི ཨུཀྐུཊྛིཡཱ ཀཏཱཡ སམབྷཱགདཱནཾ། ཝིརཛ྄ཛྷིཏྭཱ ཀརོནྟཱིཏི ཀཏྟབྦཀཱལེསུ ཨཀཏྭཱ ཡཐཱརུཙིཏཀྑཎེ ཀརོནྟི།
343.Vihāramajjheti sabbesaṃ jānanatthāya vuttaṃ. Vaṇṇāvaṇṇaṃ katvāti paṭivīsappahonakatājānanatthaṃ haliddiyādīhi khuddakamahantavaṇṇehi yutte same koṭṭhāse katvā. Tenāha ‘‘same paṭivīse ṭhapetvā’’ti. Idanti sāmaṇerānaṃ upaḍḍhapaṭivīsadānaṃ. Phātikammanti pahonakakammaṃ. Yattakena vinayāgatena sammuñjanībandhanādihatthakammena vihārassa ūnakatā na hoti, tattakaṃ katvāti attho. Sabbesanti tatruppādavassāvāsikaṃ gaṇhantānaṃ sabbesaṃ bhikkhūnaṃ, sāmaṇerānañca. Bhaṇḍāgārikacīvarepīti akālacīvaraṃ sandhāya vuttaṃ. Etanti ukkuṭṭhiyā katāya samabhāgadānaṃ. Virajjhitvā karontīti kattabbakālesu akatvā yathārucitakkhaṇe karonti.
ཨེཏྟཀེན མམ ཙཱིཝརཾ པཧོཏཱིཏི དྭཱདསགྒྷནཀེནེཝ མམ ཙཱིཝརཾ པརིཔུཎྞཾ ཧོཏི, ན ཏཏོ ཨཱུནེནཱཏི སབྦཾ གཧེཏུཀཱམོཏི ཨཏྠོ།
Ettakena mama cīvaraṃ pahotīti dvādasagghanakeneva mama cīvaraṃ paripuṇṇaṃ hoti, na tato ūnenāti sabbaṃ gahetukāmoti attho.
བྷཎྜཱགཱརསམྨུཏིཨཱདིཀཐཱཝཎྞནཱ ནིཊྛིཏཱ།
Bhaṇḍāgārasammutiādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༡༤. བྷཎྜཱགཱརསམྨུཏིཨཱདིཀཐཱ • 214. Bhaṇḍāgārasammutiādikathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / བྷཎྜཱགཱརསམྨུཏིཨཱདིཀཐཱ • Bhaṇḍāgārasammutiādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙཱིཝརཔཊིགྒཱཧཀསམྨུཏིཨཱདིཀཐཱཝཎྞནཱ • Cīvarapaṭiggāhakasammutiādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / བྷཎྜཱགཱརསམྨུཏིཨཱདིཀཐཱཝཎྞནཱ • Bhaṇḍāgārasammutiādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༡༤. བྷཎྜཱགཱརསམྨུཏིཨཱདིཀཐཱ • 214. Bhaṇḍāgārasammutiādikathā
