| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
144. бхан̣д̣анагаарагавад̇т̇у
144. Bhaṇḍanakārakavatthu
240. д̇зна ко бана самаязна самб̣ахулаа санд̣̇идтаа самбхад̇д̇аа бхигкуу госалзсу ж̇анабад̣̇з ан̃н̃ад̇арасмим̣ ааваасз вассам̣ убаг̇ажчим̣су. д̇зсам̣ сааманд̇аа ан̃н̃з бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа вассам̣ убаг̇ажчим̣су – маяам̣ д̇зсам̣ бхигкуунам̣ вассам̣вудтаанам̣ бавааран̣ааяа бавааран̣ам̣ табзссаамаад̇и. ассосум̣ ко д̇з бхигкуу – ‘‘амхаагам̣ гира сааманд̇аа ан̃н̃з бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа вассам̣ убаг̇ад̇аа – маяам̣ д̇зсам̣ бхигкуунам̣ вассам̣вудтаанам̣ бавааран̣ааяа бавааран̣ам̣ табзссаамаа’’д̇и. гат̇ам̣ ну ко амхзхи бадибаж̇ж̇ид̇аб̣б̣анд̇и? бхаг̇авад̇о зд̇амад̇т̇ам̣ аарожзсум̣.
240. Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṃ āvāse vassaṃ upagacchiṃsu. Tesaṃ sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṃ upagacchiṃsu – mayaṃ tesaṃ bhikkhūnaṃ vassaṃvuṭṭhānaṃ pavāraṇāya pavāraṇaṃ ṭhapessāmāti. Assosuṃ kho te bhikkhū – ‘‘amhākaṃ kira sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṃ upagatā – mayaṃ tesaṃ bhikkhūnaṃ vassaṃvuṭṭhānaṃ pavāraṇāya pavāraṇaṃ ṭhapessāmā’’ti. Kathaṃ nu kho amhehi paṭipajjitabbanti? Bhagavato etamatthaṃ ārocesuṃ.
ид̇ха бана, бхигкавз, самб̣ахулаа санд̣̇идтаа самбхад̇д̇аа бхигкуу ан̃н̃ад̇арасмим̣ ааваасз вассам̣ убаг̇ажчанд̇и. д̇зсам̣ сааманд̇аа ан̃н̃з бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа вассам̣ убаг̇ажчанд̇и – маяам̣ д̇зсам̣ бхигкуунам̣ вассам̣вудтаанам̣ бавааран̣ааяа бавааран̣ам̣ табзссаамаад̇и. ануж̇аанаами, бхигкавз, д̇зхи бхигкуухи д̣̇вз д̇аяо убосат̇з жаад̇уд̣̇д̣̇асигз гаад̇ум̣ – гат̇ам̣ маяам̣ д̇зхи бхигкуухи батамад̇арам̣ баваарзяяаамаад̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇ам̣ ааваасам̣ ааг̇ажчанд̇и, д̇зхи, бхигкавз, ааваасигзхи бхигкуухи лахум̣ лахум̣ саннибад̇ид̇ваа баваарзд̇аб̣б̣ам̣, баваарзд̇ваа вад̇д̇аб̣б̣аа – ‘‘баваарид̇аа ко маяам̣, аавусо; яат̇ааяасманд̇аа ман̃н̃анд̇и д̇ат̇аа гаронд̇уу’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа асам̣вихид̇аа д̇ам̣ ааваасам̣ ааг̇ажчанд̇и, д̇зхи, бхигкавз, ааваасигзхи бхигкуухи аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣, бажжуг̇г̇анд̇ваа бад̇д̇ажийварам̣ бадиг̇г̇ахзд̇аб̣б̣ам̣, баанийязна барибужчид̇аб̣б̣аа; д̇зсам̣ вигкид̇ваа 1 ниссиймам̣ г̇анд̇ваа баваарзд̇аб̣б̣ам̣, баваарзд̇ваа вад̇д̇аб̣б̣аа – ‘‘баваарид̇аа ко маяам̣, аавусо; яат̇ааяасманд̇аа ман̃н̃анд̇и д̇ат̇аа гаронд̇уу’’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, ааваасигзна бхигкунаа б̣яад̇д̇зна бадиб̣алзна ааваасигаа бхигкуу н̃аабзд̇аб̣б̣аа –
Idha pana, bhikkhave, sambahulā sandiṭṭhā sambhattā bhikkhū aññatarasmiṃ āvāse vassaṃ upagacchanti. Tesaṃ sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṃ upagacchanti – mayaṃ tesaṃ bhikkhūnaṃ vassaṃvuṭṭhānaṃ pavāraṇāya pavāraṇaṃ ṭhapessāmāti. Anujānāmi, bhikkhave, tehi bhikkhūhi dve tayo uposathe cātuddasike kātuṃ – kathaṃ mayaṃ tehi bhikkhūhi paṭhamataraṃ pavāreyyāmāti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā taṃ āvāsaṃ āgacchanti, tehi, bhikkhave, āvāsikehi bhikkhūhi lahuṃ lahuṃ sannipatitvā pavāretabbaṃ, pavāretvā vattabbā – ‘‘pavāritā kho mayaṃ, āvuso; yathāyasmantā maññanti tathā karontū’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā asaṃvihitā taṃ āvāsaṃ āgacchanti, tehi, bhikkhave, āvāsikehi bhikkhūhi āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, paccuggantvā pattacīvaraṃ paṭiggahetabbaṃ, pānīyena paripucchitabbā; tesaṃ vikkhitvā 2 nissīmaṃ gantvā pavāretabbaṃ, pavāretvā vattabbā – ‘‘pavāritā kho mayaṃ, āvuso; yathāyasmantā maññanti tathā karontū’’ti. Evañcetaṃ labhetha, iccetaṃ kusalaṃ. No ce labhetha, āvāsikena bhikkhunā byattena paṭibalena āvāsikā bhikkhū ñāpetabbā –
‘‘сун̣анд̇у мз, ааяасманд̇о 3, ааваасигаа. яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама , ааг̇амз гаал̣з баваарзяяаамаа’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇з бхигкуу звам̣ вад̣̇зяяум̣ – ‘‘саад̇хаавусо, ид̣̇аанзва но баваарзт̇аа’’д̇и, д̇з звамассу важанийяаа – ‘‘аниссараа ко д̇умхз, аавусо, амхаагам̣ бавааран̣ааяа; на д̇аава маяам̣ баваарзяяаамаа’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇ам̣ гаал̣ам̣ анувасзяяум̣, ааваасигзна, бхигкавз, бхигкунаа б̣яад̇д̇зна бадиб̣алзна ааваасигаа бхигкуу н̃аабзд̇аб̣б̣аа –
‘‘Suṇantu me, āyasmanto 4, āvāsikā. Yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma , āgame kāḷe pavāreyyāmā’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te bhikkhū evaṃ vadeyyuṃ – ‘‘sādhāvuso, idāneva no pavārethā’’ti, te evamassu vacanīyā – ‘‘anissarā kho tumhe, āvuso, amhākaṃ pavāraṇāya; na tāva mayaṃ pavāreyyāmā’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā taṃ kāḷaṃ anuvaseyyuṃ, āvāsikena, bhikkhave, bhikkhunā byattena paṭibalena āvāsikā bhikkhū ñāpetabbā –
‘‘сун̣анд̇у мз, ааяасманд̇о, ааваасигаа. яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз ж̇ун̣хз баваарзяяаамаа’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇з бхигкуу звам̣ вад̣̇зяяум̣ – ‘‘саад̇хаавусо, ид̣̇аанзва но баваарзяяаат̇аа’’д̇и, д̇з звамассу важанийяаа – ‘‘аниссараа ко д̇умхз, аавусо, амхаагам̣ бавааран̣ааяа, на д̇аава маяам̣ баваарзяяаамаа’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇амби ж̇ун̣хам̣ анувасзяяум̣, д̇зхи, бхигкавз, бхигкуухи саб̣б̣зхзва ааг̇амз ж̇ун̣хз гомуд̣̇ияаа жаад̇умаасинияаа агаамаа баваарзд̇аб̣б̣ам̣.
‘‘Suṇantu me, āyasmanto, āvāsikā. Yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame juṇhe pavāreyyāmā’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te bhikkhū evaṃ vadeyyuṃ – ‘‘sādhāvuso, idāneva no pavāreyyāthā’’ti, te evamassu vacanīyā – ‘‘anissarā kho tumhe, āvuso, amhākaṃ pavāraṇāya, na tāva mayaṃ pavāreyyāmā’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā tampi juṇhaṃ anuvaseyyuṃ, tehi, bhikkhave, bhikkhūhi sabbeheva āgame juṇhe komudiyā cātumāsiniyā akāmā pavāretabbaṃ.
д̇зхи жз, бхигкавз, бхигкуухи баваарияамаанз г̇илаано аг̇илаанасса бавааран̣ам̣ табзд̇и, со звамасса важанийяо – ‘‘ааяасмаа ко г̇илаано. г̇илаано жа анануяог̇агкамо вуд̇д̇о бхаг̇авад̇аа. ааг̇амзхи, аавусо, яаава арог̇о хоси. арог̇о ааган̇камаано жод̣̇зссасий’’д̇и. зван̃жз вужжамаано жод̣̇зд̇и, анаад̣̇арияз баажид̇д̇ияам̣. д̇зхи жз, бхигкавз, бхигкуухи баваарияамаанз аг̇илаано г̇илаанасса бавааран̣ам̣ табзд̇и, со звамасса важанийяо – ‘‘аяам̣ ко, аавусо, бхигку г̇илаано. г̇илаано жа анануяог̇агкамо вуд̇д̇о бхаг̇авад̇аа. ааг̇амзхи, аавусо, яаавааяам̣ бхигку арог̇о ход̇и. арог̇ам̣ ааган̇камаано жод̣̇зссасий’’д̇и. зван̃жз вужжамаано жод̣̇зд̇и, анаад̣̇арияз баажид̇д̇ияам̣. д̇зхи жз, бхигкавз, бхигкуухи баваарияамаанз г̇илаано г̇илаанасса бавааран̣ам̣ табзд̇и, со звамасса важанийяо – ‘‘ааяасманд̇аа ко г̇илаанаа. г̇илаано жа анануяог̇агкамо вуд̇д̇о бхаг̇авад̇аа. ааг̇амзхи, аавусо, яаава арог̇аа хот̇а. арог̇о арог̇ам̣ ааган̇камаано жод̣̇зссасий’’д̇и 5. зван̃жз вужжамаано жод̣̇зд̇и, анаад̣̇арияз баажид̇д̇ияам̣. д̇зхи жз, бхигкавз, бхигкуухи баваарияамаанз аг̇илаано аг̇илаанасса бавааран̣ам̣ табзд̇и, убхо сан̇гхзна самануяун̃ж̇ид̇ваа самануг̇аахид̇ваа 6 яат̇аад̇хаммам̣ гаараабзд̇ваа сан̇гхзна баваарзд̇аб̣б̣анд̇и.
Tehi ce, bhikkhave, bhikkhūhi pavāriyamāne gilāno agilānassa pavāraṇaṃ ṭhapeti, so evamassa vacanīyo – ‘‘āyasmā kho gilāno. Gilāno ca ananuyogakkhamo vutto bhagavatā. Āgamehi, āvuso, yāva arogo hosi. Arogo ākaṅkhamāno codessasī’’ti. Evañce vuccamāno codeti, anādariye pācittiyaṃ. Tehi ce, bhikkhave, bhikkhūhi pavāriyamāne agilāno gilānassa pavāraṇaṃ ṭhapeti, so evamassa vacanīyo – ‘‘ayaṃ kho, āvuso, bhikkhu gilāno. Gilāno ca ananuyogakkhamo vutto bhagavatā. Āgamehi, āvuso, yāvāyaṃ bhikkhu arogo hoti. Arogaṃ ākaṅkhamāno codessasī’’ti. Evañce vuccamāno codeti, anādariye pācittiyaṃ. Tehi ce, bhikkhave, bhikkhūhi pavāriyamāne gilāno gilānassa pavāraṇaṃ ṭhapeti, so evamassa vacanīyo – ‘‘āyasmantā kho gilānā. Gilāno ca ananuyogakkhamo vutto bhagavatā. Āgamehi, āvuso, yāva arogā hotha. Arogo arogaṃ ākaṅkhamāno codessasī’’ti 7. Evañce vuccamāno codeti, anādariye pācittiyaṃ. Tehi ce, bhikkhave, bhikkhūhi pavāriyamāne agilāno agilānassa pavāraṇaṃ ṭhapeti, ubho saṅghena samanuyuñjitvā samanugāhitvā 8 yathādhammaṃ kārāpetvā saṅghena pavāretabbanti.
бхан̣д̣анагаарагавад̇т̇у нидтид̇ам̣.
Bhaṇḍanakārakavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бхан̣д̣анагаарагавад̇т̇угат̇аа • Bhaṇḍanakārakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 144. бхан̣д̣анагаарагавад̇т̇угат̇аа • 144. Bhaṇḍanakārakavatthukathā
