| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бхан̣д̣анагаарагавад̇т̇угат̇аа
Bhaṇḍanakārakavatthukathā
240. д̣̇вз д̇аяо убосат̇з жаад̇уд̣̇д̣̇асигз гаад̇унд̇и зд̇т̇а жад̇уд̇т̇абан̃жамаа д̣̇вз, д̇ад̇ияо бана багад̇ияааби жад̇уд̣̇д̣̇асигоязваад̇и. д̇асмаа д̇ад̇ияажад̇уд̇т̇аа ваа д̇ад̇ияажад̇уд̇т̇абан̃жамаа ваа д̣̇вз д̇аяо жаад̇уд̣̇д̣̇асигаа гаад̇аб̣б̣аа. ат̇а жад̇уд̇т̇з гад̇з сун̣анд̇и, бан̃жамо жаад̇уд̣̇д̣̇асиго гаад̇аб̣б̣о. звамби д̣̇вз жаад̇уд̣̇д̣̇асигаа хонд̇и. звам̣ гаронд̇аа бхан̣д̣анагаарагаанам̣ д̇зрасз ваа жаад̇уд̣̇д̣̇асз ваа имз баннарасийбавааран̣ам̣ баваарзссанд̇и. звам̣ баваарзнд̇зхи жа б̣ахисиймааяа сааман̣зрз табзд̇ваа ‘‘д̇з ааг̇ажчанд̇ий’’д̇и суд̇ваа лахум̣ лахум̣ саннибад̇ид̇ваа баваарзд̇аб̣б̣ам̣. зд̇амад̇т̇ам̣ д̣̇ассзд̇ум̣ ‘‘д̇з жз бхигкавз…бз… д̇ат̇аа гаронд̇уу’’д̇и вуд̇д̇ам̣.
240.Dve tayo uposathe cātuddasike kātunti ettha catutthapañcamā dve, tatiyo pana pakatiyāpi catuddasikoyevāti. Tasmā tatiyacatutthā vā tatiyacatutthapañcamā vā dve tayo cātuddasikā kātabbā. Atha catutthe kate suṇanti, pañcamo cātuddasiko kātabbo. Evampi dve cātuddasikā honti. Evaṃ karontā bhaṇḍanakārakānaṃ terase vā cātuddase vā ime pannarasīpavāraṇaṃ pavāressanti. Evaṃ pavārentehi ca bahisīmāya sāmaṇere ṭhapetvā ‘‘te āgacchantī’’ti sutvā lahuṃ lahuṃ sannipatitvā pavāretabbaṃ. Etamatthaṃ dassetuṃ ‘‘te ce bhikkhave…pe… tathā karontū’’ti vuttaṃ.
асам̣вихид̇аад̇и сам̣вид̣̇аханарахид̇аа ааг̇аманаж̇аананад̇т̇ааяа агад̇асам̣вид̣̇ахид̇аа; авин̃н̃аад̇аава худ̇ваад̇и ад̇т̇о. д̇зсам̣ вигкид̇ваад̇и ‘‘гиланд̇ад̇т̇а мухуд̇д̇ам̣ виссамат̇аа’’д̇иаад̣̇инаа наязна саммохам̣ гад̇ваад̇и ад̇т̇о. но жз лабхзт̇аад̇и но жз б̣ахисиймам̣ г̇анд̇ум̣ лабхзяяум̣; бхан̣д̣анагаарагаанам̣ сааман̣зрзхи жа д̣̇ахарабхигкуухи жа ниранд̇арам̣ ануб̣ад̣̇д̇хаава хонд̇и. ааг̇амз ж̇ун̣хзд̇и яам̣ санд̇хааяа ааг̇амз ж̇ун̣хз баваарзяяаамаад̇и н̃ад̇д̇им̣ табзсум̣, д̇асмим̣ ааг̇амз ж̇ун̣хз гомуд̣̇ияаа жаад̇умаасинияаа агаамаа баваарзд̇аб̣б̣ам̣, авассам̣ баваарзд̇аб̣б̣ам̣, на хи д̇ам̣ ад̇иггамид̇ваа баваарзд̇ум̣ лаб̣бхад̇и. д̇зхи жз бхигкавз бхигкуухи баваарияамаанзд̇и звам̣ жаад̇умаасинияаа баваарияамаанз.
Asaṃvihitāti saṃvidahanarahitā āgamanajānanatthāya akatasaṃvidahitā; aviññātāva hutvāti attho. Tesaṃ vikkhitvāti ‘‘kilantattha muhuttaṃ vissamathā’’tiādinā nayena sammohaṃ katvāti attho. No ce labhethāti no ce bahisīmaṃ gantuṃ labheyyuṃ; bhaṇḍanakārakānaṃ sāmaṇerehi ca daharabhikkhūhi ca nirantaraṃ anubaddhāva honti. Āgame juṇheti yaṃ sandhāya āgame juṇhe pavāreyyāmāti ñattiṃ ṭhapesuṃ, tasmiṃ āgame juṇhe komudiyā cātumāsiniyā akāmā pavāretabbaṃ, avassaṃ pavāretabbaṃ, na hi taṃ atikkamitvā pavāretuṃ labbhati. Tehi ce bhikkhave bhikkhūhi pavāriyamāneti evaṃ cātumāsiniyā pavāriyamāne.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 144. бхан̣д̣анагаарагавад̇т̇у • 144. Bhaṇḍanakārakavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 144. бхан̣д̣анагаарагавад̇т̇угат̇аа • 144. Bhaṇḍanakārakavatthukathā
