| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਭਣ੍ਡਨਕਾਰਕવਤ੍ਥੁਕਥਾ
Bhaṇḍanakārakavatthukathā
੨੪੦. ਦ੍વੇ ਤਯੋ ਉਪੋਸਥੇ ਚਾਤੁਦ੍ਦਸਿਕੇ ਕਾਤੁਨ੍ਤਿ ਏਤ੍ਥ ਚਤੁਤ੍ਥਪਞ੍ਚਮਾ ਦ੍વੇ, ਤਤਿਯੋ ਪਨ ਪਕਤਿਯਾਪਿ ਚਤੁਦ੍ਦਸਿਕੋਯੇવਾਤਿ। ਤਸ੍ਮਾ ਤਤਿਯਚਤੁਤ੍ਥਾ વਾ ਤਤਿਯਚਤੁਤ੍ਥਪਞ੍ਚਮਾ વਾ ਦ੍વੇ ਤਯੋ ਚਾਤੁਦ੍ਦਸਿਕਾ ਕਾਤਬ੍ਬਾ। ਅਥ ਚਤੁਤ੍ਥੇ ਕਤੇ ਸੁਣਨ੍ਤਿ, ਪਞ੍ਚਮੋ ਚਾਤੁਦ੍ਦਸਿਕੋ ਕਾਤਬ੍ਬੋ। ਏવਮ੍ਪਿ ਦ੍વੇ ਚਾਤੁਦ੍ਦਸਿਕਾ ਹੋਨ੍ਤਿ। ਏવਂ ਕਰੋਨ੍ਤਾ ਭਣ੍ਡਨਕਾਰਕਾਨਂ ਤੇਰਸੇ વਾ ਚਾਤੁਦ੍ਦਸੇ વਾ ਇਮੇ ਪਨ੍ਨਰਸੀਪવਾਰਣਂ ਪવਾਰੇਸ੍ਸਨ੍ਤਿ। ਏવਂ ਪવਾਰੇਨ੍ਤੇਹਿ ਚ ਬਹਿਸੀਮਾਯ ਸਾਮਣੇਰੇ ਠਪੇਤ੍વਾ ‘‘ਤੇ ਆਗਚ੍ਛਨ੍ਤੀ’’ਤਿ ਸੁਤ੍વਾ ਲਹੁਂ ਲਹੁਂ ਸਨ੍ਨਿਪਤਿਤ੍વਾ ਪવਾਰੇਤਬ੍ਬਂ। ਏਤਮਤ੍ਥਂ ਦਸ੍ਸੇਤੁਂ ‘‘ਤੇ ਚੇ ਭਿਕ੍ਖવੇ…ਪੇ॰… ਤਥਾ ਕਰੋਨ੍ਤੂ’’ਤਿ વੁਤ੍ਤਂ।
240.Dve tayo uposathe cātuddasike kātunti ettha catutthapañcamā dve, tatiyo pana pakatiyāpi catuddasikoyevāti. Tasmā tatiyacatutthā vā tatiyacatutthapañcamā vā dve tayo cātuddasikā kātabbā. Atha catutthe kate suṇanti, pañcamo cātuddasiko kātabbo. Evampi dve cātuddasikā honti. Evaṃ karontā bhaṇḍanakārakānaṃ terase vā cātuddase vā ime pannarasīpavāraṇaṃ pavāressanti. Evaṃ pavārentehi ca bahisīmāya sāmaṇere ṭhapetvā ‘‘te āgacchantī’’ti sutvā lahuṃ lahuṃ sannipatitvā pavāretabbaṃ. Etamatthaṃ dassetuṃ ‘‘te ce bhikkhave…pe… tathā karontū’’ti vuttaṃ.
ਅਸਂવਿਹਿਤਾਤਿ ਸਂવਿਦਹਨਰਹਿਤਾ ਆਗਮਨਜਾਨਨਤ੍ਥਾਯ ਅਕਤਸਂવਿਦਹਿਤਾ; ਅવਿਞ੍ਞਾਤਾવ ਹੁਤ੍વਾਤਿ ਅਤ੍ਥੋ। ਤੇਸਂ વਿਕ੍ਖਿਤ੍વਾਤਿ ‘‘ਕਿਲਨ੍ਤਤ੍ਥ ਮੁਹੁਤ੍ਤਂ વਿਸ੍ਸਮਥਾ’’ਤਿਆਦਿਨਾ ਨਯੇਨ ਸਮ੍ਮੋਹਂ ਕਤ੍વਾਤਿ ਅਤ੍ਥੋ। ਨੋ ਚੇ ਲਭੇਥਾਤਿ ਨੋ ਚੇ ਬਹਿਸੀਮਂ ਗਨ੍ਤੁਂ ਲਭੇਯ੍ਯੁਂ; ਭਣ੍ਡਨਕਾਰਕਾਨਂ ਸਾਮਣੇਰੇਹਿ ਚ ਦਹਰਭਿਕ੍ਖੂਹਿ ਚ ਨਿਰਨ੍ਤਰਂ ਅਨੁਬਦ੍ਧਾવ ਹੋਨ੍ਤਿ। ਆਗਮੇ ਜੁਣ੍ਹੇਤਿ ਯਂ ਸਨ੍ਧਾਯ ਆਗਮੇ ਜੁਣ੍ਹੇ ਪવਾਰੇਯ੍ਯਾਮਾਤਿ ਞਤ੍ਤਿਂ ਠਪੇਸੁਂ, ਤਸ੍ਮਿਂ ਆਗਮੇ ਜੁਣ੍ਹੇ ਕੋਮੁਦਿਯਾ ਚਾਤੁਮਾਸਿਨਿਯਾ ਅਕਾਮਾ ਪવਾਰੇਤਬ੍ਬਂ, ਅવਸ੍ਸਂ ਪવਾਰੇਤਬ੍ਬਂ, ਨ ਹਿ ਤਂ ਅਤਿਕ੍ਕਮਿਤ੍વਾ ਪવਾਰੇਤੁਂ ਲਬ੍ਭਤਿ। ਤੇਹਿ ਚੇ ਭਿਕ੍ਖવੇ ਭਿਕ੍ਖੂਹਿ ਪવਾਰਿਯਮਾਨੇਤਿ ਏવਂ ਚਾਤੁਮਾਸਿਨਿਯਾ ਪવਾਰਿਯਮਾਨੇ।
Asaṃvihitāti saṃvidahanarahitā āgamanajānanatthāya akatasaṃvidahitā; aviññātāva hutvāti attho. Tesaṃ vikkhitvāti ‘‘kilantattha muhuttaṃ vissamathā’’tiādinā nayena sammohaṃ katvāti attho. No ce labhethāti no ce bahisīmaṃ gantuṃ labheyyuṃ; bhaṇḍanakārakānaṃ sāmaṇerehi ca daharabhikkhūhi ca nirantaraṃ anubaddhāva honti. Āgame juṇheti yaṃ sandhāya āgame juṇhe pavāreyyāmāti ñattiṃ ṭhapesuṃ, tasmiṃ āgame juṇhe komudiyā cātumāsiniyā akāmā pavāretabbaṃ, avassaṃ pavāretabbaṃ, na hi taṃ atikkamitvā pavāretuṃ labbhati. Tehi ce bhikkhave bhikkhūhi pavāriyamāneti evaṃ cātumāsiniyā pavāriyamāne.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੪. ਭਣ੍ਡਨਕਾਰਕવਤ੍ਥੁ • 144. Bhaṇḍanakārakavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ • Bhaṇḍanakārakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ • Bhaṇḍanakārakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੪. ਭਣ੍ਡਨਕਾਰਕવਤ੍ਥੁਕਥਾ • 144. Bhaṇḍanakārakavatthukathā
