| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੪੪. ਭਣ੍ਡਨਕਾਰਕવਤ੍ਥੁਕਥਾ
144. Bhaṇḍanakārakavatthukathā
੨੪੦. ਚਤੁਤ੍ਥਪਞ੍ਚਮਾਤਿ ਛਸੁ ਪਕ੍ਖੇਸੁ ਪੋਟ੍ਠਪਾਦਮਾਸਸ੍ਸ ਜੁਣ੍ਹਪਕ੍ਖਕਾਲ਼ਪਕ੍ਖਸਙ੍ਖਾਤਾ ਚਤੁਤ੍ਥਪਞ੍ਚਮਾ। ਤਤਿਯੋਤਿ ਸਾવਣਮਾਸਸ੍ਸ ਕਾਲ਼ਪਕ੍ਖੋ ਤਤਿਯੋ। ਤਤਿਯਚਤੁਤ੍ਥਪਞ੍ਚਮਾ વਾਤਿ ਏਤ੍ਥ ਤਤਿਯੋਤਿ ਸਾવਣਮਾਸਸ੍ਸ ਕਾਲ਼ਪਕ੍ਖੋ। ਚਤੁਤ੍ਥੋਤਿ ਪੋਟ੍ਠਪਾਦਮਾਸਸ੍ਸ ਜੁਣ੍ਹਪਕ੍ਖੋ। ਪਞ੍ਚਮੋਤਿ ਤਸ੍ਸੇવ ਕਾਲ਼ਪਕ੍ਖੋ। ‘‘ਤਤਿਯ…ਪੇ॰… ਪਞ੍ਚਮਾ વਾ’’ਤਿ ਪਦਾਨਿ ‘‘ਦ੍વੇ વਾ ਤਯੋ વਾ’’ਤਿ ਪਦੇਹਿ ਯਥਾਕ੍ਕਮਂ ਯੋਜੇਤਬ੍ਬਾਨਿ। ਚਤੁਤ੍ਥੇ વਾ ਕਤੇਤਿ ਚਤੁਤ੍ਥਪਕ੍ਖੇ વਾ ਪਨ੍ਨਰਸਿਭਾવੇਨ ਕਤੇ। ਦ੍વੇ ਚਾਤੁਦ੍ਦਸਿਕਾਤਿ ਤਤਿਯਪਕ੍ਖੇ ਚ ਚਾਤੁਦ੍ਦਸਿਯਾ ਸਦ੍ਧਿਂ ਦ੍વੇ ਚਾਤੁਦ੍ਦਸਿਕਾ। ਇਮੇਤਿ ਭਣ੍ਡਨਕਾਰਕਾ। ਤੇਤਿ ਭਣ੍ਡਨਕਾਰਕਾ।
240.Catutthapañcamāti chasu pakkhesu poṭṭhapādamāsassa juṇhapakkhakāḷapakkhasaṅkhātā catutthapañcamā. Tatiyoti sāvaṇamāsassa kāḷapakkho tatiyo. Tatiyacatutthapañcamā vāti ettha tatiyoti sāvaṇamāsassa kāḷapakkho. Catutthoti poṭṭhapādamāsassa juṇhapakkho. Pañcamoti tasseva kāḷapakkho. ‘‘Tatiya…pe… pañcamā vā’’ti padāni ‘‘dve vā tayo vā’’ti padehi yathākkamaṃ yojetabbāni. Catutthe vā kateti catutthapakkhe vā pannarasibhāvena kate. Dve cātuddasikāti tatiyapakkhe ca cātuddasiyā saddhiṃ dve cātuddasikā. Imeti bhaṇḍanakārakā. Teti bhaṇḍanakārakā.
ਅਸਂવਿਹਿਤਾਤਿ ਏਤ੍ਥ ਅਕਾਰਸ੍ਸ વਿਰਹਤ੍ਥਂ ਦਸ੍ਸੇਨ੍ਤੋ ਆਹ ‘‘ਸਂવਿਦਹਨવਿਰਹਿਤਾ’’ਤਿ। ਤਤ੍ਥ ਸਂવਿਦਹਨવਿਰਹਿਤਾਤਿ ਸਂવਿਦਹਨਰਕ੍ਖવਿਰਹਿਤਾ। ਆਗਮਨਜਾਨਨਤ੍ਥਾਯਾਤਿ ਭਣ੍ਡਨਕਾਰਕਾਨਂ ਆਗਮਨਸ੍ਸ ਜਾਨਨਤ੍ਥਾਯ। ਕਿਲਨ੍ਤਤ੍ਥਾਤਿ ਤੁਮ੍ਹੇ ਕਿਲਨ੍ਤਾ ਭવਥ। ‘‘ਸਮ੍ਮੋਹਂ ਕਤ੍વਾ’’ਤਿ ਇਮਿਨਾ વਿਕ੍ਖਿਤ੍વਾਤਿ ਪਦਸ੍ਸ વਿਕ੍ਖੇਪਂ ਕਤ੍વਾਤਿ ਅਤ੍ਥਂ ਦਸ੍ਸੇਤਿ। ਨੋ ਚੇ ਲਭੇਥਾਤਿ ਏਤ੍ਥ ਕਿਮਤ੍ਥਾਯ ਨ ਲਭੇਥਾਤਿ ਆਹ ‘‘ਬਹਿਸੀਮਂ ਗਨ੍ਤੁ’’ਨ੍ਤਿ। ‘‘ਭਣ੍ਡਨਕਾਰਕਾਨਂ…ਪੇ॰… ਹੋਨ੍ਤੀ’’ਤਿ ਇਮਿਨਾ ਅਲਭਨਸ੍ਸ ਕਾਰਣਂ ਦਸ੍ਸੇਤਿ। ਯਨ੍ਤਿ ਆਗਮਂ ਜੁਣ੍ਹਂ। ਕੋਮੁਦਿਯਾ ਚਾਤੁਮਾਸਿਨਿਯਾਤਿ ਪਚ੍ਛਿਮਕਤ੍ਤਿਕਪੁਣ੍ਣਮਾਯਂ। ਸਾ ਹਿ ਕੁਮੁਦਾਨਮਤ੍ਥਿਤਾਯ ਕੋਮੁਦੀ, ਚਤੁਨ੍ਨਂ વਸ੍ਸਿਕਾਨਂ ਮਾਸਾਨਂ ਪੂਰਣਤ੍ਤਾ ਚਾਤੁਮਾਸਿਨੀਤਿ વੁਚ੍ਚਤਿ। ਤਦਾ ਹਿ ਕੁਮੁਦਾਨਿ ਸੁਪੁਪ੍ਫਿਤਾਨਿ ਹੋਨ੍ਤਿ, ਤਸ੍ਮਾ ਕੁਮੁਦਾਨਂ ਸਮੂਹਾ, ਕੁਮੁਦਾਨਿ ਏવ વਾ ਕੋਮੁਦਾ, ਤੇ ਏਤ੍ਥ ਅਤ੍ਥੀਤਿ ਕੋਮੁਦੀਤਿ વੁਚ੍ਚਤਿ, ਕੁਮੁਦવਤੀਤਿ વੁਤ੍ਤਂ ਹੋਤਿ । ਅવਸ੍ਸਂ ਪવਾਰੇਤਬ੍ਬਨ੍ਤਿ ਧੁવਂ ਪવਾਰੇਤਬ੍ਬਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਨ੍ਤਿ ਕੋਮੁਦਿਂ ਚਾਤੁਮਾਸਿਨਿਂ।
Asaṃvihitāti ettha akārassa virahatthaṃ dassento āha ‘‘saṃvidahanavirahitā’’ti. Tattha saṃvidahanavirahitāti saṃvidahanarakkhavirahitā. Āgamanajānanatthāyāti bhaṇḍanakārakānaṃ āgamanassa jānanatthāya. Kilantatthāti tumhe kilantā bhavatha. ‘‘Sammohaṃ katvā’’ti iminā vikkhitvāti padassa vikkhepaṃ katvāti atthaṃ dasseti. No ce labhethāti ettha kimatthāya na labhethāti āha ‘‘bahisīmaṃ gantu’’nti. ‘‘Bhaṇḍanakārakānaṃ…pe… hontī’’ti iminā alabhanassa kāraṇaṃ dasseti. Yanti āgamaṃ juṇhaṃ. Komudiyā cātumāsiniyāti pacchimakattikapuṇṇamāyaṃ. Sā hi kumudānamatthitāya komudī, catunnaṃ vassikānaṃ māsānaṃ pūraṇattā cātumāsinīti vuccati. Tadā hi kumudāni supupphitāni honti, tasmā kumudānaṃ samūhā, kumudāni eva vā komudā, te ettha atthīti komudīti vuccati, kumudavatīti vuttaṃ hoti . Avassaṃ pavāretabbanti dhuvaṃ pavāretabbaṃ. Hīti saccaṃ, yasmā vā. Tanti komudiṃ cātumāsiniṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੪. ਭਣ੍ਡਨਕਾਰਕવਤ੍ਥੁ • 144. Bhaṇḍanakārakavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਭਣ੍ਡਨਕਾਰਕવਤ੍ਥੁਕਥਾ • Bhaṇḍanakārakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ • Bhaṇḍanakārakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ • Bhaṇḍanakārakavatthukathāvaṇṇanā
