| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ
Bhaṇḍanakārakavatthukathāvaṇṇanā
੨੪੦. ਦ੍વੇ ਚਾਤੁਦ੍ਦਸਿਕਾ ਹੋਨ੍ਤੀਤਿ ਤਤਿਯਪਕ੍ਖੇ ਚਾਤੁਦ੍ਦਸਿਯਾ ਸਦ੍ਧਿਂ ਦ੍વੇ ਚਾਤੁਦ੍ਦਸਿਕਾ ਹੋਨ੍ਤਿ। ‘‘ਭਣ੍ਡਨਕਾਰਕਾਨਂ ਤੇਰਸੇ વਾ ਚਾਤੁਦ੍ਦਸੇ વਾ ਇਮੇ ਪਨ੍ਨਰਸੀਪવਾਰਣਂ ਪવਾਰੇਸ੍ਸਨ੍ਤੀ’’ਤਿ ਇਮਿਨਾ ਯਥਾਸਕਂ ਉਪੋਸਥਕਰਣਦਿવਸਤੋ ਪਟ੍ਠਾਯ ਭਿਕ੍ਖੂਨਂ ਚਾਤੁਦ੍ਦਸੀਪਨ੍ਨਰਸੀવੋਹਾਰੋ, ਨ ਚਨ੍ਦਗਤਿਸਿਦ੍ਧਿਯਾ ਤਿਥਿਯਾ વਸੇਨਾਤਿ ਦਸ੍ਸੇਤਿ। ਕਿਞ੍ਚਾਪਿ ਏવਂ ‘‘ਅਨੁਜਾਨਾਮਿ, ਭਿਕ੍ਖવੇ, ਰਾਜੂਨਂ ਅਨੁવਤ੍ਤਿਤੁ’’ਨ੍ਤਿ (ਮਹਾવ॰ ੧੮੬) વਚਨਤੋ ਪਨੇਤ੍ਥ ਲੋਕਿਯਾਨਂ ਤਿਥਿਂ ਅਨੁવਤ੍ਤਨ੍ਤੇਹਿਪਿ ਅਤ੍ਤਨੋ ਉਪੋਸਥਕ੍ਕਮੇਨ ਚਾਤੁਦ੍ਦਸਿਂ ਪਨ੍ਨਰਸਿਂ વਾ, ਪਨ੍ਨਰਸਿਂ ਚਾਤੁਦ੍ਦਸਿਂ વਾ ਕਰੋਨ੍ਤੇਹੇવ ਅਨੁવਤ੍ਤਿਤਬ੍ਬਂ, ਨ ਪਨ ਸੋਲ਼ਸਮਦਿવਸਂ વਾ ਤੇਰਸਮਦਿવਸਂ વਾ ਉਪੋਸਥਦਿવਸਂ ਕਰੋਨ੍ਤੇਹਿ। ਤੇਨੇવ ਪਾਲ਼ਿਯਮ੍ਪਿ ‘‘ਦ੍વੇ ਤਯੋ ਉਪੋਸਥੇ ਚਾਤੁਦ੍ਦਸਿਕੇ ਕਾਤੁ’’ਨ੍ਤਿ વੁਤ੍ਤਂ। ਅਞ੍ਞਥਾ ਦ੍વਾਦਸਿਯਂ, ਤੇਰਸਿਯਂ વਾ ਉਪੋਸਥੋ ਕਾਤਬ੍ਬੋਤਿ વਤ੍ਤਬ੍ਬਤੋ। ‘‘ਸਕਿਂ ਪਕ੍ਖਸ੍ਸ ਚਾਤੁਦ੍ਦਸੇ, ਪਨ੍ਨਰਸੇ વਾ’’ਤਿਆਦਿવਚਨਮ੍ਪਿ ਉਪવੁਤ੍ਥਕ੍ਕਮੇਨੇવ વੁਤ੍ਤਂ, ਨ ਤਿਥਿਕ੍ਕਮੇਨਾਤਿ ਗਹੇਤਬ੍ਬਂ।
240.Dvecātuddasikā hontīti tatiyapakkhe cātuddasiyā saddhiṃ dve cātuddasikā honti. ‘‘Bhaṇḍanakārakānaṃ terase vā cātuddase vā ime pannarasīpavāraṇaṃ pavāressantī’’ti iminā yathāsakaṃ uposathakaraṇadivasato paṭṭhāya bhikkhūnaṃ cātuddasīpannarasīvohāro, na candagatisiddhiyā tithiyā vasenāti dasseti. Kiñcāpi evaṃ ‘‘anujānāmi, bhikkhave, rājūnaṃ anuvattitu’’nti (mahāva. 186) vacanato panettha lokiyānaṃ tithiṃ anuvattantehipi attano uposathakkamena cātuddasiṃ pannarasiṃ vā, pannarasiṃ cātuddasiṃ vā karonteheva anuvattitabbaṃ, na pana soḷasamadivasaṃ vā terasamadivasaṃ vā uposathadivasaṃ karontehi. Teneva pāḷiyampi ‘‘dve tayo uposathe cātuddasike kātu’’nti vuttaṃ. Aññathā dvādasiyaṃ, terasiyaṃ vā uposatho kātabboti vattabbato. ‘‘Sakiṃ pakkhassa cātuddase, pannarase vā’’tiādivacanampi upavutthakkameneva vuttaṃ, na tithikkamenāti gahetabbaṃ.
ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Bhaṇḍanakārakavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੪. ਭਣ੍ਡਨਕਾਰਕવਤ੍ਥੁ • 144. Bhaṇḍanakārakavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਭਣ੍ਡਨਕਾਰਕવਤ੍ਥੁਕਥਾ • Bhaṇḍanakārakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਣ੍ਡਨਕਾਰਕવਤ੍ਥੁਕਥਾવਣ੍ਣਨਾ • Bhaṇḍanakārakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੪. ਭਣ੍ਡਨਕਾਰਕવਤ੍ਥੁਕਥਾ • 144. Bhaṇḍanakārakavatthukathā
