| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. бхан̣д̣анасуд̇д̇ам̣
2. Bhaṇḍanasuttaṃ
125. ‘‘яассам̣, бхигкавз, д̣̇исааяам̣ бхигкуу бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и, манаси гаад̇умби мз зсаа, бхигкавз, д̣̇исаа на паасу ход̇и, баг̇зва г̇анд̇ум̣! нидтамзд̇т̇а г̇ажчаами – ‘ад̣̇д̇хаа д̇з ааяасманд̇о д̇аяо д̇хаммз баж̇ахим̣су, д̇аяо д̇хаммз б̣ахуламагам̣су 1. гад̇амз д̇аяо д̇хаммз баж̇ахим̣су? нзгкаммавид̇аггам̣, аб̣яаабаад̣̇авид̇аггам̣, авихим̣саавид̇аггам̣ – имз д̇аяо д̇хаммз баж̇ахим̣су. гад̇амз д̇аяо д̇хаммз б̣ахуламагам̣су? гаамавид̇аггам̣, б̣яаабаад̣̇авид̇аггам̣, вихим̣саавид̇аггам̣ – имз д̇аяо д̇хаммз б̣ахуламагам̣су’. яассам̣, бхигкавз, д̣̇исааяам̣ бхигкуу бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и, манаси гаад̇умби мз зсаа, бхигкавз, д̣̇исаа на паасу ход̇и, баг̇зва г̇анд̇ум̣! нидтамзд̇т̇а г̇ажчаами – ‘ад̣̇д̇хаа д̇з ааяасманд̇о имз д̇аяо д̇хаммз баж̇ахим̣су, имз д̇аяо д̇хаммз б̣ахуламагам̣су’’’.
125. ‘‘Yassaṃ, bhikkhave, disāyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṃ! Niṭṭhamettha gacchāmi – ‘addhā te āyasmanto tayo dhamme pajahiṃsu, tayo dhamme bahulamakaṃsu 2. Katame tayo dhamme pajahiṃsu? Nekkhammavitakkaṃ, abyāpādavitakkaṃ, avihiṃsāvitakkaṃ – ime tayo dhamme pajahiṃsu. Katame tayo dhamme bahulamakaṃsu? Kāmavitakkaṃ, byāpādavitakkaṃ, vihiṃsāvitakkaṃ – ime tayo dhamme bahulamakaṃsu’. Yassaṃ, bhikkhave, disāyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṃ! Niṭṭhamettha gacchāmi – ‘addhā te āyasmanto ime tayo dhamme pajahiṃsu, ime tayo dhamme bahulamakaṃsu’’’.
‘‘яассам̣ бана, бхигкавз, д̣̇исааяам̣ бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и, г̇анд̇умби мз зсаа, бхигкавз, д̣̇исаа паасу ход̇и, баг̇зва манаси гаад̇ум̣! нидтамзд̇т̇а г̇ажчаами – ‘ад̣̇д̇хаа д̇з ааяасманд̇о д̇аяо д̇хаммз баж̇ахим̣су, д̇аяо д̇хаммз б̣ахуламагам̣су. гад̇амз д̇аяо д̇хаммз баж̇ахим̣су? гаамавид̇аггам̣ , б̣яаабаад̣̇авид̇аггам̣, вихим̣саавид̇аггам̣ – имз д̇аяо д̇хаммз баж̇ахим̣су. гад̇амз д̇аяо д̇хаммз б̣ахуламагам̣су? нзгкаммавид̇аггам̣, аб̣яаабаад̣̇авид̇аггам̣, авихим̣саавид̇аггам̣ – имз д̇аяо д̇хаммз б̣ахуламагам̣су’. яассам̣ , бхигкавз, д̣̇исааяам̣ бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и, г̇анд̇умби мз зсаа, бхигкавз, д̣̇исаа паасу ход̇и, баг̇зва манаси гаад̇ум̣! нидтамзд̇т̇а г̇ажчаами – ‘ад̣̇д̇хаа д̇з ааяасманд̇о имз д̇аяо д̇хаммз баж̇ахим̣су, имз д̇аяо д̇хаммз б̣ахуламагам̣суу’’’д̇и. д̣̇уд̇ияам̣.
‘‘Yassaṃ pana, bhikkhave, disāyaṃ bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṃ! Niṭṭhamettha gacchāmi – ‘addhā te āyasmanto tayo dhamme pajahiṃsu, tayo dhamme bahulamakaṃsu. Katame tayo dhamme pajahiṃsu? Kāmavitakkaṃ , byāpādavitakkaṃ, vihiṃsāvitakkaṃ – ime tayo dhamme pajahiṃsu. Katame tayo dhamme bahulamakaṃsu? Nekkhammavitakkaṃ, abyāpādavitakkaṃ, avihiṃsāvitakkaṃ – ime tayo dhamme bahulamakaṃsu’. Yassaṃ , bhikkhave, disāyaṃ bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṃ! Niṭṭhamettha gacchāmi – ‘addhā te āyasmanto ime tayo dhamme pajahiṃsu, ime tayo dhamme bahulamakaṃsū’’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. бхан̣д̣анасуд̇д̇аван̣н̣анаа • 2. Bhaṇḍanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. гусинаарасуд̇д̇аад̣̇иван̣н̣анаа • 1-2. Kusinārasuttādivaṇṇanā
