| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൨. ഭണ്ഡനസുത്തം
2. Bhaṇḍanasuttaṃ
൧൨൫. ‘‘യസ്സം, ഭിക്ഖവേ, ദിസായം ഭിക്ഖൂ ഭണ്ഡനജാതാ കലഹജാതാ വിവാദാപന്നാ അഞ്ഞമഞ്ഞം മുഖസത്തീഹി വിതുദന്താ വിഹരന്തി, മനസി കാതുമ്പി മേ ഏസാ, ഭിക്ഖവേ, ദിസാ ന ഫാസു ഹോതി, പഗേവ ഗന്തും! നിട്ഠമേത്ഥ ഗച്ഛാമി – ‘അദ്ധാ തേ ആയസ്മന്തോ തയോ ധമ്മേ പജഹിംസു, തയോ ധമ്മേ ബഹുലമകംസു 1. കതമേ തയോ ധമ്മേ പജഹിംസു? നേക്ഖമ്മവിതക്കം, അബ്യാപാദവിതക്കം, അവിഹിംസാവിതക്കം – ഇമേ തയോ ധമ്മേ പജഹിംസു. കതമേ തയോ ധമ്മേ ബഹുലമകംസു? കാമവിതക്കം, ബ്യാപാദവിതക്കം, വിഹിംസാവിതക്കം – ഇമേ തയോ ധമ്മേ ബഹുലമകംസു’. യസ്സം, ഭിക്ഖവേ, ദിസായം ഭിക്ഖൂ ഭണ്ഡനജാതാ കലഹജാതാ വിവാദാപന്നാ അഞ്ഞമഞ്ഞം മുഖസത്തീഹി വിതുദന്താ വിഹരന്തി, മനസി കാതുമ്പി മേ ഏസാ, ഭിക്ഖവേ, ദിസാ ന ഫാസു ഹോതി, പഗേവ ഗന്തും! നിട്ഠമേത്ഥ ഗച്ഛാമി – ‘അദ്ധാ തേ ആയസ്മന്തോ ഇമേ തയോ ധമ്മേ പജഹിംസു, ഇമേ തയോ ധമ്മേ ബഹുലമകംസു’’’.
125. ‘‘Yassaṃ, bhikkhave, disāyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṃ! Niṭṭhamettha gacchāmi – ‘addhā te āyasmanto tayo dhamme pajahiṃsu, tayo dhamme bahulamakaṃsu 2. Katame tayo dhamme pajahiṃsu? Nekkhammavitakkaṃ, abyāpādavitakkaṃ, avihiṃsāvitakkaṃ – ime tayo dhamme pajahiṃsu. Katame tayo dhamme bahulamakaṃsu? Kāmavitakkaṃ, byāpādavitakkaṃ, vihiṃsāvitakkaṃ – ime tayo dhamme bahulamakaṃsu’. Yassaṃ, bhikkhave, disāyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṃ! Niṭṭhamettha gacchāmi – ‘addhā te āyasmanto ime tayo dhamme pajahiṃsu, ime tayo dhamme bahulamakaṃsu’’’.
‘‘യസ്സം പന, ഭിക്ഖവേ, ദിസായം ഭിക്ഖൂ സമഗ്ഗാ സമ്മോദമാനാ അവിവദമാനാ ഖീരോദകീഭൂതാ അഞ്ഞമഞ്ഞം പിയചക്ഖൂഹി സമ്പസ്സന്താ വിഹരന്തി, ഗന്തുമ്പി മേ ഏസാ, ഭിക്ഖവേ, ദിസാ ഫാസു ഹോതി, പഗേവ മനസി കാതും! നിട്ഠമേത്ഥ ഗച്ഛാമി – ‘അദ്ധാ തേ ആയസ്മന്തോ തയോ ധമ്മേ പജഹിംസു, തയോ ധമ്മേ ബഹുലമകംസു. കതമേ തയോ ധമ്മേ പജഹിംസു? കാമവിതക്കം , ബ്യാപാദവിതക്കം, വിഹിംസാവിതക്കം – ഇമേ തയോ ധമ്മേ പജഹിംസു. കതമേ തയോ ധമ്മേ ബഹുലമകംസു? നേക്ഖമ്മവിതക്കം, അബ്യാപാദവിതക്കം, അവിഹിംസാവിതക്കം – ഇമേ തയോ ധമ്മേ ബഹുലമകംസു’. യസ്സം , ഭിക്ഖവേ, ദിസായം ഭിക്ഖൂ സമഗ്ഗാ സമ്മോദമാനാ അവിവദമാനാ ഖീരോദകീഭൂതാ അഞ്ഞമഞ്ഞം പിയചക്ഖൂഹി സമ്പസ്സന്താ വിഹരന്തി, ഗന്തുമ്പി മേ ഏസാ, ഭിക്ഖവേ, ദിസാ ഫാസു ഹോതി, പഗേവ മനസി കാതും! നിട്ഠമേത്ഥ ഗച്ഛാമി – ‘അദ്ധാ തേ ആയസ്മന്തോ ഇമേ തയോ ധമ്മേ പജഹിംസു, ഇമേ തയോ ധമ്മേ ബഹുലമകംസൂ’’’തി. ദുതിയം.
‘‘Yassaṃ pana, bhikkhave, disāyaṃ bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṃ! Niṭṭhamettha gacchāmi – ‘addhā te āyasmanto tayo dhamme pajahiṃsu, tayo dhamme bahulamakaṃsu. Katame tayo dhamme pajahiṃsu? Kāmavitakkaṃ , byāpādavitakkaṃ, vihiṃsāvitakkaṃ – ime tayo dhamme pajahiṃsu. Katame tayo dhamme bahulamakaṃsu? Nekkhammavitakkaṃ, abyāpādavitakkaṃ, avihiṃsāvitakkaṃ – ime tayo dhamme bahulamakaṃsu’. Yassaṃ , bhikkhave, disāyaṃ bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṃ! Niṭṭhamettha gacchāmi – ‘addhā te āyasmanto ime tayo dhamme pajahiṃsu, ime tayo dhamme bahulamakaṃsū’’’ti. Dutiyaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൨. ഭണ്ഡനസുത്തവണ്ണനാ • 2. Bhaṇḍanasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൨. കുസിനാരസുത്താദിവണ്ണനാ • 1-2. Kusinārasuttādivaṇṇanā
