| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
7. бхан̇г̇аанубассанаан̃аан̣анид̣̇д̣̇зсаван̣н̣анаа
7. Bhaṅgānupassanāñāṇaniddesavaṇṇanā
51. со уд̣̇аяаб̣б̣аяаанубассанааяам̣ тид̇о яог̇ааважаро маг̇г̇аамаг̇г̇ававад̇т̇аабанзна убаггилзсавимуд̇д̇ам̣ вийт̇ибадибаннам̣ уд̣̇аяаб̣б̣аяаанубассанаан̃аан̣ам̣ ‘‘маг̇г̇о’’д̇и н̃ад̇ваа д̇илагкан̣асаллагкан̣зна д̇ассзва маг̇г̇асса сувисад̣̇агаран̣ад̇т̇ам̣ буна уд̣̇аяаб̣б̣аяаанубассанам̣ аарабхид̇ваа уд̣̇аяаб̣б̣аязна барижчиннз сан̇каарз анижжаад̣̇ид̇о вибассад̇и. звам̣ д̇асса д̇ам̣ н̃аан̣ам̣ д̇игкам̣ худ̇ваа вахад̇и, сан̇каараа лахум̣ убадтаханд̇и, н̃аан̣з д̇игкз ваханд̇з сан̇каарзсу лахум̣ убадтаханд̇зсу уббаад̣̇ам̣ ад̇иггамид̇ваа бхан̇г̇з зва сад̇и санд̇идтад̇и. нирод̇хаад̇химуд̇д̇ад̇д̇аа ваа уд̣̇аяам̣ бахааяа бхан̇г̇зязва сад̇им̣ убадтабзд̇и. зд̇асмим̣ таанз бхан̇г̇аанубассанаан̃аан̣ам̣ уббаж̇ж̇ад̇и. ид̣̇аани д̇асса н̃аан̣асса нид̣̇д̣̇зсз руубаарамман̣ад̇аа жид̇д̇ам̣ уббаж̇ж̇ид̇ваа бхиж̇ж̇ад̇ийд̇и руубаарамман̣ам̣ жид̇д̇ам̣ уббаж̇ж̇ид̇ваа бхиж̇ж̇ад̇и. ат̇а ваа руубаарамман̣абхаавз жид̇д̇ам̣ уббаж̇ж̇ид̇ваа бхиж̇ж̇ад̇ийд̇и ад̇т̇о. д̇ам̣ аарамман̣ам̣ бадисан̇каад̇и д̇ам̣ руубаарамман̣ам̣ бадисан̇кааяа ж̇аанид̇ваа, каяад̇о ваяад̇о д̣̇исваад̇и ад̇т̇о. д̇асса жид̇д̇асса бхан̇г̇ам̣ анубассад̇ийд̇и язна жид̇д̇зна д̇ам̣ руубаарамман̣ам̣ каяад̇о ваяад̇о д̣̇идтам̣, д̇асса жид̇д̇асса абарзна жид̇д̇зна бхан̇г̇ам̣ анубассад̇ийд̇и ад̇т̇о. д̇знааху бораан̣аа – ‘‘н̃аад̇ан̃жа н̃аан̣ан̃жа убхо вибассад̇ий’’д̇и. жид̇д̇анд̇и жзд̇т̇а сасамбаяуд̇д̇ажид̇д̇ам̣ ад̇хиббзд̇ам̣.
51. So udayabbayānupassanāyaṃ ṭhito yogāvacaro maggāmaggavavatthāpanena upakkilesavimuttaṃ vīthipaṭipannaṃ udayabbayānupassanāñāṇaṃ ‘‘maggo’’ti ñatvā tilakkhaṇasallakkhaṇena tasseva maggassa suvisadakaraṇatthaṃ puna udayabbayānupassanaṃ ārabhitvā udayabbayena paricchinne saṅkhāre aniccādito vipassati. Evaṃ tassa taṃ ñāṇaṃ tikkhaṃ hutvā vahati, saṅkhārā lahuṃ upaṭṭhahanti, ñāṇe tikkhe vahante saṅkhāresu lahuṃ upaṭṭhahantesu uppādaṃ atikkamitvā bhaṅge eva sati santiṭṭhati. Nirodhādhimuttattā vā udayaṃ pahāya bhaṅgeyeva satiṃ upaṭṭhapeti. Etasmiṃ ṭhāne bhaṅgānupassanāñāṇaṃ uppajjati. Idāni tassa ñāṇassa niddese rūpārammaṇatā cittaṃ uppajjitvā bhijjatīti rūpārammaṇaṃ cittaṃ uppajjitvā bhijjati. Atha vā rūpārammaṇabhāve cittaṃ uppajjitvā bhijjatīti attho. Taṃ ārammaṇaṃ paṭisaṅkhāti taṃ rūpārammaṇaṃ paṭisaṅkhāya jānitvā, khayato vayato disvāti attho. Tassa cittassa bhaṅgaṃ anupassatīti yena cittena taṃ rūpārammaṇaṃ khayato vayato diṭṭhaṃ, tassa cittassa aparena cittena bhaṅgaṃ anupassatīti attho. Tenāhu porāṇā – ‘‘ñātañca ñāṇañca ubho vipassatī’’ti. Cittanti cettha sasampayuttacittaṃ adhippetaṃ.
анубассад̇ийд̇и ану ану бассад̇и, анзгзхи аагаарзхи бунаббунам̣ бассад̇ийд̇и ад̇т̇о. д̇знааха анубассад̇ийд̇и гат̇ам̣ анубассад̇и, анижжад̇о анубассад̇ийд̇иаад̣̇и . д̇ад̇т̇а яасмаа бхан̇г̇о наама анижжад̇ааяа барамаа годи, д̇асмаа бхан̇г̇аанубассаго яог̇ааважаро саб̣б̣ам̣ руубаг̇ад̇ам̣ анижжад̇о анубассад̇и, но нижжад̇о. д̇ад̇о анижжасса д̣̇угкад̇д̇аа, д̣̇угкасса жа анад̇д̇ад̇д̇аа, д̇ад̣̇зва д̣̇угкад̇о анубассад̇и, но сукад̇о. анад̇д̇ад̇о анубассад̇и, но ад̇д̇ад̇о . яасмаа бана яам̣ анижжам̣ д̣̇угкаманад̇д̇аа, на д̇ам̣ абхинанд̣̇ид̇аб̣б̣ам̣. яан̃жа на абхинанд̣̇ид̇аб̣б̣ам̣, на д̇ад̇т̇а раж̇ж̇ид̇аб̣б̣ам̣. д̇асмаа зса д̇асмим̣ бхан̇г̇аанубассанаанусаарзна ‘‘анижжам̣ д̣̇угкаманад̇д̇аа’’д̇и д̣̇идтз руубаг̇ад̇з ниб̣б̣инд̣̇ад̇и, но нанд̣̇ад̇и. вираж̇ж̇ад̇и, но раж̇ж̇ад̇и. со звам̣ вираж̇ж̇анд̇о логигзнзва д̇аава н̃аан̣зна рааг̇ам̣ нирод̇хзд̇и, но самуд̣̇зд̇и, самуд̣̇аяам̣ на гарод̇ийд̇и ад̇т̇о. ат̇а ваа со звам̣ вирад̇д̇о яат̇аа д̣̇идтам̣ руубаг̇ад̇ам̣, д̇ат̇аа ад̣̇идтамби анваяан̃аан̣авасзна нирод̇хзд̇и, но самуд̣̇зд̇и. нирод̇хад̇ова манаси гарод̇и, нирод̇хамзвасса бассад̇и, но самуд̣̇аяанд̇и ад̇т̇о. со звам̣ бадибанно бадиниссаж̇ж̇ад̇и, но аад̣̇ияад̇и. гим̣ вуд̇д̇ам̣ ход̇и? аяамби хи анижжаад̣̇ианубассанаа д̇ад̣̇ан̇г̇авасзна сад̣̇д̇хим̣ канд̇хаабхисан̇каарзхи гилзсаанам̣ барижжаж̇анад̇о, сан̇кад̇ад̣̇осад̣̇ассанзна жа д̇аб̣б̣ибарийд̇з ниб̣б̣аанз д̇анниннад̇ааяа багканд̣̇анад̇о барижжааг̇абадиниссаг̇г̇о жзва багканд̣̇анабадиниссаг̇г̇о жаад̇и вужжад̇и. д̇асмаа д̇ааяа саманнааг̇ад̇о бхигку яат̇аавуд̇д̇зна наязна гилзсз жа барижжаж̇ад̇и, ниб̣б̣аанз жа багканд̣̇ад̇и. нааби ниб̣б̣ад̇д̇анавасзна гилзсз аад̣̇ияад̇и, на ад̣̇осад̣̇ассид̇аавасзна сан̇кад̇аарамман̣ам̣. д̇зна вужжад̇и бадиниссаж̇ж̇ад̇и, но аад̣̇ияад̇ийд̇и.
Anupassatīti anu anu passati, anekehi ākārehi punappunaṃ passatīti attho. Tenāha anupassatīti kathaṃ anupassati, aniccato anupassatītiādi . Tattha yasmā bhaṅgo nāma aniccatāya paramā koṭi, tasmā bhaṅgānupassako yogāvacaro sabbaṃ rūpagataṃ aniccato anupassati, no niccato. Tato aniccassa dukkhattā, dukkhassa ca anattattā, tadeva dukkhato anupassati, no sukhato. Anattato anupassati, no attato . Yasmā pana yaṃ aniccaṃ dukkhamanattā, na taṃ abhinanditabbaṃ. Yañca na abhinanditabbaṃ, na tattha rajjitabbaṃ. Tasmā esa tasmiṃ bhaṅgānupassanānusārena ‘‘aniccaṃ dukkhamanattā’’ti diṭṭhe rūpagate nibbindati, no nandati. Virajjati, no rajjati. So evaṃ virajjanto lokikeneva tāva ñāṇena rāgaṃ nirodheti, no samudeti, samudayaṃ na karotīti attho. Atha vā so evaṃ viratto yathā diṭṭhaṃ rūpagataṃ, tathā adiṭṭhampi anvayañāṇavasena nirodheti, no samudeti. Nirodhatova manasi karoti, nirodhamevassa passati, no samudayanti attho. So evaṃ paṭipanno paṭinissajjati, no ādiyati. Kiṃ vuttaṃ hoti? Ayampi hi aniccādianupassanā tadaṅgavasena saddhiṃ khandhābhisaṅkhārehi kilesānaṃ pariccajanato, saṅkhatadosadassanena ca tabbiparīte nibbāne tanninnatāya pakkhandanato pariccāgapaṭinissaggo ceva pakkhandanapaṭinissaggo cāti vuccati. Tasmā tāya samannāgato bhikkhu yathāvuttena nayena kilese ca pariccajati, nibbāne ca pakkhandati. Nāpi nibbattanavasena kilese ādiyati, na adosadassitāvasena saṅkhatārammaṇaṃ. Tena vuccati paṭinissajjati, no ādiyatīti.
52. ид̣̇аанисса д̇зхи н̃аан̣зхи язсам̣ д̇хаммаанам̣ бахаанам̣ ход̇и, д̇ам̣ д̣̇ассзд̇ум̣ анижжад̇о анубассанд̇о нижжасан̃н̃ам̣ баж̇ахад̇ийд̇иаад̣̇и вуд̇д̇ам̣. д̇ад̇т̇а нанд̣̇инд̇и саббийд̇игам̣ д̇ан̣хам̣. рааг̇анд̇и сзсам̣ д̇ан̣хам̣. самуд̣̇аяанд̇и рааг̇асса уббад̇д̇им̣. ат̇а ваа руубаг̇ад̇асса уд̣̇аяам̣. аад̣̇аананд̇и ниб̣б̣ад̇д̇анавасзна гилзсаанам̣ аад̣̇аанам̣. взд̣̇анаарамман̣ад̇аад̇иаад̣̇ийни ид̇ха жа хздтаа жа вуд̇д̇анаязнзва взд̣̇ид̇аб̣б̣аани.
52. Idānissa tehi ñāṇehi yesaṃ dhammānaṃ pahānaṃ hoti, taṃ dassetuṃ aniccato anupassanto niccasaññaṃ pajahatītiādi vuttaṃ. Tattha nandinti sappītikaṃ taṇhaṃ. Rāganti sesaṃ taṇhaṃ. Samudayanti rāgassa uppattiṃ. Atha vā rūpagatassa udayaṃ. Ādānanti nibbattanavasena kilesānaṃ ādānaṃ. Vedanārammaṇatātiādīni idha ca heṭṭhā ca vuttanayeneva veditabbāni.
г̇аат̇аасу бана вад̇т̇усан̇гаманаад̇и руубаад̣̇ийсу згзгасса бхан̇г̇ам̣ д̣̇исваа буна язна жид̇д̇зна бхан̇г̇о д̣̇идто, д̇ассааби бхан̇г̇ад̣̇ассанавасзна буримавад̇т̇уд̇о ан̃н̃авад̇т̇усан̇гаманаа. бан̃н̃ааяа жа вивадданаад̇и уд̣̇аяам̣ бахааяа ваяз санд̇идтанаа. ааваж̇ж̇анаа б̣алан̃жзваад̇и руубаад̣̇ийсу згзгасса бхан̇г̇ам̣ д̣̇исваа буна бхан̇г̇аарамман̣асса жид̇д̇асса бхан̇г̇ад̣̇ассанад̇т̇ам̣ ананд̇арамзва ааваж̇ж̇анасамад̇т̇ад̇аа. бадисан̇каа вибассанаад̇и зсаа аарамман̣абадисан̇каа бхан̇г̇аанубассанаа наама. аарамман̣аанваязна убхо згававад̇т̇анаад̇и бажжагкад̇о д̣̇идтасса аарамман̣асса анваязна ануг̇аманзна яат̇аа ид̣̇ам̣, д̇ат̇аа ад̇ийд̇зби сан̇каараг̇ад̇ам̣ бхиж̇ж̇и, анааг̇ад̇зби бхиж̇ж̇иссад̇ийд̇и звам̣ убхиннам̣ згасабхаавзнзва вавад̇т̇аабананд̇и ад̇т̇о. вуд̇д̇амби жзд̇ам̣ бораан̣зхи –
Gāthāsu pana vatthusaṅkamanāti rūpādīsu ekekassa bhaṅgaṃ disvā puna yena cittena bhaṅgo diṭṭho, tassāpi bhaṅgadassanavasena purimavatthuto aññavatthusaṅkamanā. Paññāya ca vivaṭṭanāti udayaṃ pahāya vaye santiṭṭhanā. Āvajjanā balañcevāti rūpādīsu ekekassa bhaṅgaṃ disvā puna bhaṅgārammaṇassa cittassa bhaṅgadassanatthaṃ anantarameva āvajjanasamatthatā. Paṭisaṅkhā vipassanāti esā ārammaṇapaṭisaṅkhā bhaṅgānupassanā nāma. Ārammaṇaanvayenaubho ekavavatthanāti paccakkhato diṭṭhassa ārammaṇassa anvayena anugamanena yathā idaṃ, tathā atītepi saṅkhāragataṃ bhijji, anāgatepi bhijjissatīti evaṃ ubhinnaṃ ekasabhāveneva vavatthāpananti attho. Vuttampi cetaṃ porāṇehi –
‘‘сам̣виж̇ж̇амаанамхи висуд̣̇д̇хад̣̇ассано, д̇ад̣̇анваяам̣ нзд̇и ад̇ийд̇анааг̇ад̇з;
‘‘Saṃvijjamānamhi visuddhadassano, tadanvayaṃ neti atītanāgate;
саб̣б̣зби сан̇каараг̇ад̇аа балогино, уссааваб̣инд̣̇уу сууриязва уг̇г̇ад̇з’’д̇и.
Sabbepi saṅkhāragatā palokino, ussāvabindū sūriyeva uggate’’ti.
нирод̇хз ад̇химуд̇д̇ад̇аад̇и звам̣ убхиннам̣ бхан̇г̇авасзна згававад̇т̇аанам̣ гад̇ваа д̇асмим̣язва бхан̇г̇асан̇каад̇з нирод̇хз ад̇химуд̇д̇ад̇аа д̇аг̇г̇аруд̇аа д̇анниннад̇аа д̇аббон̣ад̇аа д̇аббаб̣бхаарад̇аад̇и ад̇т̇о. ваяалагкан̣авибассанаад̇и зсаа ваяалагкан̣авибассанаа наамаад̇и вуд̇д̇ам̣ ход̇и. аарамман̣ан̃жа бадисан̇каад̇и буриман̃жа руубаад̣̇иаарамман̣ам̣ ж̇аанид̇ваа. бхан̇г̇ан̃жа анубассад̇ийд̇и д̇ассаарамман̣асса бхан̇г̇ам̣ д̣̇исваа д̇ад̣̇аарамман̣асса жид̇д̇асса жа бхан̇г̇ам̣ анубассад̇и. сун̃н̃ад̇о жа убадтаананд̇и д̇ассзвам̣ бхан̇г̇аманубассад̇о ‘‘сан̇каараава бхиж̇ж̇анд̇и, д̇зсам̣ бхзд̣̇о маран̣ам̣, на ан̃н̃о гожи ад̇т̇ий’’д̇и сун̃н̃ад̇о убадтаанам̣ иж̇жхад̇и. д̇знааху бораан̣аа –
Nirodhe adhimuttatāti evaṃ ubhinnaṃ bhaṅgavasena ekavavatthānaṃ katvā tasmiṃyeva bhaṅgasaṅkhāte nirodhe adhimuttatā taggarutā tanninnatā tappoṇatā tappabbhāratāti attho. Vayalakkhaṇavipassanāti esā vayalakkhaṇavipassanā nāmāti vuttaṃ hoti. Ārammaṇañca paṭisaṅkhāti purimañca rūpādiārammaṇaṃ jānitvā. Bhaṅgañca anupassatīti tassārammaṇassa bhaṅgaṃ disvā tadārammaṇassa cittassa ca bhaṅgaṃ anupassati. Suññato ca upaṭṭhānanti tassevaṃ bhaṅgamanupassato ‘‘saṅkhārāva bhijjanti, tesaṃ bhedo maraṇaṃ, na añño koci atthī’’ti suññato upaṭṭhānaṃ ijjhati. Tenāhu porāṇā –
‘‘канд̇хаа нируж̇жханд̇и на жад̇т̇и ан̃н̃о, канд̇хаана бхзд̣̇о маран̣анд̇и вужжад̇и;
‘‘Khandhā nirujjhanti na catthi añño, khandhāna bhedo maraṇanti vuccati;
д̇зсам̣ каяам̣ бассад̇и аббамад̇д̇о, ман̣им̣ва виж̇жхам̣ важ̇ирзна яонисо’’д̇и.
Tesaṃ khayaṃ passati appamatto, maṇiṃva vijjhaṃ vajirena yoniso’’ti.
ад̇хибан̃н̃аа вибассанаад̇и яаа жа аарамман̣абадисан̇каа, яаа жа бхан̇г̇аанубассанаа, яан̃жа сун̃н̃ад̇о убадтаанам̣, аяам̣ ад̇хибан̃н̃аа вибассанаа наамаад̇и вуд̇д̇ам̣ ход̇и. гусало д̇ийсу анубассанаасууд̇и анижжаанубассанаад̣̇ийсу д̇ийсу чзго бхигку. жад̇ассо жа вибассанаасууд̇и ниб̣б̣ид̣̇аад̣̇ийсу жа жад̇уусу вибассанаасу. д̇аяо убадтаанз гусалад̇аад̇и каяад̇о ваяад̇о сун̃н̃ад̇од̇и имасмин̃жа д̇ивид̇хз убадтаанз гусалад̇ааяа. наанаад̣̇идтийсу на гамбад̇ийд̇и сассад̇ад̣̇идтиаад̣̇ийсу наанаббагаараасу д̣̇идтийсу на взд̇хад̇и. со звам̣ авзд̇хамаано ‘‘анируд̣̇д̇хамзва нируж̇жхад̇и, абхиннамзва бхиж̇ж̇ад̇ий’’д̇и бавад̇д̇аманасигааро д̣̇уб̣б̣алабхааж̇анасса вияа бхиж̇ж̇амаанасса, сукумараж̇ассзва виббагирияамаанасса, д̇илаанам̣ вияа бхаж̇ж̇ияамаанаанам̣ саб̣б̣асан̇каараанам̣ уббаад̣̇адтид̇ибавад̇д̇анимид̇д̇ам̣ виссаж̇ж̇зд̇ваа бхзд̣̇амзва бассад̇и. со яат̇аа наама жагкумаа бурисо богкаран̣ийд̇ийрз ваа над̣̇ийд̇ийрз ваа тид̇о т̇уулапусид̇агз д̣̇звз вассанд̇з уд̣̇агабидтз маханд̇амаханд̇аани уд̣̇агабуб̣б̣ул̣аани уббаж̇ж̇ид̇ваа уббаж̇ж̇ид̇ваа сийгхам̣ сийгхам̣ бхиж̇ж̇амаанаани бассзяяа, звамзва саб̣б̣з сан̇каараа бхиж̇ж̇анд̇и бхиж̇ж̇анд̇ийд̇и бассад̇и. зваруубан̃хи яог̇ааважарам̣ санд̇хааяа вуд̇д̇ам̣ бхаг̇авад̇аа –
Adhipaññā vipassanāti yā ca ārammaṇapaṭisaṅkhā, yā ca bhaṅgānupassanā, yañca suññato upaṭṭhānaṃ, ayaṃ adhipaññā vipassanā nāmāti vuttaṃ hoti. Kusalo tīsu anupassanāsūti aniccānupassanādīsu tīsu cheko bhikkhu. Catasso ca vipassanāsūti nibbidādīsu ca catūsu vipassanāsu. Tayo upaṭṭhāne kusalatāti khayato vayato suññatoti imasmiñca tividhe upaṭṭhāne kusalatāya. Nānādiṭṭhīsu na kampatīti sassatadiṭṭhiādīsu nānappakārāsu diṭṭhīsu na vedhati. So evaṃ avedhamāno ‘‘aniruddhameva nirujjhati, abhinnameva bhijjatī’’ti pavattamanasikāro dubbalabhājanassa viya bhijjamānassa, sukhumarajasseva vippakiriyamānassa, tilānaṃ viya bhajjiyamānānaṃ sabbasaṅkhārānaṃ uppādaṭṭhitipavattanimittaṃ vissajjetvā bhedameva passati. So yathā nāma cakkhumā puriso pokkharaṇītīre vā nadītīre vā ṭhito thūlaphusitake deve vassante udakapiṭṭhe mahantamahantāni udakapubbuḷāni uppajjitvā uppajjitvā sīghaṃ sīghaṃ bhijjamānāni passeyya, evameva sabbe saṅkhārā bhijjanti bhijjantīti passati. Evarūpañhi yogāvacaraṃ sandhāya vuttaṃ bhagavatā –
‘‘яат̇аа буб̣б̣ул̣агам̣ бассз, яат̇аа бассз марийжигам̣;
‘‘Yathā pubbuḷakaṃ passe, yathā passe marīcikaṃ;
звам̣ логам̣ авзгканд̇ам̣, мажжурааж̇аа на бассад̇ий’’д̇и. (д̇ха. ба. 170);
Evaṃ lokaṃ avekkhantaṃ, maccurājā na passatī’’ti. (dha. pa. 170);
д̇ассзвам̣ ‘‘саб̣б̣з сан̇каараа бхиж̇ж̇анд̇и бхиж̇ж̇анд̇ий’’д̇и абхин̣хам̣ бассад̇о адтаанисам̣сабариваарам̣ бхан̇г̇аанубассанаан̃аан̣ам̣ б̣алаббад̇д̇ам̣ ход̇и. д̇ад̇римз адтаанисам̣саа – бхавад̣̇идтиббахаанам̣, ж̇ийвид̇аниганд̇ибарижжааг̇о, сад̣̇ааяуд̇д̇абаяуд̇д̇ад̇аа, висуд̣̇д̇хааж̇ийвид̇аа, уссуггаббахаанам̣, виг̇ад̇абхаяад̇аа, канд̇исоражжабадилаабхо, арад̇ирад̇исаханад̇аад̇и. д̇знааху бораан̣аа –
Tassevaṃ ‘‘sabbe saṅkhārā bhijjanti bhijjantī’’ti abhiṇhaṃ passato aṭṭhānisaṃsaparivāraṃ bhaṅgānupassanāñāṇaṃ balappattaṃ hoti. Tatrime aṭṭhānisaṃsā – bhavadiṭṭhippahānaṃ, jīvitanikantipariccāgo, sadāyuttapayuttatā, visuddhājīvitā, ussukkappahānaṃ, vigatabhayatā, khantisoraccapaṭilābho, aratiratisahanatāti. Tenāhu porāṇā –
‘‘имаани адтаг̇г̇ун̣амуд̇д̇амаани, д̣̇исваа д̇ахим̣ саммасад̇ий бунаббунам̣;
‘‘Imāni aṭṭhagguṇamuttamāni, disvā tahiṃ sammasatī punappunaṃ;
аад̣̇ид̇д̇ажзлассирасуубамо муни, бхан̇г̇аанубассий амад̇асса бад̇д̇ияаа’’д̇и.
Ādittacelassirasūpamo muni, bhaṅgānupassī amatassa pattiyā’’ti.
бхан̇г̇аанубассанаан̃аан̣анид̣̇д̣̇зсаван̣н̣анаа нидтид̇аа.
Bhaṅgānupassanāñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 7. бхан̇г̇аанубассанаан̃аан̣анид̣̇д̣̇зсо • 7. Bhaṅgānupassanāñāṇaniddeso
