| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
7. бхан̇г̇аанубассанаан̃аан̣анид̣̇д̣̇зсо
7. Bhaṅgānupassanāñāṇaniddeso
51. гат̇ам̣ аарамман̣ам̣ бадисан̇каа бхан̇г̇аанубассанз бан̃н̃аа вибассанз н̃аан̣ам̣? руубаарамман̣ад̇аа жид̇д̇ам̣ уббаж̇ж̇ид̇ваа бхиж̇ж̇ад̇и. д̇ам̣ аарамман̣ам̣ бадисан̇каа д̇асса жид̇д̇асса бхан̇г̇ам̣ анубассад̇и. анубассад̇ийд̇и, гат̇ам̣ анубассад̇и? анижжад̇о анубассад̇и, но нижжад̇о. д̣̇угкад̇о анубассад̇и, но сукад̇о. анад̇д̇ад̇о анубассад̇и, но ад̇д̇ад̇о. ниб̣б̣инд̣̇ад̇и, но нанд̣̇ад̇и, вираж̇ж̇ад̇и, но раж̇ж̇ад̇и. нирод̇хзд̇и, но самуд̣̇зд̇и. бадиниссаж̇ж̇ад̇и, но аад̣̇ияад̇и.
51. Kathaṃ ārammaṇaṃ paṭisaṅkhā bhaṅgānupassane paññā vipassane ñāṇaṃ? Rūpārammaṇatā cittaṃ uppajjitvā bhijjati. Taṃ ārammaṇaṃ paṭisaṅkhā tassa cittassa bhaṅgaṃ anupassati. Anupassatīti, kathaṃ anupassati? Aniccato anupassati, no niccato. Dukkhato anupassati, no sukhato. Anattato anupassati, no attato. Nibbindati, no nandati, virajjati, no rajjati. Nirodheti, no samudeti. Paṭinissajjati, no ādiyati.
52. анижжад̇о анубассанд̇о нижжасан̃н̃ам̣ баж̇ахад̇и. д̣̇угкад̇о анубассанд̇о сукасан̃н̃ам̣ баж̇ахад̇и. анад̇д̇ад̇о анубассанд̇о ад̇д̇асан̃н̃ам̣ баж̇ахад̇и. ниб̣б̣инд̣̇анд̇о нанд̣̇им̣ баж̇ахад̇и. вираж̇ж̇анд̇о рааг̇ам̣ баж̇ахад̇и. нирод̇хзнд̇о самуд̣̇аяам̣ баж̇ахад̇и. бадиниссаж̇ж̇анд̇о аад̣̇аанам̣ баж̇ахад̇и.
52. Aniccato anupassanto niccasaññaṃ pajahati. Dukkhato anupassanto sukhasaññaṃ pajahati. Anattato anupassanto attasaññaṃ pajahati. Nibbindanto nandiṃ pajahati. Virajjanto rāgaṃ pajahati. Nirodhento samudayaṃ pajahati. Paṭinissajjanto ādānaṃ pajahati.
взд̣̇анаарамман̣ад̇аа…бз… сан̃н̃аарамман̣ад̇аа… сан̇каараарамман̣ад̇аа… вин̃н̃аан̣аарамман̣ад̇аа… жагку…бз… ж̇араамаран̣аарамман̣ад̇аа жид̇д̇ам̣ уббаж̇ж̇ид̇ваа бхиж̇ж̇ад̇и. д̇ам̣ аарамман̣ам̣ бадисан̇каа д̇асса жид̇д̇асса бхан̇г̇ам̣ анубассад̇и. анубассад̇ийд̇и, гат̇ам̣ анубассад̇и? анижжад̇о анубассад̇и, но нижжад̇о. д̣̇угкад̇о анубассад̇и, но сукад̇о. анад̇д̇ад̇о анубассад̇и, но ад̇д̇ад̇о. ниб̣б̣инд̣̇ад̇и, но нанд̣̇ад̇и. вираж̇ж̇ад̇и, но раж̇ж̇ад̇и. нирод̇хзд̇и, но самуд̣̇зд̇и. бадиниссаж̇ж̇ад̇и, но аад̣̇ияад̇и.
Vedanārammaṇatā…pe… saññārammaṇatā… saṅkhārārammaṇatā… viññāṇārammaṇatā… cakkhu…pe… jarāmaraṇārammaṇatā cittaṃ uppajjitvā bhijjati. Taṃ ārammaṇaṃ paṭisaṅkhā tassa cittassa bhaṅgaṃ anupassati. Anupassatīti, kathaṃ anupassati? Aniccato anupassati, no niccato. Dukkhato anupassati, no sukhato. Anattato anupassati, no attato. Nibbindati, no nandati. Virajjati, no rajjati. Nirodheti, no samudeti. Paṭinissajjati, no ādiyati.
анижжад̇о анубассанд̇о нижжасан̃н̃ам̣ баж̇ахад̇и. д̣̇угкад̇о анубассанд̇о сукасан̃н̃ам̣ баж̇ахад̇и. анад̇д̇ад̇о анубассанд̇о ад̇д̇асан̃н̃ам̣ баж̇ахад̇и. ниб̣б̣инд̣̇анд̇о нанд̣̇им̣ баж̇ахад̇и. вираж̇ж̇анд̇о рааг̇ам̣ баж̇ахад̇и. нирод̇хзнд̇о самуд̣̇аяам̣ баж̇ахад̇и. бадиниссаж̇ж̇анд̇о аад̣̇аанам̣ баж̇ахад̇и.
Aniccato anupassanto niccasaññaṃ pajahati. Dukkhato anupassanto sukhasaññaṃ pajahati. Anattato anupassanto attasaññaṃ pajahati. Nibbindanto nandiṃ pajahati. Virajjanto rāgaṃ pajahati. Nirodhento samudayaṃ pajahati. Paṭinissajjanto ādānaṃ pajahati.
вад̇т̇усан̇гаманаа жзва, бан̃н̃ааяа жа вивадданаа;
Vatthusaṅkamanā ceva, paññāya ca vivaṭṭanā;
ааваж̇ж̇анаа б̣алан̃жзва, бадисан̇каа вибассанаа.
Āvajjanā balañceva, paṭisaṅkhā vipassanā.
нирод̇хз ад̇химуд̇д̇ад̇аа, ваяалагкан̣авибассанаа.
Nirodhe adhimuttatā, vayalakkhaṇavipassanā.
аарамман̣ан̃жа бадисан̇каа, бхан̇г̇ан̃жа анубассад̇и;
Ārammaṇañca paṭisaṅkhā, bhaṅgañca anupassati;
сун̃н̃ад̇о жа убадтаанам̣, ад̇хибан̃н̃аа вибассанаа.
Suññato ca upaṭṭhānaṃ, adhipaññā vipassanā.
гусало д̇ийсу анубассанаасу, жад̇ассо жа 3 вибассанаасу;
Kusalo tīsu anupassanāsu, catasso ca 4 vipassanāsu;
д̇аяо убадтаанз гусалад̇аа, наанаад̣̇идтийсу на гамбад̇ийд̇и.
Tayo upaṭṭhāne kusalatā, nānādiṭṭhīsu na kampatīti.
д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘аарамман̣ам̣ бадисан̇каа бхан̇г̇аанубассанз бан̃н̃аа вибассанз н̃аан̣ам̣’’.
Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ārammaṇaṃ paṭisaṅkhā bhaṅgānupassane paññā vipassane ñāṇaṃ’’.
бхан̇г̇аанубассанаан̃аан̣анид̣̇д̣̇зсо сад̇д̇амо.
Bhaṅgānupassanāñāṇaniddeso sattamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 7. бхан̇г̇аанубассанаан̃аан̣анид̣̇д̣̇зсаван̣н̣анаа • 7. Bhaṅgānupassanāñāṇaniddesavaṇṇanā
