| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4-5. бхаарад̣̇вааж̇асуд̇д̇аад̣̇иван̣н̣анаа
4-5. Bhāradvājasuttādivaṇṇanā
127-128. жад̇уд̇т̇з бин̣д̣ам̣ уламаано бариязсамаано баб̣б̣аж̇ид̇од̇и бин̣д̣оло. со гира бариж̇ин̣н̣абхог̇о б̣раахман̣о ахоси. ат̇а бхигкусан̇гхасса лаабхасаггаарам̣ д̣̇исваа бин̣д̣ад̇т̇ааяа нигкамид̇ваа баб̣б̣аж̇ид̇о. со маханд̇ам̣ габаллабад̇д̇ам̣ г̇ахзд̇ваа жарад̇и, д̇зна габаллабуурам̣ яааг̇ум̣ бивад̇и, габаллабуурз буувз каад̣̇ад̇и, габаллабуурам̣ бхад̇д̇ам̣ бхун̃ж̇ад̇и. ат̇асса махаг̇гхасабхаавам̣ сад̇т̇у аарожаяим̣су. сад̇т̇аа д̇асса бад̇д̇ад̇т̇авигам̣ наануж̇аани. хздтааман̃жз бад̇д̇ам̣ ниггуж̇ж̇ид̇ваа табзд̇и. со табзнд̇оби гхам̣санд̇ова бан̣аамзд̇ваа табзд̇и, г̇ан̣ханд̇оби гхам̣санд̇ова аагад̣дхид̇ваа г̇ан̣хаад̇и. д̇ам̣ г̇ажчанд̇з гаалз д̇хам̣санзна баригкийн̣ам̣ наал̣игод̣̇анамад̇д̇амзва г̇ан̣ханагам̣ ж̇аад̇ам̣. д̇ад̇о сад̇т̇у аарожзсум̣, ат̇асса сад̇т̇аа бад̇д̇ад̇т̇авигам̣ ануж̇аани. т̇зро абарзна самаязна инд̣̇рияабхааванам̣ бхаавзд̇ваа аг̇г̇апалз арахад̇д̇з бад̇идтааси. ид̇и со бин̣д̣ад̇т̇ааяа баб̣б̣аж̇ид̇ад̇д̇аа бин̣д̣оло, г̇од̇д̇зна бана бхаарад̣̇вааж̇од̇и убхаяам̣ згад̇о гад̇ваа бин̣д̣олабхаарад̣̇вааж̇од̇и вужжад̇и.
127-128. Catutthe piṇḍaṃ ulamāno pariyesamāno pabbajitoti piṇḍolo. So kira parijiṇṇabhogo brāhmaṇo ahosi. Atha bhikkhusaṅghassa lābhasakkāraṃ disvā piṇḍatthāya nikkhamitvā pabbajito. So mahantaṃ kapallapattaṃ gahetvā carati, tena kapallapūraṃ yāguṃ pivati, kapallapūre pūve khādati, kapallapūraṃ bhattaṃ bhuñjati. Athassa mahagghasabhāvaṃ satthu ārocayiṃsu. Satthā tassa pattatthavikaṃ nānujāni. Heṭṭhāmañce pattaṃ nikkujjitvā ṭhapeti. So ṭhapentopi ghaṃsantova paṇāmetvā ṭhapeti, gaṇhantopi ghaṃsantova ākaḍḍhitvā gaṇhāti. Taṃ gacchante kāle dhaṃsanena parikkhīṇaṃ nāḷikodanamattameva gaṇhanakaṃ jātaṃ. Tato satthu ārocesuṃ, athassa satthā pattatthavikaṃ anujāni. Thero aparena samayena indriyabhāvanaṃ bhāvetvā aggaphale arahatte patiṭṭhāsi. Iti so piṇḍatthāya pabbajitattā piṇḍolo, gottena pana bhāradvājoti ubhayaṃ ekato katvā piṇḍolabhāradvājoti vuccati.
убасан̇гамийд̇и уг̇г̇ад̇уг̇г̇ад̇зхи махааамажжзхи баривуд̇о убасан̇гами. т̇зро гира згад̣̇ивасам̣ саавад̇т̇ияам̣ бин̣д̣ааяа жарид̇ваа гад̇абхад̇д̇агижжо нид̣̇аагхасамаяз сийд̇атаанз д̣̇иваавихаарам̣ нисийд̣̇иссаамийд̇и аагаасзна г̇анд̇ваа г̇ан̇г̇аад̇ийрз уд̣̇знасса ран̃н̃о уд̣̇абаанам̣ наама уяяаанам̣ ад̇т̇и, д̇ад̇т̇а бависид̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и сийд̇зна уд̣̇агаваад̇зна б̣ийж̇ияамаано.
Upasaṅkamīti uggatuggatehi mahāamaccehi parivuto upasaṅkami. Thero kira ekadivasaṃ sāvatthiyaṃ piṇḍāya caritvā katabhattakicco nidāghasamaye sītaṭhāne divāvihāraṃ nisīdissāmīti ākāsena gantvā gaṅgātīre udenassa rañño udapānaṃ nāma uyyānaṃ atthi, tattha pavisitvā aññatarasmiṃ rukkhamūle divāvihāraṃ nisīdi sītena udakavātena bījiyamāno.
уд̣̇зноби ко наама рааж̇аа сад̇д̇аахам̣ махаабаанам̣ бивид̇ваа сад̇д̇амз д̣̇ивасз уяяаанам̣ бадиж̇аг̇г̇аабзд̇ваа махааж̇анабаривааро уяяаанам̣ г̇анд̇ваа ман̇г̇аласилаабаддз ад̇т̇ад̇ааяа сзяяааяа нибаж̇ж̇и. д̇асса згаа барижааригаа баад̣̇з самб̣аахамаанаа нисиннаа. рааж̇аа гамзна нид̣̇д̣̇ам̣ оггами. д̇асмим̣ нид̣̇д̣̇ам̣ огганд̇з наадагид̇т̇ияо ‘‘яассад̇т̇ааяа маяам̣ г̇ийд̇аад̣̇ийни баяож̇зяяаама, со нид̣̇д̣̇ам̣ убаг̇ад̇о, на жа нид̣̇д̣̇аагаалз махаасад̣̇д̣̇ам̣ гаад̇ум̣ ваддад̇ий’’д̇и ад̇д̇ано ад̇д̇ано д̇уурияаани табзд̇ваа уяяаанам̣ багганд̇аа. д̇аа д̇ад̇т̇а д̇ад̇т̇а палаапалаани каад̣̇амаанаа бубпаани бил̣анд̇хамаанаа вижаранд̇ияо т̇зрам̣ д̣̇исваа ‘‘маа сад̣̇д̣̇ам̣ гарид̇т̇аа’’д̇и ан̃н̃аман̃н̃ам̣ ниваараяамаанаа ванд̣̇ид̇ваа нисийд̣̇им̣су. т̇зро ‘‘иссаа бахаад̇аб̣б̣аа, мажчзрам̣ винод̣̇зд̇аб̣б̣а’’нд̇иаад̣̇инаа наязна д̇аасам̣ ануруубам̣ д̇хаммагат̇ам̣ гат̇зси.
Udenopi kho nāma rājā sattāhaṃ mahāpānaṃ pivitvā sattame divase uyyānaṃ paṭijaggāpetvā mahājanaparivāro uyyānaṃ gantvā maṅgalasilāpaṭṭe atthatāya seyyāya nipajji. Tassa ekā paricārikā pāde sambāhamānā nisinnā. Rājā kamena niddaṃ okkami. Tasmiṃ niddaṃ okkante nāṭakitthiyo ‘‘yassatthāya mayaṃ gītādīni payojeyyāma, so niddaṃ upagato, na ca niddākāle mahāsaddaṃ kātuṃ vaṭṭatī’’ti attano attano tūriyāni ṭhapetvā uyyānaṃ pakkantā. Tā tattha tattha phalāphalāni khādamānā pupphāni piḷandhamānā vicarantiyo theraṃ disvā ‘‘mā saddaṃ karitthā’’ti aññamaññaṃ nivārayamānā vanditvā nisīdiṃsu. Thero ‘‘issā pahātabbā, maccheraṃ vinodetabba’’ntiādinā nayena tāsaṃ anurūpaṃ dhammakathaṃ kathesi.
сааби ко ран̃н̃о баад̣̇з самб̣аахамаанаа нисиннаа ид̇т̇ий баад̣̇з жаалзд̇ваа рааж̇аанам̣ баб̣од̇хзси. со ‘‘гахам̣ д̇аа г̇ад̇аа’’д̇и бужчи. гим̣ д̇аасам̣ д̇умхзхи? д̇аа згам̣ саман̣ам̣ бариваарзд̇ваа нисиннаад̇и. рааж̇аа гуд̣̇д̇хо уд̣̇д̇ханз багкид̇д̇алон̣ам̣ вияа д̇адад̇адааяамаано удтахид̇ваа ‘‘д̇амб̣агибиллигаахи нам̣ каад̣̇аабзссаамий’’д̇и г̇ажчанд̇о згасмим̣ асогаругкз д̇амб̣агибиллигаанам̣ будам̣ д̣̇исваа хад̇т̇знаагад̣дхид̇ваа саакам̣ г̇ан̣хид̇ум̣ наасагки. гибиллигабудо чиж̇ж̇ид̇ваа ран̃н̃о сийсз бад̇и, сагаласарийрам̣ саалит̇усзхи баригин̣н̣ам̣ вияа д̣̇ан̣д̣ад̣̇ийбигаахи д̣аяхамаанам̣ вияа жа ахоси. т̇зро ран̃н̃о бад̣̇удтабхаавам̣ н̃ад̇ваа ид̣̇д̇хияаа аагаасам̣ багканд̣̇и. д̇ааби ид̇т̇ияо удтааяа ран̃н̃о санд̇игам̣ г̇анд̇ваа сарийрам̣ бун̃чанд̇ияо вияа бхуумияам̣ бад̇ид̇абад̇ид̇аа гибиллигааяо г̇ахзд̇ваа сарийрз кибамаанаа саб̣б̣аа мукасад̇д̇ийхи виж̇жхим̣су – ‘‘гим̣ наамзд̇ам̣, ан̃н̃з рааж̇аано баб̣б̣аж̇ид̇з д̣̇исваа ванд̣̇анд̇и, бан̃хам̣ бужчанд̇и, аяам̣ бана рааж̇аа гибиллигабудам̣ сийсз бхинд̣̇ид̇угаамо ж̇аад̇о’’д̇и.
Sāpi kho rañño pāde sambāhamānā nisinnā itthī pāde cāletvā rājānaṃ pabodhesi. So ‘‘kahaṃ tā gatā’’ti pucchi. Kiṃ tāsaṃ tumhehi? Tā ekaṃ samaṇaṃ parivāretvā nisinnāti. Rājā kuddho uddhane pakkhittaloṇaṃ viya taṭataṭāyamāno uṭṭhahitvā ‘‘tambakipillikāhi naṃ khādāpessāmī’’ti gacchanto ekasmiṃ asokarukkhe tambakipillikānaṃ puṭaṃ disvā hatthenākaḍḍhitvā sākhaṃ gaṇhituṃ nāsakkhi. Kipillikapuṭo chijjitvā rañño sīse pati, sakalasarīraṃ sālithusehi parikiṇṇaṃ viya daṇḍadīpikāhi ḍayhamānaṃ viya ca ahosi. Thero rañño paduṭṭhabhāvaṃ ñatvā iddhiyā ākāsaṃ pakkhandi. Tāpi itthiyo uṭṭhāya rañño santikaṃ gantvā sarīraṃ puñchantiyo viya bhūmiyaṃ patitapatitā kipillikāyo gahetvā sarīre khipamānā sabbā mukhasattīhi vijjhiṃsu – ‘‘kiṃ nāmetaṃ, aññe rājāno pabbajite disvā vandanti, pañhaṃ pucchanti, ayaṃ pana rājā kipillikapuṭaṃ sīse bhinditukāmo jāto’’ti.
рааж̇аа ад̇д̇ано абараад̇хам̣ д̣̇исваа уяяаанабаалам̣ баггосаабзд̇ваа бужчи – ‘‘гим̣ зса баб̣б̣аж̇ид̇о? ан̃н̃зсуби д̣̇ивасзсу ид̇ха ааг̇ажчад̇ий’’д̇и? аама, д̣̇зваад̇и. ид̇ха д̇вам̣ ааг̇ад̇ад̣̇ивасз маяхам̣ аарожзяяаасийд̇и. т̇зроби гад̇ибаахзнзва буна ааг̇анд̇ваа ругкамуулз нисийд̣̇и. уяяаанабаало д̣̇исваа – ‘‘маханд̇о мз аяам̣ бан̣н̣аагааро’’д̇и взг̇зна г̇анд̇ваа ран̃н̃о аарожзси. рааж̇аа удтахид̇ваа сан̇кабан̣аваад̣̇исад̣̇д̣̇ам̣ ниваарзд̇ваа уг̇г̇ад̇уг̇г̇ад̇зхи амажжзхи сад̣̇д̇хим̣ уяяаанам̣ аг̇амааси. д̇зна вуд̇д̇ам̣ ‘‘убасан̇гамий’’д̇и.
Rājā attano aparādhaṃ disvā uyyānapālaṃ pakkosāpetvā pucchi – ‘‘kiṃ esa pabbajito? Aññesupi divasesu idha āgacchatī’’ti? Āma, devāti. Idha tvaṃ āgatadivase mayhaṃ āroceyyāsīti. Theropi katipāheneva puna āgantvā rukkhamūle nisīdi. Uyyānapālo disvā – ‘‘mahanto me ayaṃ paṇṇākāro’’ti vegena gantvā rañño ārocesi. Rājā uṭṭhahitvā saṅkhapaṇavādisaddaṃ nivāretvā uggatuggatehi amaccehi saddhiṃ uyyānaṃ agamāsi. Tena vuttaṃ ‘‘upasaṅkamī’’ti.
анигийл̣ид̇аавино гаамзсууд̇и яаа гаамзсу гаамагийл̣аа, д̇ам̣ агийл̣ид̇абуб̣б̣аа, абарибхуд̇д̇агаамаад̇и ад̇т̇о. ад̣̇д̇хаанан̃жа аабаад̣̇знд̇ийд̇и бавзн̣им̣ бадибаад̣̇знд̇и, д̣̇ийгхарад̇д̇ам̣ ануб̣анд̇хаабзнд̇и. маад̇умад̇д̇ийсууд̇и маад̇убамаан̣аасу. логасмин̃хи маад̇аа бхаг̇иний д̇хийд̇аад̇и ид̣̇ам̣ д̇ивид̇хам̣ г̇аругаарамман̣ам̣ наама , ид̇и г̇аругаарамман̣з убаниб̣анд̇хам̣ жид̇д̇ам̣ виможзд̇ум̣ на лабхад̇ийд̇и д̣̇ассзнд̇о звамааха. ат̇асса д̇зна бан̃хзна жид̇д̇ам̣ анод̇аранд̇ам̣ д̣̇исваа бхаг̇авад̇аа бадигууламанасигааравасзна жид̇д̇уубаниб̣анд̇ханад̇т̇ам̣ вуд̇д̇ам̣ д̣̇вад̇д̇им̣саагаарагаммадтаанам̣ гат̇зси.
Anikīḷitāvino kāmesūti yā kāmesu kāmakīḷā, taṃ akīḷitapubbā, aparibhuttakāmāti attho. Addhānañca āpādentīti paveṇiṃ paṭipādenti, dīgharattaṃ anubandhāpenti. Mātumattīsūti mātupamāṇāsu. Lokasmiñhi mātā bhaginī dhītāti idaṃ tividhaṃ garukārammaṇaṃ nāma , iti garukārammaṇe upanibandhaṃ cittaṃ vimocetuṃ na labhatīti dassento evamāha. Athassa tena pañhena cittaṃ anotarantaṃ disvā bhagavatā paṭikūlamanasikāravasena cittūpanibandhanatthaṃ vuttaṃ dvattiṃsākārakammaṭṭhānaṃ kathesi.
абхаавид̇агааяаад̇и абхаавид̇абан̃жад̣̇вааригагааяаа. д̇зсам̣ д̇ам̣ д̣̇уггарам̣ ход̇ийд̇и д̇зсам̣ д̇ам̣ асубхагаммадтаанам̣ бхаавзд̇ум̣ д̣̇уггарам̣ ход̇и. ид̇исса иминааби жид̇д̇ам̣ анод̇аранд̇ам̣ д̣̇исваа инд̣̇рияасам̣варасийлам̣ гат̇зси . инд̣̇рияасам̣варасмин̃хи убаниб̣анд̇хажид̇д̇ам̣ вихзтзд̇ум̣ на лабхад̇и. рааж̇аа д̇ам̣ суд̇ваа д̇ад̇т̇а од̇ин̣н̣ажид̇д̇о ажчарияам̣, бхо бхаарад̣̇вааж̇аад̇иаад̣̇имааха.
Abhāvitakāyāti abhāvitapañcadvārikakāyā. Tesaṃ taṃ dukkaraṃ hotīti tesaṃ taṃ asubhakammaṭṭhānaṃ bhāvetuṃ dukkaraṃ hoti. Itissa imināpi cittaṃ anotarantaṃ disvā indriyasaṃvarasīlaṃ kathesi . Indriyasaṃvarasmiñhi upanibandhacittaṃ viheṭhetuṃ na labhati. Rājā taṃ sutvā tattha otiṇṇacitto acchariyaṃ, bho bhāradvājātiādimāha.
арагкид̇знзва гааязнаад̇иаад̣̇ийсу хад̇т̇абаад̣̇з гийл̣аабзнд̇о г̇ийвам̣ баривад̇д̇знд̇о гааяам̣ на рагкад̇и наама, наанаббагаарам̣ д̣̇удтуллам̣ гат̇знд̇о важанам̣ на рагкад̇и наама, гаамавид̇аггаад̣̇аяо вид̇аггзнд̇о жид̇д̇ам̣ на рагкад̇и наама. рагкид̇знзва гааязнаад̇иаад̣̇ийсу вуд̇д̇авибарияааязна ад̇т̇о взд̣̇ид̇аб̣б̣о.
Arakkhiteneva kāyenātiādīsu hatthapāde kīḷāpento gīvaṃ parivattento kāyaṃ na rakkhati nāma, nānappakāraṃ duṭṭhullaṃ kathento vacanaṃ na rakkhati nāma, kāmavitakkādayo vitakkento cittaṃ na rakkhati nāma. Rakkhiteneva kāyenātiādīsu vuttavipariyāyena attho veditabbo.
ад̇ивияа мам̣ д̇асмим̣ самаяз лобхад̇хаммаа барисаханд̇ийд̇и мам̣ д̇асмим̣ самаяз ад̇иггамид̇ваа лобхо ад̇хибхавад̇ийд̇и ад̇т̇о. убадтид̇ааяа сад̇ияаад̇и гааяаг̇ад̇ааяа сад̇ияаа субадтид̇ааяа. на мам̣ д̇ат̇аа д̇асмим̣ самаязд̇и д̇асмим̣ самаяз мам̣ яат̇аа буб̣б̣з, на д̇ат̇аа лобхо ад̇иггамид̇ваа уббаж̇ж̇ад̇ийд̇и ад̇т̇о. барисаханд̇ийд̇и бад̣̇асса уббаж̇ж̇анд̇ийд̇иби ад̇т̇оязва. ид̇и имасмим̣ суд̇д̇з д̇аяо гааяаа гат̇ид̇аа. гат̇ам̣ ? ‘‘имамзва гааяа’’нд̇и зд̇т̇а хи гараж̇агааяо гат̇ид̇о, ‘‘бхаавид̇агааяо’’д̇и зд̇т̇а бан̃жад̣̇вааригагааяо, ‘‘рагкид̇знзва гааязнаа’’д̇и зд̇т̇а жобанагааяо, гааяавин̃н̃ад̇д̇ийд̇и ад̇т̇о. бан̃жамам̣ уд̇д̇аанамзва.
Ativiya maṃ tasmiṃ samaye lobhadhammā parisahantīti maṃ tasmiṃ samaye atikkamitvā lobho adhibhavatīti attho. Upaṭṭhitāya satiyāti kāyagatāya satiyā supaṭṭhitāya. Na maṃ tathā tasmiṃ samayeti tasmiṃ samaye maṃ yathā pubbe, na tathā lobho atikkamitvā uppajjatīti attho. Parisahantīti padassa uppajjantītipi atthoyeva. Iti imasmiṃ sutte tayo kāyā kathitā. Kathaṃ ? ‘‘Imameva kāya’’nti ettha hi karajakāyo kathito, ‘‘bhāvitakāyo’’ti ettha pañcadvārikakāyo, ‘‘rakkhiteneva kāyenā’’ti ettha copanakāyo, kāyaviññattīti attho. Pañcamaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
4. бхаарад̣̇вааж̇асуд̇д̇ам̣ • 4. Bhāradvājasuttaṃ
5. сон̣асуд̇д̇ам̣ • 5. Soṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-5. бхаарад̣̇вааж̇асуд̇д̇аад̣̇иван̣н̣анаа • 4-5. Bhāradvājasuttādivaṇṇanā
