| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪-੫. ਭਾਰਦ੍વਾਜਸੁਤ੍ਤਾਦਿવਣ੍ਣਨਾ
4-5. Bhāradvājasuttādivaṇṇanā
੧੨੭-੧੨੮. ਕਾਮਂ ਅਞ੍ਞੇਪਿ ਪਬ੍ਬਜਿਤਾ ਯੁਤ੍ਤਕਾਲੇ ਪਿਣ੍ਡਂ ਉਲਮਾਨਾ ਚਰਨ੍ਤਿਯੇવ, ਅਯਂ ਪਨ ਓਦਰਿਤੋ, ਤੇਨੇવ ਕਾਰਣੇਨ ਪਬ੍ਬਜਿਤੋਤਿ ਦਸ੍ਸੇਨ੍ਤੋ ‘‘ਪਿਣ੍ਡਂ ਉਲਮਾਨੋ’’ਤਿਆਦਿਮਾਹ। ਘਂਸਨ੍ਤੋવਾਤਿ ਭੂਮਿਯਂ ਘਂਸਨ੍ਤੋ ਏવ ਪਤ੍ਤਂ ਠਪੇਤਿ। ਪਰਿਕ੍ਖੀਣਨ੍ਤਿ ਸਮਨ੍ਤਤੋ ਪਰਿਕ੍ਖੀਣਂ। ਨਾਲ਼ਿਕੋ …ਪੇ॰… ਜਾਤਂ, ਅਤਿਰੇਕਪਤ੍ਤਟ੍ਠਪਨਸ੍ਸ ਪਟਿਕ੍ਖਿਤ੍ਤਤ੍ਤਾ ਅਞ੍ਞਂ ਨ ਗਣ੍ਹਾਤਿ। ‘‘ਇਨ੍ਦ੍ਰਿਯਭਾવਨਨ੍ਤਿ ਚਕ੍ਖਾਦਿਪਞ੍ਚਿਨ੍ਦ੍ਰਿਯਭਾવਨ’’ਨ੍ਤਿ ਕੇਚਿ વਦਨ੍ਤਿ, ਤਥਾ વਿਪਸ੍ਸਨਾਭਿਨਿવੇਸਂ ਕਤ੍વਾ ਉਪਰਿવਿਪਸ੍ਸਨਂ વਡ੍ਢਿਤ੍વਾਤਿ ਅਧਿਪ੍ਪਾਯੋ। ਅਪਰੇ ਪਨ ‘‘ਸਦ੍ਧਾਪਞ੍ਚਮਾਨਂ ਇਨ੍ਦ੍ਰਿਯਾਨਂ વਸੇਨ વਿਪਸ੍ਸਨਾਭਿਨਿવੇਸਂ ਕਤ੍વਾ ਤੇਨ ਸੁਖੇਨ ਅਭਿਞ੍ਞਾਪਹਾਨਾਨਂ ਸਮ੍ਪਾਦਨવਸੇਨ ਇਨ੍ਦ੍ਰਿਯਂ ਭਾવੇਤ੍વਾ’’ਤਿ વਦਨ੍ਤਿ।
127-128. Kāmaṃ aññepi pabbajitā yuttakāle piṇḍaṃ ulamānā carantiyeva, ayaṃ pana odarito, teneva kāraṇena pabbajitoti dassento ‘‘piṇḍaṃ ulamāno’’tiādimāha. Ghaṃsantovāti bhūmiyaṃ ghaṃsanto eva pattaṃ ṭhapeti. Parikkhīṇanti samantato parikkhīṇaṃ. Nāḷiko …pe… jātaṃ, atirekapattaṭṭhapanassa paṭikkhittattā aññaṃ na gaṇhāti. ‘‘Indriyabhāvananti cakkhādipañcindriyabhāvana’’nti keci vadanti, tathā vipassanābhinivesaṃ katvā uparivipassanaṃ vaḍḍhitvāti adhippāyo. Apare pana ‘‘saddhāpañcamānaṃ indriyānaṃ vasena vipassanābhinivesaṃ katvā tena sukhena abhiññāpahānānaṃ sampādanavasena indriyaṃ bhāvetvā’’ti vadanti.
ਉਪਸਙ੍ਕਮਤੀਤਿ ਏਤ੍ਥ ਯਥਾ ਸੋ ਰਾਜਾ ਉਪਸਙ੍ਕਮਿ, ਤਂ ਆਗਮਨਤੋ ਪਟ੍ਠਾਯ ਦਸ੍ਸੇਤੁਂ ‘‘ਥੇਰੋ ਕਿਰਾ’’ਤਿਆਦਿ ਆਰਦ੍ਧਂ। ਮਹਾਪਾਨਂ ਨਾਮ ਅਞ੍ਞਂ ਕਮ੍ਮਂ ਅਕਤ੍વਾ ਪਾਨਪਸੁਤੋ ਹੁਤ੍વਾ ਸਤ੍ਤਾਹਂ ਤਦਨੁਰੂਪਪਰਿਜਨਸ੍ਸ ਸੁਰਾਪਿવਨਂ। ਤੇਨਾਹ ‘‘ਮਹਾਪਾਨਂ ਨਾਮ ਪਿવਿਤ੍વਾ’’ਤਿ। ਸਾਲਿਥੁਸੇਹੀਤਿ ਰਤ੍ਤਸਾਲਿਥੁਸੇਹਿ। ਡਯ੍ਹਮਾਨਂ વਿਯ ਕਿਪਿਲ੍ਲਿਕਦਂਸਨਜਾਤਾਹਿ ਦੁਕ੍ਖવੇਦਨਾਹਿ। ਮੁਖਸਤ੍ਤੀਹਿ વਿਜ੍ਝਿਂਸੁ વਲ੍ਲਭਤਾਯ। ਇਤ੍ਥਿਲੋਲੋ ਹਿ ਸੋ ਰਾਜਾ।
Upasaṅkamatīti ettha yathā so rājā upasaṅkami, taṃ āgamanato paṭṭhāya dassetuṃ ‘‘thero kirā’’tiādi āraddhaṃ. Mahāpānaṃ nāma aññaṃ kammaṃ akatvā pānapasuto hutvā sattāhaṃ tadanurūpaparijanassa surāpivanaṃ. Tenāha ‘‘mahāpānaṃ nāma pivitvā’’ti. Sālithusehīti rattasālithusehi. Ḍayhamānaṃ viya kipillikadaṃsanajātāhi dukkhavedanāhi. Mukhasattīhi vijjhiṃsu vallabhatāya. Itthilolo hi so rājā.
ਪવੇਣਿਨ੍ਤਿ ਤੇਸਂ ਸਮਾਦਾਨਪવੇਣਿਂ ਬ੍ਰਹ੍ਮਚਰਿਯਪਬਨ੍ਧਂ। ਪਟਿਪਾਦੇਨ੍ਤੀਤਿ ਸਮ੍ਪਾਦੇਨ੍ਤਿ। ਗਰੁਕਾਰਮ੍ਮਣਨ੍ਤਿ ਗਰੁਕਾਤਬ੍ਬਆਰਮ੍ਮਣਂ, ਅવੀਤਿਕ੍ਕਮਿਤਬ੍ਬਾਰਮ੍ਮਣਨ੍ਤਿ ਅਤ੍ਥੋ। ਅਸ੍ਸਾਤਿ ਰਞ੍ਞੋ। ਚਿਤ੍ਤਂ ਅਨੋਤਰਨ੍ਤਨ੍ਤਿ ਪਸਾਦવੀਥਿਂ ਅਨੋਤਰਨ੍ਤਂ ਅਨੁਪਗਚ੍ਛਨ੍ਤਂ। વਿਹੇਠੇਤੁਨ੍ਤਿ વਿਬਾਧਿਤੁਂ।
Paveṇinti tesaṃ samādānapaveṇiṃ brahmacariyapabandhaṃ. Paṭipādentīti sampādenti. Garukārammaṇanti garukātabbaārammaṇaṃ, avītikkamitabbārammaṇanti attho. Assāti rañño. Cittaṃ anotarantanti pasādavīthiṃ anotarantaṃ anupagacchantaṃ. Viheṭhetunti vibādhituṃ.
ਲੋਭਸ੍ਸ ਅਪਰਾਪਰੁਪ੍ਪਤ੍ਤਿਯਾ ਬਹੁવਚਨવਸੇਨ ‘‘ਲੋਭਧਮ੍ਮਾ’’ਤਿ વੁਤ੍ਤਂ। ਉਪ੍ਪਜ੍ਜਨ੍ਤੀਤਿਪਿ ਅਤ੍ਥੋ ਯੇવ, ਯਸ੍ਮਾ ਉਪ੍ਪਜ੍ਜਮਾਨੋ ਲੋਭਧਮ੍ਮੋ ਅਤ੍ਤਨੋ ਹੇਤੁਪਚ੍ਚਯੇ ਪਰਿਗ੍ਗਹਾਪੇਨ੍ਤੋ ਜਾਨਾਪੇਨ੍ਤੋ વਿਯ ਸਹਤਿ ਪવਤ੍ਤਤੀਤਿ। ਇਮਮੇવ ਕਾਯਨ੍ਤਿ ਏਤ੍ਥ ਸਮੂਹਤ੍ਥੇ ਏવ ਕਾਯ-ਸਦ੍ਦੋ ਗਬ੍ਭਾਸਯਾਦਿਟ੍ਠਾਨੇਸੁ ਉਪ੍ਪਜ੍ਜਨਧਮ੍ਮਸਮੂਹવਿਸਯਤ੍ਤਾ, ਇਤਰੇ ਪਨ ਕਾਯੂਪਲਕ੍ਖਿਤਤਾਯ ‘‘ਕਾਯੋ’’ਤਿ વੇਦਿਤਬ੍ਬਾ। ਉਤ੍ਤਾਨਮੇવ ਹੇਟ੍ਠਾ વੁਤ੍ਤਨਯਤ੍ਤਾ।
Lobhassa aparāparuppattiyā bahuvacanavasena ‘‘lobhadhammā’’ti vuttaṃ. Uppajjantītipi attho yeva, yasmā uppajjamāno lobhadhammo attano hetupaccaye pariggahāpento jānāpento viya sahati pavattatīti. Imameva kāyanti ettha samūhatthe eva kāya-saddo gabbhāsayādiṭṭhānesu uppajjanadhammasamūhavisayattā, itare pana kāyūpalakkhitatāya ‘‘kāyo’’ti veditabbā. Uttānameva heṭṭhā vuttanayattā.
ਭਾਰਦ੍વਾਜਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Bhāradvājasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੪. ਭਾਰਦ੍વਾਜਸੁਤ੍ਤਂ • 4. Bhāradvājasuttaṃ
੫. ਸੋਣਸੁਤ੍ਤਂ • 5. Soṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੫. ਭਾਰਦ੍વਾਜਸੁਤ੍ਤਾਦਿવਣ੍ਣਨਾ • 4-5. Bhāradvājasuttādivaṇṇanā
