Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    4. бхаарад̣̇вааж̇асуд̇д̇ам̣

    4. Bhāradvājasuttaṃ

    127. згам̣ самаяам̣ ааяасмаа бин̣д̣олабхаарад̣̇вааж̇о госамб̣ияам̣ вихарад̇и гхосид̇аараамз. ат̇а ко рааж̇аа уд̣̇зно язнааяасмаа бин̣д̣олабхаарад̣̇вааж̇о д̇знубасан̇гами; убасан̇гамид̇ваа ааяасмад̇аа бин̣д̣олабхаарад̣̇вааж̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа уд̣̇зно ааяасманд̇ам̣ бин̣д̣олабхаарад̣̇вааж̇ам̣ зд̇ад̣̇авожа – ‘‘го ну ко, бхо бхаарад̣̇вааж̇а, хзд̇у го бажжаяо язнимз д̣̇ахараа бхигкуу сусуу 1 гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа анигийл̣ид̇аавино гаамзсу яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жаранд̇и, ад̣̇д̇хаанан̃жа аабаад̣̇знд̇ий’’д̇и? ‘‘вуд̇д̇ам̣ ко зд̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘зт̇а д̇умхз, бхигкавз, маад̇умад̇д̇ийсу маад̇ужид̇д̇ам̣ убадтабзт̇а, бхаг̇инимад̇д̇ийсу бхаг̇инижид̇д̇ам̣ убадтабзт̇а, д̇хийд̇умад̇д̇ийсу д̇хийд̇ужид̇д̇ам̣ убадтабзт̇аа’д̇и. аяам̣ ко, махаарааж̇а, хзд̇у, аяам̣ бажжаяо язнимз д̣̇ахараа бхигкуу сусуу гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа анигийл̣ид̇аавино гаамзсу яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жаранд̇и, ад̣̇д̇хаанан̃жа аабаад̣̇знд̇ий’’д̇и.

    127. Ekaṃ samayaṃ āyasmā piṇḍolabhāradvājo kosambiyaṃ viharati ghositārāme. Atha kho rājā udeno yenāyasmā piṇḍolabhāradvājo tenupasaṅkami; upasaṅkamitvā āyasmatā piṇḍolabhāradvājena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho rājā udeno āyasmantaṃ piṇḍolabhāradvājaṃ etadavoca – ‘‘ko nu kho, bho bhāradvāja, hetu ko paccayo yenime daharā bhikkhū susū 2 kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṃ paripuṇṇaṃ parisuddhaṃ brahmacariyaṃ caranti, addhānañca āpādentī’’ti? ‘‘Vuttaṃ kho etaṃ, mahārāja, tena bhagavatā jānatā passatā arahatā sammāsambuddhena – ‘etha tumhe, bhikkhave, mātumattīsu mātucittaṃ upaṭṭhapetha, bhaginimattīsu bhaginicittaṃ upaṭṭhapetha, dhītumattīsu dhītucittaṃ upaṭṭhapethā’ti. Ayaṃ kho, mahārāja, hetu, ayaṃ paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṃ paripuṇṇaṃ parisuddhaṃ brahmacariyaṃ caranti, addhānañca āpādentī’’ti.

    ‘‘лолам̣ 3 ко, бхо бхаарад̣̇вааж̇а, жид̇д̇ам̣. аббзгад̣̇аа маад̇умад̇д̇ийсуби лобхад̇хаммаа уббаж̇ж̇анд̇и, бхаг̇инимад̇д̇ийсуби лобхад̇хаммаа уббаж̇ж̇анд̇и, д̇хийд̇умад̇д̇ийсуби лобхад̇хаммаа уббаж̇ж̇анд̇и. ад̇т̇и ну ко, бхо бхаарад̣̇вааж̇а, ан̃н̃о жа хзд̇у, ан̃н̃о жа бажжаяо язнимз д̣̇ахараа бхигкуу сусуу гаал̣агзсаа…бз… ад̣̇д̇хаанан̃жа аабаад̣̇знд̇ий’’д̇и?

    ‘‘Lolaṃ 4 kho, bho bhāradvāja, cittaṃ. Appekadā mātumattīsupi lobhadhammā uppajjanti, bhaginimattīsupi lobhadhammā uppajjanti, dhītumattīsupi lobhadhammā uppajjanti. Atthi nu kho, bho bhāradvāja, añño ca hetu, añño ca paccayo yenime daharā bhikkhū susū kāḷakesā…pe… addhānañca āpādentī’’ti?

    ‘‘вуд̇д̇ам̣ ко зд̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘зт̇а д̇умхз, бхигкавз, имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанаббагаарасса асужино бажжавзгкат̇а – ад̇т̇и имасмим̣ гааяз гзсаа ломаа накаа д̣̇анд̇аа д̇ажо мам̣сам̣ нхаару 5 адти адтимин̃ж̇ам̣ 6 ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣ бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇а’нд̇и. аяамби ко, махаарааж̇а, хзд̇у, аяам̣ бажжаяо язнимз д̣̇ахараа бхигкуу сусуу гаал̣агзсаа…бз… ад̣̇д̇хаанан̃жа аабаад̣̇знд̇ий’’д̇и. ‘‘яз д̇з, бхо бхаарад̣̇вааж̇а, бхигкуу бхаавид̇агааяаа бхаавид̇асийлаа бхаавид̇ажид̇д̇аа бхаавид̇абан̃н̃аа, д̇зсам̣ д̇ам̣ сугарам̣ ход̇и. яз жа ко д̇з , бхо бхаарад̣̇вааж̇а, бхигкуу абхаавид̇агааяаа абхаавид̇асийлаа абхаавид̇ажид̇д̇аа абхаавид̇абан̃н̃аа, д̇зсам̣ д̇ам̣ д̣̇уггарам̣ ход̇и. аббзгад̣̇аа, бхо бхаарад̣̇вааж̇а, асубхад̇о манаси гариссаамийд̇и 7 субхад̇ова 8 ааг̇ажчад̇и. ад̇т̇и ну ко, бхо бхаарад̣̇вааж̇а , ан̃н̃о жа ко хзд̇у ан̃н̃о жа бажжаяо язнимз д̣̇ахараа бхигкуу сусуу гаал̣агзсаа…бз… ад̣̇д̇хаанан̃жа аабаад̣̇знд̇ий’’д̇и?

    ‘‘Vuttaṃ kho etaṃ, mahārāja, tena bhagavatā jānatā passatā arahatā sammāsambuddhena – ‘etha tumhe, bhikkhave, imameva kāyaṃ uddhaṃ pādatalā adho kesamatthakā tacapariyantaṃ pūraṃ nānappakārassa asucino paccavekkhatha – atthi imasmiṃ kāye kesā lomā nakhā dantā taco maṃsaṃ nhāru 9 aṭṭhi aṭṭhimiñjaṃ 10 vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā mutta’nti. Ayampi kho, mahārāja, hetu, ayaṃ paccayo yenime daharā bhikkhū susū kāḷakesā…pe… addhānañca āpādentī’’ti. ‘‘Ye te, bho bhāradvāja, bhikkhū bhāvitakāyā bhāvitasīlā bhāvitacittā bhāvitapaññā, tesaṃ taṃ sukaraṃ hoti. Ye ca kho te , bho bhāradvāja, bhikkhū abhāvitakāyā abhāvitasīlā abhāvitacittā abhāvitapaññā, tesaṃ taṃ dukkaraṃ hoti. Appekadā, bho bhāradvāja, asubhato manasi karissāmīti 11 subhatova 12 āgacchati. Atthi nu kho, bho bhāradvāja , añño ca kho hetu añño ca paccayo yenime daharā bhikkhū susū kāḷakesā…pe… addhānañca āpādentī’’ti?

    ‘‘вуд̇д̇ам̣ ко зд̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна – ‘зт̇а д̇умхз, бхигкавз, инд̣̇риязсу г̇уд̇д̇ад̣̇ваараа вихарат̇а. жагкунаа руубам̣ д̣̇исваа маа нимид̇д̇аг̇г̇аахино ахувад̇т̇а, маануб̣яан̃ж̇анаг̇г̇аахино. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ат̇а. рагкат̇а жагкунд̣̇рияам̣; жагкунд̣̇рияз сам̣варам̣ аабаж̇ж̇ат̇а. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа маа нимид̇д̇аг̇г̇аахино ахувад̇т̇а, маануб̣яан̃ж̇анаг̇г̇аахино. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ат̇а . рагкат̇а манинд̣̇рияам̣; манинд̣̇рияз сам̣варам̣ аабаж̇ж̇ат̇аа’д̇и. аяамби ко, махаарааж̇а, хзд̇у аяам̣ бажжаяо язнимз д̣̇ахараа бхигкуу сусуу гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа анигийл̣ид̇аавино гаамзсу яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жаранд̇и, ад̣̇д̇хаанан̃жа аабаад̣̇знд̇ий’’д̇и.

    ‘‘Vuttaṃ kho etaṃ, mahārāja, tena bhagavatā jānatā passatā arahatā sammāsambuddhena – ‘etha tumhe, bhikkhave, indriyesu guttadvārā viharatha. Cakkhunā rūpaṃ disvā mā nimittaggāhino ahuvattha, mānubyañjanaggāhino. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjatha. Rakkhatha cakkhundriyaṃ; cakkhundriye saṃvaraṃ āpajjatha. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya mā nimittaggāhino ahuvattha, mānubyañjanaggāhino. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjatha . Rakkhatha manindriyaṃ; manindriye saṃvaraṃ āpajjathā’ti. Ayampi kho, mahārāja, hetu ayaṃ paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṃ paripuṇṇaṃ parisuddhaṃ brahmacariyaṃ caranti, addhānañca āpādentī’’ti.

    ‘‘ажчарияам̣, бхо бхаарад̣̇вааж̇а; аб̣бхуд̇ам̣, бхо бхаарад̣̇вааж̇а! яаава субхаасид̇ам̣ жид̣̇ам̣ 13, бхо бхаарад̣̇вааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна. зсова ко, бхо бхаарад̣̇вааж̇а, хзд̇у, зса бажжаяо язнимз д̣̇ахараа бхигкуу сусуу гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа анигийл̣ид̇аавино гаамзсу яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жаранд̇и, ад̣̇д̇хаанан̃жа аабаад̣̇знд̇ийд̇и. ахамби ко, бхо 14 бхаарад̣̇вааж̇а, яасмим̣ самаяз арагкид̇знзва гааязна, арагкид̇ааяа ваажааяа, арагкид̇зна жид̇д̇зна, анубадтид̇ааяа сад̇ияаа, асам̣вуд̇зхи инд̣̇риязхи анд̇збурам̣ бависаами, ад̇ивияа мам̣ д̇асмим̣ самаяз лобхад̇хаммаа барисаханд̇и. яасмин̃жа кваахам̣, бхо бхаарад̣̇вааж̇а, самаяз рагкид̇знзва гааязна, рагкид̇ааяа ваажааяа, рагкид̇зна жид̇д̇зна, убадтид̇ааяа сад̇ияаа , сам̣вуд̇зхи инд̣̇риязхи анд̇збурам̣ бависаами, на мам̣ д̇ат̇аа д̇асмим̣ самаяз лобхад̇хаммаа барисаханд̇и. абхигганд̇ам̣, бхо бхаарад̣̇вааж̇а; абхигганд̇ам̣, бхо бхаарад̣̇вааж̇а! сзяяат̇ааби , бхо бхаарад̣̇вааж̇а, ниггуж̇ж̇ид̇ам̣ 15 ваа уггуж̇ж̇зяяа , бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и; звамзвам̣ бход̇аа бхаарад̣̇вааж̇зна анзгабарияааязна д̇хаммо багаасид̇о. зсаахам̣, бхо бхаарад̣̇вааж̇а, д̇ам̣ бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхавам̣ бхаарад̣̇вааж̇о д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. жад̇уд̇т̇ам̣.

    ‘‘Acchariyaṃ, bho bhāradvāja; abbhutaṃ, bho bhāradvāja! Yāva subhāsitaṃ cidaṃ 16, bho bhāradvāja, tena bhagavatā jānatā passatā arahatā sammāsambuddhena. Esova kho, bho bhāradvāja, hetu, esa paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṃ paripuṇṇaṃ parisuddhaṃ brahmacariyaṃ caranti, addhānañca āpādentīti. Ahampi kho, bho 17 bhāradvāja, yasmiṃ samaye arakkhiteneva kāyena, arakkhitāya vācāya, arakkhitena cittena, anupaṭṭhitāya satiyā, asaṃvutehi indriyehi antepuraṃ pavisāmi, ativiya maṃ tasmiṃ samaye lobhadhammā parisahanti. Yasmiñca khvāhaṃ, bho bhāradvāja, samaye rakkhiteneva kāyena, rakkhitāya vācāya, rakkhitena cittena, upaṭṭhitāya satiyā , saṃvutehi indriyehi antepuraṃ pavisāmi, na maṃ tathā tasmiṃ samaye lobhadhammā parisahanti. Abhikkantaṃ, bho bhāradvāja; abhikkantaṃ, bho bhāradvāja! Seyyathāpi , bho bhāradvāja, nikkujjitaṃ 18 vā ukkujjeyya , paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evamevaṃ bhotā bhāradvājena anekapariyāyena dhammo pakāsito. Esāhaṃ, bho bhāradvāja, taṃ bhagavantaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhavaṃ bhāradvājo dhāretu ajjatagge pāṇupetaṃ saraṇaṃ gata’’nti. Catutthaṃ.




    Next: 5. сон̣асуд̇д̇ам̣ • 5. Soṇasuttaṃ




    Footnotes:
    1. сусу (сий. га.)
    2. susu (sī. ka.)
    3. лол̣ам̣ (сяаа. гам̣.)
    4. loḷaṃ (syā. kaṃ.)
    5. нахаару (сий. сяаа. гам̣. бий.)
    6. адтимин̃ж̇аа (сий.)
    7. манаси гариссаамаад̇и (сий. сяаа. гам̣. бий.)
    8. субхад̇о ваа (сий.), субхад̇о жа (сяаа. гам̣.)
    9. nahāru (sī. syā. kaṃ. pī.)
    10. aṭṭhimiñjā (sī.)
    11. manasi karissāmāti (sī. syā. kaṃ. pī.)
    12. subhato vā (sī.), subhato ca (syā. kaṃ.)
    13. яаава субхаасид̇амид̣̇ам̣ (сий.)
    14. ахамби бхо (сий. бий.)
    15. нигуж̇ж̇ид̇ам̣ (бий.)
    16. yāva subhāsitamidaṃ (sī.)
    17. ahampi bho (sī. pī.)
    18. nikujjitaṃ (pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-5. бхаарад̣̇вааж̇асуд̇д̇аад̣̇иван̣н̣анаа • 4-5. Bhāradvājasuttādivaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-5. бхаарад̣̇вааж̇асуд̇д̇аад̣̇иван̣н̣анаа • 4-5. Bhāradvājasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact