| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. бхаарад̣̇вааж̇ад̇т̇зраг̇аат̇ааван̣н̣анаа
9. Bhāradvājattheragāthāvaṇṇanā
над̣̇анд̇и звам̣ саббан̃н̃аад̇и ааяасмад̇о бхаарад̣̇вааж̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о згад̇им̣сз габбз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ суманам̣ наама бажжзгаб̣уд̣̇д̇хам̣ бин̣д̣ааяа жаранд̇ам̣ д̣̇исваа басаннамаанасо барибаггам̣ валлигаарапалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз б̣раахман̣агулз ниб̣б̣ад̇д̇ид̇ваа г̇од̇д̇анаамзна бхаарад̣̇вааж̇од̇взва бан̃н̃ааяид̇т̇а. со ваяаббад̇д̇о гхарааваасам̣ васанд̇о згабуд̇д̇ам̣ лабхи. д̇асса ‘‘ган̣хад̣̇инно’’д̇и наамам̣ агааси. д̇асса вин̃н̃уд̇ам̣ бад̇д̇агаалз ‘‘д̇аад̇а, асугасса наама аажарияасса санд̇игз сиббам̣ сигкид̇ваа зхий’’д̇и д̇ам̣ д̇аггасилам̣ бзсзси. со г̇ажчанд̇о анд̇араамаг̇г̇з сад̇т̇у саавагам̣ ан̃н̃ад̇арам̣ махаат̇зрам̣ галяаан̣амид̇д̇ам̣ лабхид̇ваа д̇асса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гад̇абуб̣б̣агижжо вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.48.66-70) –
Nadanti evaṃ sappaññāti āyasmato bhāradvājattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekatiṃse kappe kulagehe nibbattitvā viññutaṃ patto ekadivasaṃ sumanaṃ nāma paccekabuddhaṃ piṇḍāya carantaṃ disvā pasannamānaso paripakkaṃ vallikāraphalaṃ adāsi. So tena puññakammena devamanussesu saṃsaranto imasmiṃ buddhuppāde rājagahe brāhmaṇakule nibbattitvā gottanāmena bhāradvājotveva paññāyittha. So vayappatto gharāvāsaṃ vasanto ekaputtaṃ labhi. Tassa ‘‘kaṇhadinno’’ti nāmaṃ akāsi. Tassa viññutaṃ pattakāle ‘‘tāta, asukassa nāma ācariyassa santike sippaṃ sikkhitvā ehī’’ti taṃ takkasilaṃ pesesi. So gacchanto antarāmagge satthu sāvakaṃ aññataraṃ mahātheraṃ kalyāṇamittaṃ labhitvā tassa santike dhammaṃ sutvā paṭiladdhasaddho pabbajitvā katapubbakicco vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.48.66-70) –
‘‘сумано наама самб̣уд̣̇д̇хо, д̇аггарааяам̣ васий д̇ад̣̇аа;
‘‘Sumano nāma sambuddho, takkarāyaṃ vasī tadā;
валлигаарапалам̣ г̇аяха, саяамбхусса ад̣̇аасахам̣.
Vallikāraphalaṃ gayha, sayambhussa adāsahaṃ.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇асса бид̇аа бхаарад̣̇вааж̇о взл̣уванз вихаранд̇ам̣ бхаг̇аванд̇ам̣ убасан̇гамид̇ваа д̇хаммам̣ суд̇ваа баб̣б̣аж̇ид̇ваа нажирассзва арахад̇д̇ам̣ сажчаагааси. ат̇а буд̇д̇о сад̇т̇аарам̣ ванд̣̇ид̇ум̣ рааж̇аг̇ахам̣ ааг̇ад̇о сад̇т̇у санд̇игз нисиннам̣ бид̇арам̣ д̣̇исваа д̇удтажид̇д̇о ‘‘бид̇ааби ко мз баб̣б̣аж̇ид̇о, гим̣ ну ко д̇зна баб̣б̣аж̇ж̇аагижжам̣ мад̇т̇агам̣ баабид̇а’’нд̇и виймам̣санд̇о кийн̣аасавабхаавам̣ н̃ад̇ваа д̇ам̣ сийханаад̣̇ам̣ над̣̇аабзд̇угаамо, ‘‘саад̇ху, ко д̇умхзхи гад̇ам̣ баб̣б̣аж̇анд̇зхи, баб̣б̣аж̇ж̇аагижжам̣ бана мад̇т̇агам̣ баабид̇а’’нд̇и бужчи. бхаарад̣̇вааж̇о буд̇д̇асса ад̇хиг̇амам̣ д̣̇ийбзнд̇о –
Athassa pitā bhāradvājo veḷuvane viharantaṃ bhagavantaṃ upasaṅkamitvā dhammaṃ sutvā pabbajitvā nacirasseva arahattaṃ sacchākāsi. Atha putto satthāraṃ vandituṃ rājagahaṃ āgato satthu santike nisinnaṃ pitaraṃ disvā tuṭṭhacitto ‘‘pitāpi kho me pabbajito, kiṃ nu kho tena pabbajjākiccaṃ matthakaṃ pāpita’’nti vīmaṃsanto khīṇāsavabhāvaṃ ñatvā taṃ sīhanādaṃ nadāpetukāmo, ‘‘sādhu, kho tumhehi kataṃ pabbajantehi, pabbajjākiccaṃ pana matthakaṃ pāpita’’nti pucchi. Bhāradvājo puttassa adhigamaṃ dīpento –
177.
177.
‘‘над̣̇анд̇и звам̣ саббан̃н̃аа, сийхаава г̇ириг̇аб̣бхарз;
‘‘Nadanti evaṃ sappaññā, sīhāva girigabbhare;
вийраа виж̇ид̇асан̇г̇аамаа, ж̇зд̇ваа маарам̣ савааханам̣.
Vīrā vijitasaṅgāmā, jetvā māraṃ savāhanaṃ.
178.
178.
‘‘сад̇т̇аа жа барижин̣н̣о мз, д̇хаммо сан̇гхо жа бууж̇ид̇о;
‘‘Satthā ca pariciṇṇo me, dhammo saṅgho ca pūjito;
ахан̃жа вид̇д̇о сумано, буд̇д̇ам̣ д̣̇исваа анаасава’’нд̇и. – г̇аат̇аад̣̇ваяам̣ абхааси;
Ahañca vitto sumano, puttaṃ disvā anāsava’’nti. – gāthādvayaṃ abhāsi;
д̇ад̇т̇а над̣̇анд̇ийд̇и яат̇аабхужжаг̇ун̣аабхиб̣яаахааравасзна абхийд̇анаад̣̇ам̣ над̣̇анд̇и г̇аж̇ж̇анд̇и. званд̇и ид̣̇аани вад̇д̇аб̣б̣аагаарад̣̇ассанам̣. саббан̃н̃аад̇и аг̇г̇амаг̇г̇абан̃н̃аад̇хиг̇амзна саб̣б̣абан̃н̃аад̇хиг̇амзна саб̣б̣абан̃н̃аавзбуллаббад̇д̇аа. вийраад̇и жад̇уб̣б̣ид̇хасаммаббад̇хаанавийрияасамбаннад̇ааяа вийраа, д̇ад̇о зва анавасзсасам̣гилзсабагканиммат̇анзна савааханам̣ гилзсамаарам̣ абхисан̇каарамаарам̣ д̣̇звабуд̇д̇амааран̃жа ж̇зд̇ваа саб̣б̣асо виж̇ид̇асан̇г̇аамаа над̣̇анд̇и саббан̃н̃аад̇и самб̣анд̇хо.
Tattha nadantīti yathābhuccaguṇābhibyāhāravasena abhītanādaṃ nadanti gajjanti. Evanti idāni vattabbākāradassanaṃ. Sappaññāti aggamaggapaññādhigamena sabbapaññādhigamena sabbapaññāvepullappattā. Vīrāti catubbidhasammappadhānavīriyasampannatāya vīrā, tato eva anavasesasaṃkilesapakkhanimmathanena savāhanaṃ kilesamāraṃ abhisaṅkhāramāraṃ devaputtamārañca jetvā sabbaso vijitasaṅgāmā nadanti sappaññāti sambandho.
звам̣ виж̇зд̇аб̣б̣авиж̇аязна сийханаад̣̇ам̣ д̣̇ассзд̇ваа ид̣̇аани аараад̇хзд̇аб̣б̣асамаараад̇ханзна ижчид̇аб̣б̣асид̣̇д̇хияаа жа д̇ам̣ д̣̇ассзд̇ум̣, ‘‘сад̇т̇аа жа барижин̣н̣о мз’’д̇и д̣̇уд̇ияам̣ г̇аат̇амааха. д̇ад̇т̇а сад̇т̇аа жа барижин̣н̣о мзд̇и мама сад̇т̇аа саммаасамб̣уд̣̇д̇хо яат̇аанусидтам̣ оваад̣̇аанусаасанийгаран̣зна маяаа барижин̣н̣о убаасид̇о, на д̇хаммаад̇хигаран̣ам̣ висосид̇од̇и ад̇хиббааяо. д̇хаммо сан̇гхо жа бууж̇ид̇од̇и нававид̇хоби логуд̇д̇арад̇хаммо, яат̇аабадибад̇д̇ияааг̇ад̇амаг̇г̇аануббад̇д̇ияаа сийлад̣̇идтисааман̃н̃аг̇аманзна арияасан̇гхо жа маяаа бууж̇ид̇о маанид̇о. ахан̃жа вид̇д̇о сумано, буд̇д̇ам̣ д̣̇исваа анаасаванд̇и мама буд̇д̇ам̣ анаасавам̣ саб̣б̣асо кийн̣аасавам̣ д̣̇исваа д̣̇ассанахзд̇у ахамби вид̇д̇о нираамисааяа бийд̇ияаа д̇удто, д̇ад̇оязва нираамисзна соманассзна сумано ж̇аад̇од̇и ад̇т̇о.
Evaṃ vijetabbavijayena sīhanādaṃ dassetvā idāni ārādhetabbasamārādhanena icchitabbasiddhiyā ca taṃ dassetuṃ, ‘‘satthā ca pariciṇṇo me’’ti dutiyaṃ gāthamāha. Tattha satthā ca pariciṇṇo meti mama satthā sammāsambuddho yathānusiṭṭhaṃ ovādānusāsanīkaraṇena mayā pariciṇṇo upāsito, na dhammādhikaraṇaṃ visositoti adhippāyo. Dhammo saṅgho ca pūjitoti navavidhopi lokuttaradhammo, yathāpaṭipattiyāgatamaggānuppattiyā sīladiṭṭhisāmaññagamanena ariyasaṅgho ca mayā pūjito mānito. Ahañca vitto sumano, puttaṃ disvā anāsavanti mama puttaṃ anāsavaṃ sabbaso khīṇāsavaṃ disvā dassanahetu ahampi vitto nirāmisāya pītiyā tuṭṭho, tatoyeva nirāmisena somanassena sumano jātoti attho.
бхаарад̣̇вааж̇ад̇т̇зраг̇аат̇ааван̣н̣анаа нидтид̇аа.
Bhāradvājattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. бхаарад̣̇вааж̇ад̇т̇зраг̇аат̇аа • 9. Bhāradvājattheragāthā
