| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. ப⁴ரண்டு³காலாமஸுத்தவண்ணனா
4. Bharaṇḍukālāmasuttavaṇṇanā
127. சதுத்தே² கேவலகப்பந்தி ஸகலகப்பங். அன்வாஹிண்ட³ந்தோதி விசரந்தோ. நாத்³த³ஸாதி கிங் காரணா ந அத்³த³ஸ? அயங் கிர ப⁴ரண்டு³ காலாமோ ஸக்யானங் அக்³க³பிண்ட³ங் கா²த³ந்தோ விசரதி. தஸ்ஸ வஸனட்டா²னங் ஸம்பத்தகாலே ஏகா த⁴ம்மதே³ஸனா ஸமுட்ட²ஹிஸ்ஸதீதி ஞத்வா ப⁴க³வா ஏவங் அதி⁴ட்டா²ஸி, யதா² அஞ்ஞோ ஆவஸதோ² ந பஞ்ஞாயித்த². தஸ்மா ந அத்³த³ஸ. புராணஸப்³ரஹ்மசாரீதி போராணகோ ஸப்³ரஹ்மசாரீ. ஸோ கிர ஆளாரகாலாமகாலே தஸ்மிங்யேவ அஸ்ஸமே அஹோஸி, தங் ஸந்தா⁴யேவமாஹ. ஸந்த²ரங் பஞ்ஞாபேஹீதி ஸந்த²ரிதப்³ப³ங் ஸந்த²ராஹீதி அத்தோ². ஸந்த²ரங் பஞ்ஞாபெத்வாதி கப்பியமஞ்சகே பச்சத்த²ரணங் பஞ்ஞாபெத்வா. காமானங் பரிஞ்ஞங் பஞ்ஞாபேதீதி எத்த² பரிஞ்ஞா நாம ஸமதிக்கமோ, தஸ்மா காமானங் ஸமதிக்கமங் பட²மஜ்ஜா²னங் பஞ்ஞாபேதி. ந ரூபானங் பரிஞ்ஞந்தி ரூபானங் ஸமதிக்கமபூ⁴தங் அரூபாவசரஸமாபத்திங் ந பஞ்ஞாபேதி. ந வேத³னானங் பரிஞ்ஞந்தி வேத³னானங் ஸமதிக்கமங் நிப்³பா³னங் ந பஞ்ஞாபேதி. நிட்டா²தி க³தி நிப்ப²த்தி. உதா³ஹு புதூ²தி உதா³ஹு நானா.
127. Catutthe kevalakappanti sakalakappaṃ. Anvāhiṇḍantoti vicaranto. Nāddasāti kiṃ kāraṇā na addasa? Ayaṃ kira bharaṇḍu kālāmo sakyānaṃ aggapiṇḍaṃ khādanto vicarati. Tassa vasanaṭṭhānaṃ sampattakāle ekā dhammadesanā samuṭṭhahissatīti ñatvā bhagavā evaṃ adhiṭṭhāsi, yathā añño āvasatho na paññāyittha. Tasmā na addasa. Purāṇasabrahmacārīti porāṇako sabrahmacārī. So kira āḷārakālāmakāle tasmiṃyeva assame ahosi, taṃ sandhāyevamāha. Santharaṃ paññāpehīti santharitabbaṃ santharāhīti attho. Santharaṃ paññāpetvāti kappiyamañcake paccattharaṇaṃ paññāpetvā. Kāmānaṃ pariññaṃ paññāpetīti ettha pariññā nāma samatikkamo, tasmā kāmānaṃ samatikkamaṃ paṭhamajjhānaṃ paññāpeti. Na rūpānaṃ pariññanti rūpānaṃ samatikkamabhūtaṃ arūpāvacarasamāpattiṃ na paññāpeti. Na vedanānaṃ pariññanti vedanānaṃ samatikkamaṃ nibbānaṃ na paññāpeti. Niṭṭhāti gati nipphatti. Udāhu puthūti udāhu nānā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ப⁴ரண்டு³காலாமஸுத்தங் • 4. Bharaṇḍukālāmasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. ப⁴ரண்டு³காலாமஸுத்தவண்ணனா • 4. Bharaṇḍukālāmasuttavaṇṇanā
