| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. бхаран̣д̣угаалаамасуд̇д̇аван̣н̣анаа
4. Bharaṇḍukālāmasuttavaṇṇanā
127. жад̇уд̇т̇з гзвалагаббанд̇и сагалагаббам̣. анваахин̣д̣анд̇од̇и вижаранд̇о. наад̣̇д̣̇асаад̇и гим̣ гааран̣аа на ад̣̇д̣̇аса? аяам̣ гира бхаран̣д̣у гаалаамо сагяаанам̣ аг̇г̇абин̣д̣ам̣ каад̣̇анд̇о вижарад̇и. д̇асса васанадтаанам̣ самбад̇д̇агаалз згаа д̇хаммад̣̇зсанаа самудтахиссад̇ийд̇и н̃ад̇ваа бхаг̇аваа звам̣ ад̇хидтааси, яат̇аа ан̃н̃о аавасат̇о на бан̃н̃ааяид̇т̇а. д̇асмаа на ад̣̇д̣̇аса. бураан̣асаб̣рахмажаарийд̇и бораан̣аго саб̣рахмажаарий. со гира аал̣аарагаалаамагаалз д̇асмим̣язва ассамз ахоси, д̇ам̣ санд̇хааязвамааха. сант̇арам̣ бан̃н̃аабзхийд̇и сант̇арид̇аб̣б̣ам̣ сант̇араахийд̇и ад̇т̇о. сант̇арам̣ бан̃н̃аабзд̇ваад̇и габбияаман̃жагз бажжад̇т̇аран̣ам̣ бан̃н̃аабзд̇ваа. гаамаанам̣ барин̃н̃ам̣ бан̃н̃аабзд̇ийд̇и зд̇т̇а барин̃н̃аа наама самад̇иггамо, д̇асмаа гаамаанам̣ самад̇иггамам̣ батамаж̇жхаанам̣ бан̃н̃аабзд̇и. на руубаанам̣ барин̃н̃анд̇и руубаанам̣ самад̇иггамабхууд̇ам̣ аруубааважарасамаабад̇д̇им̣ на бан̃н̃аабзд̇и. на взд̣̇анаанам̣ барин̃н̃анд̇и взд̣̇анаанам̣ самад̇иггамам̣ ниб̣б̣аанам̣ на бан̃н̃аабзд̇и. нидтаад̇и г̇ад̇и нибпад̇д̇и. уд̣̇ааху бут̇ууд̇и уд̣̇ааху наанаа.
127. Catutthe kevalakappanti sakalakappaṃ. Anvāhiṇḍantoti vicaranto. Nāddasāti kiṃ kāraṇā na addasa? Ayaṃ kira bharaṇḍu kālāmo sakyānaṃ aggapiṇḍaṃ khādanto vicarati. Tassa vasanaṭṭhānaṃ sampattakāle ekā dhammadesanā samuṭṭhahissatīti ñatvā bhagavā evaṃ adhiṭṭhāsi, yathā añño āvasatho na paññāyittha. Tasmā na addasa. Purāṇasabrahmacārīti porāṇako sabrahmacārī. So kira āḷārakālāmakāle tasmiṃyeva assame ahosi, taṃ sandhāyevamāha. Santharaṃ paññāpehīti santharitabbaṃ santharāhīti attho. Santharaṃ paññāpetvāti kappiyamañcake paccattharaṇaṃ paññāpetvā. Kāmānaṃ pariññaṃ paññāpetīti ettha pariññā nāma samatikkamo, tasmā kāmānaṃ samatikkamaṃ paṭhamajjhānaṃ paññāpeti. Na rūpānaṃ pariññanti rūpānaṃ samatikkamabhūtaṃ arūpāvacarasamāpattiṃ na paññāpeti. Na vedanānaṃ pariññanti vedanānaṃ samatikkamaṃ nibbānaṃ na paññāpeti. Niṭṭhāti gati nipphatti. Udāhu puthūti udāhu nānā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. бхаран̣д̣угаалаамасуд̇д̇ам̣ • 4. Bharaṇḍukālāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. бхаран̣д̣угаалаамасуд̇д̇аван̣н̣анаа • 4. Bharaṇḍukālāmasuttavaṇṇanā
