| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਭਰਣ੍ਡੁਕਾਲਾਮਸੁਤ੍ਤવਣ੍ਣਨਾ
4. Bharaṇḍukālāmasuttavaṇṇanā
੧੨੭. ਚਤੁਤ੍ਥੇ ਕੇવਲਕਪ੍ਪਨ੍ਤਿ ਸਕਲਕਪ੍ਪਂ। ਅਨ੍વਾਹਿਣ੍ਡਨ੍ਤੋਤਿ વਿਚਰਨ੍ਤੋ। ਨਾਦ੍ਦਸਾਤਿ ਕਿਂ ਕਾਰਣਾ ਨ ਅਦ੍ਦਸ? ਅਯਂ ਕਿਰ ਭਰਣ੍ਡੁ ਕਾਲਾਮੋ ਸਕ੍ਯਾਨਂ ਅਗ੍ਗਪਿਣ੍ਡਂ ਖਾਦਨ੍ਤੋ વਿਚਰਤਿ। ਤਸ੍ਸ વਸਨਟ੍ਠਾਨਂ ਸਮ੍ਪਤ੍ਤਕਾਲੇ ਏਕਾ ਧਮ੍ਮਦੇਸਨਾ ਸਮੁਟ੍ਠਹਿਸ੍ਸਤੀਤਿ ਞਤ੍વਾ ਭਗવਾ ਏવਂ ਅਧਿਟ੍ਠਾਸਿ, ਯਥਾ ਅਞ੍ਞੋ ਆવਸਥੋ ਨ ਪਞ੍ਞਾਯਿਤ੍ਥ। ਤਸ੍ਮਾ ਨ ਅਦ੍ਦਸ। ਪੁਰਾਣਸਬ੍ਰਹ੍ਮਚਾਰੀਤਿ ਪੋਰਾਣਕੋ ਸਬ੍ਰਹ੍ਮਚਾਰੀ। ਸੋ ਕਿਰ ਆਲ਼ਾਰਕਾਲਾਮਕਾਲੇ ਤਸ੍ਮਿਂਯੇવ ਅਸ੍ਸਮੇ ਅਹੋਸਿ, ਤਂ ਸਨ੍ਧਾਯੇવਮਾਹ। ਸਨ੍ਥਰਂ ਪਞ੍ਞਾਪੇਹੀਤਿ ਸਨ੍ਥਰਿਤਬ੍ਬਂ ਸਨ੍ਥਰਾਹੀਤਿ ਅਤ੍ਥੋ। ਸਨ੍ਥਰਂ ਪਞ੍ਞਾਪੇਤ੍વਾਤਿ ਕਪ੍ਪਿਯਮਞ੍ਚਕੇ ਪਚ੍ਚਤ੍ਥਰਣਂ ਪਞ੍ਞਾਪੇਤ੍વਾ। ਕਾਮਾਨਂ ਪਰਿਞ੍ਞਂ ਪਞ੍ਞਾਪੇਤੀਤਿ ਏਤ੍ਥ ਪਰਿਞ੍ਞਾ ਨਾਮ ਸਮਤਿਕ੍ਕਮੋ, ਤਸ੍ਮਾ ਕਾਮਾਨਂ ਸਮਤਿਕ੍ਕਮਂ ਪਠਮਜ੍ਝਾਨਂ ਪਞ੍ਞਾਪੇਤਿ। ਨ ਰੂਪਾਨਂ ਪਰਿਞ੍ਞਨ੍ਤਿ ਰੂਪਾਨਂ ਸਮਤਿਕ੍ਕਮਭੂਤਂ ਅਰੂਪਾવਚਰਸਮਾਪਤ੍ਤਿਂ ਨ ਪਞ੍ਞਾਪੇਤਿ। ਨ વੇਦਨਾਨਂ ਪਰਿਞ੍ਞਨ੍ਤਿ વੇਦਨਾਨਂ ਸਮਤਿਕ੍ਕਮਂ ਨਿਬ੍ਬਾਨਂ ਨ ਪਞ੍ਞਾਪੇਤਿ। ਨਿਟ੍ਠਾਤਿ ਗਤਿ ਨਿਪ੍ਫਤ੍ਤਿ। ਉਦਾਹੁ ਪੁਥੂਤਿ ਉਦਾਹੁ ਨਾਨਾ।
127. Catutthe kevalakappanti sakalakappaṃ. Anvāhiṇḍantoti vicaranto. Nāddasāti kiṃ kāraṇā na addasa? Ayaṃ kira bharaṇḍu kālāmo sakyānaṃ aggapiṇḍaṃ khādanto vicarati. Tassa vasanaṭṭhānaṃ sampattakāle ekā dhammadesanā samuṭṭhahissatīti ñatvā bhagavā evaṃ adhiṭṭhāsi, yathā añño āvasatho na paññāyittha. Tasmā na addasa. Purāṇasabrahmacārīti porāṇako sabrahmacārī. So kira āḷārakālāmakāle tasmiṃyeva assame ahosi, taṃ sandhāyevamāha. Santharaṃ paññāpehīti santharitabbaṃ santharāhīti attho. Santharaṃ paññāpetvāti kappiyamañcake paccattharaṇaṃ paññāpetvā. Kāmānaṃ pariññaṃ paññāpetīti ettha pariññā nāma samatikkamo, tasmā kāmānaṃ samatikkamaṃ paṭhamajjhānaṃ paññāpeti. Na rūpānaṃ pariññanti rūpānaṃ samatikkamabhūtaṃ arūpāvacarasamāpattiṃ na paññāpeti. Na vedanānaṃ pariññanti vedanānaṃ samatikkamaṃ nibbānaṃ na paññāpeti. Niṭṭhāti gati nipphatti. Udāhu puthūti udāhu nānā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਭਰਣ੍ਡੁਕਾਲਾਮਸੁਤ੍ਤਂ • 4. Bharaṇḍukālāmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਭਰਣ੍ਡੁਕਾਲਾਮਸੁਤ੍ਤવਣ੍ਣਨਾ • 4. Bharaṇḍukālāmasuttavaṇṇanā
