| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਭਰਣ੍ਡੁਕਾਲਾਮਸੁਤ੍ਤવਣ੍ਣਨਾ
4. Bharaṇḍukālāmasuttavaṇṇanā
੧੨੭. ਚਤੁਤ੍ਥੇ ਆਲ਼ਾਰਕਾਲਾਮਕਾਲੇਤਿ ਆਲ਼ਾਰਕਾਲਾਮਾਨਂ ਧਰਮਾਨਕਾਲੇ। ਪਰਿਞ੍ਞਨ੍ਤਿ ਪਹਾਨਪਰਿਞ੍ਞਂ। ਸਾ ਹਿ ਸਮਤਿਕ੍ਕਮੋ, ਨ ਇਤਰਾ। ਤੇਨਾਹ ‘‘ਪਰਿਞ੍ਞਾ ਨਾਮ ਸਮਤਿਕ੍ਕਮੋ’’ਤਿ। ਏਤ੍ਥ ਚ ਪਠਮੋ ਸਤ੍ਥਾ ਰੂਪਾવਚਰਸਮਾਪਤ੍ਤਿਲਾਭੀ ਦਟ੍ਠਬ੍ਬੋ, ਦੁਤਿਯੋ ਅਰੂਪਾવਚਰਸਮਾਪਤ੍ਤਿਲਾਭੀ, ਤਤਿਯੋ ਸਮ੍ਮਾਸਮ੍ਬੁਦ੍ਧੋ ਦਟ੍ਠਬ੍ਬੋ। વੁਤ੍ਤਞ੍ਹੇਤਂ ਪੁਗ੍ਗਲਪਞ੍ਞਤ੍ਤਿਯਂ (ਪੁ॰ ਪ॰ ੧੩੦) –
127. Catutthe āḷārakālāmakāleti āḷārakālāmānaṃ dharamānakāle. Pariññanti pahānapariññaṃ. Sā hi samatikkamo, na itarā. Tenāha ‘‘pariññā nāma samatikkamo’’ti. Ettha ca paṭhamo satthā rūpāvacarasamāpattilābhī daṭṭhabbo, dutiyo arūpāvacarasamāpattilābhī, tatiyo sammāsambuddho daṭṭhabbo. Vuttañhetaṃ puggalapaññattiyaṃ (pu. pa. 130) –
‘‘ਯ੍વਾਯਂ ਸਤ੍ਥਾ ਕਾਮਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਨ ਰੂਪਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਨ વੇਦਨਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਰੂਪਾવਚਰਸਮਾਪਤ੍ਤਿਯਾ ਲਾਭੀ ਸਤ੍ਥਾ ਤੇਨ ਦਟ੍ਠਬ੍ਬੋ। ਯ੍વਾਯਂ ਸਤ੍ਥਾ ਕਾਮਾਨਞ੍ਚ ਪਰਿਞ੍ਞਂ ਪਞ੍ਞਾਪੇਤਿ, ਰੂਪਾਨਞ੍ਚ ਪਰਿਞ੍ਞਂ ਪਞ੍ਞਾਪੇਤਿ, ਨ વੇਦਨਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਅਰੂਪਾવਚਰਸਮਾਪਤ੍ਤਿਯਾ ਲਾਭੀ ਸਤ੍ਥਾ ਤੇਨ ਦਟ੍ਠਬ੍ਬੋ। ਯ੍વਾਯਂ ਸਤ੍ਥਾ ਕਾਮਾਨਞ੍ਚ ਪਰਿਞ੍ਞਂ ਪਞ੍ਞਾਪੇਤਿ, ਰੂਪਾਨਞ੍ਚ ਪਰਿਞ੍ਞਂ ਪਞ੍ਞਾਪੇਤਿ, વੇਦਨਾਨਞ੍ਚ ਪਰਿਞ੍ਞਂ ਪਞ੍ਞਾਪੇਤਿ, ਸਮ੍ਮਾਸਮ੍ਬੁਦ੍ਧੋ ਸਤ੍ਥਾ ਤੇਨ ਦਟ੍ਠਬ੍ਬੋ’’ਤਿ।
‘‘Yvāyaṃ satthā kāmānaṃ pariññaṃ paññāpeti, na rūpānaṃ pariññaṃ paññāpeti, na vedanānaṃ pariññaṃ paññāpeti, rūpāvacarasamāpattiyā lābhī satthā tena daṭṭhabbo. Yvāyaṃ satthā kāmānañca pariññaṃ paññāpeti, rūpānañca pariññaṃ paññāpeti, na vedanānaṃ pariññaṃ paññāpeti, arūpāvacarasamāpattiyā lābhī satthā tena daṭṭhabbo. Yvāyaṃ satthā kāmānañca pariññaṃ paññāpeti, rūpānañca pariññaṃ paññāpeti, vedanānañca pariññaṃ paññāpeti, sammāsambuddho satthā tena daṭṭhabbo’’ti.
ਤਤ੍ਥ ਤਿਤ੍ਥਿਯਾ ਸਮਯਂ ਜਾਨਨ੍ਤਾ ਕਾਮਾਨਂ ਪਰਿਞ੍ਞਂ ਪਞ੍ਞਾਪੇਯ੍ਯੁਂ ਪਠਮਜ੍ਝਾਨਂ વਦਮਾਨਾ। ਰੂਪਾਨਂ ਪਰਿਞ੍ਞਂ ਪਞ੍ਞਾਪੇਯ੍ਯੁਂ ਅਰੂਪਰਾਗਂ વਦਮਾਨਾ। વੇਦਨਾਪਰਿਞ੍ਞਂ ਪਞ੍ਞਾਪੇਯ੍ਯੁਂ ਅਸਞ੍ਞਾਰਾਗਂ વਦਮਾਨਾ। ਤੇ ਪਨ ‘‘ਇਦਂ ਨਾਮ ਪਠਮਜ੍ਝਾਨਂ, ਅਯਂ ਰੂਪਭવੋ, ਅਯਂ ਅਸਞ੍ਞਾਭવੋ’’ਤਿਪਿ ਨ ਜਾਨਨ੍ਤਿ। ਤੇ ਪਞ੍ਞਾਪੇਤੁਂ ਅਸਕ੍ਕੋਨ੍ਤਾਪਿ ਕੇવਲਂ ‘‘ਪਞ੍ਞਾਪੇਮਾ’’ਤਿ વਦਨ੍ਤਿ। ਤਥਾਗਤੋ ਪਨ ਕਾਮਾਨਂ ਪਰਿਞ੍ਞਂ ਅਨਾਗਾਮਿਮਗ੍ਗੇਨ ਪਞ੍ਞਾਪੇਤਿ, ਰੂਪવੇਦਨਾਨਂ ਅਰਹਤ੍ਤਮਗ੍ਗੇਨ। ਏવਮੇਤ੍ਥ ਦ੍વੇ ਜਨਾ ਬਾਹਿਰਕਾ, ਏਕੋ ਸਮ੍ਮਾਸਮ੍ਬੁਦ੍ਧੋਤਿ ਇਮਸ੍ਮਿਂ ਲੋਕੇ ਤਯੋ ਸਤ੍ਥਾਰੋ ਨਾਮ।
Tattha titthiyā samayaṃ jānantā kāmānaṃ pariññaṃ paññāpeyyuṃ paṭhamajjhānaṃ vadamānā. Rūpānaṃ pariññaṃ paññāpeyyuṃ arūparāgaṃ vadamānā. Vedanāpariññaṃ paññāpeyyuṃ asaññārāgaṃ vadamānā. Te pana ‘‘idaṃ nāma paṭhamajjhānaṃ, ayaṃ rūpabhavo, ayaṃ asaññābhavo’’tipi na jānanti. Te paññāpetuṃ asakkontāpi kevalaṃ ‘‘paññāpemā’’ti vadanti. Tathāgato pana kāmānaṃ pariññaṃ anāgāmimaggena paññāpeti, rūpavedanānaṃ arahattamaggena. Evamettha dve janā bāhirakā, eko sammāsambuddhoti imasmiṃ loke tayo satthāro nāma.
ਭਰਣ੍ਡੁਕਾਲਾਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bharaṇḍukālāmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਭਰਣ੍ਡੁਕਾਲਾਮਸੁਤ੍ਤਂ • 4. Bharaṇḍukālāmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਭਰਣ੍ਡੁਕਾਲਾਮਸੁਤ੍ਤવਣ੍ਣਨਾ • 4. Bharaṇḍukālāmasuttavaṇṇanā
