1. бхаарасуд̇д̇ам̣

1. Bhārasuttaṃ

22. саавад̇т̇ияам̣ … д̇ад̇ра ко … ‘‘бхааран̃жа во, бхигкавз, д̣̇зсзссаами бхаарахааран̃жа бхаараад̣̇аанан̃жа бхааранигкзбанан̃жа. д̇ам̣ сун̣аат̇а. гад̇амо жа, бхигкавз, бхааро? бан̃жубаад̣̇аанагканд̇хаа д̇исса важанийяам̣. гад̇амз бан̃жа? руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо; аяам̣ вужжад̇и, бхигкавз, бхааро’’.

22. Sāvatthiyaṃ … tatra kho … ‘‘bhārañca vo, bhikkhave, desessāmi bhārahārañca bhārādānañca bhāranikkhepanañca. Taṃ suṇātha. Katamo ca, bhikkhave, bhāro? Pañcupādānakkhandhā tissa vacanīyaṃ. Katame pañca? Rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho; ayaṃ vuccati, bhikkhave, bhāro’’.

‘‘гад̇амо жа, бхигкавз, бхаарахааро ? буг̇г̇ало д̇исса важанийяам̣. явааяам̣ ааяасмаа звам̣наамо звам̣г̇од̇д̇о; аяам̣ вужжад̇и, бхигкавз, бхаарахааро.

‘‘Katamo ca, bhikkhave, bhārahāro ? Puggalo tissa vacanīyaṃ. Yvāyaṃ āyasmā evaṃnāmo evaṃgotto; ayaṃ vuccati, bhikkhave, bhārahāro.

‘‘гад̇аман̃жа , бхигкавз, бхаараад̣̇аанам̣? яааяам̣ д̇ан̣хаа бонобхавигаа ¹ нанд̣̇ийрааг̇асахаг̇ад̇аа ² д̇ад̇рад̇ад̇раабхинанд̣̇иний, сзяяат̇ид̣̇ам̣ – гаамад̇ан̣хаа, бхавад̇ан̣хаа, вибхавад̇ан̣хаа. ид̣̇ам̣ вужжад̇и, бхигкавз, бхаараад̣̇аанам̣.

‘‘Katamañca , bhikkhave, bhārādānaṃ? Yāyaṃ taṇhā ponobhavikā ³ nandīrāgasahagatā ⁴ tatratatrābhinandinī, seyyathidaṃ – kāmataṇhā, bhavataṇhā, vibhavataṇhā. Idaṃ vuccati, bhikkhave, bhārādānaṃ.

‘‘гад̇аман̃жа, бхигкавз, бхааранигкзбанам̣? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо. ид̣̇ам̣ вужжад̇и, бхигкавз, бхааранигкзбана’’нд̇и.

‘‘Katamañca, bhikkhave, bhāranikkhepanaṃ? Yo tassāyeva taṇhāya asesavirāganirodho cāgo paṭinissaggo mutti anālayo. Idaṃ vuccati, bhikkhave, bhāranikkhepana’’nti.

ид̣̇амавожа бхаг̇аваа. ид̣̇ам̣ вад̇ваана ⁵ суг̇ад̇о ат̇аабарам̣ зд̇ад̣̇авожа сад̇т̇аа –

Idamavoca bhagavā. Idaṃ vatvāna ⁶ sugato athāparaṃ etadavoca satthā –

‘‘бхаараа хавз бан̃жагканд̇хаа, бхаарахааро жа буг̇г̇ало;

‘‘Bhārā have pañcakkhandhā, bhārahāro ca puggalo;

бхаараад̣̇аанам̣ д̣̇укам̣ логз, бхааранигкзбанам̣ сукам̣.

Bhārādānaṃ dukhaṃ loke, bhāranikkhepanaṃ sukhaṃ.

‘‘нигкибид̇ваа г̇арум̣ бхаарам̣, ан̃н̃ам̣ бхаарам̣ анаад̣̇ияа;

‘‘Nikkhipitvā garuṃ bhāraṃ, aññaṃ bhāraṃ anādiya;

самуулам̣ д̇ан̣хамаб̣б̣уяха ⁷, нижчаад̇о бариниб̣б̣уд̇о’’д̇и. батамам̣;

Samūlaṃ taṇhamabbuyha ⁸, nicchāto parinibbuto’’ti. paṭhamaṃ;

Next: 2. барин̃н̃асуд̇д̇ам̣ • 2. Pariññasuttaṃ

Footnotes:

1. боноб̣бхавигаа (сяаа. гам̣. га.)

2. нанд̣̇ирааг̇асахаг̇ад̇аа (саб̣б̣ад̇т̇а)

3. ponobbhavikā (syā. kaṃ. ka.)

4. nandirāgasahagatā (sabbattha)

5. вад̇ваа (сий.) звамийд̣̇исзсу таанзсу

6. vatvā (sī.) evamīdisesu ṭhānesu

7. д̇ан̣хамаб̣бхуяха (бий. га.)

8. taṇhamabbhuyha (pī. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. бхаарасуд̇д̇аван̣н̣анаа • 1. Bhārasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. бхаарасуд̇д̇аван̣н̣анаа • 1. Bhārasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact