| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਭਾਰવਗ੍ਗੋ
3. Bhāravaggo
੧. ਭਾਰਸੁਤ੍ਤવਣ੍ਣਨਾ
1. Bhārasuttavaṇṇanā
੨੨. ਭਾਰવਗ੍ਗਸ੍ਸ ਪਠਮੇ ਪਞ੍ਚੁਪਾਦਾਨਕ੍ਖਨ੍ਧਾਤਿਸ੍ਸ વਚਨੀਯਨ੍ਤਿ ਪਞ੍ਚੁਪਾਦਾਨਕ੍ਖਨ੍ਧਾ ਇਤਿ ਅਸ੍ਸ વਚਨੀਯਂ, ਏવਂ વਤ੍ਤਬ੍ਬਂ ਭવੇਯ੍ਯਾਤਿ ਅਤ੍ਥੋ। ਅਯਂ વੁਚ੍ਚਤਿ, ਭਿਕ੍ਖવੇ, ਭਾਰੋਤਿ ਯੇ ਇਮੇ ਪਞ੍ਚੁਪਾਦਾਨਕ੍ਖਨ੍ਧਾ, ਅਯਂ ਭਾਰੋਤਿ વੁਚ੍ਚਤਿ। ਕੇਨਟ੍ਠੇਨਾਤਿ? ਪਰਿਹਾਰਭਾਰਿਯਟ੍ਠੇਨ। ਏਤੇਸਞ੍ਹਿ ਠਾਪਨਗਮਨਨਿਸੀਦਾਪਨਨਿਪਜ੍ਜਾਪਨਨ੍ਹਾਪਨਮਣ੍ਡਨਖਾਦਾਪਨਭੁਞ੍ਜਾਪਨਾਦਿਪਰਿਹਾਰੋ ਭਾਰਿਯੋਤਿ ਪਰਿਹਾਰਭਾਰਿਯਟ੍ਠੇਨ ਭਾਰੋਤਿ વੁਚ੍ਚਤਿ। ਏવਂਨਾਮੋਤਿ ਤਿਸ੍ਸੋ ਦਤ੍ਤੋਤਿਆਦਿਨਾਮੋ। ਏવਂਗੋਤ੍ਤੋਤਿ ਕਣ੍ਹਾਯਨੋ વਚ੍ਛਾਯਨੋਤਿਆਦਿਗੋਤ੍ਤੋ। ਇਤਿ વੋਹਾਰਮਤ੍ਤਸਿਦ੍ਧਂ ਪੁਗ੍ਗਲਂ ‘‘ਭਾਰਹਾਰੋ’’ਤਿ ਕਤ੍વਾ ਦਸ੍ਸੇਤਿ। ਪੁਗ੍ਗਲੋ ਹਿ ਪਟਿਸਨ੍ਧਿਕ੍ਖਣੇਯੇવ ਖਨ੍ਧਭਾਰਂ ਉਕ੍ਖਿਪਿਤ੍વਾ ਦਸਪਿ વਸ੍ਸਾਨਿ વੀਸਤਿਪਿ વਸ੍ਸਸਤਮ੍ਪੀਤਿ ਯਾવਜੀવਂ ਇਮਂ ਖਨ੍ਧਭਾਰਂ ਨ੍ਹਾਪੇਨ੍ਤੋ ਭੋਜੇਨ੍ਤੋ ਮੁਦੁਸਮ੍ਫਸ੍ਸਮਞ੍ਚਪੀਠੇਸੁ ਨਿਸੀਦਾਪੇਨ੍ਤੋ ਨਿਪਜ੍ਜਾਪੇਨ੍ਤੋ ਪਰਿਹਰਿਤ੍વਾ ਚੁਤਿਕ੍ਖਣੇ ਛਡ੍ਡੇਤ੍વਾ ਪੁਨ ਪਟਿਸਨ੍ਧਿਕ੍ਖਣੇ ਅਪਰਂ ਖਨ੍ਧਭਾਰਂ ਆਦਿਯਤਿ, ਤਸ੍ਮਾ ਭਾਰਹਾਰੋਤਿ ਜਾਤੋ।
22. Bhāravaggassa paṭhame pañcupādānakkhandhātissa vacanīyanti pañcupādānakkhandhā iti assa vacanīyaṃ, evaṃ vattabbaṃ bhaveyyāti attho. Ayaṃ vuccati, bhikkhave, bhāroti ye ime pañcupādānakkhandhā, ayaṃ bhāroti vuccati. Kenaṭṭhenāti? Parihārabhāriyaṭṭhena. Etesañhi ṭhāpanagamananisīdāpananipajjāpananhāpanamaṇḍanakhādāpanabhuñjāpanādiparihāro bhāriyoti parihārabhāriyaṭṭhena bhāroti vuccati. Evaṃnāmoti tisso dattotiādināmo. Evaṃgottoti kaṇhāyano vacchāyanotiādigotto. Iti vohāramattasiddhaṃ puggalaṃ ‘‘bhārahāro’’ti katvā dasseti. Puggalo hi paṭisandhikkhaṇeyeva khandhabhāraṃ ukkhipitvā dasapi vassāni vīsatipi vassasatampīti yāvajīvaṃ imaṃ khandhabhāraṃ nhāpento bhojento mudusamphassamañcapīṭhesu nisīdāpento nipajjāpento pariharitvā cutikkhaṇe chaḍḍetvā puna paṭisandhikkhaṇe aparaṃ khandhabhāraṃ ādiyati, tasmā bhārahāroti jāto.
ਪੋਨੋਭવਿਕਾਤਿ ਪੁਨਬ੍ਭવਨਿਬ੍ਬਤ੍ਤਿਕਾ। ਨਨ੍ਦੀਰਾਗਸਹਗਤਾਤਿ ਨਨ੍ਦਿਰਾਗੇਨ ਸਹ ਏਕਤ੍ਤਮੇવ ਗਤਾ। ਤਬ੍ਭਾવਸਹਗਤਞ੍ਹਿ ਇਧ ਅਧਿਪ੍ਪੇਤਂ। ਤਤ੍ਰ ਤਤ੍ਰਾਭਿਨਨ੍ਦਿਨੀਤਿ ਉਪਪਤ੍ਤਿਟ੍ਠਾਨੇ વਾ ਰੂਪਾਦੀਸੁ વਾ ਆਰਮ੍ਮਣੇਸੁ ਤਤ੍ਥ ਤਤ੍ਥ ਅਭਿਨਨ੍ਦਨਸੀਲਾવ। ਕਾਮਤਣ੍ਹਾਦੀਸੁ ਪਞ੍ਚਕਾਮਗੁਣਿਕੋ ਰਾਗੋ ਕਾਮਤਣ੍ਹਾ ਨਾਮ, ਰੂਪਾਰੂਪਭવਰਾਗੋ ਝਾਨਨਿਕਨ੍ਤਿ ਸਸ੍ਸਤਦਿਟ੍ਠਿਸਹਗਤੋ ਰਾਗੋਤਿ ਅਯਂ ਭવਤਣ੍ਹਾ ਨਾਮ, ਉਚ੍ਛੇਦਦਿਟ੍ਠਿਸਹਗਤੋ ਰਾਗੋ વਿਭવਤਣ੍ਹਾ ਨਾਮ। ਭਾਰਾਦਾਨਨ੍ਤਿ ਭਾਰਗਹਣਂ। ਤਣ੍ਹਾਯ ਹਿ ਏਸ ਭਾਰਂ ਆਦਿਯਤਿ। ਅਸੇਸવਿਰਾਗਨਿਰੋਧੋਤਿਆਦਿ ਸਬ੍ਬਂ ਨਿਬ੍ਬਾਨਸ੍ਸੇવ વੇવਚਨਂ। ਤਞ੍ਹਿ ਆਗਮ੍ਮ ਤਣ੍ਹਾ ਅਸੇਸਤੋ વਿਰਜ੍ਜਤਿ ਨਿਰੁਜ੍ਝਤਿ ਚਜਿਯਤਿ ਪਟਿਨਿਸ੍ਸਜ੍ਜਿਯਤਿ વਿਮੁਚ੍ਚਤਿ, ਨਤ੍ਥਿ ਚੇਤ੍ਥ ਕਾਮਾਲਯੋ વਾ ਦਿਟ੍ਠਾਲਯੋ વਾਤਿ ਨਿਬ੍ਬਾਨਂ ਏਤਾਨਿ ਨਾਮਾਨਿ ਲਭਤਿ। ਸਮੂਲਂ ਤਣ੍ਹਨ੍ਤਿ ਤਣ੍ਹਾਯ ਅવਿਜ੍ਜਾ ਮੂਲਂ ਨਾਮ। ਅਬ੍ਬੁਯ੍ਹਾਤਿ ਅਰਹਤ੍ਤਮਗ੍ਗੇਨ ਤਂ ਸਮੂਲਕਂ ਉਦ੍ਧਰਿਤ੍વਾ। ਨਿਚ੍ਛਾਤੋ ਪਰਿਨਿਬ੍ਬੁਤੋਤਿ ਨਿਤ੍ਤਣ੍ਹੋ ਪਰਿਨਿਬ੍ਬੁਤੋ ਨਾਮਾਤਿ વਤ੍ਤੁਂ વਟ੍ਟਤੀਤਿ। ਪਠਮਂ।
Ponobhavikāti punabbhavanibbattikā. Nandīrāgasahagatāti nandirāgena saha ekattameva gatā. Tabbhāvasahagatañhi idha adhippetaṃ. Tatra tatrābhinandinīti upapattiṭṭhāne vā rūpādīsu vā ārammaṇesu tattha tattha abhinandanasīlāva. Kāmataṇhādīsu pañcakāmaguṇiko rāgo kāmataṇhā nāma, rūpārūpabhavarāgo jhānanikanti sassatadiṭṭhisahagato rāgoti ayaṃ bhavataṇhā nāma, ucchedadiṭṭhisahagato rāgo vibhavataṇhā nāma. Bhārādānanti bhāragahaṇaṃ. Taṇhāya hi esa bhāraṃ ādiyati. Asesavirāganirodhotiādi sabbaṃ nibbānasseva vevacanaṃ. Tañhi āgamma taṇhā asesato virajjati nirujjhati cajiyati paṭinissajjiyati vimuccati, natthi cettha kāmālayo vā diṭṭhālayo vāti nibbānaṃ etāni nāmāni labhati. Samūlaṃ taṇhanti taṇhāya avijjā mūlaṃ nāma. Abbuyhāti arahattamaggena taṃ samūlakaṃ uddharitvā. Nicchāto parinibbutoti nittaṇho parinibbuto nāmāti vattuṃ vaṭṭatīti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਭਾਰਸੁਤ੍ਤਂ • 1. Bhārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਭਾਰਸੁਤ੍ਤવਣ੍ਣਨਾ • 1. Bhārasuttavaṇṇanā
