| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
பா⁴ரட்ட²கதா²வண்ணனா
Bhāraṭṭhakathāvaṇṇanā
101. பா⁴ரட்ட²கதா²யங் பா⁴ரட்ட²ந்தி மாதிகாபத³ஸ்ஸ பா⁴ரோ நாமாதி இத³ங் அத்த²த³ஸ்ஸனந்தி ஆஹ ‘‘பா⁴ரோயேவ பா⁴ரட்ட²’’ந்தி. புரிமக³லேதி க³லஸ்ஸ புரிமபா⁴கே³. க³லவாடகோதி கீ³வாய உபரிமக³லவாடகோ. உரபரிச்சே²த³மஜ்ஜே²தி உரபரியந்தஸ்ஸ மஜ்ஜே². ஸாமிகேஹி அனாணத்தோதி இத³ங் யதி³ ஸாமிகேஹி ‘‘இமங் பா⁴ரங் நெத்வா அஸுகட்டா²னே தே³ஹீ’’தி ஆணத்தோ ப⁴வெய்ய, ததா³ தேன க³ஹிதப⁴ண்ட³ங் உபனிக்கி²த்தங் ஸியா, தஞ்ச தெ²ய்யசித்தேன ஸீஸாதி³தோ ஓரோபெந்தஸ்ஸாபி அவஹாரோ ந ஸியா, ஸாமிகானங் பன து⁴ரனிக்கே²பே ஏவ ஸியாதி ததோ உபனிக்கி²த்தப⁴ண்ட³பா⁴வதோ வியோஜேதுங் வுத்தங், தேனேவ வக்க²தி ‘‘தேஹி பன அனாணத்தத்தா பாராஜிக’’ந்தி. க⁴ங்ஸந்தோதி ஸீஸதோ அனுக்கி²பந்தோ, யதி³ உக்கி²பெய்ய, உக்கி²த்தமத்தே பாராஜிகங், தேனாஹ ஸீஸதோ கேஸக்³க³மத்தம்பீதிஆதி³. யோ சாயந்தி யோ அயங் வினிச்ச²யோ.
101. Bhāraṭṭhakathāyaṃ bhāraṭṭhanti mātikāpadassa bhāro nāmāti idaṃ atthadassananti āha ‘‘bhāroyeva bhāraṭṭha’’nti. Purimagaleti galassa purimabhāge. Galavāṭakoti gīvāya uparimagalavāṭako. Uraparicchedamajjheti urapariyantassa majjhe. Sāmikehi anāṇattoti idaṃ yadi sāmikehi ‘‘imaṃ bhāraṃ netvā asukaṭṭhāne dehī’’ti āṇatto bhaveyya, tadā tena gahitabhaṇḍaṃ upanikkhittaṃ siyā, tañca theyyacittena sīsādito oropentassāpi avahāro na siyā, sāmikānaṃ pana dhuranikkhepe eva siyāti tato upanikkhittabhaṇḍabhāvato viyojetuṃ vuttaṃ, teneva vakkhati ‘‘tehi pana anāṇattattā pārājika’’nti. Ghaṃsantoti sīsato anukkhipanto, yadi ukkhipeyya, ukkhittamatte pārājikaṃ, tenāha sīsato kesaggamattampītiādi. Yo cāyanti yo ayaṃ vinicchayo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பா⁴ரட்ட²கதா²வண்ணனா • Bhāraṭṭhakathāvaṇṇanā
