| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਭਾਰਟ੍ਠਕਥਾવਣ੍ਣਨਾ
Bhāraṭṭhakathāvaṇṇanā
੧੦੧. ਭਾਰਟ੍ਠਕਥਾਯਂ ਭਾਰਟ੍ਠਨ੍ਤਿ ਮਾਤਿਕਾਪਦਸ੍ਸ ਭਾਰੋ ਨਾਮਾਤਿ ਇਦਂ ਅਤ੍ਥਦਸ੍ਸਨਨ੍ਤਿ ਆਹ ‘‘ਭਾਰੋਯੇવ ਭਾਰਟ੍ਠ’’ਨ੍ਤਿ। ਪੁਰਿਮਗਲੇਤਿ ਗਲਸ੍ਸ ਪੁਰਿਮਭਾਗੇ। ਗਲવਾਟਕੋਤਿ ਗੀવਾਯ ਉਪਰਿਮਗਲવਾਟਕੋ। ਉਰਪਰਿਚ੍ਛੇਦਮਜ੍ਝੇਤਿ ਉਰਪਰਿਯਨ੍ਤਸ੍ਸ ਮਜ੍ਝੇ। ਸਾਮਿਕੇਹਿ ਅਨਾਣਤ੍ਤੋਤਿ ਇਦਂ ਯਦਿ ਸਾਮਿਕੇਹਿ ‘‘ਇਮਂ ਭਾਰਂ ਨੇਤ੍વਾ ਅਸੁਕਟ੍ਠਾਨੇ ਦੇਹੀ’’ਤਿ ਆਣਤ੍ਤੋ ਭવੇਯ੍ਯ, ਤਦਾ ਤੇਨ ਗਹਿਤਭਣ੍ਡਂ ਉਪਨਿਕ੍ਖਿਤ੍ਤਂ ਸਿਯਾ, ਤਞ੍ਚ ਥੇਯ੍ਯਚਿਤ੍ਤੇਨ ਸੀਸਾਦਿਤੋ ਓਰੋਪੇਨ੍ਤਸ੍ਸਾਪਿ ਅવਹਾਰੋ ਨ ਸਿਯਾ, ਸਾਮਿਕਾਨਂ ਪਨ ਧੁਰਨਿਕ੍ਖੇਪੇ ਏવ ਸਿਯਾਤਿ ਤਤੋ ਉਪਨਿਕ੍ਖਿਤ੍ਤਭਣ੍ਡਭਾવਤੋ વਿਯੋਜੇਤੁਂ વੁਤ੍ਤਂ, ਤੇਨੇવ વਕ੍ਖਤਿ ‘‘ਤੇਹਿ ਪਨ ਅਨਾਣਤ੍ਤਤ੍ਤਾ ਪਾਰਾਜਿਕ’’ਨ੍ਤਿ। ਘਂਸਨ੍ਤੋਤਿ ਸੀਸਤੋ ਅਨੁਕ੍ਖਿਪਨ੍ਤੋ, ਯਦਿ ਉਕ੍ਖਿਪੇਯ੍ਯ, ਉਕ੍ਖਿਤ੍ਤਮਤ੍ਤੇ ਪਾਰਾਜਿਕਂ, ਤੇਨਾਹ ਸੀਸਤੋ ਕੇਸਗ੍ਗਮਤ੍ਤਮ੍ਪੀਤਿਆਦਿ। ਯੋ ਚਾਯਨ੍ਤਿ ਯੋ ਅਯਂ વਿਨਿਚ੍ਛਯੋ।
101. Bhāraṭṭhakathāyaṃ bhāraṭṭhanti mātikāpadassa bhāro nāmāti idaṃ atthadassananti āha ‘‘bhāroyeva bhāraṭṭha’’nti. Purimagaleti galassa purimabhāge. Galavāṭakoti gīvāya uparimagalavāṭako. Uraparicchedamajjheti urapariyantassa majjhe. Sāmikehi anāṇattoti idaṃ yadi sāmikehi ‘‘imaṃ bhāraṃ netvā asukaṭṭhāne dehī’’ti āṇatto bhaveyya, tadā tena gahitabhaṇḍaṃ upanikkhittaṃ siyā, tañca theyyacittena sīsādito oropentassāpi avahāro na siyā, sāmikānaṃ pana dhuranikkhepe eva siyāti tato upanikkhittabhaṇḍabhāvato viyojetuṃ vuttaṃ, teneva vakkhati ‘‘tehi pana anāṇattattā pārājika’’nti. Ghaṃsantoti sīsato anukkhipanto, yadi ukkhipeyya, ukkhittamatte pārājikaṃ, tenāha sīsato kesaggamattampītiādi. Yo cāyanti yo ayaṃ vinicchayo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਾਰਟ੍ਠਕਥਾવਣ੍ਣਨਾ • Bhāraṭṭhakathāvaṇṇanā
