| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. ப⁴ரியாஸுத்தவண்ணனா
10. Bhariyāsuttavaṇṇanā
63. த³ஸமே உச்சாஸத்³தா³ மஹாஸத்³தா³ உத்³த⁴ங் உக்³க³தத்தா உச்சங் பத்த²டத்தா மஹந்தங் அவினிப்³போ⁴க³ங் வினிபு⁴ஞ்ஜித்வா க³ஹேதுங் அஸக்குணெய்யங் ஸத்³த³ங் கரொந்தா வத³ந்தி. வசீகோ⁴ஸோபி ஹி ப³ஹூஹி ஏகஜ்ஜ²ங் பவத்திதோ அத்த²தோ ச ஸத்³த³தோ ச து³ரவபோ³தோ⁴ கேவலங் மஹானிக்³கோ⁴ஸோ ஏவ ஹுத்வா ஸோதபத²மாக³ச்ச²தி. மச்ச²விலோபேதி மச்சே² விலும்பித்வா விய க³ஹணே, மச்சா²னங் வா விலும்பனே. கேவட்டானஞ்ஹி மச்ச²பச்சி²ட்ட²பிதட்டா²னே மஹாஜனோ ஸன்னிபதித்வா ‘‘இத⁴ அஞ்ஞங் ஏகங் மச்ச²ங் தே³ஹி, ஏகங் மச்ச²பா²லங் தே³ஹி, ஏதஸ்ஸ தே மஹா தி³ன்னோ, மய்ஹங் கு²த்³த³கோ’’தி ஏவங் உச்சாஸத்³த³மஹாஸத்³த³ங் கரொந்தி. தங் ஸந்தா⁴யேதங் வுத்தங் ‘‘கேவட்டானங் மச்ச²பச்சி²ங் ஓதாரெத்வா டி²தட்டா²னே’’தி. மச்ச²க்³க³ஹணத்த²ங் ஜாலே பக்கி²த்தேபி தஸ்மிங் டா²னே கேவட்டா சேவ அஞ்ஞே ச ‘‘பவிட்டோ² ந பவிட்டோ² , க³ஹிதோ ந க³ஹிதோ’’தி மஹாஸத்³த³ங் கரொந்தி. தங் ஸந்தா⁴யேதங் வுத்தங் ‘‘ஜாலே வா…பே॰… மஹாஸத்³தோ³ ஹோதீ’’தி. கத்தப்³ப³வத்தந்தி பாத³பரிகம்மாதி³கத்தப்³ப³கிச்சங். க²ராதி சித்தேன வாசாய ச கக்க²ளா. ஸேஸமெத்த² உத்தானமேவ.
63. Dasame uccāsaddā mahāsaddā uddhaṃ uggatattā uccaṃ patthaṭattā mahantaṃ avinibbhogaṃ vinibhuñjitvā gahetuṃ asakkuṇeyyaṃ saddaṃ karontā vadanti. Vacīghosopi hi bahūhi ekajjhaṃ pavattito atthato ca saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehi, etassa te mahā dinno, mayhaṃ khuddako’’ti evaṃ uccāsaddamahāsaddaṃ karonti. Taṃ sandhāyetaṃ vuttaṃ ‘‘kevaṭṭānaṃ macchapacchiṃ otāretvā ṭhitaṭṭhāne’’ti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho na paviṭṭho , gahito na gahito’’ti mahāsaddaṃ karonti. Taṃ sandhāyetaṃ vuttaṃ ‘‘jāle vā…pe… mahāsaddo hotī’’ti. Kattabbavattanti pādaparikammādikattabbakiccaṃ. Kharāti cittena vācāya ca kakkhaḷā. Sesamettha uttānameva.
ப⁴ரியாஸுத்தவண்ணனா நிட்டி²தா.
Bhariyāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ப⁴ரியாஸுத்தங் • 10. Bhariyāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. ப⁴ரியாஸுத்தவண்ணனா • 10. Bhariyāsuttavaṇṇanā
