| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. бхарияаасуд̇д̇аван̣н̣анаа
10. Bhariyāsuttavaṇṇanā
63. д̣̇асамз гзваддаа ман̃н̃з мажчавилобзд̇и гзваддаанам̣ мажчабажчим̣ од̇аарзд̇ваа тид̇адтаанз ж̇аалз ваа уд̣̇агад̇о угкид̇д̇амад̇д̇з мажчаг̇г̇аахагаанам̣ махаасад̣̇д̣̇о ход̇и, д̇ам̣ санд̇хааязд̇ам̣ вуд̇д̇ам̣. суж̇аад̇аад̇и висаакааяа ганидтаа. саа нзва сассум̣ аад̣̇ияад̇ийд̇и сассуяаа гад̇д̇аб̣б̣авад̇д̇ам̣ наама ад̇т̇и, д̇ам̣ на гарод̇и, сассууд̇иби нам̣ на г̇ан̣зд̇и. на сасурам̣ аад̣̇ияад̇ийд̇и важанам̣ на г̇ан̣хаад̇и. звам̣ анаад̣̇арад̇ааяаби аг̇г̇ахан̣знаби на аад̣̇ияад̇и наама. сзсзсуби зсзва наяо. звам̣ анаат̇абин̣д̣иго сун̣исааяа аажаарам̣ г̇ахзд̇ваа сад̇т̇у бурад̇о нисийд̣̇и. сааби суж̇аад̇аа ‘‘гим̣ ну ко аяам̣ сздти д̣̇асаб̣аласса санд̇игз маяхам̣ г̇ун̣ам̣ гат̇зссад̇и уд̣̇ааху аг̇ун̣а’’нд̇и г̇анд̇ваа авид̣̇уурз сад̣̇д̣̇ам̣ сун̣анд̇ий адтааси. ат̇а нам̣ сад̇т̇аа зхи суж̇аад̇зд̇и ааманд̇зси.
63. Dasame kevaṭṭā maññe macchavilopeti kevaṭṭānaṃ macchapacchiṃ otāretvā ṭhitaṭṭhāne jāle vā udakato ukkhittamatte macchaggāhakānaṃ mahāsaddo hoti, taṃ sandhāyetaṃ vuttaṃ. Sujātāti visākhāya kaniṭṭhā. Sā neva sassuṃ ādiyatīti sassuyā kattabbavattaṃ nāma atthi, taṃ na karoti, sassūtipi naṃ na gaṇeti. Na sasuraṃ ādiyatīti vacanaṃ na gaṇhāti. Evaṃ anādaratāyapi aggahaṇenapi na ādiyati nāma. Sesesupi eseva nayo. Evaṃ anāthapiṇḍiko suṇisāya ācāraṃ gahetvā satthu purato nisīdi. Sāpi sujātā ‘‘kiṃ nu kho ayaṃ seṭṭhi dasabalassa santike mayhaṃ guṇaṃ kathessati udāhu aguṇa’’nti gantvā avidūre saddaṃ suṇantī aṭṭhāsi. Atha naṃ satthā ehi sujāteti āmantesi.
ахид̇аанугамбинийд̇и на хид̇аанугамбиний. ан̃н̃зсууд̇и барабурисзсу. ад̇иман̃н̃ад̇зд̇и омаанаад̇и маанавасзна ад̇иман̃н̃ад̇и. д̇ханзна гийд̇ассаад̇и д̇ханзна гийд̇аа асса. вад̇хааяа уссугаа вад̇хид̇ум̣ уссуггамаабаннаа. яам̣ ид̇т̇ияаа винд̣̇ад̇и саамиго д̇хананд̇и ид̇т̇ияаа саамиго яам̣ д̇ханам̣ лабхад̇и. аббамби д̇асса абахаад̇умижчад̇ийд̇и т̇огад̇оби асса харид̇ум̣ ижчад̇и, уд̣̇д̇ханз ааробид̇аугкалияам̣ багкибид̇аб̣б̣ад̇ан̣д̣улад̇оби т̇огам̣ харид̇умзва вааяамад̇и. аласаад̇и нисиннадтаанз нисиннаава тид̇адтаанз тид̇аава ход̇и. парусаад̇и караа. д̣̇уруд̇д̇аваад̣̇инийд̇и д̣̇уб̣бхаасид̇абхаасиний, гагкал̣ам̣ ваал̣агат̇амзва гат̇зд̇и. удтааяагаанам̣ абхибхуяяа вад̇д̇ад̇ийд̇и зд̇т̇а удтааяагаананд̇и б̣ахуважанавасзна вирияудтаанасамбанно саамиго вуд̇д̇о, д̇асса д̇ам̣ удтаанасамбад̇д̇им̣ абхибхавид̇ваа хздтаа гад̇ваа вад̇д̇ад̇и. бамод̣̇ад̇ийд̇и аамод̣̇ид̇абамод̣̇ид̇аа ход̇и . голзяяагаад̇и гуласамбаннаа. бад̇иб̣б̣ад̇аад̇и бад̇ид̣̇звад̇аа. вад̇хад̣̇ан̣д̣ад̇аж̇ж̇ид̇аад̇и д̣̇ан̣д̣агам̣ г̇ахзд̇ваа вад̇хзна д̇аж̇ж̇ид̇аа, ‘‘гхаад̇зссаами на’’нд̇и вуд̇д̇аа. д̣̇аасийсаманд̇и саамигасса вад̇д̇абууригаа д̣̇аасийд̇и мам̣ бхаг̇аваа д̇хаарзд̇ууд̇и вад̇ваа саран̣зсу бад̇идтааси.
Ahitānukampinīti na hitānukampinī. Aññesūti parapurisesu. Atimaññateti omānāti mānavasena atimaññati. Dhanena kītassāti dhanena kītā assa. Vadhāya ussukā vadhituṃ ussukkamāpannā. Yaṃ itthiyā vindati sāmiko dhananti itthiyā sāmiko yaṃ dhanaṃ labhati. Appampi tassa apahātumicchatīti thokatopi assa harituṃ icchati, uddhane āropitaukkhaliyaṃ pakkhipitabbataṇḍulatopi thokaṃ haritumeva vāyamati. Alasāti nisinnaṭṭhāne nisinnāva ṭhitaṭṭhāne ṭhitāva hoti. Pharusāti kharā. Duruttavādinīti dubbhāsitabhāsinī, kakkhaḷaṃ vāḷakathameva katheti. Uṭṭhāyakānaṃ abhibhuyya vattatīti ettha uṭṭhāyakānanti bahuvacanavasena viriyuṭṭhānasampanno sāmiko vutto, tassa taṃ uṭṭhānasampattiṃ abhibhavitvā heṭṭhā katvā vattati. Pamodatīti āmoditapamoditā hoti . Koleyyakāti kulasampannā. Patibbatāti patidevatā. Vadhadaṇḍatajjitāti daṇḍakaṃ gahetvā vadhena tajjitā, ‘‘ghātessāmi na’’nti vuttā. Dāsīsamanti sāmikassa vattapūrikā dāsīti maṃ bhagavā dhāretūti vatvā saraṇesu patiṭṭhāsi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бхарияаасуд̇д̇ам̣ • 10. Bhariyāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бхарияаасуд̇д̇аван̣н̣анаа • 10. Bhariyāsuttavaṇṇanā
