| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. བྷརིཡཱསུཏྟཝཎྞནཱ
10. Bhariyāsuttavaṇṇanā
༦༣. དསམེ ཨུཙྩཱསདྡཱ མཧཱསདྡཱ ཨུདྡྷཾ ཨུགྒཏཏྟཱ ཨུཙྩཾ པཏྠཊཏྟཱ མཧནྟཾ ཨཝིནིབྦྷོགཾ ཝིནིབྷུཉྫིཏྭཱ གཧེཏུཾ ཨསཀྐུཎེཡྻཾ སདྡཾ ཀརོནྟཱ ཝདནྟི། ཝཙཱིགྷོསོཔི ཧི བཧཱུཧི ཨེཀཛ྄ཛྷཾ པཝཏྟིཏོ ཨཏྠཏོ ཙ སདྡཏོ ཙ དུརཝབོདྷོ ཀེཝལཾ མཧཱནིགྒྷོསོ ཨེཝ ཧུཏྭཱ སོཏཔཐམཱགཙྪཏི། མཙྪཝིལོཔེཏི མཙྪེ ཝིལུམྤིཏྭཱ ཝིཡ གཧཎེ, མཙྪཱནཾ ཝཱ ཝིལུམྤནེ། ཀེཝཊྚཱནཉྷི མཙྪཔཙྪིཊྛཔིཏཊྛཱནེ མཧཱཛནོ སནྣིཔཏིཏྭཱ ‘‘ཨིདྷ ཨཉྙཾ ཨེཀཾ མཙྪཾ དེཧི, ཨེཀཾ མཙྪཕཱལཾ དེཧི, ཨེཏསྶ ཏེ མཧཱ དིནྣོ, མཡ྄ཧཾ ཁུདྡཀོ’’ཏི ཨེཝཾ ཨུཙྩཱསདྡམཧཱསདྡཾ ཀརོནྟི། ཏཾ སནྡྷཱཡེཏཾ ཝུཏྟཾ ‘‘ཀེཝཊྚཱནཾ མཙྪཔཙྪིཾ ཨོཏཱརེཏྭཱ ཋིཏཊྛཱནེ’’ཏི། མཙྪགྒཧཎཏྠཾ ཛཱལེ པཀྑིཏྟེཔི ཏསྨིཾ ཋཱནེ ཀེཝཊྚཱ ཙེཝ ཨཉྙེ ཙ ‘‘པཝིཊྛོ ན པཝིཊྛོ , གཧིཏོ ན གཧིཏོ’’ཏི མཧཱསདྡཾ ཀརོནྟི། ཏཾ སནྡྷཱཡེཏཾ ཝུཏྟཾ ‘‘ཛཱལེ ཝཱ…པེ॰… མཧཱསདྡོ ཧོཏཱི’’ཏི། ཀཏྟབྦཝཏྟནྟི པཱདཔརིཀམྨཱདིཀཏྟབྦཀིཙྩཾ། ཁརཱཏི ཙིཏྟེན ཝཱཙཱཡ ཙ ཀཀྑལཱ༹། སེསམེཏྠ ཨུཏྟཱནམེཝ།
63. Dasame uccāsaddā mahāsaddā uddhaṃ uggatattā uccaṃ patthaṭattā mahantaṃ avinibbhogaṃ vinibhuñjitvā gahetuṃ asakkuṇeyyaṃ saddaṃ karontā vadanti. Vacīghosopi hi bahūhi ekajjhaṃ pavattito atthato ca saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehi, etassa te mahā dinno, mayhaṃ khuddako’’ti evaṃ uccāsaddamahāsaddaṃ karonti. Taṃ sandhāyetaṃ vuttaṃ ‘‘kevaṭṭānaṃ macchapacchiṃ otāretvā ṭhitaṭṭhāne’’ti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho na paviṭṭho , gahito na gahito’’ti mahāsaddaṃ karonti. Taṃ sandhāyetaṃ vuttaṃ ‘‘jāle vā…pe… mahāsaddo hotī’’ti. Kattabbavattanti pādaparikammādikattabbakiccaṃ. Kharāti cittena vācāya ca kakkhaḷā. Sesamettha uttānameva.
བྷརིཡཱསུཏྟཝཎྞནཱ ནིཊྛིཏཱ།
Bhariyāsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. བྷརིཡཱསུཏྟཾ • 10. Bhariyāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. བྷརིཡཱསུཏྟཝཎྞནཱ • 10. Bhariyāsuttavaṇṇanā
