| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[213] 3. бхаруж̇аад̇агаван̣н̣анаа
[213] 3. Bharujātakavaṇṇanā
исийнаманд̇арам̣ гад̇ваад̇и ид̣̇ам̣ сад̇т̇аа ж̇зд̇аванз вихаранд̇о госаларааж̇аанам̣ аараб̣бха гат̇зси. бхаг̇авад̇о хи бхигкусан̇гхасса жа лаабхасаггааро махаа ахоси. яат̇ааха –
Isīnamantaraṃkatvāti idaṃ satthā jetavane viharanto kosalarājānaṃ ārabbha kathesi. Bhagavato hi bhikkhusaṅghassa ca lābhasakkāro mahā ahosi. Yathāha –
‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. бхигкусан̇гхоби ко саггад̇о ход̇и…бз… баригкаараанам̣. ан̃н̃ад̇ид̇т̇ияаа бана бариб̣б̣ааж̇агаа асаггад̇аа хонд̇и…бз… баригкаараана’’нд̇и (уд̣̇аа. 14).
‘‘Tena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ. Bhikkhusaṅghopi kho sakkato hoti…pe… parikkhārānaṃ. Aññatitthiyā pana paribbājakā asakkatā honti…pe… parikkhārāna’’nti (udā. 14).
д̇з звам̣ барихийналаабхасаггаараа ахорад̇д̇ам̣ г̇ул̣хасаннибаад̇ам̣ гад̇ваа манд̇аяанд̇и ‘‘саман̣асса г̇од̇амасса уббаннагаалад̇о бадтааяа маяам̣ хад̇алаабхасаггаараа ж̇аад̇аа , саман̣о г̇од̇амо лаабхаг̇г̇аяасаг̇г̇аббад̇д̇о ж̇аад̇о, гзна ну ко гааран̣знасса зсаа самбад̇д̇ий’’д̇и. д̇ад̇рзгз звамаахам̣су – ‘‘саман̣о г̇од̇амо сагалаж̇амб̣уд̣̇ийбасса уд̇д̇амадтаанз бхуумисийсз васад̇и. д̇знасса лаабхасаггааро уббаж̇ж̇ад̇ий’’д̇и, сзсаа ‘‘ад̇т̇зд̇ам̣ гааран̣ам̣, маяамби ж̇зд̇аванабидтз д̇ид̇т̇ияаараамам̣ гаарзму, звам̣ лаабхино бхависсаамаа’’д̇и аахам̣су. д̇з саб̣б̣зби ‘‘звамзд̇а’’нд̇и саннидтаанам̣ гад̇ваа ‘‘сажзби маяам̣ ран̃н̃о анаарожзд̇ваа аараамам̣ гаарзссаама, бхигкуу ваарзссанд̇и, лан̃ж̇ам̣ лабхид̇ваа абхиж̇ж̇анаго наама над̇т̇и, д̇асмаа ран̃н̃о лан̃ж̇ам̣ д̣̇ад̇ваа аараамадтаанам̣ г̇ан̣хиссаамаа’’д̇и самманд̇зд̇ваа убадтаагз яаажид̇ваа ран̃н̃о сад̇асахассам̣ д̣̇ад̇ваа ‘‘махаарааж̇а, маяам̣ ж̇зд̇аванабидтияам̣ д̇ид̇т̇ияаараамам̣ гариссаама, сажз бхигкуу ‘гаад̇ум̣ на д̣̇ассаамаа’д̇и д̇умхаагам̣ аарожзнд̇и, нзсам̣ бадиважанам̣ на д̣̇аад̇аб̣б̣а’’нд̇и аахам̣су. рааж̇аа лан̃ж̇алобхзна ‘‘саад̇хуу’’д̇и самбадижчи.
Te evaṃ parihīnalābhasakkārā ahorattaṃ guḷhasannipātaṃ katvā mantayanti ‘‘samaṇassa gotamassa uppannakālato paṭṭhāya mayaṃ hatalābhasakkārā jātā , samaṇo gotamo lābhaggayasaggappatto jāto, kena nu kho kāraṇenassa esā sampattī’’ti. Tatreke evamāhaṃsu – ‘‘samaṇo gotamo sakalajambudīpassa uttamaṭṭhāne bhūmisīse vasati. Tenassa lābhasakkāro uppajjatī’’ti, sesā ‘‘atthetaṃ kāraṇaṃ, mayampi jetavanapiṭṭhe titthiyārāmaṃ kāremu, evaṃ lābhino bhavissāmā’’ti āhaṃsu. Te sabbepi ‘‘evameta’’nti sanniṭṭhānaṃ katvā ‘‘sacepi mayaṃ rañño anārocetvā ārāmaṃ kāressāma, bhikkhū vāressanti, lañjaṃ labhitvā abhijjanako nāma natthi, tasmā rañño lañjaṃ datvā ārāmaṭṭhānaṃ gaṇhissāmā’’ti sammantetvā upaṭṭhāke yācitvā rañño satasahassaṃ datvā ‘‘mahārāja, mayaṃ jetavanapiṭṭhiyaṃ titthiyārāmaṃ karissāma, sace bhikkhū ‘kātuṃ na dassāmā’ti tumhākaṃ ārocenti, nesaṃ paṭivacanaṃ na dātabba’’nti āhaṃsu. Rājā lañjalobhena ‘‘sādhū’’ti sampaṭicchi.
д̇ид̇т̇ияаа рааж̇аанам̣ сан̇г̇ан̣хид̇ваа вад̣дхагим̣ баггосаабзд̇ваа гаммам̣ бадтабзсум̣, махаасад̣̇д̣̇о ахоси. сад̇т̇аа ‘‘гз банзд̇з, аананд̣̇а, ужжаасад̣̇д̣̇амахаасад̣̇д̣̇аа’’д̇и бужчи. ‘‘ан̃н̃ад̇ид̇т̇ияаа, бханд̇з, ж̇зд̇аванабидтияам̣ д̇ид̇т̇ияаараамам̣ гаарзнд̇и, д̇ад̇т̇зсо сад̣̇д̣̇о’’д̇и. ‘‘аананд̣̇а, нзд̇ам̣ таанам̣ д̇ид̇т̇ияаараамасса анужчавигам̣, д̇ид̇т̇ияаа ужжаасад̣̇д̣̇агаамаа, на саггаа д̇зхи сад̣̇д̇хим̣ васид̇у’’нд̇и вад̇ваа бхигкусан̇гхам̣ саннибаад̇зд̇ваа ‘‘г̇ажчат̇а, бхигкавз, ран̃н̃о аажигкид̇ваа д̇ид̇т̇ияаараамагаран̣ам̣ ниваарзт̇аа’’д̇и ааха. бхигкусан̇гхо г̇анд̇ваа ран̃н̃о нивзсанад̣̇ваарз адтааси. рааж̇аа сан̇гхасса ааг̇ад̇абхаавам̣ суд̇вааби ‘‘д̇ид̇т̇ияаараамам̣ ниссааяа ааг̇ад̇аа бхависсанд̇ий’’д̇и лан̃ж̇асса г̇ахид̇ад̇д̇аа ‘‘рааж̇аа г̇зхз над̇т̇ий’’д̇и вад̣̇аабзси. бхигкуу г̇анд̇ваа сад̇т̇у аарожзсум̣. сад̇т̇аа ‘‘лан̃ж̇ам̣ ниссааяа звам̣ гарод̇ий’’д̇и д̣̇вз аг̇г̇асаавагз бзсзси. рааж̇аа д̇зсамби ааг̇ад̇абхаавам̣ суд̇ваа д̇ат̇зва вад̣̇аабзси. д̇зби ааг̇анд̇ваа сад̇т̇у аараажзсум̣. сад̇т̇аа ‘‘на ид̣̇аани, саарибуд̇д̇а, рааж̇аа г̇зхз нисийд̣̇ид̇ум̣ лабхиссад̇и, б̣ахи нигкамиссад̇ий’’д̇и бунад̣̇ивасз буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа бан̃жахи бхигкусад̇зхи сад̣̇д̇хим̣ ран̃н̃о нивзсанад̣̇ваарам̣ аг̇амааси. рааж̇аа суд̇ваа баасаад̣̇аа од̇арид̇ваа бад̇д̇ам̣ г̇ахзд̇ваа сад̇т̇аарам̣ бавзсзд̇ваа б̣уд̣̇д̇хаббамукасса сан̇гхасса яааг̇укаж̇ж̇агам̣ д̣̇ад̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа ран̃н̃о згам̣ барияааяад̇хаммад̣̇зсанам̣ аарабханд̇о ‘‘махаарааж̇а, бораан̣агарааж̇аано лан̃ж̇ам̣ г̇ахзд̇ваа сийлаванд̇з ан̃н̃аман̃н̃ам̣ галахам̣ гаарзд̇ваа ад̇д̇ано радтасса ассаамино худ̇ваа махаавинаасам̣ баабун̣им̣суу’’д̇и вад̇ваа д̇зна яаажид̇о ад̇ийд̇ам̣ аахари.
Titthiyā rājānaṃ saṅgaṇhitvā vaḍḍhakiṃ pakkosāpetvā kammaṃ paṭṭhapesuṃ, mahāsaddo ahosi. Satthā ‘‘ke panete, ānanda, uccāsaddamahāsaddā’’ti pucchi. ‘‘Aññatitthiyā, bhante, jetavanapiṭṭhiyaṃ titthiyārāmaṃ kārenti, tattheso saddo’’ti. ‘‘Ānanda, netaṃ ṭhānaṃ titthiyārāmassa anucchavikaṃ, titthiyā uccāsaddakāmā, na sakkā tehi saddhiṃ vasitu’’nti vatvā bhikkhusaṅghaṃ sannipātetvā ‘‘gacchatha, bhikkhave, rañño ācikkhitvā titthiyārāmakaraṇaṃ nivārethā’’ti āha. Bhikkhusaṅgho gantvā rañño nivesanadvāre aṭṭhāsi. Rājā saṅghassa āgatabhāvaṃ sutvāpi ‘‘titthiyārāmaṃ nissāya āgatā bhavissantī’’ti lañjassa gahitattā ‘‘rājā gehe natthī’’ti vadāpesi. Bhikkhū gantvā satthu ārocesuṃ. Satthā ‘‘lañjaṃ nissāya evaṃ karotī’’ti dve aggasāvake pesesi. Rājā tesampi āgatabhāvaṃ sutvā tatheva vadāpesi. Tepi āgantvā satthu ārācesuṃ. Satthā ‘‘na idāni, sāriputta, rājā gehe nisīdituṃ labhissati, bahi nikkhamissatī’’ti punadivase pubbaṇhasamayaṃ nivāsetvā pattacīvaramādāya pañcahi bhikkhusatehi saddhiṃ rañño nivesanadvāraṃ agamāsi. Rājā sutvā pāsādā otaritvā pattaṃ gahetvā satthāraṃ pavesetvā buddhappamukhassa saṅghassa yāgukhajjakaṃ datvā satthāraṃ vanditvā ekamantaṃ nisīdi. Satthā rañño ekaṃ pariyāyadhammadesanaṃ ārabhanto ‘‘mahārāja, porāṇakarājāno lañjaṃ gahetvā sīlavante aññamaññaṃ kalahaṃ kāretvā attano raṭṭhassa assāmino hutvā mahāvināsaṃ pāpuṇiṃsū’’ti vatvā tena yācito atītaṃ āhari.
ад̇ийд̇з бхарурадтз бхарурааж̇аа наама раж̇ж̇ам̣ гаарзси. д̇ад̣̇аа б̣од̇хисад̇д̇о бан̃жаабхин̃н̃о адтасамаабад̇д̇илаабхий г̇ан̣асад̇т̇аа д̇аабасо худ̇ваа химаванд̇абад̣̇зсз жирам̣ васид̇ваа лон̣амб̣иласзванад̇т̇ааяа бан̃жасад̇ад̇аабасабаривуд̇о химаванд̇аа од̇арид̇ваа анубуб̣б̣зна бхарунаг̇арам̣ бад̇ваа д̇ад̇т̇а бин̣д̣ааяа жарид̇ваа наг̇араа нигкамид̇ваа уд̇д̇арад̣̇ваарз саакаавидабасамбаннасса вадаругкасса муулз нисийд̣̇ид̇ваа бхад̇д̇агижжам̣ гад̇ваа д̇ад̇т̇зва ругкамуулз ваасам̣ габбзси. звам̣ д̇асмим̣ исиг̇ан̣з д̇ад̇т̇а васанд̇з ад̣дхамаасажжаязна ан̃н̃о г̇ан̣асад̇т̇аа бан̃жасад̇абаривааро ааг̇анд̇ваа наг̇арз бхигкааяа жарид̇ваа наг̇араа нигкамид̇ваа д̣̇агкин̣ад̣̇ваарз д̇аад̣̇исассзва вадаругкасса муулз нисийд̣̇ид̇ваа бхад̇д̇агижжам̣ гад̇ваа д̇ад̇т̇а ругкамуулз ваасам̣ габбзси. ид̇и д̇з д̣̇взби исиг̇ан̣аа д̇ад̇т̇а яат̇аабхиранд̇ам̣ вихарид̇ваа химаванд̇амзва аг̇амам̣су.
Atīte bharuraṭṭhe bharurājā nāma rajjaṃ kāresi. Tadā bodhisatto pañcābhiñño aṭṭhasamāpattilābhī gaṇasatthā tāpaso hutvā himavantapadese ciraṃ vasitvā loṇambilasevanatthāya pañcasatatāpasaparivuto himavantā otaritvā anupubbena bharunagaraṃ patvā tattha piṇḍāya caritvā nagarā nikkhamitvā uttaradvāre sākhāviṭapasampannassa vaṭarukkhassa mūle nisīditvā bhattakiccaṃ katvā tattheva rukkhamūle vāsaṃ kappesi. Evaṃ tasmiṃ isigaṇe tattha vasante aḍḍhamāsaccayena añño gaṇasatthā pañcasataparivāro āgantvā nagare bhikkhāya caritvā nagarā nikkhamitvā dakkhiṇadvāre tādisasseva vaṭarukkhassa mūle nisīditvā bhattakiccaṃ katvā tattha rukkhamūle vāsaṃ kappesi. Iti te dvepi isigaṇā tattha yathābhirantaṃ viharitvā himavantameva agamaṃsu.
д̇зсам̣ г̇ад̇агаалз д̣̇агкин̣ад̣̇ваарз вадаругко сугко. бунаваарз д̇зсу ааг̇ажчанд̇зсу д̣̇агкин̣ад̣̇ваарз вадаругкаваасино батамад̇арам̣ ааг̇анд̇ваа ад̇д̇ано вадаругкасса сугкабхаавам̣ н̃ад̇ваа бхигкааяа жарид̇ваа наг̇араа нигкамид̇ваа уд̇д̇арад̣̇ваарз вадаругкамуулам̣ г̇анд̇ваа бхад̇д̇агижжам̣ гад̇ваа д̇ад̇т̇а ваасам̣ габбзсум̣. ид̇арз бана исаяо бажчаа ааг̇анд̇ваа наг̇арз бхигкааяа жарид̇ваа ад̇д̇ано ругкамууламзва г̇анд̇ваа бхад̇д̇агижжам̣ гад̇ваа ваасам̣ габбзсум̣. д̇з ‘‘на со д̇умхаагам̣ ругко, амхаагам̣ ругко’’д̇и ругкам̣ ниссааяа ан̃н̃аман̃н̃ам̣ галахам̣ гарим̣су, галахо махаа ахоси. згз ‘‘амхаагам̣ батамам̣ васид̇адтаанам̣ д̇умхз на лабхиссат̇аа’’д̇и вад̣̇анд̇и. згз ‘‘маяам̣ имасмим̣ ваарз батамад̇арам̣ ид̇хааг̇ад̇аа, д̇умхз на лабхиссат̇аа’’д̇и вад̣̇анд̇и. ид̇и д̇з ‘‘маяам̣ саамино, маяам̣ саамино’’д̇и галахам̣ гаронд̇аа ругкамуулассад̇т̇ааяа рааж̇агулам̣ аг̇амам̣су. рааж̇аа батамам̣ вуд̇т̇аисиг̇ан̣ан̃н̃зва саамигам̣ агааси . ид̇арз ‘‘на д̣̇аани маяам̣ имзхи барааж̇ид̇аад̇и ад̇д̇аанам̣ вад̣̇аабзссаамаа’’д̇и д̣̇иб̣б̣ажагкунаа ологзд̇ваа згам̣ жаггавад̇д̇ибарибхог̇ам̣ рат̇абан̃ж̇арам̣ д̣̇исваа аахарид̇ваа ран̃н̃о лан̃ж̇ам̣ д̣̇ад̇ваа ‘‘махаарааж̇а, амхзби саамигз гарохий’’д̇и аахам̣су.
Tesaṃ gatakāle dakkhiṇadvāre vaṭarukkho sukkho. Punavāre tesu āgacchantesu dakkhiṇadvāre vaṭarukkhavāsino paṭhamataraṃ āgantvā attano vaṭarukkhassa sukkhabhāvaṃ ñatvā bhikkhāya caritvā nagarā nikkhamitvā uttaradvāre vaṭarukkhamūlaṃ gantvā bhattakiccaṃ katvā tattha vāsaṃ kappesuṃ. Itare pana isayo pacchā āgantvā nagare bhikkhāya caritvā attano rukkhamūlameva gantvā bhattakiccaṃ katvā vāsaṃ kappesuṃ. Te ‘‘na so tumhākaṃ rukkho, amhākaṃ rukkho’’ti rukkhaṃ nissāya aññamaññaṃ kalahaṃ kariṃsu, kalaho mahā ahosi. Eke ‘‘amhākaṃ paṭhamaṃ vasitaṭṭhānaṃ tumhe na labhissathā’’ti vadanti. Eke ‘‘mayaṃ imasmiṃ vāre paṭhamataraṃ idhāgatā, tumhe na labhissathā’’ti vadanti. Iti te ‘‘mayaṃ sāmino, mayaṃ sāmino’’ti kalahaṃ karontā rukkhamūlassatthāya rājakulaṃ agamaṃsu. Rājā paṭhamaṃ vutthaisigaṇaññeva sāmikaṃ akāsi . Itare ‘‘na dāni mayaṃ imehi parājitāti attānaṃ vadāpessāmā’’ti dibbacakkhunā oloketvā ekaṃ cakkavattiparibhogaṃ rathapañjaraṃ disvā āharitvā rañño lañjaṃ datvā ‘‘mahārāja, amhepi sāmike karohī’’ti āhaṃsu.
рааж̇аа лан̃ж̇ам̣ г̇ахзд̇ваа ‘‘д̣̇взби г̇ан̣аа васанд̇уу’’д̇и д̣̇взби саамигз агааси. ид̇арз исаяо д̇асса рат̇абан̃ж̇арасса рат̇ажаггаани нийхарид̇ваа лан̃ж̇ам̣ д̣̇ад̇ваа ‘‘махаарааж̇а, амхзязва саамигз гарохий’’д̇и аахам̣су. рааж̇аа д̇ат̇аа агааси. исиг̇ан̣аа ‘‘амхзхи вад̇т̇угаамз жа гилзсагаамз жа бахааяа баб̣б̣аж̇ид̇зхи ругкамууласса гааран̣аа галахам̣ гаронд̇зхи лан̃ж̇ам̣ д̣̇ад̣̇анд̇зхи аяуд̇д̇ам̣ гад̇а’’нд̇и виббадисаарино худ̇ваа взг̇зна балааяид̇ваа химаванд̇амзва аг̇амам̣су. сагалабхарурадтаваасино д̣̇звад̇аа згад̇о худ̇ваа ‘‘сийлаванд̇з галахам̣ гаронд̇зна ран̃н̃аа аяуд̇д̇ам̣ гад̇а’’нд̇и бхаруран̃н̃о гуж̇жхид̇ваа д̇ияож̇анасад̇игам̣ бхарурадтам̣ самуд̣̇д̣̇ам̣ уб̣б̣ад̇д̇зд̇ваа арадтамагам̣су. ид̇и згам̣ бхарурааж̇аанам̣ ниссааяа сагаларадтаваасиноби винаасам̣ бад̇д̇аад̇и.
Rājā lañjaṃ gahetvā ‘‘dvepi gaṇā vasantū’’ti dvepi sāmike akāsi. Itare isayo tassa rathapañjarassa rathacakkāni nīharitvā lañjaṃ datvā ‘‘mahārāja, amheyeva sāmike karohī’’ti āhaṃsu. Rājā tathā akāsi. Isigaṇā ‘‘amhehi vatthukāme ca kilesakāme ca pahāya pabbajitehi rukkhamūlassa kāraṇā kalahaṃ karontehi lañjaṃ dadantehi ayuttaṃ kata’’nti vippaṭisārino hutvā vegena palāyitvā himavantameva agamaṃsu. Sakalabharuraṭṭhavāsino devatā ekato hutvā ‘‘sīlavante kalahaṃ karontena raññā ayuttaṃ kata’’nti bharurañño kujjhitvā tiyojanasatikaṃ bharuraṭṭhaṃ samuddaṃ ubbattetvā araṭṭhamakaṃsu. Iti ekaṃ bharurājānaṃ nissāya sakalaraṭṭhavāsinopi vināsaṃ pattāti.
сад̇т̇аа имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа имаа г̇аат̇аа авожа –
Satthā imaṃ atītaṃ āharitvā abhisambuddho hutvā imā gāthā avoca –
125.
125.
‘‘исийнаманд̇арам̣ гад̇ваа, бхарурааж̇аад̇и мз суд̇ам̣;
‘‘Isīnamantaraṃ katvā, bharurājāti me sutaṃ;
ужчинно саха радтзхи, са рааж̇аа вибхаван̇г̇ад̇о.
Ucchinno saha raṭṭhehi, sa rājā vibhavaṅgato.
126.
126.
‘‘д̇асмаа хи чанд̣̇ааг̇аманам̣, наббасам̣санд̇и бан̣д̣ид̇аа;
‘‘Tasmā hi chandāgamanaṃ, nappasaṃsanti paṇḍitā;
ад̣̇удтажид̇д̇о бхаасзяяа, г̇ирам̣ сажжубасам̣хид̇а’’нд̇и.
Aduṭṭhacitto bhāseyya, giraṃ saccupasaṃhita’’nti.
д̇ад̇т̇а анд̇арам̣ гад̇ваад̇и чанд̣̇ааг̇ад̇ивасзна виварам̣ гад̇ваа. бхарурааж̇аад̇и бхарурадтз рааж̇аа. ид̇и мз суд̇анд̇и ид̇и маяаа буб̣б̣з зд̇ам̣ суд̇ам̣. д̇асмаа хи чанд̣̇ааг̇амананд̇и яасмаа хи чанд̣̇ааг̇аманам̣ г̇анд̇ваа бхарурааж̇аа саха радтзна ужчинно, д̇асмаа чанд̣̇ааг̇аманам̣ бан̣д̣ид̇аа наббасам̣санд̇и. ад̣̇удтажид̇д̇од̇и гилзсзхи ад̣̇уусид̇ажид̇д̇о худ̇ваа. бхаасзяяа г̇ирам̣ сажжубасам̣хид̇анд̇и сабхааваниссид̇ам̣ ад̇т̇аниссид̇ам̣ гааран̣аниссид̇амзва г̇ирам̣ бхаасзяяа. яз хи д̇ад̇т̇а бхаруран̃н̃о лан̃ж̇ам̣ г̇ан̣ханд̇асса аяуд̇д̇ам̣ зд̇анд̇и бадиггосанд̇аа сажжубасам̣хид̇ам̣ г̇ирам̣ бхаасим̣су, д̇зсам̣ тид̇адтаанам̣ наал̣игзрад̣̇ийбз аж̇ж̇ааби д̣̇ийбагасахассам̣ бан̃н̃ааяад̇ийд̇и.
Tattha antaraṃ katvāti chandāgativasena vivaraṃ katvā. Bharurājāti bharuraṭṭhe rājā. Iti me sutanti iti mayā pubbe etaṃ sutaṃ. Tasmā hi chandāgamananti yasmā hi chandāgamanaṃ gantvā bharurājā saha raṭṭhena ucchinno, tasmā chandāgamanaṃ paṇḍitā nappasaṃsanti. Aduṭṭhacittoti kilesehi adūsitacitto hutvā. Bhāseyya giraṃ saccupasaṃhitanti sabhāvanissitaṃ atthanissitaṃ kāraṇanissitameva giraṃ bhāseyya. Ye hi tattha bharurañño lañjaṃ gaṇhantassa ayuttaṃ etanti paṭikkosantā saccupasaṃhitaṃ giraṃ bhāsiṃsu, tesaṃ ṭhitaṭṭhānaṃ nāḷikeradīpe ajjāpi dīpakasahassaṃ paññāyatīti.
сад̇т̇аа имам̣ д̇хаммад̣̇зсанам̣ аахарид̇ваа ‘‘махаарааж̇а, чанд̣̇авасигзна наама на бхавид̇аб̣б̣ам̣, д̣̇вз баб̣б̣аж̇ид̇аг̇ан̣з галахам̣ гаарзд̇ум̣ на ваддад̇ий’’д̇и вад̇ваа ж̇аад̇агам̣ самод̇хаанзси – ‘‘ахам̣ д̇зна самаязна ж̇здтагаиси ахоси’’нд̇и, рааж̇аа д̇ат̇ааг̇ад̇асса бхад̇д̇агижжам̣ гад̇ваа г̇ад̇агаалз мануссз бзсзд̇ваа д̇ид̇т̇ияаараамам̣ вид̣̇д̇хам̣саабзси, д̇ид̇т̇ияаа аббад̇идтаа ахзсум̣.
Satthā imaṃ dhammadesanaṃ āharitvā ‘‘mahārāja, chandavasikena nāma na bhavitabbaṃ, dve pabbajitagaṇe kalahaṃ kāretuṃ na vaṭṭatī’’ti vatvā jātakaṃ samodhānesi – ‘‘ahaṃ tena samayena jeṭṭhakaisi ahosi’’nti, rājā tathāgatassa bhattakiccaṃ katvā gatakāle manusse pesetvā titthiyārāmaṃ viddhaṃsāpesi, titthiyā appatiṭṭhā ahesuṃ.
бхаруж̇аад̇агаван̣н̣анаа д̇ад̇ияаа.
Bharujātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 213. бхаруж̇аад̇агам̣ • 213. Bharujātakaṃ
