| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
бхад̇д̇аг̇г̇авад̇д̇агат̇аа
Bhattaggavattakathā
364. бхад̇д̇аг̇г̇авад̇д̇з ‘‘анд̇ог̇аамо ваа ход̇у вихааро ваа, мануссаанам̣ баривзсанадтаанам̣ г̇ажчанд̇зна жийварам̣ баарубид̇ваа гааяаб̣анд̇ханам̣ б̣анд̇ханамзва ваддад̇ий’’д̇и адтагат̇аасу вуд̇д̇ам̣. на т̇зрз бхигкуу анубакаж̇ж̇аад̇и т̇зрз бхигкуу ад̇иаллийяид̇ваа на нисийд̣̇ид̇аб̣б̣ам̣. сажз махаат̇зрасса нисиннаасанзна самагам̣ аасанам̣ ход̇и, б̣ахуусу аасанзсу сад̇и згам̣ д̣̇вз аасанаани табзд̇ваа нисийд̣̇ид̇аб̣б̣ам̣. бхигкуу г̇ан̣зд̇ваа бан̃н̃ад̇д̇аасанзсу анисийд̣̇ид̇ваа махаат̇зрзна нисийд̣̇аад̇и вуд̇д̇зна нисийд̣̇ид̇аб̣б̣ам̣. но жз махаат̇зро вад̣̇ад̇и, ‘‘ид̣̇ам̣, бханд̇з, аасанам̣ ужжа’’нд̇и вад̇д̇аб̣б̣ам̣. ‘‘нисийд̣̇аа’’д̇и вуд̇д̇з нисийд̣̇ид̇аб̣б̣ам̣. сажз бана звам̣ аабужчид̇зби на вад̣̇ад̇и, нисийд̣̇анд̇асса анаабад̇д̇и; махаат̇зрассзва аабад̇д̇и. наваго хи зваруубз аасанз анаабужчаа нисийд̣̇анд̇о аабаж̇ж̇ад̇и, т̇зро аабужчид̇з анануж̇аананд̇о. на сан̇гхаадим̣ од̇т̇арид̇ваад̇и на сан̇гхаадим̣ авад̇т̇арид̇ваа нисийд̣̇ид̇аб̣б̣ам̣.
364. Bhattaggavatte ‘‘antogāmo vā hotu vihāro vā, manussānaṃ parivesanaṭṭhānaṃ gacchantena cīvaraṃ pārupitvā kāyabandhanaṃ bandhanameva vaṭṭatī’’ti aṭṭhakathāsu vuttaṃ. Na there bhikkhū anupakhajjāti there bhikkhū atiallīyitvā na nisīditabbaṃ. Sace mahātherassa nisinnāsanena samakaṃ āsanaṃ hoti, bahūsu āsanesu sati ekaṃ dve āsanāni ṭhapetvā nisīditabbaṃ. Bhikkhū gaṇetvā paññattāsanesu anisīditvā mahātherena nisīdāti vuttena nisīditabbaṃ. No ce mahāthero vadati, ‘‘idaṃ, bhante, āsanaṃ ucca’’nti vattabbaṃ. ‘‘Nisīdā’’ti vutte nisīditabbaṃ. Sace pana evaṃ āpucchitepi na vadati, nisīdantassa anāpatti; mahātherasseva āpatti. Navako hi evarūpe āsane anāpucchā nisīdanto āpajjati, thero āpucchite ananujānanto. Na saṅghāṭiṃ ottharitvāti na saṅghāṭiṃ avattharitvā nisīditabbaṃ.
убхохи хад̇т̇зхийд̇и бад̇д̇ад̇хованауд̣̇агам̣ санд̇хааяа вуд̇д̇ам̣. д̣̇агкин̣од̣̇агам̣ бана бурад̇о аад̇хаарагз бад̇д̇ам̣ табзд̇ваа г̇ахзд̇аб̣б̣ам̣. саад̇хуганд̇и уд̣̇агасад̣̇д̣̇ам̣ агаронд̇зна.
Ubhohihatthehīti pattadhovanaudakaṃ sandhāya vuttaṃ. Dakkhiṇodakaṃ pana purato ādhārake pattaṃ ṭhapetvā gahetabbaṃ. Sādhukanti udakasaddaṃ akarontena.
суубасса огаасод̇и яат̇аа суубасса огаасо ход̇и; звам̣ мад̇д̇ааяа од̣̇ано г̇ан̣хид̇аб̣б̣од̇и ад̇т̇о. самагам̣ самбаад̣̇зхийд̇и ид̣̇ам̣ на гзвалам̣ саббиаад̣̇ийсуязва од̣̇анзби вад̇д̇аб̣б̣ам̣. саббиаад̣̇ийсу бана яам̣ аббам̣ ход̇и згасса ваа д̣̇виннам̣ ваа ануруубагам̣, д̇ам̣ саб̣б̣зсам̣ самагам̣ самбаад̣̇зхийд̇и вуд̇д̇з мануссаанам̣ вихасаа ход̇и, д̇асмаа д̇аад̣̇исам̣ сагим̣ ваа д̣̇вигкад̇д̇ум̣ ваа г̇ахзд̇ваа сзсам̣ на г̇ахзд̇аб̣б̣ам̣.
Sūpassa okāsoti yathā sūpassa okāso hoti; evaṃ mattāya odano gaṇhitabboti attho. Samakaṃ sampādehīti idaṃ na kevalaṃ sappiādīsuyeva odanepi vattabbaṃ. Sappiādīsu pana yaṃ appaṃ hoti ekassa vā dvinnaṃ vā anurūpakaṃ, taṃ sabbesaṃ samakaṃ sampādehīti vutte manussānaṃ vihasā hoti, tasmā tādisaṃ sakiṃ vā dvikkhattuṃ vā gahetvā sesaṃ na gahetabbaṃ.
на д̇аава т̇зрзна бхун̃ж̇ид̇аб̣б̣анд̇и ид̣̇ам̣ яам̣ барижчиннабхигкугам̣ бхад̇д̇аг̇г̇ам̣, яад̇т̇а мануссаа саб̣б̣зсам̣ баабзд̇ваа д̣̇аад̇угаамаа хонд̇и, д̇ам̣ санд̇хааяа вуд̇д̇ам̣. яам̣ бана махаабхад̇д̇аг̇г̇ам̣ ход̇и, яад̇т̇а згасмим̣ бад̣̇зсз бхун̃ж̇анд̇и, згасмим̣ бад̣̇зсз уд̣̇агам̣ д̣̇ияяад̇и, д̇ад̇т̇а яат̇аасукам̣ бхун̃ж̇ид̇аб̣б̣ам̣.
Na tāva therena bhuñjitabbanti idaṃ yaṃ paricchinnabhikkhukaṃ bhattaggaṃ, yattha manussā sabbesaṃ pāpetvā dātukāmā honti, taṃ sandhāya vuttaṃ. Yaṃ pana mahābhattaggaṃ hoti, yattha ekasmiṃ padese bhuñjanti, ekasmiṃ padese udakaṃ diyyati, tattha yathāsukhaṃ bhuñjitabbaṃ.
на д̇аава уд̣̇аганд̇и ид̣̇ам̣ хад̇т̇ад̇хованауд̣̇агам̣ санд̇хааяа вуд̇д̇ам̣. анд̇араа бибаасид̇зна бана г̇алз вилаг̇г̇аамисзна ваа баанийяам̣ бивид̇ваа хад̇т̇аа на д̇ховид̇аб̣б̣аа. сажз мануссаа ‘‘д̇ховат̇а бханд̇з бад̇д̇ан̃жа хад̇т̇з жаа’’д̇и вад̣̇анд̇и, бхигкуу ваа ‘‘д̇умхз уд̣̇агам̣ г̇ан̣хат̇аа’’д̇и вад̣̇анд̇и, ваддад̇и.
Na tāva udakanti idaṃ hatthadhovanaudakaṃ sandhāya vuttaṃ. Antarā pipāsitena pana gale vilaggāmisena vā pānīyaṃ pivitvā hatthā na dhovitabbā. Sace manussā ‘‘dhovatha bhante pattañca hatthe cā’’ti vadanti, bhikkhū vā ‘‘tumhe udakaṃ gaṇhathā’’ti vadanti, vaṭṭati.
нивад̇д̇анд̇знаад̇и бхад̇д̇аг̇г̇ад̇о удтааяа нивад̇д̇анд̇зна сан̇гхзна звам̣ нивад̇д̇ид̇аб̣б̣анд̇и д̣̇ассзд̇и. гат̇ам̣? ‘‘навагзхий’’д̇и саб̣б̣ам̣ д̣̇адтаб̣б̣ам̣. самб̣аад̇хзсу хи гхарзсу махаат̇зраанам̣ нигкаманогаасо на ход̇и, д̇асмаа звам̣ вуд̇д̇ам̣. звам̣ нивад̇д̇анд̇зхи бана навагзхи г̇зхад̣̇ваарз тад̇ваа т̇зрзсу нигканд̇зсу бадибаадияаа г̇анд̇аб̣б̣ам̣. сажз бана махаат̇зраа д̇хурз нисиннаа хонд̇и, навагаа анд̇ог̇зхз , т̇зраасанад̇о бадтааяа бадибаадияаа зва нигкамид̇аб̣б̣ам̣. гааязна гааяам̣ агхаддзнд̇зна яат̇аа анд̇арзна мануссаа г̇анд̇ум̣ саггонд̇и, звам̣ вирал̣ааяа бадибаадияаа г̇анд̇аб̣б̣ам̣.
Nivattantenāti bhattaggato uṭṭhāya nivattantena saṅghena evaṃ nivattitabbanti dasseti. Kathaṃ? ‘‘Navakehī’’ti sabbaṃ daṭṭhabbaṃ. Sambādhesu hi gharesu mahātherānaṃ nikkhamanokāso na hoti, tasmā evaṃ vuttaṃ. Evaṃ nivattantehi pana navakehi gehadvāre ṭhatvā theresu nikkhantesu paṭipāṭiyā gantabbaṃ. Sace pana mahātherā dhure nisinnā honti, navakā antogehe , therāsanato paṭṭhāya paṭipāṭiyā eva nikkhamitabbaṃ. Kāyena kāyaṃ aghaṭṭentena yathā antarena manussā gantuṃ sakkonti, evaṃ viraḷāya paṭipāṭiyā gantabbaṃ.
бхад̇д̇аг̇г̇авад̇д̇агат̇аа нидтид̇аа.
Bhattaggavattakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
