| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
5. бхад̇д̇аг̇г̇авад̇д̇агат̇аа
5. Bhattaggavattakathā
363. д̇зна ко бана самаязна чаб̣б̣аг̇г̇ияаа бхигкуу д̣̇уннивад̇т̇аа д̣̇уббааруд̇аа анаагаббасамбаннаа бхад̇д̇аг̇г̇ам̣ г̇ажчанд̇и, воггаммаби т̇зраанам̣ бхигкуунам̣ бурад̇о бурад̇о г̇ажчанд̇и, т̇зрзби бхигкуу анубакаж̇ж̇а нисийд̣̇анд̇и , навзби бхигкуу аасанзна бадиб̣ааханд̇и, сан̇гхаадимби од̇т̇арид̇ваа анд̇арагхарз нисийд̣̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу д̣̇уннивад̇т̇аа д̣̇уббааруд̇аа анаагаббасамбаннаа бхад̇д̇аг̇г̇ам̣ г̇ажчиссанд̇и, воггаммаби т̇зраанам̣ бхигкуунам̣ бурад̇о бурад̇о г̇ажчиссанд̇и, т̇зрзби бхигкуу анубакаж̇ж̇а нисийд̣̇иссанд̇и, навзби бхигкуу аасанзнаби бадиб̣аахиссанд̇и, сан̇гхаадимби од̇т̇арид̇ваа анд̇арагхарз нисийд̣̇иссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу д̣̇уннивад̇т̇аа д̣̇уббааруд̇аа анаагаббасамбаннаа бхад̇д̇аг̇г̇ам̣ г̇ажчанд̇и, воггаммаби т̇зраанам̣ бхигкуунам̣ бурад̇о бурад̇о г̇ажчанд̇и, т̇зрзби бхигкуу анубакаж̇ж̇а нисийд̣̇анд̇и, навзби бхигкуу аасанзна бадиб̣ааханд̇и, сан̇гхаадимби од̇т̇арид̇ваа анд̇арагхарз нисийд̣̇анд̇ий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
363. Tena kho pana samayena chabbaggiyā bhikkhū dunnivatthā duppārutā anākappasampannā bhattaggaṃ gacchanti, vokkammapi therānaṃ bhikkhūnaṃ purato purato gacchanti, therepi bhikkhū anupakhajja nisīdanti , navepi bhikkhū āsanena paṭibāhanti, saṅghāṭimpi ottharitvā antaraghare nisīdanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū dunnivatthā duppārutā anākappasampannā bhattaggaṃ gacchissanti, vokkammapi therānaṃ bhikkhūnaṃ purato purato gacchissanti, therepi bhikkhū anupakhajja nisīdissanti, navepi bhikkhū āsanenapi paṭibāhissanti, saṅghāṭimpi ottharitvā antaraghare nisīdissantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū dunnivatthā duppārutā anākappasampannā bhattaggaṃ gacchanti, vokkammapi therānaṃ bhikkhūnaṃ purato purato gacchanti, therepi bhikkhū anupakhajja nisīdanti, navepi bhikkhū āsanena paṭibāhanti, saṅghāṭimpi ottharitvā antaraghare nisīdantī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi –
364. ‘‘д̇зна хи, бхигкавз, бхигкуунам̣ бхад̇д̇аг̇г̇авад̇д̇ам̣ бан̃н̃абзссаами яат̇аа бхигкуухи бхад̇д̇аг̇г̇з саммаа вад̇д̇ид̇аб̣б̣ам̣. сажз аараамз гаало аарожид̇о ход̇и, д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇ваа гааяаб̣анд̇ханам̣ б̣анд̇хид̇ваа саг̇ун̣ам̣ гад̇ваа сан̇гхаадияо баарубид̇ваа г̇ан̣тигам̣ бадимун̃жид̇ваа д̇ховид̇ваа бад̇д̇ам̣ г̇ахзд̇ваа саад̇хугам̣ ад̇арамаанзна г̇аамо бависид̇аб̣б̣о.
364. ‘‘Tena hi, bhikkhave, bhikkhūnaṃ bhattaggavattaṃ paññapessāmi yathā bhikkhūhi bhattagge sammā vattitabbaṃ. Sace ārāme kālo ārocito hoti, timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā sādhukaṃ ataramānena gāmo pavisitabbo.
‘‘на воггамма т̇зраанам̣ бхигкуунам̣ бурад̇о бурад̇о г̇анд̇аб̣б̣ам̣. суббадижчаннзна анд̇арагхарз г̇анд̇аб̣б̣ам̣. сусам̣вуд̇зна анд̇арагхарз г̇анд̇аб̣б̣ам̣. огкид̇д̇ажагкунаа анд̇арагхарз г̇анд̇аб̣б̣ам̣. на угкид̇д̇агааяа анд̇арагхарз г̇анд̇аб̣б̣ам̣. на уж̇ж̇аг̇гхигааяа анд̇арагхарз г̇анд̇аб̣б̣ам̣. аббасад̣̇д̣̇зна анд̇арагхарз г̇анд̇аб̣б̣ам̣. на гааяаббажаалагам̣ анд̇арагхарз г̇анд̇аб̣б̣ам̣ . на б̣аахуббажаалагам̣ анд̇арагхарз г̇анд̇аб̣б̣ам̣. на сийсаббажаалагам̣ анд̇арагхарз г̇анд̇аб̣б̣ам̣. на камбхагад̇зна анд̇арагхарз г̇анд̇аб̣б̣ам̣. на ог̇ун̣тид̇зна анд̇арагхарз г̇анд̇аб̣б̣ам̣. на уггудигааяа анд̇арагхарз г̇анд̇аб̣б̣ам̣.
‘‘Na vokkamma therānaṃ bhikkhūnaṃ purato purato gantabbaṃ. Suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ . Na bāhuppacālakaṃ antaraghare gantabbaṃ. Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ.
‘‘суббадижчаннзна анд̇арагхарз нисийд̣̇ид̇аб̣б̣ам̣. сусам̣вуд̇зна анд̇арагхарз нисийд̣̇ид̇аб̣б̣ам̣. огкид̇д̇ажагкунаа анд̇арагхарз нисийд̣̇ид̇аб̣б̣ам̣. на угкид̇д̇агааяа анд̇арагхарз нисийд̣̇ид̇аб̣б̣ам̣ на уж̇ж̇аг̇гхигааяа анд̇арагхарз нисийд̣̇ид̇аб̣б̣ам̣, аббасад̣̇д̣̇зна анд̇арагхарз нисийд̣̇ид̇аб̣б̣а. на гааяаббажаалагам̣ анд̇арагхарз нисийд̣̇ид̇аб̣б̣ам̣. на б̣аахуббажаалагам̣ анд̇арагхарз нисийд̣̇ид̇аб̣б̣ам̣. на сийсаббажаалагам̣ анд̇арагхарз нисийд̣̇ид̇аб̣б̣ам̣. на камбхагад̇зна анд̇арагхарз нисийд̣̇ид̇аб̣б̣ам̣. на ог̇ун̣тид̇зна анд̇арагхарз нисийд̣̇ид̇аб̣б̣ам̣. на баллад̇т̇игааяа анд̇арагхарз нисийд̣̇ид̇аб̣б̣ам̣. на т̇зрз бхигкуу анубакаж̇ж̇а нисийд̣̇ид̇аб̣б̣ам̣. на наваа бхигкуу аасанзна бадиб̣аахид̇аб̣б̣аа. на сан̇гхаадим̣ од̇т̇арид̇ваа анд̇арагхарз нисийд̣̇ид̇аб̣б̣ам̣.
‘‘Suppaṭicchannena antaraghare nisīditabbaṃ. Susaṃvutena antaraghare nisīditabbaṃ. Okkhittacakkhunā antaraghare nisīditabbaṃ. Na ukkhittakāya antaraghare nisīditabbaṃ na ujjagghikāya antaraghare nisīditabbaṃ, appasaddena antaraghare nisīditabba. Na kāyappacālakaṃ antaraghare nisīditabbaṃ. Na bāhuppacālakaṃ antaraghare nisīditabbaṃ. Na sīsappacālakaṃ antaraghare nisīditabbaṃ. Na khambhakatena antaraghare nisīditabbaṃ. Na oguṇṭhitena antaraghare nisīditabbaṃ. Na pallatthikāya antaraghare nisīditabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā. Na saṅghāṭiṃ ottharitvā antaraghare nisīditabbaṃ.
‘‘уд̣̇агз д̣̇ияяамаанз убхохи хад̇т̇зхи бад̇д̇ам̣ бадиг̇г̇ахзд̇ваа уд̣̇агам̣ бадиг̇г̇ахзд̇аб̣б̣ам̣. нийжам̣ гад̇ваа саад̇хугам̣ аббадигхам̣санд̇зна бад̇д̇о д̇ховид̇аб̣б̣о. сажз уд̣̇агаббадиг̇г̇аахаго ход̇и, нийжам̣ гад̇ваа уд̣̇агаббадиг̇г̇ахз уд̣̇агам̣ аасин̃жид̇аб̣б̣ам̣ – маа уд̣̇агаббадиг̇г̇аахаго уд̣̇агзна осин̃жи 1, маа сааманд̇аа бхигкуу уд̣̇агзна осин̃жим̣су 2, маа сан̇гхаади уд̣̇агзна осин̃жийд̇и. сажз уд̣̇агаббадиг̇г̇аахаго на ход̇и, нийжам̣ гад̇ваа чамааяа уд̣̇агам̣ аасин̃жид̇аб̣б̣ам̣ – маа сааманд̇аа бхигкуу уд̣̇агзна осин̃жим̣су, маа сан̇гхаади уд̣̇агзна осин̃жийд̇и.
‘‘Udake diyyamāne ubhohi hatthehi pattaṃ paṭiggahetvā udakaṃ paṭiggahetabbaṃ. Nīcaṃ katvā sādhukaṃ appaṭighaṃsantena patto dhovitabbo. Sace udakappaṭiggāhako hoti, nīcaṃ katvā udakappaṭiggahe udakaṃ āsiñcitabbaṃ – mā udakappaṭiggāhako udakena osiñci 3, mā sāmantā bhikkhū udakena osiñciṃsu 4, mā saṅghāṭi udakena osiñcīti. Sace udakappaṭiggāhako na hoti, nīcaṃ katvā chamāya udakaṃ āsiñcitabbaṃ – mā sāmantā bhikkhū udakena osiñciṃsu, mā saṅghāṭi udakena osiñcīti.
‘‘од̣̇анз д̣̇ияяамаанз убхохи хад̇т̇зхи бад̇д̇ам̣ бадиг̇г̇ахзд̇ваа од̣̇ано бадиг̇г̇ахзд̇аб̣б̣о, суубасса огаасо гаад̇аб̣б̣о. сажз ход̇и сабби ваа д̇злам̣ ваа уд̇д̇арибхан̇г̇ам̣ ваа, т̇зрзна вад̇д̇аб̣б̣о – ‘саб̣б̣зсам̣ самагам̣ самбаад̣̇зхий’д̇и. саггажжам̣ бин̣д̣абаад̇о бадиг̇г̇ахзд̇аб̣б̣о. бад̇д̇асан̃н̃инаа бин̣д̣абаад̇о бадиг̇г̇ахзд̇аб̣б̣о. самасуубаго бин̣д̣абаад̇о бадиг̇г̇ахзд̇аб̣б̣о. самад̇ид̇д̇иго бин̣д̣абаад̇о бадиг̇г̇ахзд̇аб̣б̣о.
‘‘Odane diyyamāne ubhohi hatthehi pattaṃ paṭiggahetvā odano paṭiggahetabbo, sūpassa okāso kātabbo. Sace hoti sappi vā telaṃ vā uttaribhaṅgaṃ vā, therena vattabbo – ‘sabbesaṃ samakaṃ sampādehī’ti. Sakkaccaṃ piṇḍapāto paṭiggahetabbo. Pattasaññinā piṇḍapāto paṭiggahetabbo. Samasūpako piṇḍapāto paṭiggahetabbo. Samatittiko piṇḍapāto paṭiggahetabbo.
‘‘на д̇аава т̇зрзна бхун̃ж̇ид̇аб̣б̣ам̣ яаава на саб̣б̣зсам̣ од̣̇ано самбад̇д̇о ход̇и. саггажжам̣ бин̣д̣абаад̇о бхун̃ж̇ид̇аб̣б̣о. бад̇д̇асан̃н̃инаа бин̣д̣абаад̇о бхун̃ж̇ид̇аб̣б̣о. сабад̣̇аанам̣ бин̣д̣абаад̇о бхун̃ж̇ид̇аб̣б̣о. самасуубаго бин̣д̣абаад̇о бхун̃ж̇ид̇аб̣б̣о . на т̇уубагад̇о омад̣̇д̣̇ид̇ваа бин̣д̣ибаад̇о бхун̃ж̇ид̇аб̣б̣о. на суубам̣ ваа б̣яан̃ж̇анам̣ ваа од̣̇анзна бадижчаад̣̇зд̇аб̣б̣ам̣ бхияяогамяад̇ам̣ убаад̣̇ааяа. на суубам̣ ваа од̣̇анам̣ ваа аг̇илаанзна ад̇д̇ано ад̇т̇ааяа вин̃н̃аабзд̇ваа бхун̃ж̇ид̇аб̣б̣ам̣. на уж̇жхаанасан̃н̃инаа барзсам̣ бад̇д̇о ологзд̇аб̣б̣о. наад̇имаханд̇о габ̣ал̣о гаад̇аб̣б̣о. бариман̣д̣ало аалобо гаад̇аб̣б̣о. на анаахадз габ̣ал̣з мукад̣̇ваарам̣ виварид̇аб̣б̣ам̣. на бхун̃ж̇амаанзна саб̣б̣о хад̇т̇о мукз багкибид̇аб̣б̣о. на сагаб̣ал̣зна мукзна б̣яаахарид̇аб̣б̣ам̣. на бин̣д̣угкзбагам̣ бхун̃ж̇ид̇аб̣б̣ам̣. на габ̣ал̣ааважчзд̣̇агам̣ бхун̃ж̇ид̇аб̣б̣ам̣. на аваг̇ан̣д̣агаарагам̣ бхун̃ж̇ид̇аб̣б̣ам̣. на хад̇т̇анид̣̇д̇хунагам̣ бхун̃ж̇ид̇аб̣б̣ам̣. на сид̇т̇аавагаарагам̣ бхун̃ж̇ид̇аб̣б̣ам̣. на ж̇ивхаанижчаарагам̣ бхун̃ж̇ид̇аб̣б̣ам̣. на жабужабугаарагам̣ бхун̃ж̇ид̇аб̣б̣ам̣. на сурусуругаарагам̣ бхун̃ж̇ид̇аб̣б̣ам̣. на хад̇т̇аниллзхагам̣ бхун̃ж̇ид̇аб̣б̣ам̣. на бад̇д̇аниллзхагам̣ бхун̃ж̇ид̇аб̣б̣ам̣. на одтаниллзхагам̣ бхун̃ж̇ид̇аб̣б̣ам̣.
‘‘Na tāva therena bhuñjitabbaṃ yāva na sabbesaṃ odano sampatto hoti. Sakkaccaṃ piṇḍapāto bhuñjitabbo. Pattasaññinā piṇḍapāto bhuñjitabbo. Sapadānaṃ piṇḍapāto bhuñjitabbo. Samasūpako piṇḍapāto bhuñjitabbo . Na thūpakato omadditvā piṇḍipāto bhuñjitabbo. Na sūpaṃ vā byañjanaṃ vā odanena paṭicchādetabbaṃ bhiyyokamyataṃ upādāya. Na sūpaṃ vā odanaṃ vā agilānena attano atthāya viññāpetvā bhuñjitabbaṃ. Na ujjhānasaññinā paresaṃ patto oloketabbo. Nātimahanto kabaḷo kātabbo. Parimaṇḍalo ālopo kātabbo. Na anāhaṭe kabaḷe mukhadvāraṃ vivaritabbaṃ. Na bhuñjamānena sabbo hattho mukhe pakkhipitabbo. Na sakabaḷena mukhena byāharitabbaṃ. Na piṇḍukkhepakaṃ bhuñjitabbaṃ. Na kabaḷāvacchedakaṃ bhuñjitabbaṃ. Na avagaṇḍakārakaṃ bhuñjitabbaṃ. Na hatthaniddhunakaṃ bhuñjitabbaṃ. Na sitthāvakārakaṃ bhuñjitabbaṃ. Na jivhānicchārakaṃ bhuñjitabbaṃ. Na capucapukārakaṃ bhuñjitabbaṃ. Na surusurukārakaṃ bhuñjitabbaṃ. Na hatthanillehakaṃ bhuñjitabbaṃ. Na pattanillehakaṃ bhuñjitabbaṃ. Na oṭṭhanillehakaṃ bhuñjitabbaṃ.
‘‘на саамисзна хад̇т̇зна баанийяат̇аалаго бадиг̇г̇ахзд̇аб̣б̣о. на д̇аава т̇зрзна уд̣̇агам̣ бадиг̇г̇ахзд̇аб̣б̣ам̣ яаава на саб̣б̣зва бхуд̇д̇аавино хонд̇и. уд̣̇агз д̣̇ияяамаанз убхохи хад̇т̇зхи бад̇д̇ам̣ бадиг̇г̇ахзд̇ваа уд̣̇агам̣ бадиг̇г̇ахзд̇аб̣б̣ам̣. нийжам̣ гад̇ваа саад̇хугам̣ аббадигхам̣санд̇зна бад̇д̇о д̇ховид̇аб̣б̣о. сажз уд̣̇агаббадиг̇г̇аахаго ход̇и, нийжам̣ гад̇ваа уд̣̇агаббадиг̇г̇ахз уд̣̇агам̣ аасин̃жид̇аб̣б̣ам̣ – маа уд̣̇агаббадиг̇г̇аахаго уд̣̇агзна осин̃жи, маа сааманд̇аа бхигкуу уд̣̇агзна осин̃жим̣су, маа сан̇гхаади уд̣̇агзна осин̃жийд̇и. сажз уд̣̇агаббадиг̇г̇аахаго на ход̇и, нийжам̣ гад̇ваа чамааяа уд̣̇агам̣ аасин̃жид̇аб̣б̣ам̣ – маа сааманд̇аа бхигкуу уд̣̇агзна осин̃жим̣су, маа сан̇гхаади уд̣̇агзна осин̃жийд̇и. на сасид̇т̇агам̣ бад̇д̇ад̇хованам̣ анд̇арагхарз чад̣д̣зд̇аб̣б̣ам̣.
‘‘Na sāmisena hatthena pānīyathālako paṭiggahetabbo. Na tāva therena udakaṃ paṭiggahetabbaṃ yāva na sabbeva bhuttāvino honti. Udake diyyamāne ubhohi hatthehi pattaṃ paṭiggahetvā udakaṃ paṭiggahetabbaṃ. Nīcaṃ katvā sādhukaṃ appaṭighaṃsantena patto dhovitabbo. Sace udakappaṭiggāhako hoti, nīcaṃ katvā udakappaṭiggahe udakaṃ āsiñcitabbaṃ – mā udakappaṭiggāhako udakena osiñci, mā sāmantā bhikkhū udakena osiñciṃsu, mā saṅghāṭi udakena osiñcīti. Sace udakappaṭiggāhako na hoti, nīcaṃ katvā chamāya udakaṃ āsiñcitabbaṃ – mā sāmantā bhikkhū udakena osiñciṃsu, mā saṅghāṭi udakena osiñcīti. Na sasitthakaṃ pattadhovanaṃ antaraghare chaḍḍetabbaṃ.
‘‘нивад̇д̇анд̇зна навагзхи бхигкуухи батамад̇арам̣ нивад̇д̇ид̇аб̣б̣ам̣. бажчаа т̇зрзхи суббадижчаннзна анд̇арагхарз г̇анд̇аб̣б̣ам̣. сусам̣вуд̇зна анд̇арагхарз г̇анд̇аб̣б̣ам̣. огкид̇д̇ажагкунаа анд̇арагхарз г̇анд̇аб̣б̣ам̣. на угкид̇д̇агааяа анд̇арагхарз г̇анд̇аб̣б̣ам̣. на уж̇ж̇аг̇гхигааяа анд̇арагхарз г̇анд̇аб̣б̣ам̣. аббасад̣̇д̣̇зна анд̇арагхарз г̇анд̇аб̣б̣ам̣. на гааяаббажаалагам̣ анд̇арагхарз г̇анд̇аб̣б̣ам̣. на б̣аахуббажаалагам̣ анд̇арагхарз г̇анд̇аб̣б̣ам̣ . на сийсаббажаалагам̣ анд̇арагхарз г̇анд̇аб̣б̣ам̣. на камбхагад̇зна анд̇арагхарз г̇анд̇аб̣б̣ам̣. на ог̇ун̣тид̇зна анд̇арагхарз г̇анд̇аб̣б̣ам̣. на уггудигааяа анд̇арагхарз г̇анд̇аб̣б̣ам̣. ид̣̇ам̣ ко, бхигкавз, бхигкуунам̣ бхад̇д̇аг̇г̇авад̇д̇ам̣ яат̇аа бхигкуухи бхад̇д̇аг̇г̇з саммаа вад̇д̇ид̇аб̣б̣а’’нд̇и.
‘‘Nivattantena navakehi bhikkhūhi paṭhamataraṃ nivattitabbaṃ. Pacchā therehi suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ. Na bāhuppacālakaṃ antaraghare gantabbaṃ . Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ. Idaṃ kho, bhikkhave, bhikkhūnaṃ bhattaggavattaṃ yathā bhikkhūhi bhattagge sammā vattitabba’’nti.
батамабхаан̣авааро нидтид̇о.
Paṭhamabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бхад̇д̇аг̇г̇авад̇д̇агат̇аа • Bhattaggavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
