| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੫. ਭਤ੍ਤਗ੍ਗવਤ੍ਤਕਥਾ
5. Bhattaggavattakathā
੩੬੩. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਦੁਨ੍ਨਿવਤ੍ਥਾ ਦੁਪ੍ਪਾਰੁਤਾ ਅਨਾਕਪ੍ਪਸਮ੍ਪਨ੍ਨਾ ਭਤ੍ਤਗ੍ਗਂ ਗਚ੍ਛਨ੍ਤਿ, વੋਕ੍ਕਮ੍ਮਪਿ ਥੇਰਾਨਂ ਭਿਕ੍ਖੂਨਂ ਪੁਰਤੋ ਪੁਰਤੋ ਗਚ੍ਛਨ੍ਤਿ, ਥੇਰੇਪਿ ਭਿਕ੍ਖੂ ਅਨੁਪਖਜ੍ਜ ਨਿਸੀਦਨ੍ਤਿ , ਨવੇਪਿ ਭਿਕ੍ਖੂ ਆਸਨੇਨ ਪਟਿਬਾਹਨ੍ਤਿ, ਸਙ੍ਘਾਟਿਮ੍ਪਿ ਓਤ੍ਥਰਿਤ੍વਾ ਅਨ੍ਤਰਘਰੇ ਨਿਸੀਦਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਦੁਨ੍ਨਿવਤ੍ਥਾ ਦੁਪ੍ਪਾਰੁਤਾ ਅਨਾਕਪ੍ਪਸਮ੍ਪਨ੍ਨਾ ਭਤ੍ਤਗ੍ਗਂ ਗਚ੍ਛਿਸ੍ਸਨ੍ਤਿ, વੋਕ੍ਕਮ੍ਮਪਿ ਥੇਰਾਨਂ ਭਿਕ੍ਖੂਨਂ ਪੁਰਤੋ ਪੁਰਤੋ ਗਚ੍ਛਿਸ੍ਸਨ੍ਤਿ, ਥੇਰੇਪਿ ਭਿਕ੍ਖੂ ਅਨੁਪਖਜ੍ਜ ਨਿਸੀਦਿਸ੍ਸਨ੍ਤਿ, ਨવੇਪਿ ਭਿਕ੍ਖੂ ਆਸਨੇਨਪਿ ਪਟਿਬਾਹਿਸ੍ਸਨ੍ਤਿ, ਸਙ੍ਘਾਟਿਮ੍ਪਿ ਓਤ੍ਥਰਿਤ੍વਾ ਅਨ੍ਤਰਘਰੇ ਨਿਸੀਦਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਛਬ੍ਬਗ੍ਗਿਯਾ ਭਿਕ੍ਖੂ ਦੁਨ੍ਨਿવਤ੍ਥਾ ਦੁਪ੍ਪਾਰੁਤਾ ਅਨਾਕਪ੍ਪਸਮ੍ਪਨ੍ਨਾ ਭਤ੍ਤਗ੍ਗਂ ਗਚ੍ਛਨ੍ਤਿ, વੋਕ੍ਕਮ੍ਮਪਿ ਥੇਰਾਨਂ ਭਿਕ੍ਖੂਨਂ ਪੁਰਤੋ ਪੁਰਤੋ ਗਚ੍ਛਨ੍ਤਿ, ਥੇਰੇਪਿ ਭਿਕ੍ਖੂ ਅਨੁਪਖਜ੍ਜ ਨਿਸੀਦਨ੍ਤਿ, ਨવੇਪਿ ਭਿਕ੍ਖੂ ਆਸਨੇਨ ਪਟਿਬਾਹਨ੍ਤਿ, ਸਙ੍ਘਾਟਿਮ੍ਪਿ ਓਤ੍ਥਰਿਤ੍વਾ ਅਨ੍ਤਰਘਰੇ ਨਿਸੀਦਨ੍ਤੀ’’ਤਿ? ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
363. Tena kho pana samayena chabbaggiyā bhikkhū dunnivatthā duppārutā anākappasampannā bhattaggaṃ gacchanti, vokkammapi therānaṃ bhikkhūnaṃ purato purato gacchanti, therepi bhikkhū anupakhajja nisīdanti , navepi bhikkhū āsanena paṭibāhanti, saṅghāṭimpi ottharitvā antaraghare nisīdanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū dunnivatthā duppārutā anākappasampannā bhattaggaṃ gacchissanti, vokkammapi therānaṃ bhikkhūnaṃ purato purato gacchissanti, therepi bhikkhū anupakhajja nisīdissanti, navepi bhikkhū āsanenapi paṭibāhissanti, saṅghāṭimpi ottharitvā antaraghare nisīdissantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū dunnivatthā duppārutā anākappasampannā bhattaggaṃ gacchanti, vokkammapi therānaṃ bhikkhūnaṃ purato purato gacchanti, therepi bhikkhū anupakhajja nisīdanti, navepi bhikkhū āsanena paṭibāhanti, saṅghāṭimpi ottharitvā antaraghare nisīdantī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi –
੩੬੪. ‘‘ਤੇਨ ਹਿ, ਭਿਕ੍ਖવੇ, ਭਿਕ੍ਖੂਨਂ ਭਤ੍ਤਗ੍ਗવਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਭਿਕ੍ਖੂਹਿ ਭਤ੍ਤਗ੍ਗੇ ਸਮ੍ਮਾ વਤ੍ਤਿਤਬ੍ਬਂ। ਸਚੇ ਆਰਾਮੇ ਕਾਲੋ ਆਰੋਚਿਤੋ ਹੋਤਿ, ਤਿਮਣ੍ਡਲਂ ਪਟਿਚ੍ਛਾਦੇਨ੍ਤੇਨ ਪਰਿਮਣ੍ਡਲਂ ਨਿવਾਸੇਤ੍વਾ ਕਾਯਬਨ੍ਧਨਂ ਬਨ੍ਧਿਤ੍વਾ ਸਗੁਣਂ ਕਤ੍વਾ ਸਙ੍ਘਾਟਿਯੋ ਪਾਰੁਪਿਤ੍વਾ ਗਣ੍ਠਿਕਂ ਪਟਿਮੁਞ੍ਚਿਤ੍વਾ ਧੋવਿਤ੍વਾ ਪਤ੍ਤਂ ਗਹੇਤ੍વਾ ਸਾਧੁਕਂ ਅਤਰਮਾਨੇਨ ਗਾਮੋ ਪવਿਸਿਤਬ੍ਬੋ।
364. ‘‘Tena hi, bhikkhave, bhikkhūnaṃ bhattaggavattaṃ paññapessāmi yathā bhikkhūhi bhattagge sammā vattitabbaṃ. Sace ārāme kālo ārocito hoti, timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā sādhukaṃ ataramānena gāmo pavisitabbo.
‘‘ਨ વੋਕ੍ਕਮ੍ਮ ਥੇਰਾਨਂ ਭਿਕ੍ਖੂਨਂ ਪੁਰਤੋ ਪੁਰਤੋ ਗਨ੍ਤਬ੍ਬਂ। ਸੁਪ੍ਪਟਿਚ੍ਛਨ੍ਨੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਸੁਸਂવੁਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਓਕ੍ਖਿਤ੍ਤਚਕ੍ਖੁਨਾ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਅਪ੍ਪਸਦ੍ਦੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ । ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਖਮ੍ਭਕਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਓਗੁਣ੍ਠਿਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਕੁਟਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ।
‘‘Na vokkamma therānaṃ bhikkhūnaṃ purato purato gantabbaṃ. Suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ . Na bāhuppacālakaṃ antaraghare gantabbaṃ. Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ.
‘‘ਸੁਪ੍ਪਟਿਚ੍ਛਨ੍ਨੇਨ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਸੁਸਂવੁਤੇਨ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਓਕ੍ਖਿਤ੍ਤਚਕ੍ਖੁਨਾ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਨਿਸੀਦਿਤਬ੍ਬਂ ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਨਿਸੀਦਿਤਬ੍ਬਂ, ਅਪ੍ਪਸਦ੍ਦੇਨ ਅਨ੍ਤਰਘਰੇ ਨਿਸੀਦਿਤਬ੍ਬ। ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਖਮ੍ਭਕਤੇਨ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਓਗੁਣ੍ਠਿਤੇਨ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਪਲ੍ਲਤ੍ਥਿਕਾਯ ਅਨ੍ਤਰਘਰੇ ਨਿਸੀਦਿਤਬ੍ਬਂ। ਨ ਥੇਰੇ ਭਿਕ੍ਖੂ ਅਨੁਪਖਜ੍ਜ ਨਿਸੀਦਿਤਬ੍ਬਂ। ਨ ਨવਾ ਭਿਕ੍ਖੂ ਆਸਨੇਨ ਪਟਿਬਾਹਿਤਬ੍ਬਾ। ਨ ਸਙ੍ਘਾਟਿਂ ਓਤ੍ਥਰਿਤ੍વਾ ਅਨ੍ਤਰਘਰੇ ਨਿਸੀਦਿਤਬ੍ਬਂ।
‘‘Suppaṭicchannena antaraghare nisīditabbaṃ. Susaṃvutena antaraghare nisīditabbaṃ. Okkhittacakkhunā antaraghare nisīditabbaṃ. Na ukkhittakāya antaraghare nisīditabbaṃ na ujjagghikāya antaraghare nisīditabbaṃ, appasaddena antaraghare nisīditabba. Na kāyappacālakaṃ antaraghare nisīditabbaṃ. Na bāhuppacālakaṃ antaraghare nisīditabbaṃ. Na sīsappacālakaṃ antaraghare nisīditabbaṃ. Na khambhakatena antaraghare nisīditabbaṃ. Na oguṇṭhitena antaraghare nisīditabbaṃ. Na pallatthikāya antaraghare nisīditabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā. Na saṅghāṭiṃ ottharitvā antaraghare nisīditabbaṃ.
‘‘ਉਦਕੇ ਦਿਯ੍ਯਮਾਨੇ ਉਭੋਹਿ ਹਤ੍ਥੇਹਿ ਪਤ੍ਤਂ ਪਟਿਗ੍ਗਹੇਤ੍વਾ ਉਦਕਂ ਪਟਿਗ੍ਗਹੇਤਬ੍ਬਂ। ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ ਪਤ੍ਤੋ ਧੋવਿਤਬ੍ਬੋ। ਸਚੇ ਉਦਕਪ੍ਪਟਿਗ੍ਗਾਹਕੋ ਹੋਤਿ, ਨੀਚਂ ਕਤ੍વਾ ਉਦਕਪ੍ਪਟਿਗ੍ਗਹੇ ਉਦਕਂ ਆਸਿਞ੍ਚਿਤਬ੍ਬਂ – ਮਾ ਉਦਕਪ੍ਪਟਿਗ੍ਗਾਹਕੋ ਉਦਕੇਨ ਓਸਿਞ੍ਚਿ 1, ਮਾ ਸਾਮਨ੍ਤਾ ਭਿਕ੍ਖੂ ਉਦਕੇਨ ਓਸਿਞ੍ਚਿਂਸੁ 2, ਮਾ ਸਙ੍ਘਾਟਿ ਉਦਕੇਨ ਓਸਿਞ੍ਚੀਤਿ। ਸਚੇ ਉਦਕਪ੍ਪਟਿਗ੍ਗਾਹਕੋ ਨ ਹੋਤਿ, ਨੀਚਂ ਕਤ੍વਾ ਛਮਾਯ ਉਦਕਂ ਆਸਿਞ੍ਚਿਤਬ੍ਬਂ – ਮਾ ਸਾਮਨ੍ਤਾ ਭਿਕ੍ਖੂ ਉਦਕੇਨ ਓਸਿਞ੍ਚਿਂਸੁ, ਮਾ ਸਙ੍ਘਾਟਿ ਉਦਕੇਨ ਓਸਿਞ੍ਚੀਤਿ।
‘‘Udake diyyamāne ubhohi hatthehi pattaṃ paṭiggahetvā udakaṃ paṭiggahetabbaṃ. Nīcaṃ katvā sādhukaṃ appaṭighaṃsantena patto dhovitabbo. Sace udakappaṭiggāhako hoti, nīcaṃ katvā udakappaṭiggahe udakaṃ āsiñcitabbaṃ – mā udakappaṭiggāhako udakena osiñci 3, mā sāmantā bhikkhū udakena osiñciṃsu 4, mā saṅghāṭi udakena osiñcīti. Sace udakappaṭiggāhako na hoti, nīcaṃ katvā chamāya udakaṃ āsiñcitabbaṃ – mā sāmantā bhikkhū udakena osiñciṃsu, mā saṅghāṭi udakena osiñcīti.
‘‘ਓਦਨੇ ਦਿਯ੍ਯਮਾਨੇ ਉਭੋਹਿ ਹਤ੍ਥੇਹਿ ਪਤ੍ਤਂ ਪਟਿਗ੍ਗਹੇਤ੍વਾ ਓਦਨੋ ਪਟਿਗ੍ਗਹੇਤਬ੍ਬੋ, ਸੂਪਸ੍ਸ ਓਕਾਸੋ ਕਾਤਬ੍ਬੋ। ਸਚੇ ਹੋਤਿ ਸਪ੍ਪਿ વਾ ਤੇਲਂ વਾ ਉਤ੍ਤਰਿਭਙ੍ਗਂ વਾ, ਥੇਰੇਨ વਤ੍ਤਬ੍ਬੋ – ‘ਸਬ੍ਬੇਸਂ ਸਮਕਂ ਸਮ੍ਪਾਦੇਹੀ’ਤਿ। ਸਕ੍ਕਚ੍ਚਂ ਪਿਣ੍ਡਪਾਤੋ ਪਟਿਗ੍ਗਹੇਤਬ੍ਬੋ। ਪਤ੍ਤਸਞ੍ਞਿਨਾ ਪਿਣ੍ਡਪਾਤੋ ਪਟਿਗ੍ਗਹੇਤਬ੍ਬੋ। ਸਮਸੂਪਕੋ ਪਿਣ੍ਡਪਾਤੋ ਪਟਿਗ੍ਗਹੇਤਬ੍ਬੋ। ਸਮਤਿਤ੍ਤਿਕੋ ਪਿਣ੍ਡਪਾਤੋ ਪਟਿਗ੍ਗਹੇਤਬ੍ਬੋ।
‘‘Odane diyyamāne ubhohi hatthehi pattaṃ paṭiggahetvā odano paṭiggahetabbo, sūpassa okāso kātabbo. Sace hoti sappi vā telaṃ vā uttaribhaṅgaṃ vā, therena vattabbo – ‘sabbesaṃ samakaṃ sampādehī’ti. Sakkaccaṃ piṇḍapāto paṭiggahetabbo. Pattasaññinā piṇḍapāto paṭiggahetabbo. Samasūpako piṇḍapāto paṭiggahetabbo. Samatittiko piṇḍapāto paṭiggahetabbo.
‘‘ਨ ਤਾવ ਥੇਰੇਨ ਭੁਞ੍ਜਿਤਬ੍ਬਂ ਯਾવ ਨ ਸਬ੍ਬੇਸਂ ਓਦਨੋ ਸਮ੍ਪਤ੍ਤੋ ਹੋਤਿ। ਸਕ੍ਕਚ੍ਚਂ ਪਿਣ੍ਡਪਾਤੋ ਭੁਞ੍ਜਿਤਬ੍ਬੋ। ਪਤ੍ਤਸਞ੍ਞਿਨਾ ਪਿਣ੍ਡਪਾਤੋ ਭੁਞ੍ਜਿਤਬ੍ਬੋ। ਸਪਦਾਨਂ ਪਿਣ੍ਡਪਾਤੋ ਭੁਞ੍ਜਿਤਬ੍ਬੋ। ਸਮਸੂਪਕੋ ਪਿਣ੍ਡਪਾਤੋ ਭੁਞ੍ਜਿਤਬ੍ਬੋ । ਨ ਥੂਪਕਤੋ ਓਮਦ੍ਦਿਤ੍વਾ ਪਿਣ੍ਡਿਪਾਤੋ ਭੁਞ੍ਜਿਤਬ੍ਬੋ। ਨ ਸੂਪਂ વਾ ਬ੍ਯਞ੍ਜਨਂ વਾ ਓਦਨੇਨ ਪਟਿਚ੍ਛਾਦੇਤਬ੍ਬਂ ਭਿਯ੍ਯੋਕਮ੍ਯਤਂ ਉਪਾਦਾਯ। ਨ ਸੂਪਂ વਾ ਓਦਨਂ વਾ ਅਗਿਲਾਨੇਨ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾ ਭੁਞ੍ਜਿਤਬ੍ਬਂ। ਨ ਉਜ੍ਝਾਨਸਞ੍ਞਿਨਾ ਪਰੇਸਂ ਪਤ੍ਤੋ ਓਲੋਕੇਤਬ੍ਬੋ। ਨਾਤਿਮਹਨ੍ਤੋ ਕਬਲ਼ੋ ਕਾਤਬ੍ਬੋ। ਪਰਿਮਣ੍ਡਲੋ ਆਲੋਪੋ ਕਾਤਬ੍ਬੋ। ਨ ਅਨਾਹਟੇ ਕਬਲ਼ੇ ਮੁਖਦ੍વਾਰਂ વਿવਰਿਤਬ੍ਬਂ। ਨ ਭੁਞ੍ਜਮਾਨੇਨ ਸਬ੍ਬੋ ਹਤ੍ਥੋ ਮੁਖੇ ਪਕ੍ਖਿਪਿਤਬ੍ਬੋ। ਨ ਸਕਬਲ਼ੇਨ ਮੁਖੇਨ ਬ੍ਯਾਹਰਿਤਬ੍ਬਂ। ਨ ਪਿਣ੍ਡੁਕ੍ਖੇਪਕਂ ਭੁਞ੍ਜਿਤਬ੍ਬਂ। ਨ ਕਬਲ਼ਾવਚ੍ਛੇਦਕਂ ਭੁਞ੍ਜਿਤਬ੍ਬਂ। ਨ ਅવਗਣ੍ਡਕਾਰਕਂ ਭੁਞ੍ਜਿਤਬ੍ਬਂ। ਨ ਹਤ੍ਥਨਿਦ੍ਧੁਨਕਂ ਭੁਞ੍ਜਿਤਬ੍ਬਂ। ਨ ਸਿਤ੍ਥਾવਕਾਰਕਂ ਭੁਞ੍ਜਿਤਬ੍ਬਂ। ਨ ਜਿવ੍ਹਾਨਿਚ੍ਛਾਰਕਂ ਭੁਞ੍ਜਿਤਬ੍ਬਂ। ਨ ਚਪੁਚਪੁਕਾਰਕਂ ਭੁਞ੍ਜਿਤਬ੍ਬਂ। ਨ ਸੁਰੁਸੁਰੁਕਾਰਕਂ ਭੁਞ੍ਜਿਤਬ੍ਬਂ। ਨ ਹਤ੍ਥਨਿਲ੍ਲੇਹਕਂ ਭੁਞ੍ਜਿਤਬ੍ਬਂ। ਨ ਪਤ੍ਤਨਿਲ੍ਲੇਹਕਂ ਭੁਞ੍ਜਿਤਬ੍ਬਂ। ਨ ਓਟ੍ਠਨਿਲ੍ਲੇਹਕਂ ਭੁਞ੍ਜਿਤਬ੍ਬਂ।
‘‘Na tāva therena bhuñjitabbaṃ yāva na sabbesaṃ odano sampatto hoti. Sakkaccaṃ piṇḍapāto bhuñjitabbo. Pattasaññinā piṇḍapāto bhuñjitabbo. Sapadānaṃ piṇḍapāto bhuñjitabbo. Samasūpako piṇḍapāto bhuñjitabbo . Na thūpakato omadditvā piṇḍipāto bhuñjitabbo. Na sūpaṃ vā byañjanaṃ vā odanena paṭicchādetabbaṃ bhiyyokamyataṃ upādāya. Na sūpaṃ vā odanaṃ vā agilānena attano atthāya viññāpetvā bhuñjitabbaṃ. Na ujjhānasaññinā paresaṃ patto oloketabbo. Nātimahanto kabaḷo kātabbo. Parimaṇḍalo ālopo kātabbo. Na anāhaṭe kabaḷe mukhadvāraṃ vivaritabbaṃ. Na bhuñjamānena sabbo hattho mukhe pakkhipitabbo. Na sakabaḷena mukhena byāharitabbaṃ. Na piṇḍukkhepakaṃ bhuñjitabbaṃ. Na kabaḷāvacchedakaṃ bhuñjitabbaṃ. Na avagaṇḍakārakaṃ bhuñjitabbaṃ. Na hatthaniddhunakaṃ bhuñjitabbaṃ. Na sitthāvakārakaṃ bhuñjitabbaṃ. Na jivhānicchārakaṃ bhuñjitabbaṃ. Na capucapukārakaṃ bhuñjitabbaṃ. Na surusurukārakaṃ bhuñjitabbaṃ. Na hatthanillehakaṃ bhuñjitabbaṃ. Na pattanillehakaṃ bhuñjitabbaṃ. Na oṭṭhanillehakaṃ bhuñjitabbaṃ.
‘‘ਨ ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕੋ ਪਟਿਗ੍ਗਹੇਤਬ੍ਬੋ। ਨ ਤਾવ ਥੇਰੇਨ ਉਦਕਂ ਪਟਿਗ੍ਗਹੇਤਬ੍ਬਂ ਯਾવ ਨ ਸਬ੍ਬੇવ ਭੁਤ੍ਤਾવਿਨੋ ਹੋਨ੍ਤਿ। ਉਦਕੇ ਦਿਯ੍ਯਮਾਨੇ ਉਭੋਹਿ ਹਤ੍ਥੇਹਿ ਪਤ੍ਤਂ ਪਟਿਗ੍ਗਹੇਤ੍વਾ ਉਦਕਂ ਪਟਿਗ੍ਗਹੇਤਬ੍ਬਂ। ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ ਪਤ੍ਤੋ ਧੋવਿਤਬ੍ਬੋ। ਸਚੇ ਉਦਕਪ੍ਪਟਿਗ੍ਗਾਹਕੋ ਹੋਤਿ, ਨੀਚਂ ਕਤ੍વਾ ਉਦਕਪ੍ਪਟਿਗ੍ਗਹੇ ਉਦਕਂ ਆਸਿਞ੍ਚਿਤਬ੍ਬਂ – ਮਾ ਉਦਕਪ੍ਪਟਿਗ੍ਗਾਹਕੋ ਉਦਕੇਨ ਓਸਿਞ੍ਚਿ, ਮਾ ਸਾਮਨ੍ਤਾ ਭਿਕ੍ਖੂ ਉਦਕੇਨ ਓਸਿਞ੍ਚਿਂਸੁ, ਮਾ ਸਙ੍ਘਾਟਿ ਉਦਕੇਨ ਓਸਿਞ੍ਚੀਤਿ। ਸਚੇ ਉਦਕਪ੍ਪਟਿਗ੍ਗਾਹਕੋ ਨ ਹੋਤਿ, ਨੀਚਂ ਕਤ੍વਾ ਛਮਾਯ ਉਦਕਂ ਆਸਿਞ੍ਚਿਤਬ੍ਬਂ – ਮਾ ਸਾਮਨ੍ਤਾ ਭਿਕ੍ਖੂ ਉਦਕੇਨ ਓਸਿਞ੍ਚਿਂਸੁ, ਮਾ ਸਙ੍ਘਾਟਿ ਉਦਕੇਨ ਓਸਿਞ੍ਚੀਤਿ। ਨ ਸਸਿਤ੍ਥਕਂ ਪਤ੍ਤਧੋવਨਂ ਅਨ੍ਤਰਘਰੇ ਛਡ੍ਡੇਤਬ੍ਬਂ।
‘‘Na sāmisena hatthena pānīyathālako paṭiggahetabbo. Na tāva therena udakaṃ paṭiggahetabbaṃ yāva na sabbeva bhuttāvino honti. Udake diyyamāne ubhohi hatthehi pattaṃ paṭiggahetvā udakaṃ paṭiggahetabbaṃ. Nīcaṃ katvā sādhukaṃ appaṭighaṃsantena patto dhovitabbo. Sace udakappaṭiggāhako hoti, nīcaṃ katvā udakappaṭiggahe udakaṃ āsiñcitabbaṃ – mā udakappaṭiggāhako udakena osiñci, mā sāmantā bhikkhū udakena osiñciṃsu, mā saṅghāṭi udakena osiñcīti. Sace udakappaṭiggāhako na hoti, nīcaṃ katvā chamāya udakaṃ āsiñcitabbaṃ – mā sāmantā bhikkhū udakena osiñciṃsu, mā saṅghāṭi udakena osiñcīti. Na sasitthakaṃ pattadhovanaṃ antaraghare chaḍḍetabbaṃ.
‘‘ਨਿવਤ੍ਤਨ੍ਤੇਨ ਨવਕੇਹਿ ਭਿਕ੍ਖੂਹਿ ਪਠਮਤਰਂ ਨਿવਤ੍ਤਿਤਬ੍ਬਂ। ਪਚ੍ਛਾ ਥੇਰੇਹਿ ਸੁਪ੍ਪਟਿਚ੍ਛਨ੍ਨੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਸੁਸਂવੁਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਓਕ੍ਖਿਤ੍ਤਚਕ੍ਖੁਨਾ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਅਪ੍ਪਸਦ੍ਦੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ । ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਖਮ੍ਭਕਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਓਗੁਣ੍ਠਿਤੇਨ ਅਨ੍ਤਰਘਰੇ ਗਨ੍ਤਬ੍ਬਂ। ਨ ਉਕ੍ਕੁਟਿਕਾਯ ਅਨ੍ਤਰਘਰੇ ਗਨ੍ਤਬ੍ਬਂ। ਇਦਂ ਖੋ, ਭਿਕ੍ਖવੇ, ਭਿਕ੍ਖੂਨਂ ਭਤ੍ਤਗ੍ਗવਤ੍ਤਂ ਯਥਾ ਭਿਕ੍ਖੂਹਿ ਭਤ੍ਤਗ੍ਗੇ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Nivattantena navakehi bhikkhūhi paṭhamataraṃ nivattitabbaṃ. Pacchā therehi suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ. Na bāhuppacālakaṃ antaraghare gantabbaṃ . Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ. Idaṃ kho, bhikkhave, bhikkhūnaṃ bhattaggavattaṃ yathā bhikkhūhi bhattagge sammā vattitabba’’nti.
ਪਠਮਭਾਣવਾਰੋ ਨਿਟ੍ਠਿਤੋ।
Paṭhamabhāṇavāro niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਭਤ੍ਤਗ੍ਗવਤ੍ਤਕਥਾ • Bhattaggavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਤ੍ਤਗ੍ਗવਤ੍ਤਕਥਾવਣ੍ਣਨਾ • Bhattaggavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨੁਮੋਦਨવਤ੍ਤਕਥਾવਣ੍ਣਨਾ • Anumodanavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਭਤ੍ਤਗ੍ਗવਤ੍ਤਕਥਾવਣ੍ਣਨਾ • Bhattaggavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਭਤ੍ਤਗ੍ਗવਤ੍ਤਕਥਾ • 5. Bhattaggavattakathā
