| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੫. ਭਤ੍ਤਗ੍ਗવਤ੍ਤਕਥਾ
5. Bhattaggavattakathā
੩੬੪. ਭਤ੍ਤਗ੍ਗવਤ੍ਤੇਤਿ ਭਤ੍ਤਂ ਗਣ੍ਹਨ੍ਤਿ ਏਤ੍ਥਾਤਿ ਭਤ੍ਤਗ੍ਗਂ, ਪਰਿવਿਸਨਟ੍ਠਾਨਂ। ਤਸ੍ਮਿਂ ਕਤ੍ਤਬ੍ਬਂ વਤ੍ਤਂ ਭਤ੍ਤਗ੍ਗવਤ੍ਤਂ, ਤਸ੍ਮਿਂ ਭਤ੍ਤਗ੍ਗવਤ੍ਤੇ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਮਨੁਸ੍ਸਾਨਂ ਪਰਿવਿਸਨਟ੍ਠਾਨਂ ਨਾਮ ਯਤ੍ਥ ਮਨੁਸ੍ਸਾ ਸਪੁਤ੍ਤਦਾਰਾ ਆવਸਿਤ੍વਾ ਭਿਕ੍ਖੂਭੋਜੇਨ੍ਤਿ। ‘‘ਅਤਿਅਲ੍ਲੀਯਿਤ੍વਾ’’ਤਿ ਇਮਿਨਾ ਅਨੁਪਖਜ੍ਜਾਤਿ ਏਤ੍ਥ ਖਦਧਾਤੁਸ੍ਸ ਹਿਂਸਨਂ ਨਾਮ ਅਤਿਅਲ੍ਲੀਯਨਨ੍ਤਿ ਦਸ੍ਸੇਤਿ। ਆਸਨੇਸੁ ਸਤੀਤਿ ਆਸਨੇਸੁ ਸਨ੍ਤੇਸੁ। ਨਿਸੀਦਨ੍ਤਸ੍ਸ ਨવਕਸ੍ਸਾਤਿ ਸਮ੍ਬਨ੍ਧੋ। ਆਪਜ੍ਜਤੀਤਿ ਆਪਤ੍ਤਿਂ ਆਪਜ੍ਜਤਿ। ਆਪੁਚ੍ਛਿਤੇ ਅਨਨੁਜਾਨਨ੍ਤੋ ਥੇਰੋ ਆਪਜ੍ਜਤੀਤਿ ਯੋਜਨਾ। ਸਙ੍ਘਾਟਿਨ੍ਤਿ ਪਾਰੁਤਸਙ੍ਘਾਟਿਂ।
364.Bhattaggavatteti bhattaṃ gaṇhanti etthāti bhattaggaṃ, parivisanaṭṭhānaṃ. Tasmiṃ kattabbaṃ vattaṃ bhattaggavattaṃ, tasmiṃ bhattaggavatte evaṃ vinicchayo veditabboti yojanā. Manussānaṃ parivisanaṭṭhānaṃ nāma yattha manussā saputtadārā āvasitvā bhikkhūbhojenti. ‘‘Atiallīyitvā’’ti iminā anupakhajjāti ettha khadadhātussa hiṃsanaṃ nāma atiallīyananti dasseti. Āsanesu satīti āsanesu santesu. Nisīdantassa navakassāti sambandho. Āpajjatīti āpattiṃ āpajjati. Āpucchite ananujānanto thero āpajjatīti yojanā. Saṅghāṭinti pārutasaṅghāṭiṃ.
ਪਤ੍ਤਧੋવਨਉਦਕਨ੍ਤਿ ਭੁਞ੍ਜਨਤ੍ਥਾਯ ਪਤ੍ਤਾਨਂ ਧੋવਨਉਦਕਂ। ਗਹੇਤਬ੍ਬਨ੍ਤਿ ਹਤ੍ਥੇਨ ਗਹੇਤਬ੍ਬਂ।
Pattadhovanaudakanti bhuñjanatthāya pattānaṃ dhovanaudakaṃ. Gahetabbanti hatthena gahetabbaṃ.
ਯਥਾ ਗਣ੍ਹਿਯਮਾਨੇਤਿ ਯੋਜਨਾ। ਮਤ੍ਤਾਯਾਤਿ ਪਮਾਣਾਯ। ਸਬ੍ਬਿਆਦੀਸੁ ਏવਾਤਿ ਏવਸਦ੍ਦੋ ਅਜ੍ਝਾਹਰਿਤਬ੍ਬੋ। ਸਬ੍ਬਿਆਦੀਸੂਤਿ ਸਬ੍ਬਿਤੇਲਉਤ੍ਤਰਿਭਙ੍ਗੇਸੁ, ਨਿਦ੍ਧਾਰਣੇ ਭੁਮ੍ਮਂ। ਯਨ੍ਤਿ ਸਬ੍ਬਿਆਦਿਕਂ। ਅਪ੍ਪਹੋਤੀਤਿ ਸਬ੍ਬੇਸਂ ਭਿਕ੍ਖੂਨਂ ਨਪ੍ਪਹੋਤਿ। ਤਨ੍ਤਿ ਸਬ੍ਬਿਆਦਿਕਂ, ਸਮ੍ਪਾਦੇਹੀਤਿ ਸਮ੍ਬਨ੍ਧੋ। ਤਾਦਿਸਂ ਸਬ੍ਬਿਆਦਿਕਨ੍ਤਿ ਸਮ੍ਬਨ੍ਧੋ।
Yathā gaṇhiyamāneti yojanā. Mattāyāti pamāṇāya. Sabbiādīsu evāti evasaddo ajjhāharitabbo. Sabbiādīsūti sabbitelauttaribhaṅgesu, niddhāraṇe bhummaṃ. Yanti sabbiādikaṃ. Appahotīti sabbesaṃ bhikkhūnaṃ nappahoti. Tanti sabbiādikaṃ, sampādehīti sambandho. Tādisaṃ sabbiādikanti sambandho.
ਯਂ ਭਤ੍ਤਗ੍ਗਨ੍ਤਿ ਯੋਜਨਾ। ਹਤ੍ਥਧੋવਨਉਦਕਨ੍ਤਿ ਭੁਤ੍ਤਾવੀਨਂ ਹਤ੍ਥਸ੍ਸ ਧੋવਨਉਦਕਂ। ਅਨ੍ਤਰਾਤਿ ਭੋਜਨਸ੍ਸ ਮਜ੍ਝੇ। ਪਿਪਾਸਿਤੇਨਾਤਿ ਪਿવਿਤੁਂ ਇਚ੍ਛਨ੍ਤੇਨ। ਗਲੇਤਿ ਕਣ੍ਠੇ।
Yaṃ bhattagganti yojanā. Hatthadhovanaudakanti bhuttāvīnaṃ hatthassa dhovanaudakaṃ. Antarāti bhojanassa majjhe. Pipāsitenāti pivituṃ icchantena. Galeti kaṇṭhe.
ਨਿવਤ੍ਤਨ੍ਤੇਨਾਤਿ ਏਤ੍ਥ ਕਸ੍ਮਾ ਠਾਨਾ ਨਿવਤ੍ਤਨ੍ਤੇਨਾਤਿ ਆਹ ‘‘ਭਤ੍ਤਗ੍ਗਤੋ’’ਤਿ। ਕਥਂ ਕੇਨਾਕਾਰੇਨ ਨਿવਤ੍ਤਿਤਬ੍ਬਨ੍ਤਿ ਯੋਜਨਾ। ਕਸ੍ਮਾ ਨવਕੇਹਿ ਭਿਕ੍ਖੂਹਿ ਪਠਮਤਰਂ ਨਿવਤ੍ਤਿਤਬ੍ਬਨ੍ਤਿ ਆਹ ‘‘ਸਮ੍ਬਾਧੇਸੁ ਹੀ’’ਤਿਆਦਿ। ਨਿਕ੍ਖਮਨੋਕਾਸੋਤਿ ਪਠਮਤਰਂ ਨਿਕ੍ਖਨ੍ਤੋਕਾਸੋ। ਪਟਿਪਾਟਿਯਾਤਿ વੁਡ੍ਢਪਟਿਪਾਟਿਯਾ। ਧੁਰੇਤਿ ਗੇਹਦ੍વਾਰਸ੍ਸ ਸਮੀਪੇ। ਧੁਰਸਦ੍ਦੋ ਹਿ ਇਧ ਸਮੀਪવਾਚਕੋ। ਨવਕਾ ਅਨ੍ਤੋਗੇਹੇ ਚੇ ਨਿਸਿਨ੍ਨਾ ਹੋਨ੍ਤੀਤਿ ਯੋਜਨਾ। ਅਨ੍ਤਰੇਨਾਤਿ ਭਿਕ੍ਖੂਨਂ વਿવਰੇਨ, ਮਜ੍ਝੇਨ વਾ। વਿਰਲ਼ਾਯਾਤਿ ਤਨੁਕਾਯ।
Nivattantenāti ettha kasmā ṭhānā nivattantenāti āha ‘‘bhattaggato’’ti. Kathaṃ kenākārena nivattitabbanti yojanā. Kasmā navakehi bhikkhūhi paṭhamataraṃ nivattitabbanti āha ‘‘sambādhesu hī’’tiādi. Nikkhamanokāsoti paṭhamataraṃ nikkhantokāso. Paṭipāṭiyāti vuḍḍhapaṭipāṭiyā. Dhureti gehadvārassa samīpe. Dhurasaddo hi idha samīpavācako. Navakā antogehe ce nisinnā hontīti yojanā. Antarenāti bhikkhūnaṃ vivarena, majjhena vā. Viraḷāyāti tanukāya.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੫. ਭਤ੍ਤਗ੍ਗવਤ੍ਤਕਥਾ • 5. Bhattaggavattakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਭਤ੍ਤਗ੍ਗવਤ੍ਤਕਥਾ • Bhattaggavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਭਤ੍ਤਗ੍ਗવਤ੍ਤਕਥਾવਣ੍ਣਨਾ • Bhattaggavattakathāvaṇṇanā
