| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бхад̇д̇аг̇г̇авад̇д̇агат̇ааван̣н̣анаа
Bhattaggavattakathāvaṇṇanā
364. мануссаанам̣ баривисанадтаананд̇и яад̇т̇а мануссаа сабуд̇д̇ад̣̇аараа аавасид̇ваа д̣̇знд̇и. хад̇т̇ад̇хованауд̣̇агам̣ санд̇хааяаад̇и бхуд̇д̇аависса бхож̇анаавасаанз хад̇т̇ад̇хованауд̣̇агам̣ санд̇хааяа. д̇знзвааха ‘‘анд̇араа бибаасид̇зна бана…бз… хад̇т̇аа на д̇ховид̇аб̣б̣аа’’д̇и. бод̇т̇агзсу бана ‘‘баанийяам̣ бивид̇ваа хад̇т̇аа на д̇ховид̇аб̣б̣аа’’д̇и ликанд̇и, ‘‘хад̇т̇аа д̇ховид̇аб̣б̣аа’’д̇и баатзна бхавид̇аб̣б̣анд̇и амхаагам̣ канд̇и. ан̃н̃ат̇аа ‘‘на д̇аава уд̣̇аганд̇и ид̣̇ам̣ хад̇т̇ад̇хованауд̣̇агам̣ санд̇хааяа вуд̇д̇а’’нд̇и вад̇ваа ‘‘анд̇араа бибаасид̇зна банаа’’д̇иаад̣̇инаа вуд̇д̇ависзсо на убалаб̣бхад̇и. ат̇а мад̇ам̣ ‘‘на д̇аава т̇зрзна уд̣̇агам̣ бадиг̇г̇ахзд̇аб̣б̣анд̇и ид̣̇ам̣ гим̣ баанийяабадиг̇г̇ахан̣ам̣ санд̇хааяа вуд̇д̇ам̣, уд̣̇ааху хад̇т̇ад̇хованауд̣̇агаг̇г̇ахан̣ам̣ санд̇хааяаад̇и аасан̇гаанивад̇д̇анад̇т̇ам̣ ‘ид̣̇ам̣ хад̇т̇ад̇хованауд̣̇агам̣ санд̇хааяа вуд̇д̇а’нд̇иаад̣̇и гат̇ид̇а’’нд̇и, д̇ан̃жа на, д̇ад̇т̇а аасан̇гааяа зва асамбхавад̇о. на хи бхаг̇аваа ‘‘яаава ан̃н̃з на бхуд̇д̇аавино хонд̇и, д̇аава баанийяам̣ на баад̇аб̣б̣а’’нд̇и вагкад̇ийд̇и саггаа вин̃н̃аад̇ум̣. яад̣̇и жзд̇ам̣ баанийяабадиг̇г̇ахан̣ам̣ санд̇хааяа вуд̇д̇ам̣, ‘‘на д̇аава т̇зрзна уд̣̇агам̣ бадиг̇г̇ахзд̇аб̣б̣а’’нд̇и уд̣̇агасад̣̇д̣̇аббаяог̇о жа на гад̇д̇аб̣б̣о сияаа, адтагат̇ааяан̃жа ‘‘ид̣̇ам̣ хад̇т̇ад̇хованауд̣̇агам̣ санд̇хааяа вуд̇д̇а’’нд̇и вад̇ваа д̇зна нивад̇д̇ид̇аб̣б̣амад̇т̇ам̣ д̣̇ассзнд̇зна ‘‘анд̇араа бибаасид̇зна бана г̇алз вилаг̇г̇аамисзна ваа баанийяам̣ бивид̇аб̣б̣а’’нд̇и зд̇д̇агамзва вад̇д̇аб̣б̣ам̣, ‘‘баанийяам̣ бивид̇ваа хад̇т̇аа на д̇ховид̇аб̣б̣аа’’д̇и звам̣ бана на вад̇д̇аб̣б̣анд̇и. д̇хурз нисиннаа хонд̇ийд̇и д̣̇ваарасамийбз нисиннаа хонд̇и.
364.Manussānaṃ parivisanaṭṭhānanti yattha manussā saputtadārā āvasitvā denti. Hatthadhovanaudakaṃ sandhāyāti bhuttāvissa bhojanāvasāne hatthadhovanaudakaṃ sandhāya. Tenevāha ‘‘antarā pipāsitena pana…pe… hatthā na dhovitabbā’’ti. Potthakesu pana ‘‘pānīyaṃ pivitvā hatthā na dhovitabbā’’ti likhanti, ‘‘hatthā dhovitabbā’’ti pāṭhena bhavitabbanti amhākaṃ khanti. Aññathā ‘‘na tāva udakanti idaṃ hatthadhovanaudakaṃ sandhāya vutta’’nti vatvā ‘‘antarā pipāsitena panā’’tiādinā vuttaviseso na upalabbhati. Atha mataṃ ‘‘na tāva therena udakaṃ paṭiggahetabbanti idaṃ kiṃ pānīyapaṭiggahaṇaṃ sandhāya vuttaṃ, udāhu hatthadhovanaudakaggahaṇaṃ sandhāyāti āsaṅkānivattanatthaṃ ‘idaṃ hatthadhovanaudakaṃ sandhāya vutta’ntiādi kathita’’nti, tañca na, tattha āsaṅkāya eva asambhavato. Na hi bhagavā ‘‘yāva aññe na bhuttāvino honti, tāva pānīyaṃ na pātabba’’nti vakkhatīti sakkā viññātuṃ. Yadi cetaṃ pānīyapaṭiggahaṇaṃ sandhāya vuttaṃ, ‘‘na tāva therena udakaṃ paṭiggahetabba’’nti udakasaddappayogo ca na kattabbo siyā, aṭṭhakathāyañca ‘‘idaṃ hatthadhovanaudakaṃ sandhāya vutta’’nti vatvā tena nivattitabbamatthaṃ dassentena ‘‘antarā pipāsitena pana gale vilaggāmisena vā pānīyaṃ pivitabba’’nti ettakameva vattabbaṃ, ‘‘pānīyaṃ pivitvā hatthā na dhovitabbā’’ti evaṃ pana na vattabbanti. Dhure nisinnā hontīti dvārasamīpe nisinnā honti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бхад̇д̇аг̇г̇авад̇д̇агат̇аа • Bhattaggavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
